اعلان 1 اعلان 1 اعلان 1 اعلان 1 اعلان 1 اعلان 1


هبّت نسايم ليل من مبسم نجـاح

الموضوع في 'ملتقى بــوح الأقــلام' بواسطة نهرجاري, بتاريخ ‏2011-10-28.


  1. نهرجاري

    نهرجاري عضوية تميّز عضو مميز

    1,541
    0
    0
    ‏2011-04-01
    معلم

    [​IMG]


    يا شعرنا الموروث طالبك السماح
    عني وعن شعّار جيلي كلــّها
    ماني وكيل الورث وأفلح يا فلاح
    لا شك قسمي فـ الرعيّه جلـّها
    حنــّا عيال العولمه والإنفتــــاح
    وأنته علومك خلّها في حلــّها
    الفلك داير من صباح إليــا صباح
    حلـّت عليك اللي تبــا تحتلــّها
    ماهــوب لازم نآآرد العـد القراح
    كثرت مواردنا ولا تفطن لهاا
    العام في ظل الشجر والورق ناح
    واليوم تكفينا القصور وظلــّها
    تصبح ونضرب بك على الحزم البراح
    وتمسي خلاوي والدموع تهلـّها
    مير أقتنــع بالحال واللي راح راح
    ريــّح ضميرك والحواجب فلــّها
    يا ملقــّحين الحيل .. ولدنّ اللقاح
    تقاسموها .. لا تموت بغلــّها
    هبّت نسايم ليل من مبسم نجـاح
    ياليل بلغــّها السلام وقلـــّها
    (جمهور الأستديو ) على خفّ وجناح
    وإليا تثنــّى عودها طبلـــّها
    والناقد المنقود ســاق الإقتـراح
    وضيوفها نضحك لها ونملـّها
    رزّت علمها باشــة الغيـد الملاح
    أصبر عليها والسيوف تسلـّها
    المجتهد عيـّا يحالفه النجـــاح
    أظن ساس المشكله في حلــّها
    المصلح الله كان تبغون الصلاح
    والله يخلي لـ الخليله خلــّها
    اقرب مثل يلبق على مبسم نجاح
    اللي عقد روس الحبال يحلــّها



    [​IMG]


    لايابعد من سـأل عـن آخـر نتاجـي
    الشعر يفداك والشاعـر .. وجمهـوره
    لازلت عايش على طبعـي ومنهاجـي
    اليا حضر هاجسي غنيّت ل حضـوره
    ياتاج راسـي لا والله راسـي وتاجـي
    محبّتك في ضلوع الصـدر محفـوره
    من غيرك اللي تعلاّ برجـي لعاجـي
    ووايق على رجم قلبي واسبل شعـوره
    برجن تعليّت به .. من بـدّ لإبراجـي
    واخـذت يـوم استويـت بقمّتـه دوره
    بنات فكري وراك افـراد وازواجـي
    تدور مسـروره .. وتطيـح مقهـوره
    عرضتني ل الهـوى ماعـاد يحتاجـي
    وهزيّت غصن الغرام وطارت طيـوره
    ودخّلتني جوّك .. وضيّعت مخراجـي
    وجوارحي معك .. منهيّـه ومامـوره
    بابور بحري عليـك يسابـق امواجـي
    وامواج بحري عليـك تسـوق بابـوره
    اهديت لك راحتك واهديت لي ازعاجي
    معذور .. وظروفنا ماهيـب معـذروه
    لا تنبش الخافيه .. منعاً ل الإحراجـي
    خواطر اهل الهوى خجـلا ومكسـوره
    متـى تفـك القيـود وتعلـن افراجـي
    الشيب يزهم علـيّ ويرسـل سبـوره
    وقّف على رمشي وسولف مع حجاجي
    وانقل عليك الغلا .. بالصوت والصوره






    [​IMG]


    يادافع الشعـر لا تنسـاق مـن دونـي
    مادمت فـي ذمتـي سـجّ القـدم فيّـه
    خلكّ على نيّتي .. وظنونـك ظنونـي
    وأنا مـا أغيـرّ عليـك الظـنّ والنيّـه
    البارحه مـرّت الأحـلام ب عيونـي
    أحلام سـودا ماهيـب أحـلام ورديّـه
    تمرّدت وأستباحـت حرمـة جفونـي
    وراحت على دربهـا عجلـه وطرقيّـه
    أمسيت أصوّت لها وأصبحت مغبونـي
    وتفسيرهـا .. بيـن هاذيّـه وهـاذيّـه
    لو تستحي دمعتي من ضحكة سنونـي
    ماكـان حطّـت بنـون العيـن ماريّـه
    اللـي تناسيتهـم .. واللـي تناسونـي
    بالخير مذكـوره .. وبالخيـر منسيّـه
    والحبّ لا هزّ صدري حرّك شجونـي
    وحطبت حدب الضلوع ونارهـا حيّـه
    أكثر جروحي سببهـا اللـي يحبوّنـي
    وجرح الحبايب عطيـب وكيّتـه كيّـه
    تبكي على راسي وتضحك على متوني
    نفضت خرجي وطاح الـداب والحيّـه
    وين أنت يا اللي عليك أكوسر لحونـي
    هيجنت ب إسمك وشلت أغلى هجينيّـه
    يوم أنت هجسي وحدسي وأصدق فنوني
    من لامني فـي غرامـك لعنبـو حيّـه
    شطيّت بي في هواك وزادت شطونـي
    مع لاهب الشوق بين الشمـس والفيّـه
    وعلمتني كيف أغيـرّ شكلـي ولونـي
    وأعيش جـوّ .. الحكايـات الغراميّـه
    يا سيّد الحب .. معك الحـب مامونـي
    وأنـا علـى جرّتـك عينـي شقاويّـه
    مجبور لا شفتني .. ماشي على هونـي
    حاولت وأزريت لا أكسر قيـد رجليّـه







    لِشآعرهآ : سدآح العتيبي​


     
  2. رَذَاذ

    رَذَاذ مراقبة عامة مراقبة عامة

    7,506
    0
    36
    ‏2010-01-27
    ارشادية
    حنــّا عيال العولمه والإنفتــــاح
    وأنته علومك خلّها في حلــّها

    :::

    رائعه تلك المقطوعه ..

    شكرا لك كثيرا ..
     
  3. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    ذآئِقة رائِعَـــــــــــــــــــــــة كَـ العادة أخي النهر الواااافي

    بوركت وبوركَ الــ جُهد! ...​
     
  4. نهرجاري

    نهرجاري عضوية تميّز عضو مميز

    1,541
    0
    0
    ‏2011-04-01
    معلم
    اخواتي الفاضلات
    رذاذ
    الصريحه


    تعطر متصفحي بتواجدكن العذب
    شكرا واكثر
     
  5. ♥ حنان ♥

    ♥ حنان ♥ موقوف موقوف

    7,037
    0
    0
    ‏2009-01-16
    .
    قصيدة اكثر من رااااااااااااائعه
    ابيات فيـ قمة الجمال
    طرح مميز واكثر من راااااااائع

    الله يعطيك العافيه