اعلان 1 اعلان 1 اعلان 1 اعلان 1 اعلان 1 اعلان 1


وقعوني .وهقوني!

الموضوع في 'ملتقى الإدارة المدرسية' بواسطة أجودية, بتاريخ ‏2011-10-07.


  1. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة
    السلام عليكم ورحمة لله وبركاتة

    ياجماعة الخير .. فتحت البريد الالكتروني يوم الاربعاء المساء ...ولقيت خطاب تكليف معلمة عندي بالمدرسة بأدارة بمدرسة ثانية كانت عرضوها عليها وبعدين راحت لهم تبي تشوفهم وتستفسر من المدرسة ومكانها وتآخذ رقم وكيلتها لكن صرفوها وقالوا لها خلاااص لقينا وحدة بمكانك وهي اقرب
    قالت لهم ليش وانا قايله لكم اني موافقة بس اسأل وستفسر ع حال المدرسة
    قالوا خلاااص اكتبي وقعي انك قابله في المدرسة في حال رفضت المعلمة الثانية >>>>>خموها
    وقعت بنت الحلااااال على بالها بتطير المدرسة وانا حاسة انها حركة منهم لو رفضت بعد التكليف لان المدرسة شكلها بمنفى وانا خبري فيها بالصحراء وانا قلت لها هالشي ..لكن شكلها لله يهديها سمعت كلام زوجها
    الحين تستنجد فيني تقول وقعوني وهقوني تقول وش اسوي وش الحل انا ما ابيها ولا عاد لي فيها خاطر
    تسألني شنو الاجراء قلت لها ولله مدري شكلك تدبستي فيها

    شنو الحل؟
     
  2. وكيلة 26

    وكيلة 26 مراقبة إدارية مراقبة عامة

    10,049
    35
    48
    ‏2011-02-25
    .......
    الحل انها ترفض وعندها سيتم توقيعها على حرمانها وعدم

    المطالبة بالادارة لمدة سنتين
     
  3. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة
    ماقصرتي يالغلااااااااااا.... ولله توقعت من الــ9 مابيرد الا انتي او المجموعة المعتادة باااارك لله فيكم
    واذا على السنتين بالناقص ماينفع تستلمها وهي مو مرتاحة >>>بتنقز تبلغها :crazy:
     
  4. الشمري سعود

    الشمري سعود تربوي جديد عضو ملتقى المعلمين

    2,038
    0
    0
    ‏2011-09-22
    مدير
    هههههههههههههه والله يا مدرستكم فله و لعب سسله .. المؤؤؤؤؤؤؤؤؤهم ما أتوقع يتم حرمانها لأنها رفضت الذهاب للمدرسسة الثانية لأني زي ما فهمت منك أنو تكليف مو نقل منشأن يتم حرمانها سنتيين .. بس بذي الحالة ما إلك إلا الاتصال مباشرة بشؤون المعلمات و شرح وضع المعملة لهم و أنك بحاجه لها بكذا راح يسساعدونك و يخلونها عندك و بس
     
  5. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة
    لا ولله يالشمري من قال !؟ انها فلة ولعب !!!!
    الا نائي ونطلع الفجر ونشتغل شغلنا بدم قلوبنا لا بريد ..لا خدمات ..لا مكتبات .. لا طرق مثل طرق امة لا اله الا لله صابتنا امراض الظهر والرُكب ,,,,,والسبة هالطرق المعفنة ....ومو بس كذا
    كل شي الحين بالنت البوابة الالكترونية ... النظام الالكتروني ..الاشراف الالكتروني ...النقل الخارجي والداخلي ولا نخلص شغلنا الا من البيت كل شوي وحدة شايلة سجلات او ملفات
    ومدرسة بدون مساعدة ...مراقبة فقط وإبتدائي ومتوسط
    وفي النهاية ينقال علينا ليش متأخرات ..والحمد لله يكفي قلوبنا على بعض ومثل الاخوات وكلنا يد وحدة وهذا الي ساعدنا على تجاوز الكثير من الغربة والبعد وصعوبة الطريق

    بخصوص المعلمة ..حليتها بطريقتي :clap:
     
  6. الشمري سعود

    الشمري سعود تربوي جديد عضو ملتقى المعلمين

    2,038
    0
    0
    ‏2011-09-22
    مدير
    الله يجعلكم دووووووووووم مو بيوم يداً بيد و إن دل على شيء يدل على حسن تعاونك مع زميلاتك لأن كسب العلاقات الإنسانية بالعمل هو دليل النجاح الله يقويك و يوفقك و يقوي زميلاتك المعلمات .. أجل دام الدعوه نائي غضي البصر شوي عن الغياب سددي و قاربي ودائماً خلي نفسك مكان المعلمة قبل اتخاذ أي قرار
     
  7. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة

    لله يسمع منك يالشمري

    بخصوص الغياب خلهم مره لهم ومره عليهم ........يعني مرة نتحملهم ونتغاضى ومره نشد شوي عشان تمشي السفينة ههههه ,,,,,وشاكرة لك ردك وتفاعلك مع موضوعي
     
  8. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة
    عندي استفسار انا من ست سنوات بنائي {{ودعواتكم ننقل}}
    المهم الي ابي استفسر عنة عندي مشروع او بحث سموه الي تسمونة
    يتكلم ع المناطق النائية ..والتعليم فيها وماتعانية المدرسة والطالبة من تسرب وخلافة
    والمعلمة ومعاناتها ,,,شلون ممكن ابدأ المشروع ...وبشنو تنصحوني ..ياليت ماتمرون مرور الكرام اتركوا خبراتكم تتحدث عن نفسها
     
  9. الشمري سعود

    الشمري سعود تربوي جديد عضو ملتقى المعلمين

    2,038
    0
    0
    ‏2011-09-22
    مدير
    >> مااسك المايك و بيتفلسف هع
    بداية البحث تعملي مقارنة بسيطة بشكل مووووووجززز بين التعليم با المناطق المتحضرهـ و أساسيات التعليم فيها و الخدمات المتوفرة فيها من تقنية معلومات و مصادر تعلم و مكتبة عامة و معمل للحاسب و معمل للرياضيات و مختبرات اااالخ و الدافع الإيجابي لمقومات عملية التعلم
    ثم الأنتقال إلى النتائج السلبية لنقص هذه العوامل كما في المناطق النائية ثم تبدين طال عمرك بصلب موضوعك اللي أنتي تعاني منه طوال الست سنوات و طرح الحلول بالإمكانيات المتوفرة
    من حيث النشرات التوعويه لأولياء الأمور بخصوص الطالبات و تفهمهم لتطور التعليم و أهميته بوقتنا الحاضر
    و بخصوص المعلمين و المعلمات لا بد توفر أماكن ترفيه للمعلمين و المعلمات كمثال نادي خاص بالمعلمين و كذلك المعلمات يوجد فيه جميع ما يخص المعلم من نواحي أدبيه و ثقافية و نوادي رياضية
    .......
    ذا مجهود شخصي اتمنى أني أفدتك بمقدمة لبحثك و الله يوفقك
     
  10. وكيلة 26

    وكيلة 26 مراقبة إدارية مراقبة عامة

    10,049
    35
    48
    ‏2011-02-25
    .......
    لو سمحت سعود الميكرفون بلييز :tongue:

    انا رأييء والله خلي بحثك كوووله صور وصدقيني بتكون ابلغ من اي كلااام

    بس حطي الصورة وضيفي تحتها علامة تعجب واحيانا حطي علامة استفهاام

    لأنه بصراحة صور المدارس في المناطق النائية مفجججعة !!!!! :no:
     
  11. الشمري سعود

    الشمري سعود تربوي جديد عضو ملتقى المعلمين

    2,038
    0
    0
    ‏2011-09-22
    مدير
    الماااايك لو سمحتي ياا سسسعادة الوووكيلة هع
    بجد لو حدث تصوير بين الواقع المدرسي المتحضر و الواقع المدرسي النائي لا كان البحث مدهششششششش جداً
     
  12. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة
    ماشاء لله كل هذا طلع مع المايك .. اجل لو مراسل ومباشر بتجيب كل الافكار هههههههه
    افكاار كبداية روعة تسلم على الافكار الحلووووة >>>>بدأت تكتب الافكار ههههههه
     
  13. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة


    هههههههههههه لله يسعدك وربي ذكرتيني بحالي العام الماضي وانا اصور الطريق اكوام رمل وتصدعة الارض بعد المطر قلت لسائق ابو يوسف >>>>شرايكم بأسم سواقنا هههههه
    وقف صورة للطريق نبي نرسل صورة لصحيفة
    قالن البنات زميلاتي ولله مانتي بصاحية تبين ينشرون علومنا وتقول ادارة التعليم حنا قاعدين نلعب من وراها
    قلت وش لعبنا
    قالوا تحملي اولا بيقولون حمل جوال بكاميرا اثناء الدوام الرسمي >>>> تعتبرة وسيلة تعليمية هههههه
    ثاني شي تصرف ارعن الاتصال بصحيفة >>>> لله أكبر يعني سمعوني الحين
    ثالثاً انتي لا مديرة ولا وكيلة وش خصك >>>خصها ظهرها تكسر :icon28:
    عموما فكرة جدا حلوووة وممكن ادعم الموضوع كلة CD
    بدأت تضبط الافكار جا ابالي كم حاجة
    يالله توكلي يالوكيلة انتي وسعود وهاتوا المايكرفون ابي اسوي ثورة تعليمية على بحثي >>>مسرع صار بحث ههههههههههه
     
  14. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة
    انتوا يالي تطالعون وتمشون ليش ساكتين معقولة مافيكم ناصح/ة
    مجرب/ة...عسى من كتب /ة.....نصيحة على فكرتي وبحثي يعصم وجهه/ا عن النار
    ويجعلة بميزان حسناته/ا...
     
  15. الشمري سعود

    الشمري سعود تربوي جديد عضو ملتقى المعلمين

    2,038
    0
    0
    ‏2011-09-22
    مدير
    >> خشش برجله اليمين و يقوووووووول سلاااموون عليكم داار قووم مؤمنين هع
    المؤؤؤؤؤؤؤهم بششششششششري شنو صاار ببحثك والله فكررررهـ جميلة روووحي و القلب دااعيلك و ابششري نعين و نعاون قولي وين وقفتي و أنا أكمله عنك هههههههههههه
     
  16. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة
    وعليكم السلااااام >>>>بسم لله عليك تطبق الدروس ......دآخل باليمين حسستني كاني بمسجد مو بملتقي
    بعدين هالتحية حق دار قوم مؤمنين لا تعودها تذكرني بالطريق وبعدها المقبرة :tears:>>>فرحانة بتنقل قبل تموت بسم لله علية

    بخصوص البحث يبيله روقان انا جمعة كم معلومة لكن افكاري غير مرتبة يبيلها ترتيب افكار
    وان شاء لله ينجح
    الحين لو خلصتة شلون اعرضة ولـ منو>>>> مستعجلة :tongue:
     
  17. الشمري سعود

    الشمري سعود تربوي جديد عضو ملتقى المعلمين

    2,038
    0
    0
    ‏2011-09-22
    مدير
    اليمين مو بس بمسسجد حتى عند باب المدرسسسسة لكي يكون يووومك موفق هع
    و على طاري النقل بتأخذي عشر درجات بالمفاضله لأنك مديرهـ أنبسسطي مين قدك هع
    و داامك جمعتي كم معلووومة شيء كويس بداية خيررررر و نقطة تحول للمناطق النائية يمكن الله يجعل لهم لفته من الوزارة بعد بحثك المؤقر هع
    و إذا خلصتي البحث و راجعتيه و وثقتيه و حطيتي أسمي فيه مراجع و مدقق البيانات
    الله وكيلك أعتبريه وصل للوزير إذا مو للوزير بيوصل لسكرتيرهـ و إذا مو لسكرتيرهـ أعتبريه وصل لسكرتير السكرتير و إذا مو وصل لسكرتير السكرتير أعتبريه وصل للأشراف التربوي بإدارة التعليم اللي كل واحد فينا ينتسب لهاااا
    و إذا وصل لهم هذيك الساعة يدرسون وضع المدارس بالمناطق النائية و بعدها يدرسون كيف يعرضونه للوزارة و بعد ما يتم عرضه للوزارة بيكون الوضع منتهي لأنو ما فيه مناطق نائية
    يعني بختصار ششششششششششديد أعتبري بحثك فضفضه و ترويح عن النفس
    و إذا أشششدت لأمرررررررررر أبششري باللي يرصه بأقرب جريدة بعنوان مقارنة معلمة عايشت واقع التعليم بين التعليم بالمناطق المتحضرهـ و المناطق النائية >>> بس ذا العنوان يكون بعد ما تنقلي لمنطقتكم و تدرسين بمدرسة نموذجية و بهيك يكون عنوان بحثك مطابق المواصفات و المقاييس هع
     
  18. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة


    انا من كثر ماوقف عند المساجد وناجاية ورايحة للمدرسة ماجا ابالي الا المسجد . عاد لا وصلت المدرسة يالله يالله ادور مفتاح الادارة لكن تراني استغفر ...استغفر لله استغفر لله استغفر لله بنية النقل ..اجمل مافي مدرستي المسافة سفر كل يوم وانا ادعي >>>باقي رحمة لله
    المهم الحين انا اخاف اتعب في البحث وبعدين يروح بطن مشرفة يعني مثل مايقولون سرقة فكرية >>> تعبها حلوة ذي يلطش
    بالله ارجع عد سكرتير وسكرتير وسكرتير ...باقي النموذجية يعني حكومي ولا خاص >>>>تفكربالتدريب :bigsmile:
    حلم قتلتة البعارين ههههههه
    الحين قول خطوات ترتيب البحث هههههههههه ورك وراك
     
  19. الشمري سعود

    الشمري سعود تربوي جديد عضو ملتقى المعلمين

    2,038
    0
    0
    ‏2011-09-22
    مدير
    تدورين مفتاح الإدارة ؟
    جاء ببالي تصور خيالي هع أتخيل شكلك و أنتي ماسكة مفاتيح المدرسة و حاطتها بخيط عريض كأنها مفاتيح جدتي مزنه الله يرحمها و تدورين وين مفتاح مكتبك و من بعدها تفرفرين على المكاتب و تفتحينها هع
    خلي المفتاح مع المستخدمة لأنها بتجي قبلك تجهز مكتبك و تشغل المكيف و تضع دفتر الحضور و الأنصراف بمكتب الوكيلة لكي لا يصير زحمة بمكتبك
    و الأهم أنو القهووهـ زاهبه تمخمخين بفنجال تبلين ريقك فيه قبل لا تجي تعاميم الوزارة و تشوفي اللي يفتح و يسد النفس هع
    و بخصوص البعير اللي مات و ما بعد حقق حلمه لا يكون يحلم بأنو يشارك بمزاين أم رقبه و مات البعير ولم يأخذ مزيون البعارين عام 2012 هع
    و المدرسة النموذجيه أقصد فيها الحكومية فيه مدارس فئة أ بمواصفاتها
    و بخصوص بحثك قولي شنو نقاطك و يسهل بعدها الترتيب
    و عطيتك بداية لمقدمة بحثك يسهل عليك من خلالها سرد ما يجول بمخيلتك من واقع مرير تعيشه مدارس المناطق النائية....
    و تأكدي لو توصلنا لحل بمدارس المناطق النائية من ناحية تطويرها و توفير كل ما تحتاجه مقارنة بالمدارس بالمناطق المتحضرهـ بتكون لها نقله نوعية فذهـ و أنو طالبات المناطق النائية عندهم أستطاعه لتقبل المعلومات و من خلالها يكون لهم بصمه بهذا الجيل
    أبسط مثال بوجهة نظري أنو لا يوجد لديهم شيء يششغلهم عن المذاكرة بعد خروجهم من المدرسة بعكس المناطق المتحضرهـ
    يعني لو تتوفر لديهم وسائل تقنية معلومات والله ثم الله أني أراهن على نجاح الطالبات و الطلاب بمجتمعنا ويكون لهم شيء كبير بهذا المجتمع الذي تسعى دولتنا العظيمة على بذل كل ما بوسعها لنجاح العملية التعليمية ولا تستغرب من بعدها أنو يكون هناك عالم من منطقة نائية أو مهندس طيار كذلك أو طبيب أو أو أو االخ لماذا لا نوفر لأولادنااا وسائل تساعد من تطوير ذاتهم
     
  20. أجودية

    أجودية تربوي جديد عضو ملتقى المعلمين

    170
    0
    0
    ‏2011-09-04
    معلمة
    ههههههههههههه وربي تخيلت المنظر وجاية متاخرة والخيط متعقد على المفتاااح والمعلمات وراي يبون يدخلون ههههههههههههههه احطة بسلسلة ودقة فوق الباب ابرك ههههههه

    عاد وصفك لحال الخالة وتفتح الادارة وتبخرها وتنظفها اااااااااااااااااااااااااااااه منك يابخيتة ذبحتيني.... ولله ياهالخالة مثل قلتها من العام الماضي وأنا انصح فيها مافية فائدة
    قال ايش يشوفوني جماعتي وانا ارتب المكتب وامسحة,,,,, و قفلوا الباب لا حد يشوفني >>>>خير ماكانها عارفة مهامها

    بخصوص البحث ابي المقدمة اول شلون تكون ؟؟؟او اسم بللبحث