اعلان 1 اعلان 1 اعلان 1 اعلان 1 اعلان 1 اعلان 1


انا سميتك الدنيا وانت وش تسميني ؟؟

الموضوع في 'ملتقى بــوح الأقــلام' بواسطة الأخت الحنونة, بتاريخ ‏2011-09-16.


  1. الأخت الحنونة

    الأخت الحنونة عضوية تميّز عضو مميز

    7,981
    0
    0
    ‏2008-06-06
    معلمة
    انا سميتك الدنيا وانت وش تسميني ؟؟



    فديتك ياهوى نفسي مع الشدات خاويني
    فديتك لاقسى وقتي علي وناحت أشجاني


    أبيك في لحظة الفزعه تحط يديك بيديني
    وأبيك لياشكيت الياس تكون بساحة أوطاني


    أبيك البلسم لجرحي وأبيك النوم في عيني
    وأبيك اللي ليامني صحيت ألقاه بأحضاني


    طلبتك يابعد ذاتي أماااااااااانه لاتخليني
    تراني لو رحلت أبقى ضحية كيد عدواني


    سألتك بالله الواااالي سألتك لاتجافيني
    لأني أمووووت بغيابك ياروحي وجثماني


    معي واصل مشاويرك أواسيك وتواسيني
    معي إبقى مثل ظلي حذااااري لاتعداني


    أبي منك الوعد إنك على غيري تبديني
    وأنا هذا وعد مني ماأبيعك وأشري الثاني


    وإذا بلسانك الصادق نطقت وقلت تغليني
    أنا بأعلن خبر عاااااجل تعالوا إقروا إعلاني


    أبكتب داخل الإعلان إلى من صار يغليني
    إلى قلبي إلى عمري إلى من صار يهواني


    إليك أهدي نغم شعري وكل عرق نبض فيني
    وإليك أهدي شذى عطري وياسميني وريحاني


    وأبكتب داخل الإعلان وصيه كان شاريني
    معي بالطيب عاملني ولاتجرح بهجراني


    ومهما تقسي الدنيا علينا لاتعاديني
    ولاتسعى أبد في يوم في عندي وعصياني


    أبيك دكتور لآلامي من أحزاني تداويني
    وأبي لاكفت أبصاري تكون النور لأعياني


    وأبي لافاضت أنفاسي تكون أول معزيني
    وأبيك بيدينك الثنتين تلف الجسم بأكفاني


    وبعد ماأكون في قبري تذكرني وتبكيني
    وأكون حزن على بالك ماتغفل وتنساني


    أبي لاقالوا العذال وش اللي بينك وبيني؟
    تبسم وتدمع عيونك من الحسره وفقداني


    وتجاوبهم إني حي وبالأضلاع تخفيني
    وإني سلوة الخاطر معك لاصرت وحداني


    أبيك تقول هو مامات أحاكيه ويحاكيني
    أبيك تقول هو موجود وخبيته بوجداني


    أبيك تقول هو دمي اللي في شراييني
    لأنك دمي اللي كان يضخه عرق شرياني


    وأبي لازادت جراحك تخيلني وتناديني
    وتفتش داخل شعورك وتهمسلي وتلقاني


    وإذا طال السفر إقرا كتاباتي ودواويني
    وقل ياكثر ماخلي كتب لي شعر وأهداني


    ترى لو للقصيد عيووون والله ماتقديني
    لأني للقصيد عيون وإسمك رمز ديواني


    وترى لو للحروف أهداب تعجز لاتغطيني
    لأني للحروف إيحا ووحيك سر لإذعاني


    تداركت الزمن يمك الا ياليت يمديني
    أخاف أجيك متأخر وسيف الوقت ياطاني


    نسيت من أجلك الصادق اللي الروح يعطيني
    ونسيت الأول والآخر والقاصي مع الداني


    وجاري المسح للباقي وأنت اللي تكفيني
    حرام أحط معك غيرك وأحبك وأظلم الثاني


    كفايه أنت في دنياي أمل باقي يسليني
    أمل صوته إذا ضاع الأمل ألقاه بأركاني


    كفايه همسك الحاني إذا جاني يدفيني
    ويبدد وحشة ظروفي وتشرق فرحة أكواني


    تراك بعالمي شمعه تبدد ظلمة سنيني
    وتراك بدنيتي دنيا لها لون وشكل ثاني


    ودنيا" مابها حسك ماأبيها وعمرنا فاني:
    أنا سميتك الدنيا وأنته وش تسميني؟




    مما راق لي
     
  2. الأشقر

    الأشقر <font color="#008080">ماللخيـــــال حدود</font> عضو مميز

    2,150
    2
    0
    ‏2010-12-14
    !!!
    أكـيـد يـسـمـّـيـهـا 00 أم الـدنـيـا !

    الأخـت الـحـنـونـة 00 قـصـيـدة جـمـيـلـة 00 شـكـراً !​
     
  3. من أجل عينيك

    من أجل عينيك تربوي جديد عضو ملتقى المعلمين

    474
    0
    0
    ‏2011-04-08
    التعليم
    أجل أنا باسميها (أم المشاعر)
    بصراحة قصيدة تحمل مشاعر جياشه وأحاسيس مرهفة
    إختيار رائع وذوق أروع
    سلم بنان الناقل
    وصح لسان القائل

    تحياااااااااااااتي
     
  4. الأماكن

    الأماكن تربوي جديد عضو ملتقى المعلمين

    1,609
    0
    0
    ‏2009-04-22
    معلمة
    احساس المرأة غير غير شكر وأكثر
     
  5. ♥عـطـر الحيــاة♥

    ♥عـطـر الحيــاة♥ تربوي جديد عضو ملتقى المعلمين

    1,026
    0
    0
    ‏2011-09-15
    معلمة
    أبي منك الوعد إنك على غيري تبديني
    وأنا هذا وعد مني ماأبيعك وأشري الثاني

    راق لي
    سلمت ذائقتك الرائعه

     
  6. أنثى ناعمه

    أنثى ناعمه عضوية تميّز عضو مميز

    2,650
    0
    0
    ‏2011-07-04
    معلمه
    الحب عظيم وذآئقتك عظيمة
    صح لسآن شآعرهآ وسلمت
    يمين نـآقلهآ
    لروحكِ جناائن ورد’’