اعلان 1 اعلان 1 اعلان 1 اعلان 1 اعلان 1 اعلان 1


(( لك رب مايخذلك لويخذلونك ))

الموضوع في 'ملتقى بــوح الأقــلام' بواسطة حسب علمي, بتاريخ ‏2011-10-19.


  1. حسب علمي

    حسب علمي <font color="#008080">عضوية تسويق </font> عضو ملتقى المعلمين

    239
    0
    0
    ‏2010-11-04
    معلمة
    بسم الله الرحمن الرحيم



    (( لك رب مايخذلك لويخذلونك ))



    ما راح من عمر التعـب مـا يكفّيـك ؟
    ما هزتك طيحـة هقاويـك .. دونـك؟
    *
    يا "باعث" قبـور الحـزن فـي محانيـك
    لو مـا رجعـت لْدفنهـا .. يدفنونـك
    *
    هذا الحزن لـو مانتهـى بـك بينهيـك
    خاوى تفاصيلك .. وعـوّد بدونـك !
    *
    شف شيبك اللي من همومك عثى فيـك
    وكيف التجاعيد عْبثت فـي جفونـك !
    *
    جسمك تهـاوى مـن عنـاك وتعنّيـك
    ونبـرات صوتـك غالبتهـا شجونـك
    *
    لأْنك تنفسـت الشقـا فـي مساريـك
    شف كيف صدرك مختنق من طعونـك!
    *
    بعت المنـام لعيـن مـن نـام ناسيـك
    حتى غـدى ليـل السهـارى زبونـك
    *
    لا تنتظـر مـن خانـك إنـه يواسيـك
    لـو هـو يحبـك مـا تجـرأ يخونـك !
    *
    قلبـك تعلّـق فـي مخاليـق تشقـيـك
    ونسيت حب الخالق اللـي يصونـك !
    *
    الناس في عونـك ، إذا الحـظ يعطيـك
    وان شح حظـك؟ قالـوا: الله بعونـك!
    *
    ارقى عـن أسبـاب الزعـل لا تخليـك
    عبد لهمومـك كـل مـا يزعلونـك !
    *
    دنياك حلوه .. لـو تلفّـت حواليـك؟
    تلقـى مـن بعـاد البشـر ينصفونـك
    *
    لو شفتها بعين الرضـا هـي تراضيـك
    ولو بالكدر ؟ مـا خالفتـك بظنونـك!
    *
    افرد جناحيـن الفـرح فـوق ماضيـك
    حلّق عن الذكـرى ومـن يجرحونـك
    *
    غيّر مـن الواقـع إذا كـان عاصيـك
    جدد من الأحلام .. مـارس جنونـك!
    *
    ازرع فيافي الصـدر بأخضـر طواريـك
    الكون كله ساعـة رضـاك .. كونـك
    *
    الليل تسهـر مـع نجومـه .. تناجيـك
    وتبـادر طيـور الصبـاح بلحـونـك
    *
    بـث الجمـال بكـل رسـم لمعانيـك
    خلّ الطبيعـه تاخـذ احسـاس لونـك
    *
    خذ من خطاك اللي يصحـح خطاويـك
    لاتشيـل مـا لا تستطيعـه متـونـك
    *
    وان ضقت.. أو ضاق الزمن؟ ارفع ايديك
    لك رب ما يخذْلـك .. لـو يخذلونـك
     
  2. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    شكرا ً على رووووووووعة

    الانتقاااااااااااء