اعلان 1 اعلان 1 اعلان 1 اعلان 1 اعلان 1 اعلان 1


مصطلحـِـِـآت شبـآب الحجــِـِآز << رهيبـِـِـِـِه

الموضوع في 'ملتقى إستراحة الأعضاء' بواسطة ليالي, بتاريخ ‏2011-11-16.


  1. ليالي

    ليالي عضوية تميز عضو مميز

    6,301
    0
    0
    ‏2010-05-01
    إداريه
    نقلت لكم
    هذه المصطلحآت الشبابيه

    ومعآنيهـآ لـأهل الحجـآز


    ( ابو كلب )

    ههههههههههههااااي .. وهادي الكلمة تنقال لما يكون في شي ما يعجبك ، يعني زي لما يكون جوالك قديم ومعدوم العافية تقول عليه جوال أبو كلب ، ولمن يكون قلمك ما بيكتب زي الأوادم ويقطع تقول قلم أبو كلب [​IMG]
    دايم انا ارددها خاصة إذا عصبت من شئ خربان





    ( أشكل )


    جات فترة انتشرت دي الكلمة بصورة كبيرة وهيا بشكل عام معناها الطناش ، فلمن تجي تبغى تطنش شي .. تقول أديه أشكل ، ومأخوذة من لعبة البلوت أو الورق للأخوان اللي ما يعرفوا معنى البلوت


    ( أطبعو )


    ههههههههههههههاااي .. من الألفاظ المضحكة جداً وتنقال لمن الشخص ما يسمعك ويسأل إيش قلت ؟؟ وإنت مافيك تعيد الكلام تاني فتقولو أطبعو ..



    ( انبراش )

    نعرف إنو لمن تلعب كورة واحد يدخل عليك معناتها انبرش عليك .. لكن عند الشباب سار لها معنى تاني ، انبراشة سار معناها إنو دخلة غلط وسط الكلام ، يعني تكون إنت والشلة بتهرجوا في موضوع ويجي واحد يقول كلام مالو أي علاقة بالموضوع هنا نقول فلان انبرش .. وهادي تسير انبراشة .. ولا لمن يكون الكل ساكت ويجي واحد يقول كلام مالو اي داعي زي نكتة بايخة مثلاً هنا نقول على الحركة دي انبراشة [​IMG]

    ( بسط وهز وسط )


    تخيلوا الفلم الهندي دا كلو عشان تجاوب على أحد يقولك كيف حالك
    هههههههههههههههه أتحداكم تقولها عشرة مرات وبسرعة زي الصاروخ

    (بلف )

    هههههههههههههههههااااااااي ، من أضحك المصطلحات بصراحة ، طبعاً الشباب يعرفوا البلوف : معناه إنو شخص ينبلف يعني يسوي الشي بسرعة بدون تفكير ، مثلاً لو شاف صاحبو اشترى سيارة جديدة وعجبتو قوام يجيب وحدة من نفس النوع .. هنا نقول إنو بلف ينبلف بسرعة هههههههههههههه .. وكمان لما يكونوا اتنين بيتضاربوا ويجي واحد يحرش نقولوا لا تبلف يعني لا تحرش .. ولا لما يكون واحد يجري بالكورة ولساعو بعيد عن المرمى ويجي واحد يقولو شووووت يقوم يشوت كدا بسرعة دا نقول عليه انبلف ههههههههههههههااااااي ... أحس بعض الناس ما حتفهمها بس هوا معناها كدا وخلاص [​IMG]





    ( حمزة)

    حمزة هادا اللفظ معروف حالياً بين مجتمع الشباب بالشخص الركاب يعني الكداب فلمن تلاقي أحد يبكش يقولولو بس يا حمزة

    ( جنط )

    الكل يعرف جنوط السيارات طبعاً ، لكن اليومين دول سار برضو للجنط معنى تاني .. يعني لمن واحد يطفشك ويقرفك من كلامو يقولولك الشباب أعطيلو جنط يعني طناش ، وهادي ذكرناها فوق بمعنى أشكل [​IMG]

    (دافور )

    دافور معناها زمان في الحجاز الفرن ، ولكن دحين سار معناها البنت أو الولد الشاطر/ة في الدراسة نقول عنه/ا دافور/ة اللي دايماً شغال ع الكتب ولا يسيبها [​IMG]زي ما يسموه المصارية عثة كتب > يعني الشاطر او الشاطره ساروا فرن خخخخخخ


    ( دعس )


    دي الكلمة تنقال للإقدام على الشي ، وتنفع مرادف لكلمة قدام .. يعني لمن مثلاً يجي أحد يقولك تجي نروح التحلية ؟ ترد عليه وتقول والله دعس يعني ياللا معاك .. ولا هيا شباب نلعب كورة .. يقولوا دعس

    ( زي الكرتون )

    تنقال للواحد الأهبل [​IMG]

    (شاكوش )

    معناها الأصلي طبعاً المطرقة ، لكن دحين سار معناها البنت ولا الولد اللي مو حلو هههههههههه .. نقول عنو شاكوش

    ( شباب في رحلة )

    وهيا مرادف لكلمة مشي حالك اللي أستخدمها كتير في كلامي .. فلمن تعمل شي وما يطلع مرة مزبوط
    تقول للي جنبك ياخي عادي شباب في رحلة ههههههههههههههه من فين جات هادي الله أعلم
    ولا تسوي شي مو معتاد كدا وتحس إنو في أحد أستغرب فتقولو شباب في رحلة ياخي [​IMG]

    ( شوربة )

    طبعاً كلنا نعرف الشوربة أحلى شي عندنا هنا شوربة الحب على الفطور يا سلام سلم
    لكن هنا معناها غير .. فلمن إنتا تقول شوربة يعني شي سهل ، فلمن مثلاً يكون عندك اختبار ويكون سهل مرة تقول الاختبار كان شوربة وكدا
    ولا مثلاً تكلم أحد وتقولو أنا أروح شوربة .. يعني أروح وطي هههههههههههههه
    ولا تجي المدام تجيبلك الأكل تقوم تقولها حياتي من غيرك شوربة << كأنو إعلان [​IMG]

    ( صاروخ )


    ههههههههههههه طبعاً نعرف الصواريخ .. ولكن هنا معناها شي تاني .. معناها البنت الحلوة فلمن الأولاد يشوفوا بنت حلوة يقولوا عنها صاروخ > حرآآم عليكم يالشباب خليتونا صواريخ

    ( طقطقة )

    ودي الكلمة تنقال لمن تبغى تتسلى في واحد ، يعني تستعبط عليه وهوا أهبل يكون مسكين على نياتو فالشباب لو كانوا متجمعين مثلاً يقولوا جا فلان نطقطق عليه ولا تلاقي واحد يجي يقول أمس طقطقنا على راس فلان وزي كدا [​IMG]

    ( في الألف او في المليون )

    دي حلوه مره وهيا لمن تشوف شي يعجبك ويكون مميز مافي زيو يعني أو تعمل حركه مميزة أو شي زي كدا لنفرض مثلاً جوال عجبك تقول والله جوال في الألف أو تقول جوال في المليون

    ( ما عندك احد )

    هههاي كلمه فله ولمن مايكون عندك هرجة وتنقال للشي اللي مو تمام [​IMG]

    (نمرة واستمارة )

    ودي تنقال عند التأكيد وغالباً في الغباء والهبالة زي مثلا تقول فلان أهبل بنمرة واستمارة [​IMG]
    ( كاااااي )

    وهادي هيا ضحكة الشباب الجديدة ويضحكوها وقت التريقة والشماتة و لا دحين
    سار الضحك تقول كاااااي بصوت عالي وتمد الألف ويكون فم الشاب لما يضحكها زي كيذا [​IMG]

    ( هبقة )

    هبقة زمان أعتقد كان معناها سرقة لكن دحين اتغير المعنى فلمن تقول مثلاً
    والله هبقت أنا والشباب ورحنا الكباين مثلاً فهبقة هنا معناها طلعة وليها معنى تاني بمعنى هروب زي لمن طالب يقول أمس هبقت من المدرسة يعني شردت منها أو تسوي حاجة غريبة على حركاتك انتا تقول ياعمي هبقة

    ( يعطيييييك )

    دي الكلمة من الكلمات الجديدة وتنقال للتشجيع يعني لمن تلاقي أحد عامل حاجة رهيبة تقوله يعطيييييييييك بمد الياء التانية زي مثلاً يكون سجل قول ولا شي زي كدا [​IMG]

    ( أرنب .. )

    من الكلمات اللي تدل إني أنا بسمي بكشة قدامي ، فيعني قلك بيسوا إنهم محترمين ومايبغو يقولوا للي قدامهم إنو كداب يقوموا يقولولوا كدا يعني زي واحد قاعد يتكلم ويحكي وكل كلامو بكش يقوم واحد يقول للتاني يووواد شوف شوف أرانب ههههههه [​IMG]

    ( يلعن أم الفله )
    وهادي من الكلمات الي ماسكة في لساني ، لمن يكون في شباب وعجبتهم مره الطلعة ولا في أاولاد يبسطوا الواحد يقوموا يقولوا على الطلعة مثلاً يلعن أم الفله

    ( أمّووو )

    يعني مثلاً مين فين لأمو< حلو .. يابن الناس سيب أمو في حالها هيا إشلها صلاح

    ( فُكّنا )

    يعني تكون مافيك و واصلة معاك على النهاية .. وأحد مطفشك تقولوا ياشيخ فُكّنا [​IMG]

    ( قوية )

    لمن يسير شي مو عاجبك ولا شي كدا مو زي الناس .. تقول قويييييييييييييييييية بشد الياء

    ( خرّييييش )

    دي الكلمة لمن تكون جالس بين الشباب ويجيك واحد يجلس يكدب ويلفق في الحكاية ويملح فيها تقوم تقول خرّييييييش [​IMG]

    (كووول)

    وتنقال على أي شي يعجبهم .. وهادي حكتّر منها [​IMG]

    ( جييييّييييد )



    بشد الياء .. لمن يعجبك الشي الكول تقول عليه جيييّيييد


    ( باااااد )

    لمن تشوف شي مو حلو ولا ولد منظرو سيء تقول عليه بااااد .. بمد الألف

    ( هيّااا خيــــر )

    كلمتي المعتادة .. لما يسير شي مفاجئ ولا يكون في حاجة غريبة كدا .. ولا بسوي نفسي مستغرب ولا بستهبل إني مو مستوعب فعلى طول هيّااا خيـــــــر

    (كل فطير وطير )

    يعني ياللا روح سرّي راحت عليك خلاص [​IMG]

    ( انشكاح )



    ومعناها يعني لمن الواحد يسمع خبر حلو ولا عندو خرجة مرة خطيرة وفيها فله تلاقي طاير من الفرح ومين قدو .. تلاقيه منشكح .. فتقولوا بطل انشكاح

    ( لا تدف)



    كلمة حلوة وتنقال لمن تكون بتتكلم ومتحمس في الهرجة ومتفاعل في كلامك وبتأشر بيدك كدا وتطلع فيها وتنزل .. فأقولك لا تدف .. ولا لو واحد معصب وبيهزئ في الكلام ولا كدا يقول يللا بسرعة سوي كدا دحين .. تقوم تقولو طيب لا تدف

    ( زرقنة )



    هههههههههههههههههههه كلمة جييّييدة .. واحد مخو ناشف يعني لو تقعد تقولو وتشرحلو وتترجى وهوا مُصِر كدا يعني كدا .. فهادا يكون مزرقن بقوة

    ( قردنة )

    هادي غالباً ما تنقال على الناس اللي مزرقنين ، مثلاً تبغى تخرج وأبوك مُصِر إنك اليوم معاقب مافي خروج ، على طول يقولك صاحبك ياشيخ روح قردنو ، يعني روح جيب راسو .. مو تجيب راسو يعني تروح تقتل الرجال وتجيب راسو ههههههههههههههه لا لا يعني تجيب الموافقة ويقول طيب


    ( أخرشها )

    يعني أصرفها .. ههههههههههههه كلمة في اللزيز .. عندك كدا كدبة ومنتا عارف تكدبها وخايف وعامل الولد اللي عمرو ما يكدب وإنت دحين في ورطة ولازم تكدب يقوم صاحبك يقولك ياشيخ خلاص أخرشها ولا أصرفها
    ولا سويت مصيبة وتبغى نلف الموضوع فتبدأ تفكر كيف تخرشها ولا تصرفها

    (نص كُم )



    حركات النص كُم دي بطلوها .. تقعد تعملي إنك ولد كووول وفي النهاية إيش تبغى !! قول كدا من الأخير .. عندك شي تبغاه مصلحة تبغاها قول لكن لا تقعد تدّحلس عندي وتعمل حركات النص كُم


    ( أديلو )


    تقال عند التعجب للشي..وللتشجيع فعل المزيد..
    بالعربي تحميييسه [​IMG]

    إنتهينـآ

    وشكرا مقدما لكل التعليقات ..
     
  2. وكيلة 26

    وكيلة 26 مراقبة إدارية مراقبة عامة

    10,049
    35
    48
    ‏2011-02-25
    .......
    هههه رهيب موضوعك وربي
    عجبتني الانبراشة لأنها من الكلمات الجديدة علي ماعرفتها الا من فترة بسيطة
    يسلمو ليالي امتعتينا
     
  3. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    يسعدك خالقك
    ليالي لاحرمنا جديدك
    لاتغيبي فالمكان لايحتمل
    دمتي بخير
     
  4. كأني هنا

    كأني هنا عضو مجلس إدارة الموقع عضو مجلس الإدارة

    12,897
    12
    38
    ‏2010-05-14
    معلم -وكيل بالواسطه
    انبراشه عن المألوف
     
  5. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    ( صاروخ )



    ههههههههههههه طبعاً نعرف الصواريخ .. ولكن هنا معناها شي تاني .. معناها البنت الحلوة فلمن الأولاد يشوفوا بنت حلوة يقولوا عنها صاروخ >
























    هههههههههههههه



    اعجبتني صارووووخ





    والصواريخ انواع
     
  6. شذى الورد.

    شذى الورد. عضوية تميز عضو مميز

    7,469
    0
    0
    ‏2010-05-29
    معلمة
    ههههههههههههههههههههههههههه

    حلوووووووه الكلمات حتى انا جديده علي كلمة الانبراشه
     
  7. وكيلة 26

    وكيلة 26 مراقبة إدارية مراقبة عامة

    10,049
    35
    48
    ‏2011-02-25
    .......
    هيا لاأحد ينبرش علينا >>> يقال تجرب الكلمة :biggrin:
     
  8. ليالي

    ليالي عضوية تميز عضو مميز

    6,301
    0
    0
    ‏2010-05-01
    إداريه
    ههههههههههههههههههههههه

    والله اغلب الكلمات ارددها
    امس وحده معاااااها جوال شكله غريب ...ولونه مش ولا بد
    طوالي ضخكت منه وقلت لها شكلو ابوكلب ..طالعت فيا وضحكت وفالت ابو كلب ابو كلب المهم
    انو يوصل الهرجه ..ههههههههههه
    الصراحه كنت استحي اقول هالكلمه ..لكنها صارت دارجه ..حتى السوق الماركه ماركه والباقي كلو ابو كلب ..خخخخ

    وكل الكلمات اتعودنا نرددها

    مثل كلمة ((( علينا ياحمزه ..))
    (وعلى مين ياحمزه )
    ما ادري مين حمزه وش قصته بس خلاص
    كلمه دارجه ..


    وارنب ولا زاد الكذب قلنا ارانب ..وكبرو الأرانب وهكذا ..
     
  9. الشمري سعود

    الشمري سعود تربوي جديد عضو ملتقى المعلمين

    2,038
    0
    0
    ‏2011-09-22
    مدير
    << يلااااحظ بعض الكلماات متدااولة لششباب الووسطى و الششرقية و بعض الكلماات غيررر مفهووومة من الأسساس
    >> يذكر كلمة حمزة تقال عند الشخص الذي لا يتراجع عن القرار حتى لو كان سلبي
    و ذلك الشيء يعود لأمور سياسية عندما قال فرد حمزة ثاير ثاير >> يقصد بكلمة فرد == مسدسس == رشاش هع
    ششووكراً لكي ليالي على الموضوع الراائع
     
  10. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~
    زمآآآآآن يآ فن.. [​IMG]
    فكرتيني بالذي مضى يآ ليآلي.. :tears:
    من سبت جدة ابشرك اخذت كورس جديد هههه.. :tongue:
    يسعدك ربي يآ غلآهم ،،