اعلان 1 اعلان 1 اعلان 1 اعلان 1 اعلان 1 اعلان 1


اهداء للسحالي,,, والزعل مطلوب !!!

الموضوع في 'ملتقى إستراحة الأعضاء' بواسطة !¤~`][الشامخ][`~¤!, بتاريخ ‏2009-01-02.


  1. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة

    الزعل مرفووووووووووووووض
    ليس كما ورد في الاعلان خخخخخخخخخخ

    هذه أوصاف ( معظم النساء ) وان فاتني اوصاف ما قلتها ذكروني

    1-نوعية من البنات تشوفها في البيت غير وعند الناس غير ..
    على سبيل المثال:
    في البيت لو يجي أحد ويناديها .. تقول : هااااااااااااه
    لكن خارج البيت (السوق ، الجامعة ، لما ترد على التليفون .. الخ )
    تقول: سم او سمي طال عمرك هلا حياتي عفواً ماسمعتك اهلين.... الخ
    ليه كذا ليه !! خلك عادي قولي هااااااااه جوا البيت وبرى

    2-الملابس:

    أنواااااع الخلقنة في البيت .. يعني تلبس بنطلون بيجامة وبلوزة بيجامة !!
    لكن اذا طلعت .. لو تدخل مسابقة كان فازت .. بملكة الأناقة..!!
    طيب سؤال يطرح نفسه ؟؟؟ ليه ماتخلقنين في البيت وخارجه ؟؟
    أنا أقولكم ......افلقوني لووووول

    3-خفة النفس:

    ونسبتها قليلة جداً
    يعني أغلب بناتنا عجازات مثل شبابنا ..
    بعض البنات من العجز .. حتى العباية ماتلبسها .. تخلي الشغالة تساعدها .. (ياااااااااي بس)

    4-اذا تبون تعرفون البنت فضوية وإلا مرتبة .. شوفوا شنطتها اليدوية اللي تاخذها معها باستمرار ..
    مثلاً شنطت السوق .. بعض البنت الداخل شنطتها مفقود .. والخارج منه مرحوم !! يعني كل شي تلقونة فيذا الشنطة (مناديل ،قراطيس،علوك ، فواتير،غطا روج بدون روج ....الخ)
    والبعض الآخر من البنات لااا .. شنطتها أنتكة مثلها
    أنتكة= راعية ذوق

    5-راعية الحق والواجب:

    بعض النساء .. ماشالله عليها راعية حق وواجب مثلاً: زيارات عائلية .. مناسبات .. مساعدات للغير ...الخ ..كلها تقوم فيها
    لكن البعض اللآخر .. تقوم بالحق والواجب على حساب زوجها وبيتها وعيالها .. على سبيل المثال:
    تضغط على زوجها انه يوديها .. لبنت عم خال جد امها عشان توها ساكنة في بيت جديد ويبي لها زيارة ونزالة بعد .. بزعمها ان اللي تسوية حق وواجب
    طيب ورى ماتسوين حق وواجب في رجلك .. وتعفينه من الزيارت اللي مالها سنع
    أنا ماأقول انها لاتروح للزيارة .. لكن اذا تهيأت الفرصة لها من الأفضل انها تروح .. لكن مو على حساب شي آخر تقوم بالحق والواجب

    6-بعض البنات الله يهديهم مايفرقون بين الطلعة العادية .. والطلعة للجامعة .. والطلعة للسهرة !!!
    يعني الميك اب لكل هالطلعات واحد والبس والشعر كذالك ... يعني وووووووووووين رايحة بالله .. وشوله هالكلافة !! لازم تفرقين بين كل طلعة والآخرى .
    يعني انا ودي أسال بعض البنات خصوصاً اللي بالجامعة.. متى يمديك تقومين من النوم وتحطين ميك أب وخصوصاً انك بتروحين للجامعة؟؟ نفسي أسأل ذا السؤال بس أخاف اتهزأ !! عاد انا حساس (ياهوووووووووه ياحساس ) ومااحب احد يهزئني بعدين ماعاد اروح للجامعة من شدة التاثر
    يعني المفروض عزيزتي انك لما تقومين من النوم تكونين مطنقرة ولا تحاكين أحد مو تتمكيجين والله من الفضاوة
    لأن الزين زين لو قام من النوم .. والشين شين لو دعج عيونه (قاعدة ضروريه جداًًًًًًًًًًًً)

    7- الدلع :


    هذي غريزة في البنت .. يعني البنت اذا محد دلعها .. تدلع نفسها
    لكن فيه دلع عن دلع
    الدلع اللي يجي على سجيته ..يااااااااااااااااااااحلوة
    لكن الدلع المصطنع ..وووووووووواااااااااااااااااع ع ع ع يحوم الكبد ..أصلاً ماودك تحكي مع وحدة تصطنع الدلع.. وياكثرهم اللي من ذا النوعية .

    8- البنات النصابات :

    يمكن تستغربون لو قلتلكم ان فيه بنات نصابات ..لكن الصدق ينقال .. فيه وياشينهم .. عليهم نصبن موب صاحي ..!!
    يعني بعطيكم أمثلة ..
    ** تدرين ان أسير الشوق بكبرة جا يخطبني .. ورفضت لأنه بيسكني مع اهلة..
    ** شرت هذي التيور من هارفي نكلز كان عامل دسكاونت .. وهي شاريته من ابو عشره
    ** سارة ليه ماجيتي امس للحفلة ..
    أمس بصراحة كان زوراج بنت خالتي .. كان في شيراتون ..وهي نصابة جاينها خوالها من الديره .. ولا قدرت تروح للحفلة

    (أنواااااع النصب)

    9- مصلحجيات :
    وياااااكثرهم عندنا .. يتلزقون بصورة ميب طبيعية موب لله عشان .. حل واجب وإلا عشان فلان الفلاني يقربلك أو غيرة من المصالح .
    يعني ماتمشي معك لسواد عيونك .. عشان مصلحة بس .. وإن قضت المصلحة أتحدى ان طالعتك موب سلمت عليك ..

    10-تحمق :

    فيه نوعية من البنات تحمق بسرررررعة .. مثلاً ..لو تقولها .. وش ذا اللون موب زين عليك (من باب المزح ) ..عصبت وحمقت
    وقالت وش فهمك بالذوق يا قروي .. انت حدك جلابية من حلة البدوان ههههههههههههههه

    11-ابقولكم شي في صف بعض الشباب موب كلهم انا ماني منهم .. يعني يجيك شاب فـــــــــــــــــي حاااااااااالة موب يم أحد .. وتجي البنت تقول : شوفي هذا قليل الأدب من الصبح يلاحقنا .. مالت عليه .. ذا البايخ .. ودك من يسنعه .. والولد مووووووو حولها تلاقوونه مسيكين يفكر في شي ثاني
    تكفين شوفي شكلة بس انتي واغسلي يدك .. اصبري علي وبهزئه .. وهوووووو موب يمها الضعيف ... لكن تصير مع البنات كذا .. يظنون ظن سيء فيهم

    12-دلخة :


    عمركم شفتوا بنت دلخة هههههههه
    انا قد شفت بس لا يفوووووووتكم

    13-راعية سوالف:

    يووووووووووه هذي النوعية متعبة مررررررة
    يعني تجيك الوحدة تسولف تسولف تسولف ماتعطي أحد فرصة انه يحكي وكن مافيه إلا هي .. ناهيكم عن التلفووووون
    ماأقول إلا الله يعين رجلن بياخذها

    14- الضعيفة :

    فيه بنات ضعيفات لكن موكثير .. هذولي البنات يرضون بأي شيء ..
    مالهم رأي ..
    كل شي عندها ايه ..
    ماتعرف كلمة لا ...
    و اذا أحد سألها تكون اجابتها بكلمة (مادري)
    ماتناقش .. ولا شي
    شفت بنات زي كذا بس موكثير .

    15-فرفووووووووشة و فرووووووحة :
    يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم
    وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك ههههه

    16-شايفة نفسها:
    يااااكثر البنات اللي شايفات انفسهم .. البعض من البنات يحق لها تشوف نفسها..
    لكن بلاااااك اللي مايحق لها .. على ايش شايفة نفسها ... مادري؟؟؟
    ماتكلم الناس إلا من طرف خشمها
    واذا حكت مع أحد مستحيل تناظرة
    واذا ردت ترد عقب الشين
    غالباً هذي النوعية من البنات ماعندهم سالفة ..

    هههههههههههههههههههههههه
    حبيت أفررررررفش معاكم
    تحياتي لسحالي على الروح المعنوية


    ملطوووووووووووووووووووش
     
  2. مواطنة

    مواطنة تربوي جديد عضو ملتقى المعلمين

    668
    0
    0
    ‏2008-06-13
    معلمة
    الشامخ هههههههههههههه ضحكتني وانا ما ودي اضحك كلامك فيه بعض الصدق ويتكلم عن شريحة من البنات وفي سن معينة وهي عندي ( الثانوية )

    ونسيت نوع بعد:36_1_53[1]:
    لكن فيه بنات يجبرون خاطر اللي ما حدن دخل موضوعه خخخخخخخخخخخخخخههههههههههههههه
     
  3. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    أبشر بسعــدك يالشامخ جاك الرد,,,,

    وهذي هي الصفات الموجوده لدى التماسيح وارجو من كل تمساح كتابه الصفه التي
    تخصه

    التمساح الدلخ :
    وهذاا إنسان غبي جداااا.ويرفع الضغط ....وينرفز


    التمساح المنسم :
    كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه والسبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .

    التمساح المهوي :
    هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

    التمساح الشخر المخر أو أبو مشخر ! :
    من نفس فصيلة المنسم !

    التمساح الــ........... :
    (محجــــوب)

    التسماح جحلط ( بتشديد اللام ) :
    وهم مرحلة متقدمة من التمساح السابق الذكر

    التمساح مزّلب :
    يعني بايعها بتراب !


    التمساح مسفّح :
    يعني طاير في العجّة وهو ما عنده ما عند جدتي , يعني بالعربي الفصيح من جنب العارضة


    التمساح الصتيمة :
    وهو الشخص اللي ماعنده ماعند جدة جدتي ...!!...ويصدق أي شيء يقال له


    التمساح المسبة أو المسبوة :
    هو الشخص اللي يكون مروع في صغره لدرجة أنه يصبح شبه فاقد للعقل ...


    التمساح المفهي:
    هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هاه

    التمساح الحقنة :
    هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسرقول العرب : أغث من حقنة

    التمساح العلة :
    هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض
    يعلك لين تنفقع مرارتك منه......

    التمساح العربجي :
    يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص
    ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدرموثوق من عائلة العرابجة بأن هذه إشاعة مغرضة أطلقها عليهم أحد المغرضين...

    التمساح المرجوج :
    هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم
    وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون
    الارتجاج هنا نتيجة صدمة و ليس نتيجة روعة .

    التمساح المطفوق :
    من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء
    فيه سائل لازم يكبه ( أي يسكبه ) برجله وهو مايدري ،، ولا تخليه يمربجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....

    ( يذكـــرني ببنتي الله يحفظهــا)

    التمساح السمرمدي :
    وهو من نفس فصيلة السـ......( محجوب من الرقابه).

    التمساح الملكع :
    أما هذا فيعرف حتى السكن(اي الجن ) و مهما تحاول تلف و تدور معه تراه فاهم و عارف
    وش تبي بالضبط فلا تتعب نفسك .

    التمساح زعّيط :
    مسوي نفسه يفهم في كل شيء وهو من جنب العارضة.

    التمساح المصرقع :
    هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدروهبال ...

    التمساح المنفلت :
    هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال والتطنيش....


    التمســـاح المتبنت:
    كله نعومه أنعم حتى من البنات ويحط كريمات أشكال وألوان شي للشمس وشي لليل وشي للغبار
    الله لا يبتلينا

    التمساح اللزقه:
    هذا الشخص اللي على طول معك وقدامك ووراك وكل شي وتطلع مع الباب تلقاه تركب في السياره
    تلقاه يطق القزازه وهكذا.


    التمساح الزنقّبي بتسكين النون وضم القاف )
    يعني العزوبي.
    هــذا مسكين وده كل يوم أحد يعزمه غــدا أو عشا ,,


    التمساح الصديع :
    اي كلمه في راسه يطلعها ولا يتنباء بأفعاله سواء كانت صح ام خطء .

    التمساح الجنط :
    من فصيلت الدلخ.


    التمساح المروح:
    هذا اللي نفسه شينه

    يالله كل واحد من التماسيح الافاضل يتفضل يقولنا من اى فصيله هووووو بصراحه



    م
    ل
    ط
    و
    ش
    نفس اللطشـــه:36_1_1[1]:


     
  4. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    هههههههههههههههههههههههههههههه

    يا كثر التماااااااااااااااااااااااااااااااااااااااسيح ....!!!!

    وكلهم مع جنبها ....!!
     
  5. خالد السلمي

    خالد السلمي عضو سابق في مجلس إدارة الموقع عضو مميز

    10,828
    0
    0
    ‏2008-01-13
    معلم
    الشامخ

    وراك ماخليت عليهم شي:36_1_12[1]:

    رتانيا

    الحمد لله جميع الصفات والمقاييس اللي ذكرتيها لا توجد في:36_1_1[1]:


    تقبلوووووووووا تحياتي:36_15_4[1]:
     
  6. فهد العتيبي

    فهد العتيبي مراقب عام مراقب عام

    3,016
    8
    0
    ‏2008-01-13
    معلم
    ههههههههههههه ..

    مساجلات من نوع ثاني ..:36_1_12[1]:

    الشامخ خلك قدها وشد حيلك ..:36_5_11[1]:

    رتانيا عساك على القوة وشد حيييييييييلك وأعطى الشامخ على راسه :36_1_1[1]:..
     
  7. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    والحق ما شهدت به مواطنه من طرفهم
    احيي فيك روح الصراحة ونبذ الكبرياء وعقلانيتك:36_7_8[1]: خلي البعض ينقهرون
     
  8. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    رتانيا :
    اقسم بالله شكيت انك ولد داخله بمعرف رتانبا قبل اقرأ ملطوش ... حسبي الله على ابليسك فضحتي بنا وطلعتي كل الخبايا للصبايا.
    ابو لرغــــــــــــــــــــــــــــــــــــــــــــــــد : تسلملي هالضحكة .
    خالد : الاعتراف بالحق فضيلة أما لا توجد انقزها ذي
    الشيخ فهد : هذه وقفة معي
    ذكرتني بس دقيقة لو سمحتو بس دقيقة وما سك نظارته بين اصبعين وهو مروووووووووق ع الآخر
    اكيد عرفته ماني بقايل الاتجاه المعاكس
     
  9. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    مواطنـــه ماقصرت اعترفت بالحق,,,

    بس انت شوف أصحـــابك كلهم داخلين يتشمتـــون فيك ولا سوولك شي

    ما غير إنت يالشـــامخ تطامـــــر ضـــدنا,,,,:36_1_1[1]:


     
  10. راضي الشمري

    راضي الشمري عضوية تميّز عضو مميز

    2,438
    0
    0
    ‏2008-01-20
    معلم
    الشامخ &رتانيا

    لا اقول الا اضحك الله سنكم

    وجعل السعاده فالكم

    من جد مت ضحك

    ولكن في النهايه

    لاغنى للتماسيح عن الساحالي

    والعكس

    دمتم بصحه وعافيه
     
  11. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    منور راضي وأهم شئ العكس
     
  12. مواطنة

    مواطنة تربوي جديد عضو ملتقى المعلمين

    668
    0
    0
    ‏2008-06-13
    معلمة
    رتانيا ----------- الله يقويك عليهم بسسسسسسسسس أنا مسوية هدنه لأني بسحب بهم في يوميات زوجة ياني مفقووووووووووووووع قلبي علي بعض التماسيح :36_5_11[1]:بسسسسسسس الجاي بيبسطكي هههههه


    بس اصبري خاصةً اللي متزوج منهم عزززززززز الله لأوريكي فيهم يووووووووم أسوح = أسود

    يالله باي لك ياالشامخ والله يعينك :36_1_1[1]: