اعلان 1 اعلان 1 اعلان 1 اعلان 1 اعلان 1 اعلان 1


مواقف صاحبت سفرياتكم ......

الموضوع في 'ملتقى إستراحة الأعضاء' بواسطة صوت الشعر, بتاريخ ‏2011-07-03.


  1. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    بسم الله الرحمن الرحيم

    السلام عليكم ورحمة الله وبركاااته ...

    ...

    يسعد مساكم وأسعد الله صباحكم ... وجعل باقي أوقاتكم سعادة ... والله يهني سعيد بسعيده ... وأحلى تحية لزكي جمعه وطهطاااوي ......

    ...

    المهم ... لا تخلوا السفريات ... سواء داخلياً أو خارجياً من المواقف ... سواء مضحكه محزنه مرعبه ...و و و و....

    اللي يهمني هنا ... المضحك منها ...

    لذلك فضلاً .. وليس أمراً ... أي واحد يمر منها ..أتمنى يرمي له موقف موقفين ...

    حتى نستمتع بمواقف بعضنا ..

    ....

    وأنا رح أعطيكم من المواقف اللي مرّت علي خلال سفرياتي ...

    ...

    ودمتم سالمين

    مع تحيات أبوداليا... ​
     
  2. ♥ حنان ♥

    ♥ حنان ♥ موقوف موقوف

    7,037
    0
    0
    ‏2009-01-16
    .
    "

    موضوع راااايق

    المواقف كثير

    قد يكون لي عوده
     
  3. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    في أحدى سفرياتي ... تحديداً 1429 ... وكانت الوجهه مصر ...

    كان القروب مكوّن من محدثكم أبوداليا ... وأبورزان وأبوثامر ... كلنا تيتشر ... مدرسين يابخت اللي نربيهم
    ..

    كنّا قد حجزنا ورتبنا كل شي ... وكانت مدينة الإقلاع جدة ...

    ولما بقي على الرحلة ثلاث أيام رحنا لجدة .. على أساس نتسوق وملابس ومدري إيش ..

    المهم واحد من الشباب كان اللوك حقّه خليجي ... قام وقال ياعيال ... في القاهرة لازم نتزكرت ونشخّص ونصير على الموضة ... قلنا له الله يقويك

    قام الأخ ومسح الدقن والشنب ... وراح وجهه تقول كوووع ربع بوصه .... والله مافيه فرق بينه وبين البزبوز إلا أنه إنسان

    وصار شكله مضحك شوي ... طبعاً هو مقتع في شكله وأنه رزّه ...

    يوم جت ليلة الرحله وهو يجينا إتصال من الديرة ... فحواااهـ ... حلوه فحواه ... مثقف ...

    إن عم خوينا اللي مسح لحيته صار عليه حادث وفي المستشفى .. تعبان ...

    قلنا لخوينا وش رايك ... قال مقدر أروح لمصر ... قلنا نأجل الرحلة طيب ... ودبرناها وتأجلت

    بقينا على شكله ... واللوك حقّه

    مافي وجهه ولا شعره ألا رموشه وحجّانه بس ...

    قال بجلس في جده لين ينبت وجهي وأجيكم وهو يجلس في جدة إسبوعين ... ويوم جا للديرة لعمه قد طلع من المستشفى والأمور زينه ومستتبه ...

    بعدها رجعنا لجدة على أساس نسافر ... قلنا له يبوفلان ... اللوك لازم تهتم فيه ...

    قال والله ماعاد ألمسها ...


    وتوته توته خلصت الحتوته​
     
  4. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    حيّاك الله أختي غيمه ....

    وأسعدني مرورك ... ويسعدني تواجدك ومشاركتك

    دمتي بكل سعادة
     
  5. CHANEL..

    CHANEL.. مراقبة عامة مراقبة عامة

    3,262
    0
    36
    ‏2009-03-17
    معلمة
    هههههههههههههههههههههههه

    مدري وش يحسون فيه بدون شنباتهم

    لي عوده مع مواقف السفريات ابو شلاخ
     
  6. Saяah

    Saяah مراقبة إدارية مراقبة عامة

    6,980
    18
    38
    ‏2011-04-19
    معلمة
    يعطيك العاافيه ابو استااذ ابو شلااخ موضوع راائع

    لي بااك باذن الله
     
  7. CHANEL..

    CHANEL.. مراقبة عامة مراقبة عامة

    3,262
    0
    36
    ‏2009-03-17
    معلمة
    بما ان الحديث عن مصر

    اخر مره نزلت فيها الاسكندريه كنت ماشيه لحالي متجهه للفندق

    اثناء المشي تحاصرت من 3 سيدات مصريات

    2 من الجنب ووحده امامي

    في ثانيه سقطت السيده اللتي امامي تستنجد وعلى طول لاشعوريا انحنيت لها اساعدها

    ظلت متمسكه في عبائتي وال 2 الباقيات ممسكات بنا

    اخيرا وقفت على قدميها وودعتها وانا كلي حزن على دوختها

    ركبن امامي الباص وانا انظر ،

    مشيت شوي وقلبت شنطتي واكتشفت انها سرقت كل اللي كان عندي :no:

    حرمت بعدها اساعد اي احد :icon28:
     
  8. الدور الثاني

    الدور الثاني تربوي جديد عضو ملتقى المعلمين

    5,019
    0
    0
    ‏2009-05-07
    .......
    هلا ابو شلاخ على طاري مصر مرة من المرات لازمو علي ربعي الا اسااااااافر معهم لمصر..اقولك شي بعدين اكمل السالفة لان ما بي حيل اعذرني وانت اكثر وااحد يعذرني لاني منقهر ما سااااافرت هالسنة
     
  9. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    أبو داليا خويك الي ملط خشته ليكون لابس نظرات بعد ثم يصير اللوك مضبوط ..!

    لي عودة إن شاء الله بموقف برضو بمصر << يالبيه يالقاهره بس ..!
     
  10. سديم فرح

    سديم فرح عضوية تميّز عضو مميز

    5,557
    0
    0
    ‏2009-03-11
    معلمة


    انت متأكد انه مضحك شوووي ...انا اعتقد عكس ذلك :tongue:

    اسعد الله قلبك يا ابوشلاخ ... استمر حواااتيت السفر ماافي اجمل منها

    ننتظرك ... ولي عووودة ..
     
  11. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط

    هلا والله بأختي شانيل

    لاتقولين شي ... تراني ماسحن الشنب ... ههههههههه

    خلّي الشنب والدقن ... فيه أشياء أخرى ... مثلاً الكدش ... فعلاً مدري وش يحس فيه اللي مسوي كدش
    رايح راسه تقول عش غراب مهجور ...

    فعلاً الناس أمزجه ....

    ...

    أشكرك أختي على المرور
    وننتظرك
     
  12. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    أهلين أختي لجين ...

    والله يعافيك .. ويسعدني مرروك
     
  13. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط

    ههههههههههههه

    تستاهلين ... مسويه فيها راعية فزعات ...

    هههههههههههههه

    ...

    يا أختي في مصر بالذات ... تجردي من الأخلاق الحميدة تماماً ... خلي المساعدة والعطف والشفقة ...

    كلّها مصائد وحبائل ...

    ...

    بعدين الأهم سلامة راااسك أختي ...

    ننتظر مواقف أخرى
     
  14. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط

    هلا وغلا بأخوي الغالي الدور الثاني

    أفااا ... ليش ما كمّلت السالفة ...

    بعدين خلّي روحك سياحية ..إذا ماسافرت هالسنه بتسافر السنة الجاااية ... خلّي هالسنة إستراحة محارب
    ...

    عطنا من مواقفك ونخوك ...

    ننتظرك
     
  15. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط

    هههههههههه

    مايلبس نظّارات ... ونظره سته على سته ...

    أعرف من تقصد يامناحي ... ههههههه ... ماهوب اللي في بالك ...

    ....

    وننتظرك بفارغ الصبر ...عجّل علينا بالمواقف ... وياحبذا لو فيها شي عن السعلي والرقيعي

    ...

    تحياتي لك يبن العم
     
  16. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    وش رايك ... أنا قلت لك .. مافيه فرق بينه وبين البزبوز ألا إنه إنسان ...

    بعدين مبروك اللون الجديد ... عقبال الألوان الأخرى الأشد غمقاً ... هههههه

    ...

    خطوة عزيزة إختي رايد ... وتسعدني عودتك
     
  17. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~
    شآآآنيل..
    العوض برآسك يالغلآ اهم شي سلآمتك ،



    وموقف ابو شنب بصرآحة لآ يحسد عليه..:tongue:
    تسلم يمينك ابو دآليآ على طرح الموضوع ،،
     
  18. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    تسلم حياتك أختي نغم ...

    يسعدني مرورك ...

    ...
     
  19. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    الموقف الثاني

    لذات الشخص ...

    ...
    في سفرية لتايلند ... كان لأخونا أبوشنب ..( لقب جديد )...

    كان لأبوشنب موعد مع المواقف المضحكة ...

    أول موقف ...

    أول ماوصلنا لمطار بانكوك الدولي .... كان فعلاً في غاية الروعة والجمال والتقدم ....
    نزلنا من الطائرة وعلى طول رحنا نسوي فيزا الدخول .. والكل يرحب بنا ... وأول ماطلعنا مع البوّابة الرئيسية تخاطفونا حقين التكاسي ... وإتفقنا مع راعي تاكسي يوصلنا لمكاتب تأجير الفنادق .... لأن النظام هناك تستأجر عن طريق مكتب ... مو من الفندق مباشرة ... المهم .. في الطريق وحنّا رايحين للمكتب ... قال أخونا أبوشنب ... عيال ماتلاحظون مافيه حوااادث ...

    قلت أنا وخوينا الثالث ... تهباا ... فال الله ولا فالك ...

    ....

    هنا ... نتوقف ... نستكمل بعد الفااصل ....

    واصل ونفاصل ... قصدي فاصل ونواصل ...

    ...
     
  20. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    عدنا ... والعود أحمد زكي

    ...

    طبعّا ...

    اخونا أبوشنب قال هالكلمة ... ولم يكن يدر في خلده أنه سيحدث له حادث شنيع ... والحمدلله على كل حال

    ...

    جلسنا في بانكوك 3 أيام ... كانت عادية ... بإستثناء زيارة الملاهي المائية ... اللي فعلاً إستمتعنا فيها بحق ..

    بعدها رحنا لجزيرة بوكيت الساحلية ... ذات الشواطئ الساحرة والطبيعه الخلابة ...

    هناك في بوكيت طرأت علي فكرة ... قلت للشباب وش رايكم نستأجر دبّابات أبوكفرين ... طبعاً .. حنا في الطفولة محرومين من الملاهي ... حتى من الزحليقة محرومين ...

    قالوا الشباب ماعندك مشاكل ... كان أبوشنب أكثر واحد متحمس للفكرة ... طبعاً بجوار كل فندق تلاقي محل يؤجر دبابات بأنواعها ...

    إستأجرنا ثلاث دبّابات ...

    وكنّا مانعرف ولا حتى أبجديات التعامل مع هالدبابات ... لكن تعلمنا بسرعة .. حتى إن صاحب المحل ... قال لي ... دي يوكان درايف ... قلت له ... نووو .... بت آي ويل تراي ....

    ظهر عليه علامات التعجب ... تعلمنا قدامه ... ثم إنطلقنا من عندها بسرعه ... وأسمعه يقول

    أووووول آربيك كريزي .....

    ...

    المهم ... لفينا المدينة كلها مثل البرق ... وصاحبها مواقف خفيفة مضحكة ... ومتعه لاتوصف ...

    ليلة من الليالي كنت أنا وأبوشنب ... ورفيقنا الثالث مو معنا ...

    مريت أنا وهو على الفندق ... بغينا نجلس في اللوبي ... قلت له .. وش رايك بشاهي من عند أبويوسف ..أبويوسف صاحب مطعم مصري ... غاية في الأخلاق والطبخ شي ثاني

    المهم .. قال أبوشنب ماعندك مشكلة ...

    إنطلقت أنا أولاً ثم هو بعدي ... وأسمعه يترنم بأغنية عراقية ... اللي هي ... ياليتني من عرب شمر

    طبعاً هو يغنيها بطريقه خاطئه ... يقول ... ياليتني من عرب شمري ... ياليتني من عرب شمري ..

    غاب صوته عني ...كنت أمشي بالدباب 80 تقريباً ... ومتأكد إنه وراي ...

    المهم مريت على طريق ضيّق ومزدحم ... دايم نمر من عنده .... يوم عدّيت هالتقاطع ... سمعت صوت مسك فرامل وإصتدام قوي .... دقّني قلبي وخفت ... مع العلم إنّي واثق إن أبو شنب وراي ... لكني حسيت فيه شي

    رحت لمكان الحادث وكان قدامي ... ألا أشوف الدباب حق أبوشنب منقلب وكفرته تدور والناس مجتمعين على واحد ...

    وقلبي يعورني ... وتوقعت أسوأ شي

    يوم جيت لأبوشنب جالس على الرصيف ويطالع في الناااس مبهوووت ... وذراع يده اليمنى حمراء وكلها دم ...

    والخوذة الواقية للراس لافه على جنب وفيها طعجة ماهي صغيرة ...

    بصراحة بغى يوقف قلبي ....

    أبوثامر عسى ماباس ... مايرد علي ... بس يطالع فيني مبهوووت ....

    أبوثامر ... أبوثامر ... مايرد علي ... بس يطالع وعيونه مبحلقه فيني .... والناس متجمعين ..

    جانا الشرطي .. قال أستدعي الإسعاف .. قلت له ... لأ .... لأن الإسعاف يلزم فيه رخصة قيادة دباب وحنا مامعنا ...

    ...

    المهم في الأخير تكلم أبوثامر ...

    وش فيك ... قال وش السالفة وش اللي صار ...

    قلت له أنت وش اللي صار ... قال والله مدري ياناصر ... يوم تعديت التقاطع الخطر ... وأنا أمشي 110 على الدباب .. ومبسوط بالسرعة ...وتلمسني سيارة في الكفرة الخلفية ... ويختلف التوازن ولا عاد أدري عن شي

    المهم إن الرجال ... صار عليه حادث شنيع ... لولا الله ثم الخوذة ... كان رجع في تابوت ..لأن راسه إرتطم بالرصيف ... حسب قول شهود عيان ... لكن الخوذة بأمر الله حمت راسه ... والحمد لله

    طبعاً فقد الذاكرة يجي نصف ساعة ...الغريب في الأمر ... إن العرب واجد وكثير ... ما عرض علينا الفزعة ألا شاب واحد كويتي ... قال ياشباب تبون فزعه ... قلت له مشكور

    وجانا ولد ياباني ... شاف الدباب ما إشتغل .. وشغله لنا بطريقة مدري كيف سوّا ... الا الدباب شغال

    ...

    طبعاً ...

    يوم شفت أبو شنب سالم ... بعدها قعدت أضحك بطريقة هستيرية ... وتذكرته وهو يغني ... وتذكرت يوم يقول .. ماتلاحظون مافيه حوادث ...

    بصراحة قعدت أضحك بشكل خورافي

    ...

    رحنا للمطعم ... ثم قال لازم أعالج يدي ... رحنا لصيدلية مقابلة للمطعم ... لقينا فيه حرمتين عواجيز أمريكيّات ... سألوني ... وش المشكلة ... علمتهن بالحادث ... عرضن المساعدة بوصفة طبية ... قلت مافي مانع ... كتبوا لي وصفة أخذتها الصيدلانية .. وعطتنا علاج .. وحده بوحده ... مثل البنج ... بعده خويي يقول ماعاد أحس بشي ...

    ...

    هذا موقف الدباب ....

    ولي عودة

    ...

    مع ملاحظة إن أبو شنب لايجيد اللغة الإنجليزية إطلاقاً ... وأنا شوي أطقطق فيها ... معبر نفسي ...
    وخوينا الثالث معلم لغة إنجليزية .. ويجيد التحدث بطلاقة ...

    هنا أتوقف ... ولي لقاء فيكم ...إن يسر الله