اعلان 1 اعلان 1 اعلان 1 اعلان 1 اعلان 1 اعلان 1


متى على الله تنطفي جمرة الصيف

الموضوع في 'ملتقى المعلمات البديلات المثبتات ومحو الأمية' بواسطة المها للحق, بتاريخ ‏2011-10-10.


  1. المها للحق

    المها للحق تربوي جديد عضو ملتقى المعلمين

    1,667
    0
    0
    ‏2011-06-18
    بديله


    شوفن وحدة طال فيها الانتظار وتنتظر الفرج باذن الله ويجينا التثبيت
    عاد الي هنا المقصود به الخلا (البر)

    [​IMG]

    متى على الله تنطفي جمرة الصيف
    ويهب من صوب الشمال البرادِ
    ونشوف بيض المزن بالجو تصافيف
    وميض برقه مثل قدح الزنادِ
    لا هلّ سيله بالحزوم المجافيف
    أقعد جمال الارض عقب الرقادِ
    وصار الثرى مابين حبران وطريف
    زلٍّ مزخرف مثل صنع الايادي
    هناك أبا استانس ويكمل لي الكيف
    مع رفقتي يمشون غاية مرادي
    لامن شكيت الهم قاموا مخافيف
    ثم وجهوا صوب الشمال الشدادِ
    يبون بالقطّار عالى المشاريف
    وإلا ورى الحره بذيك الوهادِ
    لامن جلسنا بين حمرٍ مقاييف
    عقب العصر والليل أقبل يهادي
    هبت علينا باردات الهفاهيف
    عطره مخلط بين نبتٍ وكادي
    الله إلى مدّت زوالٍ مناظيف
    ثم صفف الولاّع حول الرمادِ
    صفر الدلال اللي بها ناعم الليف
    والتمر قِرّب توّ وقت الجدادِ
    صفّوا ومدّوا ينتقون السواليف
    سوالفٍ بالصيد ما هي دوادي
    في مجلس ما عذبوه الملاقيف
    ما غير ربعٍ مصفيين الودادِ
    وقت الرخا ربعٍ كرام مواليف
    وعند العسر يعجبك صبر المهادِ
    يا مرّني عصرٍ جميل تقل طيف
    شرقٍ عن المظهور باتْلى جمادي
    عصرٍ مضى واليوم مثل الخذاريف
    مازال يحرق لاذكرته فؤادي
    حوّل على قلبي خفيفٍ كما الضيف
    وروّح وانا أصوّت باثاره وأنادي
    ما شاقني والله حسن التواصيف
    ريمٍ بعيدٍ مزبنه ما يصادِ
    لكن يكلفني من الشوق تكليف
    شمة ذعاذيع الهوى بالبوادي
    ولا اظن باسْلى لو تزود التعانيف
    حب الخلا بالقلب قصرٍ مشادي
     
  2. توووووووووت

    توووووووووت تربوي جديد عضو ملتقى المعلمين

    1,927
    0
    0
    ‏2011-07-28
    بديلة ليس لها حظ
    صح لسانك يالمها انت كتبتيها ليش مانزلتيها ارسله للصحفية
     
  3. umwaleed

    umwaleed تربوي جديد عضو ملتقى المعلمين

    971
    0
    0
    ‏2009-10-31
    عاطلة
    صح لسانك مهاووي
     
  4. المها للحق

    المها للحق تربوي جديد عضو ملتقى المعلمين

    1,667
    0
    0
    ‏2011-06-18
    بديله
    صحت ابدانكن


    لاوالله ماهي انا بس اذكر البيت الاول وحسيت انها مناسبة


    وبحثت عنها ولقيتها ونقلتها عشان تهيجنن بها
     
  5. المالكية دانات

    المالكية دانات تربوي جديد عضو ملتقى المعلمين

    306
    0
    0
    ‏2011-08-27
    معلمة عاطلة
    صح لسانك ولسان قايلها
     
  6. أريج العطر

    أريج العطر تربوي جديد عضو ملتقى المعلمين

    1,991
    0
    0
    ‏2011-05-16
    معلمة بإذن الله
    صح لسان قائلها

    شكررررا لك على إختيارها
     
  7. غادة وبس

    غادة وبس تربوي جديد عضو ملتقى المعلمين

    194
    0
    0
    ‏2011-05-20
    معلمة باذن الله
    يعطيك العافية ... الله اتذكر عقودي كلها اوقعها في الشتاء ويارب تثبيتنا يجي مع هالجو الحلو
     
  8. المها للحق

    المها للحق تربوي جديد عضو ملتقى المعلمين

    1,667
    0
    0
    ‏2011-06-18
    بديله
    مشكوررات على المرور


    ايوالله انك صادقة ياغادة الجو مرة حلو وطلعتنا احلى


    انتن مثلي مليت الجلسة الصبح مللللللللللللللللللللل بلا عمللللللللللللللللللللللللل
     
  9. ليه القسى

    ليه القسى تربوي جديد عضو ملتقى المعلمين

    76
    0
    0
    ‏2011-05-15
    نص معلمه
    صح لسانك والله وطلعت مواهبنا بسبب هالوظيفه الي صارت صحفيه والا صارت شاعره والي صارت تكتب خواطر والله العالم وش مخبين من مواهب