اعلان 1 اعلان 1 اعلان 1 اعلان 1 اعلان 1 اعلان 1


جارتنا أم سعد .. تدخن ..!

الموضوع في 'ملتقى إستراحة الأعضاء' بواسطة مـنـاحـي, بتاريخ ‏2011-06-21.


  1. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    مسائكم طرب ..!


    .


    .



    اليوم بعد العصر كنت أتقهوى عند الوالدة الله يشفيها ويخليها لي ..!



    الموهيم وحنا نتقهوى جتنا جارتنا أم سعد ( من القواعد من النساء ) عادي أجلس معها وأتقهوى ..!



    لكن أم سعد هالمره ماهيب على طبيعتها الي أنا خابر .. مزوحه ودايم تذب علي بالمزوح ..!



    هالمره متوتره ومغير تتحلطم .. وبيدها كيس " تومي به " << يعني تلوح به ..!



    جلست حتى السلام ماسلمت .. قالت لها أمي وش فيك يا أم سعد حتى السلام ماسلمتي ..!



    هنا أم سعد أخذت نفس عميق وبعدها شربت كاس ماء << ناشفن ريقها ..!



    قالت توني جايه من عند الخياط فيه ذا الهندي الجديد .. مهبول ودبشه ولا يفهم ..!



    عاد أنا تدخلت وقلت يا خالتي هدي أعصابك وإذا الهندي قايلك شئ علميني وش قال واروح العن خيره << طبع سعودي تحط حرتك بالهنود والبنقاليه بس ..!



    قالت ماقالي شئ مير ثيابي خربها وأروح بها بريحة الدخان كل مره أقولها لا تدخن وأنت تخيط ثيابي ..!



    والله أني ماعاد ألبس الثياب الي يخيطها حتى لو غسلتها أشم فيها ريحة تتن .. الهندي ذا ملعون صلايب ولا يفهم << هذا كلام أم سعد مثل ماقالت ..!



    قلت الله يطول بعمرك .. الهندي مايقدر يخيط الثياب زين لين يطن له كم زقاره عشان يمخمخ بالشغل ويخيط الثياب مضبوط ..!



    قالت جعله بالماحي .. أنا معلمته كم مره مير مايفقه العلم ولا يفهم .. الي قبله مايدخن ويخيط مضبوط هو ليه مايسوي مثله .. حسبي الله عليه وعلى من جابه << برضو نص كلام أم سعد بالحرف والحركات بعد ..!



    قلت لها ولا يهمك أنا بروح أعلمه وبفهمه وإن شاء الله ماعاد تشمين الدخان بثيابك ..!



    .


    .



    صراحة أم سعد معها حق .. وبنفس الوقت الهندي معه حق .. !



    بالله عليكم كيف يبي يخيط الهندي الثياب من غير مايدخن .. هذا شغله ولازم يعدل الطاسه بالشغل ..!



    يمكن تقولون خل أم سعد تروح لخياط ثاني .. هي ودها لكن هذا قريب مره وبالحاره .. وأم سعد ماعندها الي يوديها لخياط ثاني .. ..!



    يمكن مره ثانيه تقولون .. وين ولدها سعد مايوديها .. سعد أسم بس .. ماله وجود هي ماعندها الا 3 بنات وكل وحده ببيتها مع زوجها .. وحدانيه هي وشغالتها << ياكرهي لشغالتها ..!



    أم سعد بالنهاية قالت أن مافهم هالمره .. ولا ترا بشتكيه على الشرطه .. راح فيها الهندي عشان بكت دخان ..!


    .


    .



    سؤال للنسوان : قد صارت معكم نفس هالمشكلة قبل تسذا ..؟




    .


    .






    خارج النص :



    وحده شينه تقول لزوجها : وش الفرق بيني وبين غادة عبدالرازق ؟

    قالها أبد هي غادة
    وانتي عبدالرازق:biggrin:



    .


    .




    خويكم



    موصاحي




     
  2. وكيلة 26

    وكيلة 26 مراقبة إدارية مراقبة عامة

    10,049
    35
    48
    ‏2011-02-25
    .......
    موضوع تووحفة ياليت تسوي موضوع متجدد عن يوميات ام سعد :clap:

    نجي للسؤال صادقة والله ام سعد فيما قالت والله لو تودي قطعة ماتقعد الاساعة عند الخياط
    لترجع بريحة الدخان بس فكرت فيها ماهناك حل على قولك لازم يركز في شغله
     
  3. الدور الثاني

    الدور الثاني تربوي جديد عضو ملتقى المعلمين

    5,019
    0
    0
    ‏2009-05-07
    .......
    شكراموصاحي لك وحشة غايب هاليومين

    يا حوووول يام سعد..الله يكون في عوونها..
    يسلمو
     
  4. عمر الزهراني

    عمر الزهراني <font color="#990000">مراقب عام </font> مراقب عام

    6,050
    0
    0
    ‏2010-01-31
    سؤال محرج جدا جدا جدا
    الحمدلله أن أمي ماقد شكتلي عن مثل هذا الحال ولكن صدقة أم سعد وش حيلتها غير الشرطة خخخخ

    الله يعينها يالموصاحي ...
    وش رأيك يالموصاحي تسوي خير فيها وتأخذ قماشها وتودي عند خياط ثاني <<<أبلشتك صح:tongue:
     
  5. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    عسى الخيااط بالمااااااااااااااااااحي







    ههههههههههههههههههههههه



    فهمه لا يدخن اذا ثيااب ام سعد عنده












    اما خاارج النص تووحفه







    الحين تجيك غااده راافعه عيونها فووق
     
  6. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه
    لا الحمدلله ماقد صار معنا كذا الا في كل مره اخيط عند خياط تجي الملابس ريحتها زجاير

    لدرجة قمت احلم اني ادخن اكثر من مره وراودتني نفسي مير اعوذ بالله من النفس الاماره بالسؤ

    غير كذا ماصار معنا مثل ماصار لجارتكم ام سعد بتاتا

    الحمدلله
     
  7. أبو فيصل السبيعي

    أبو فيصل السبيعي عضو مجلس إدارة الموقع عضو مجلس الإدارة

    3,554
    0
    0
    ‏2008-01-03
    معلم
    شكراً موصاحي شرفت الحته

    لعل العممايل كلهم بالماحي ولعل البناء بالبلكة اللي تهت راسه >>>>>>>>>>>> حلوة تهت تصلح لأم سعد
     
  8. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    مو صاحي ومسلسل الابداع

    حياك وسلم ع ام سعد نيابة عن الملتقى واللي ساكنن فيه:icon30:

    الله يسعدها

    معذورة تصدق صارت لي مشكلة لكن مع حلاق مغربي الله يخرب بيت اللي خلفوه
    حلق دقن طلعت روحي قبل يخلص من ريحته :no:


    بهالحالة وانا أخوك مالك الا تركبها بالددسن واقرب مشغل نسائي وتأخذ أجرها طبعا بدون الشغالة :crazy:




    خارج النص : لا تكثر جلسة مع العجز



    تشكرات مو صاحي
     
  9. ياليل مطولك

    ياليل مطولك تربوي جديد عضو ملتقى المعلمين

    5,247
    0
    0
    ‏2011-03-14
    انتظر الثبيت


    دائمــــــــــــــآ افكآرك لك عليهااااا


    انا بصرااااحه اللي فهمته من قصتك انك تشجع على التدخييين ..!



    ترى فيه ناس يحسبونك معلم ويتخذوونك قدووه..!



    الله يعينك على نفسك ...


    ترى اذااااا ما روضتهآآآآ اتعبتك ..

    لآ عآد تعودهآ ..
     
  10. Ĝђẩ₫ắ

    Ĝђẩ₫ắ عضوية تميّز عضو مميز

    5,689
    3
    0
    ‏2011-03-02
    عاطله
    اكثر ما كثر ربي المشاغل النسااائيه < خياااطااات يعني



    مخرج / مالها حق صراحه ام سعد ما تحب ريحة الدخااان :nosweat:
     
  11. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    والله مشكله يالصاحي بجد الهندي ماينلام يوم كنت هندي ههههههههههههههههههههههههه قصدي كنت ادخن ماكنت اطيق اشتغل الا بسجاره وخاصه بعد الفطور برمضا تصلي مسطوووووول وام سعد ماتنلام والله ريحة الدخان مقرفه بجد انا بطلت من اربع سنوات تصدقون اضراره باقي للان والله ياريحة المدخن انها ابشع ريحه فوق وجه الارض هههههههههههههه يسعدك ربي ياقمرر
     
  12. Saяah

    Saяah مراقبة إدارية مراقبة عامة

    6,978
    18
    38
    ‏2011-04-19
    معلمة
    قالت جعله بالماحي .. أنا معلمته كم مره مير مايفقه العلم ولا يفهم ..

    :icon30:عجبتني مره .. سلم لي على جارتكم ام سعد

    تسلم الاياادي استاااذ موصاحي على الابدااع

     
  13. غالب عسيري

    غالب عسيري عضوية تميّز عضو مميز

    2,890
    0
    0
    ‏2010-03-14
    معلّم
    عسى صباحك سعيد وفرح مديد يا الغالي ...
    حبيت أصبح عليك بس ...
    الموضوع ما لي دخل فيه >>> خاص بالنسوان ^^
    ...
    ...
    بس عبدالرازق حكـــــــآآآآآيه ... خخخخخخخ
     
  14. أم الفهود

    أم الفهود طاقم الإدارة مراقبة عامة

    2,624
    0
    0
    ‏2009-11-06
    مشرفة تربويه في قسم رعاية الموهوبات
    دائما مبدع يا أبو قلب زاكي تسلم وتسلم حكاياتك
    والشينة اللي تسأل زوجها عن وجهها تراها معذورة المراية دائم تكذب والمسكينة صدقت
     
  15. طموحة بلاحدود

    طموحة بلاحدود تربوي جديد عضو ملتقى المعلمين

    576
    0
    0
    ‏2011-04-13
    معلمة
    بعذرها جارتكم .. هو فيه احد يحب الدخان ولا المدخن
    في كل مكان نلاقي تدخين .. بالمولات والاماكن العامة والمطارات ..
    أوووووووووف .. ياااااااني أكرة الدخان بشكل ... :icon28:

     
  16. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!




    كأنك تدرين عن سوالف أم سعد .. والله ماهيب شينه أسوي يوميات عن سوالف أم سعد :biggrin:

    لها قصص واجد ومواقف معي شخصياً .. لكن وش أسوي جاره ولها حقين .. حق الجيره وحق كبر السن ..!

    يعني معاناة أم سعد .. صايره على كل النسوان .. يعني هذي ظاهره ولازم لنحصل لها حل :tongue:

    لكن تبون شوري .. خلوا الخياطين يدخنون .. والمصلحة بالأخير لكم يالنسوان ..!


    تشكرات أوي وكيله ..!​
     
  17. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    تسلم يا الغالي ..!

    وصدقت الله يكون بعون أم سعد .. وبرضو الله يكون بعون الهندي ..!​
     
  18. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    أم سعد جاده بالشكوى .. تقوله أمس لو شميت ريحة دخان بثيابي مره ثانيه بشتكيك ..!

    أنا ودي أنها تشتكيه .. بشوف الشرطه وش بتكون ردة فعلهم .. أو وش بيكون الحل عندهم ..!

    على طاري أبلشتك .. قد نشبت لي أم سعد مره وأنا طالع من البيت وركبت معي بالسياره وهاتك مشاوير مره السوق ومره سوق الخضار :tongue:

    لكن تستاهل أم سعد أي والله ..!

    تشكرات عمر أفندم ..!
     
  19. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    فهمته البارح .. عاد وش يقول .. أنا سوي خياطه ثوب لازم دخان << وهو صادق :tongue:

    قلت له اجل الله يعينك على أم سعد ..!

    تشكرات مشعل .!
     
  20. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ياحليلك يا أم سعد .. أثاريك إمرأة عصاميه :tongue:

    تعالي شوفي كلام شتات .. تقول راودتني نفسي ..:tongue:

    بعدين حرام عليك تردين شئ بنفسك كان شريت بكت ودخنتي لك زقارتين تعدل الطاسه عندك<< يحب يفسد خلق الله دايم :tongue:

    طيب يا شتات .. وش الحل بنظرك .. أعطي الهندي معطر جو وأقوله بخ على ثياب أم سعد بعد ماتخلصهم ..<< تصدقين فكره وليدة اللحظه :tongue:

    تشكرات شتات ..!​