اعلان 1 اعلان 1 اعلان 1 اعلان 1 اعلان 1 اعلان 1


ضرس العقل ومنع منح الاضطرارية للمعلمين (العلاقة بينهم )

الموضوع في 'ملتقى حقوق المعلمين والمعلمات' بواسطة bnadbad2009, بتاريخ ‏2011-10-28.


  1. bnadbad2009

    bnadbad2009 تربوي جديد عضو ملتقى المعلمين

    580
    0
    0
    ‏2009-03-18
    معلم
    :r3:طلعت الطائف اتمشى وامضي اجازة اخر الاسبوع مع العائلة والحمد لله الاجواء روعة حت صباح يوم الجمعة عندما ذهبت لاحظار الفطور من احد مطاعم الطايف وقلت خليني اخذ جريدة عكاظ نشوف اخر الاخبار وقرأت الجريده قبل الفطور واذا بخبر منع منح المعلمين اجازات اضطرارية الثلاثة الايام المقبلة وكأن الظروف بأيدينا ماكان الامور غصب عنا وكانه تلميح بعقوبة الحسم من جهة الوزارة :z1:
    واستمر بالقراءة الا والتعميم يلمح تلميحا اخر بضرورة وضع اختبارات للطلاب وكانا الات على كيفها وشوي الا والتعميم يقول ممنوع خروج المعلم من المدرسة اصبحت الوزارة تخاطب المعلمين وكانهم طلاب اولى ابتدائي ممنوع خروج المعلم الا بولي امرة والله مصيبة والى عنده مواعيد مراجعات وش يسوي يبكي قدام المدير حتى يخرج وتهديد اخر بعدم ضم الفصول وتحذير من اخراجهم قبل نهاية اليوم الدراسي دار ملاحظة اصبحت المدارس
    كما ان التعميم طالب بتكثيف الزيارات الصفية للمعلمين قال ايه من اجل تأكيد جدية المعلم في تدريس حصصه الدراسية ليه ممثلين انقلبنا
    ايش هالنظرات من الوزارة للمعلمين حشى محنا الا العاب في ايديم والله
    وطولب ايضا بتوثيق ذللك اي الجدية بكمرات او تواقيع على دفاتر الطلاب وفي اخر الخطاب المليء بالتهديد والوعيد ماكأنا ماكانا مسلمين ومربين ومعلمين وموجهيين
    حذر التعميم ايعاز الطلاب بالغياب او لوم الطلاب على حظورهم وطلب الجدية في التدريس لاو طالب المعلمين اعطاء الطلاب الذين يحظرون درجات مشاركة واذا بضرشي يضرب غضبا والام فضيعة وصداع متحرك على يسار الوجهه واذا بي الف وادور في الشقة المفروشة ابحث عن فيفا دول اوكلا فوكس تهدي الام ضرسي العجيب الذي لا ادري من اي جهة صدر الا على الانف والام على الصدغ والام على مقدمة الاسنان وش صار بي كل ذى زعل على هبوط مستوى مخاطبة الوزارة بعاميمها مع معلمي المملكة او شعور بانتقاص كرامة المعلم في الجرايد ليش كل هالهجوم وما ادري بنفسي الا وماخذ السيارة ابحث عن صيدلية كلها مقفلة اليوم جمعة وين اراوح وبعد 10دقايق بحث الا وحصلت صيدلية المختار في شارع الستين السلام عندك مهدي للاسنان جاني الم فجاءة بعد الفطور ما ادري ليه قال شوف دكتور قلت له اليوم جمعة مقفلين قال لا فيه دكتور روح شوف هذا وادخل المستشفى واذا بشخص متعارك مع موظفات الاستقبال يتلفظ على موظفات الاستقبال دفعت 200 ريال للدكتور حتى يخلص بنتي من الام الاعصاب والحين حضروه ليه البنت مانامت من امس الا ويلتفتلي والله حرام كيف ادفع له الاجرة كاملة وشغله مايكملة في بالي هذا المستشفى الى انا جاي له الله يستر وهذا يشكي قلت له ممكن باقي شي من العصب ماانتزعة باقي بالله ابي دكتور اسنان بسرعة قالو لي عندك ملف لا ادفع 50 اطلع الا وقبلي واحد وشوي انتظر والالام تعتصرني من الام الضرس مااضعفك يانسان الام ضرس خلتك تون وتان
    وال والي ويلاه
    من الام الضرس اااه منك وزارة التعاميم تعاميمك تجيب المرض وشوي الا اب البنت ياخذ دوري ويخش عند الدكتور وان مستحي والالام ذابحتني والادهى والامر وهو طالع مع بنته يناظر بي ويقول وينك كنت ادور عليك دور ك مشكور واخش عند الدكتور الا ويقلي ضرس العقل ضرب عندك وينزف احد زعلك عنك سكر ولا ضغط ابتسمت له وكلي الم لا بس انا معلم
    ضحك واجر لي عملية جراحية لاستأصال ضرس العقل هو باقي عقل حسبي عليك وزارة بس المهم دامت العملية ساعة ونص والحمد لله لانه كان معترض على احد الضروس ماحرك االآم الضرس :icon28: الا تعاميم وزارة عجيبة تعاميم ذات اسلوب تشهيري توعدي تهديدي المقصود منه رفع الضغط واحتقار مكانة المعلمين
     
  2. شرحبيل

    شرحبيل عضو مجلس إدارة الموقع عضو مجلس الإدارة

    4,337
    6
    38
    ‏2008-02-07
    معلم
    ميد أقول لك رحلة إن شاء الله سعيدة حتى تعود إلى فصلك وأنت مكتمل النشاط والقوة هذا أولاً وميد الثانية أقول لك ترى من راقب التعاميم مات هماً وكمداً . اقرأها ومررها كما جاءت وترى الأمر عندنا في مدرستنا كما هو قبل الثلاثة الأيام الجاية فالطلاب حضورهم في تناقص من بداية الأسبوع الى يوم الثلثاء وازداد التناقص يوم الأربعاء قسم من اقسام مدرستنا لم يحضر من طلابها غيرأربعة طلاب فقط وإن سألني أي واحد منهم هل احضر أو أغيب ؟ ردي إن حضرت احنا موجودين وإن غبت لن نتصل على الشرطة العسكرية ونقول لهم هاتوه من البيت :bigsmile:.
    اجتمع معي مشرفها لنبحث هذا الأمر وهل نرسل رسايل لأولياء أمورهم أم لا . قلت له بالنسبة لطلابنا إن حضروا احنا في المدرسة مداومين وأن غابوا احنا موجودين رايحين وجايين على غرفة المعلمين يعني لا ضرر علينا وعليهم ولكن طلابكم لأن الوزار تعطيهم حوافز ومكافأت فأرى ان نرسل لأولياء الأمور لهم بس للعلم حتى ما يجيك واحد منهم إن انتم رفعتم تقارير الغياب اللي جاء التعميم فيه وحسموا عليهم ويقولون ليش ما بلغتونا بغيابهم وإن غيابهم غير نظامي . قال خلاص ارسل لأولياء امور طلاب قسمي وأنتم بكيفكم ترسل أو لا ترسل وانظم مدير المدرسة إلى الاجتماع وطلعنا أن العدد كبير وإن تم الإرسال لا فائدة منه لأن الطلاب بيتوا النية من مبطي أن يجهزوا انفسهم للإجازة قبلها بثلاثة ايام .
    وأما الإختبارات فقد سلمنا كشوف درجات الفترة الأولى إلى من يقوم بأدخالها إلى المستودع نور مع انهم مددوا الفترة للإدخال إلى بعيد ذبح الأضحية يوم العيد
     
    آخر تعديل: ‏2011-10-28
  3. ابوصالح98

    ابوصالح98 تربوي جديد عضو ملتقى المعلمين

    595
    0
    0
    ‏2009-12-25
    في التعليم فقط
    ما كنت ناوي الغياب ولم افكر فيه البته!!!
    ولكن بعد تصريح الوزارة او اي شي فيه وزارة!!!
    فانا غائب غائب لكي يطبقوا هذا التعميم!!!