اعلان 1 اعلان 1 اعلان 1 اعلان 1 اعلان 1 اعلان 1


" قال وش حدك على المر " قال الي أمر منه "

الموضوع في 'ملتقى إستراحة الأعضاء' بواسطة مـنـاحـي, بتاريخ ‏2008-12-22.


  1. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    السلام عليكم الرحمن الرحيم

    مبطي ماعلمتكم بعلومي وقفشاتي والجريات الي تصير عليه في حياتي الطبيعية

    عاد اليوم بعلمكم بسالفتي مع أحد المستوصفات الخاصة " بالديرة " .

    عندنا بالديرة مافيه الا مستوصفين خاصة وكل مستوصف يقول " الزين عندنا والشين حوالينا " ... وكأنهم محلات ملابس نسائية ... ويقدمون عروض سنوية .. وشهرية .. وأسبوعية ... وكذلك يوميه ... وفورية ..!!!

    يعني تخيلوا واحد فيكم يروح يكشف عند أي مستوصف منهم وبعد ما يقول أبغى مثلا دكتور الباطنية ولا الجلدية .. يعطونه هديه مجانية تنظيف أسنان مجاناً جلسة وحده بس ...

    وعاد إذا دروا عنه المستوصف الثاني قامت قيامتهم وحطوا عرض أقوى من عرضهم يعني تطلب الكشف عند أي دكتور يعطونك هدية تحليل دم شامل ...!!!

    ماباقي الا يوزعون أبر " الأنسلوين مجاناً " على كل الزبائن سوا فيك " سكري " ولا لا .

    لب الموضوع ياحبايبي أنه طرحتني الحمى ومعها الزكام الله لا يوريكم ... وقلت بروح لأحد هالمستوصفين أبرك وأسرع من " المستشفى الحكومي " الي مايعرفون غير المضادات الحيويه والبنادول " وحبة صباح وحبة مساء " ...!

    والله قاهريني حقين الحكومة صراحة دكاتره وكل دكتور حط لوحة أكبر من جبهته على الباب " الدكتور / حسني أبو الفتوح ( طبيب عام ) " ... وإذا دخلت عنده حصلته يقرأ في رواية أجنبية ولا يهش الذبان .. وعند التشخيص يقعد نص ساعة وهو يكشف ويسأل وأنت هاد حيلك المرض وهو يبي يسولف " أنعن أم التشخيص بس " .

    وآخرتها يكتب لك على " ورقة تقويم " وصفة العلاج .. ولا بعد يكتبها بخط ما ينقري .
    مدري وشلون يقراها الصيدلي والظاهر إن الصيدلي إذا تورط ولا عرف يقرأ عطانا مضاد وخلاص ولا بنادول وقالك حبة صباح وحبة مساء ... !!

    معليش شطحت عن سالفتي ... الموهم ....

    رحت للمستوصف وكان الوقت متأخر تقريبا الساعة 2 آخر الليل .. ولا حصلت الا هندي نايم بالأستقبال ذكرني منظره بالهنود الي بالشقق المفروشه تحصلهم نايمين ورا الطاولة الكاونتر حقت الشقق وفاتحن خشته والذبان مستمتع بالدخول والخروج من مغارة " راجوا كومار " ...!!!

    ناديت الهندي وبالقوة قام من نومته .. رفع رأسه وطالع فيني وقالي " ايس فيه " ..؟

    هذه الجملة الي غاثتني بطاش ما طاش " ايس فيه " وكل هندي وبنقالي يسوي فيها مستدلخ يقولها .. رديت عليه وقلت له أبغى الدكتور .. قالي أيس فيه مره ثانية بس هالمره يسأل عن المرض الي فيني عشان يشوف الوجع الي فيني يبي يشخص حالتي !

    قلت حمى وحراره وزكام وأقوم أعطس عنده عشان يفهم .. وآخرتها قالي "امممممم "

    خلاص " سديق " أنتا فيه إنتزار هنا .. شويه يزي دكتور ... بس لازم أدفع فلوس قلت طيب وهذي الفلوس .. بس أخلص ...

    دفعت الفلوس وأنتظرت حوالي " النص ساعة عشان يجي الدكتور .. وقلت بنفسي والله لو أنه بغرفة العمليات يمديه خلص ... جلست أنتظر والشكوى على الله ..

    وبعد النص الساعة جاني الهندي قالي تعال دكتور فيه ... تبعت هالمسؤول !!!

    وتوجهنا لغرفة الدكتور / نبيل جمال كما هو مكتوب على اللوحة الي على الباب ..!!

    ويوم دخلت وقفت عند الباب وطيرت عيوني في الي جالس على المكتب الا هي " حرمه "
    رجعت وقريت اللوحة ثاني مره يمكن المرض خلا الفيوزات تضرب عندي الا الاسم اسم رجال والي بالعياده " حرمه " ... لكن الي هون علي الصدمة والمفاجأة إبتسامتها خلتني أنسى الوجع كله ...

    دخلت وسلمت وجلست على الكرسي والهندي واقف عند الباب وأنا أقول بنفسي يعني مسوي محرم الحين أنت وخشتك .. سبحان الي خلق وفرق ...

    سألتني " الدختوره " وقالت .. أيه مالك يا " قميل " بتشكي من أيه ..؟
    هي قالت ياقميل حسيت أن الوجع نزل في رجولي ....ههههههههههههههههه
    قلت يادختوره جعل عيني ما تبكيك فيني حمى وحراره وزكام وودي أتنوم عندكم لو ليلة بس .. قالت لالالا إن شاء الله بسيطه ماتشلشي هم .. وقامت وقالت لي تعال معايه
    والبوديقار حقها أبو هنود معنا دخلنا غرفة للتنويم وقالت نام على السرير ده ...!!
    وأخذت تقيس الحراره والضغط وتسأل عندك " كام سنه " قلت وأنا فاتحن كشرتي " تديني كام على شكلي " << من زينك أنت وخشتك خخخخخخخخخخخخ

    قالت واللهي على شكلك الحلو دا << أبوك يالمجامله بس .. أديك 23 وأنا الي ترتفع حرارة جسمي شوي وينفجر مقياس الحراره من زود الوناسه طبعا قلت تقريباً يادختوره قالت العمر كله ياقميل ... !! أذبحني عند كلمة ياقميل .. مع أنها تشبه كلمه " قمل " لكن ماعليه راضي فيها ...!!

    قامت وحطت فيني " مغذي " وأستانست دريت أني بطول عندهم وقالت بعد المغذي راح أديك أبره كمان قلت خووذي راحتك لو تبيني كل يوم أجي أخذ أبره وهي تضحك وتقول دمك خفيف ياقميل .. ياليل البعارين حنا وقميل ذي .. الموهم ..

    بعد ماحطت المغذي فيني قالت أسيبك تستريح وأنا موجوده جنبك بالعياده إذا عُزت أي حاقه أندهلي .. قلت طيب ماتخليك يادختوره نضيفك أي حاقه << في بيته الأخووو

    وطلعت من عندي وهي تضحك وأكيد تقول بنفسها " ياربي لك الحمد والشكر "

    جلست نايم على سريري وأبو هنود ساحبن له كرسي وجالس يراقبني يحسبني بقوم أسوي شئ ...!!

    خلص المغذي وماصدقت أنه يخلص وأنا قبل شوي مستانس يوم حطته بيدي لكن الحين أبيه يخلص عشان ترجع لي .. صحت على الهندي قلت قم ناد الدكتوره كلها تجي عساك تسد قبرها أنت وخشتك ...!!

    راح ونادى الدكتورة ودخلت عليه وهي مبتسمه إبتسامه خلت ماء المغذي والدم ترجع بالعلبه على طول .. جتني وقالت هاه أزيك دلوئتي ياقميل .. قلت بشوفتك يادختوره طيب لكن بشوفة بعض الناس وأطالع في الهندي مانيب ببخير ...

    قالت لا إن شاء الله تبقى كويس بعد الأبرة الي " هاتاخدها " دلوئتي .. قلت إن شاء الله يادختوره الله يكتب الشفاء على إيديك ... قالت " أوم " بئى عشان أديك الأبره وتمشي تروح لبيتكم .. قلت خليني هنا يمكن تزيد حالتي ولا شئ قالت لاء خلاص حاتبئى كويس إن شاء الله ..

    الموهم عطتني الأبره وقالت بائي الفلوس ياقميل أديها للعامل قلت أنتي ما تبين شئ سلف غرض حاجه .. وترد علي وهي تبتسم وتقول " لا ياعسل مش عايزه منك الا أنك تبئى كويس " هي قالت هالكلام .. وأنا الي أمسك أبو هنود وأقوله كم تبون ألف ألفين تحت آمركم يالمسؤول ...

    قال " جيب تلات ميه " عطيته خمسمية وقلت الباقي عطه الدختوره طالع فيني أبو هنود وعرف أني أنهبلت ورجع لي الباقي وهو متعجب من حالتي ...!!

    أخذت الباقي ورجعت أبي أشكر الدختوره على الي سوته ولا حصلتها دورت بغرفة التنويم ولا حصلتها بعد ... رجعت للهندي وين دكتوره قالي " فيه روه سوي نوم في سكن هق هوا " ..

    بعدها عرفت أني ما أقدر أشوفها عشان أشكرها بس ترا ماهوب قصدي شئ ثاني ياعيال ..
    وقلت بكرة أجيها وأشكرها وفبل لا أطلع أخذت أٍسمها من الهندي وقالي أسمها ( سهر ) يعني سحر .. قلت عز الله إنها سحر ..!!!

    رحت للبيت وأنا فكري مشغول وقعدت أقول معقوله يكون صحيح الكلام الي يقول " الحب من أول نظرة " ..!! << تكفى يلي قلبه خضر ..!!!

    حاولت أنام ولا قدرت مغير أفكر في هالدكتورة وإبتسامتها وكلمتها " ياقميل " ...!!!

    سرقني النوم ولا صحيت الا الساعة 11 صباحاً قمت وأنا مفزوع " كم الساعة " " الدكتورة " صرت أهرج نفسي بسم الله عليه ... !!

    قمت وتوضيت وصلت الفجر الله يعفي بس .. ولبست ملابسي ورحت على طول للمستوصف وأن بالطريق قلت بأخذ هديه لها << مسوي فيها ذرب الولد
    مريت على السوق الي عندنا شريت باقة ورد وعطر نسائي حلو وحطيتهم بعلبه مغلفه وعليها ورود وحركات ...كلفتني حوالي ( 270 ريال ) !!!

    رحت للمستوصف وأول ما دخلت رحت للأستقبال وحصلت واحد سوداني بالكاونتر وسألته وين عياده الدكتورة ( سحر ) أشر على العياده ورحت لها ..

    وأول ما وصلت وقبل أدخل عليها لفت أنتباهي اللوحة الي على الباب وكانت الفاجعة والصدمة التي طرحتني أرضاً ... !!!

    تدرون وش مكتوب على اللوحة كان مكتوب ( الدكتورة / سحر أخصائية نساء وولادة ) !!!!!!!!!!!!!!!!!!!!!!!
    أنفجعت وحاولت أمسك نفسي حتى حسيت أني أبي أستفرغ .. والله شكيت أني وحده حامل جايه تراجع عند هالدكتورة ...!!!

    تشجعت وتماسكت وصرت أمشي وأنا مكسور الخاطر والعواطف وطلعت من المستوصف وهديتي معي رجعت للبيت وأنا تعبان أكثر من البارح ..!!

    وأقول طول الليل الي تعالجني دكتورة نساء وولادة معقوله !!!!

    وبعد كم يوم من هذه الحادثه صرت ( أتوحم على شابورة مع حمضيات ) أنعن أم الحاله والله خايف أنها حاطه بالمغذي منشط حق البويضات ولا شئ ....!!

    لا حول ولا قوة الا بالله العلي العظيم

    هذي يا أخوان سالفتي مع الهروب من مسشتفى الحكومة واللجؤ الا المستوصفات الخاصة ...

    آآآآآآآآآآآآآآآآآآآآآآه يادختوره سحر ... أجل أنا تكشف علي دكتورة نساء وولادة ...!!




    خارج النص :

    [​IMG]



    خويكم


    موصاحي


    :D
     
  2. أيمن السلمي

    أيمن السلمي مبدع ومتميز عضو مميز

    5,404
    1
    0
    ‏2008-10-30
    معلم متأهل
    أشكرك على الموضوع الرائع ... ياقميل:36_1_1[1]:

    موفق بإذن الله ... لك مني أجمل تحية .
     
  3. ضحوي آل الحارث

    ضحوي آل الحارث تربوي مميز عضو مميز

    4,676
    0
    0
    ‏2008-05-29
    English Teacher
    مو صاحي كل شي مو صاحي
    حتى الوحم موصاحي
    ااااااااااااااااااه يادكتوره سهرررررر لعبتي بالولد
    بعدين هي تقولك يا
    قميّيّل على وزن فعيّل
    من القمل وهو من يحمل معسكرات من القمل في شوشته.



    اذا لاعت كبدك تفضل
    ولا تخلي حد يدلعك ميمي

    [​IMG]


    [​IMG]


    بديت احس بالحمى والزكام
     
  4. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    حياك ربي أخوي أيمن ...

    دمت بحفظ الرحمن
     
  5. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    والله ياصقيقي ضحوي أنها سحبتني ع خشتي ... ياخي لا تذكرتها .. على طول آكل ( شابورة وبعدها حمضيات )

    حسبي الله ع سحر ...:36_1_1[1]:
     
  6. خالد السلمي

    خالد السلمي عضو سابق في مجلس إدارة الموقع عضو مميز

    10,828
    0
    0
    ‏2008-01-13
    معلم
    ههههههههههههههههههههههههههههههههه

    والله العظيم ضحكت حتى دمعت عيوني

    من جد أنت موصاحي

    عليك إسلوب في التسحيب خليتني أخذ الموضوع من أوله إلى أخره

    الله يحفظك من العين
     
  7. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    عساها دووم هالضحكه أخوي الغالي خالد ...

    وحاشاك من التسحيب والخرفنه ..:36_1_12[1]:

    دمت بأفضل حال ..
     
  8. Reemal

    Reemal عضوية تميّز عضو مميز

    723
    0
    0
    ‏2008-06-02
    معلمة
    [align=center]خي الفاضل .. الصاحي ..


    عافاااااااااك الله وشفااااااااااااااااك من كل مرض .. وأبعدك عن المستوصفات الأهلية ..


    همسة ..


    لا يجوز للرجل أن يسمح للمرأة أن تعالجة ولا أن تمسه بأي حال ( إن لم تكن من محارمه ) ..

    لا طبيبة ولا ممرضة ولا غيرها .. [/align]
     
  9. صحاري 22

    صحاري 22 عضوية تميّز عضو مميز

    1,053
    0
    0
    ‏2008-10-16
    معلمه
    [align=center]الموضوع قميل قمال

    والوحم اقمل واقمل

    وخارج النص توحفه

    متميز دائما مووصاحي [/align]
     
  10. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    اللهم آمين ...

    جزاك الله خير أختي الفاضلة رمال ..

    وحفظك الله أنتي وأهل بيتك من كل مكروه ....
     
  11. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    الأجمل هو تواجدك المميز أختي صحاري ...

    دمتي بأفضل حال ...
     
  12. راضي الشمري

    راضي الشمري عضوية تميّز عضو مميز

    2,438
    0
    0
    ‏2008-01-20
    معلم
    لوووووووووووووووووووووول

    وربي بطنيييييييييي

    الله يرج ابليسك

    من اول الموضوع وانا اضحك

    بس عاد لاعاد تعيدها اسألها وش تخصصها مره ثانيه

    مشاء الله على اسلوبك الرائع

    شـكــ وبارك الله فيك ـــرا لك ... لك مني أجمل تحية .
     
  13. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    هلا بالغالي راضي

    عساه دوووم هالضحكة

    أنت تقوله صادز .. من بعد هالسالفة وأنا حريص على الأسماء:36_1_1[1]:

    دمت بأفضل حال ...