اعلان 1 اعلان 1 اعلان 1 اعلان 1 اعلان 1 اعلان 1


يا اهل الرياض .. استفساار ...

الموضوع في 'ملتقى المعلمات البديلات المثبتات ومحو الأمية' بواسطة منصورين, بتاريخ ‏2012-01-16.


  1. منصورين

    منصورين تربوي جديد عضو ملتقى المعلمين

    532
    0
    0
    ‏2011-05-15
    بديلة سابقة

    السلام عليكم و رحمة الله و بركاته ...


    قدمت على سبع رغبات وكلها حول الرياض .. شقراء الحوطة المجمعة القويعية الدوادمي الخرج و طبعا الرياض

    بس بصراحة ما عندي معلومات كافية عنها ... يعني هل فيه معلمات يروحون يوميا من الرياض للمناطق اللي كتبتها ...؟
    هل قراها بعيدة ....؟؟ و هل الطرق آمنة ..؟
    و سيارات النقل متوفرة و إلا لا ....؟


    الدوادمي شكلي أبشيلها .. لأنها بعييييدة مرة ..و أخاف يحطوني فيها لأن احتياج تخصصي 90 .. و أصلا لو جاء تعييني فيها لازم أنقل و استقر في الدوادمي :dunno: ..


    الخرج ما يمدحون طريقها :no: .. و أنا جربته بنفسي .. كله تريلااات و الطريق يجيب لك دوووااار البحر .. يعني تروحين و ترجعين و أنتي مريضة :tears: .. إلا إن كان لها طرق ثاني ما أعرفه !!


    طيب باقي القويعية و شقراء و المجمعة و الحوطة ...... هل هي مريحة ؟؟؟ و خصوصا القويعية :tears: .. قلبي يقول إن تعييني فيها :tears:

    شااااركوووونااا معلوماتكم ..




    أنا ودي بالتعيين لأن إجراءاته أسهل و كل شي واااضح ..
    و ودي بالتثبيت لأنه بنفس المنطقة ..... بس اجراءاته غاامضة و مصيره مجهول ...
    يمكن الناس تتعين و انا باقي على عقد لا حقوق و لا احتساب خدمة ....


    الله يكون في عووووووووون الجميع
     
  2. الله معانا

    الله معانا تربوي جديد عضو ملتقى المعلمين

    209
    0
    0
    ‏2011-09-26
    ؟؟؟
    الله يرزقك يامنصورين ويرزقنا جميعاااا
     
  3. am abood

    am abood تربوي جديد عضو ملتقى المعلمين

    609
    0
    0
    ‏2011-05-15
    عاطلة
    انا اعرف طرق المجمعة فقط صحيح هي بعيدة شوي تقريبا تبعد عن الرياض175 كم بس حلو الطريق من الرياض لها ام طرقها منها لقراها موحشة وكلها برااااان وتخوف صراحة وفيه معلمات يوميا يروحون ويرجعون من المجمعة الى الرياض ولما كنت ادرس الماستر كان فيه بنات يجون من المجمعة ويرجعون في نفس اليوم مع ان الدوام كان مسائي بس تساهيل الحمد لله

    بالنسبة لشقرا اهلي قبل فترة راحو حضروا زواج فيها وتقول امي انها من يوم مشوا لييين رجعوا وهي حاطة يدها على قلبها الطريق سيد واحد وكله شاحنات الله يستر على المسلمين..


    القويعية ما ادري عنها

    دعواتك
     
  4. am abood

    am abood تربوي جديد عضو ملتقى المعلمين

    609
    0
    0
    ‏2011-05-15
    عاطلة
    ايه نسيت الحوطة قريبة من المجمعة وحلوووة ماشي حالها
     
  5. فوفو2727

    فوفو2727 تربوي جديد عضو ملتقى المعلمين

    2,104
    0
    0
    ‏2011-09-10
    معلمة ان شاء الله
    الله ييسر لنا حتى أنا ابي اعدل الرغبات وفاتني بس متى اقدددددر اعدل وانتي وش تخصصك يامنصو رين
     
  6. لسناويه الحريق

    لسناويه الحريق تربوي جديد عضو ملتقى المعلمين

    1,329
    0
    0
    ‏2011-09-17
    معلمة
    اذا كاان طريق الخرج تقوولين عنه (كله تريلااات و الطريق يجيب لك دوووااار البحر .. يعني تروحين و ترجعين و أنتي مريضة )
    فطريق الحوووطه نفس طريق الخرج لكن ابعد بسااااااااااعه او اكثر
    بعدين ترى الحوووطه تشمل الحوطه والحريق وبرك وابو رمل وبرااان ماالها مدى تسد النفس
    انا مااا اقوول علشان اخوفك لكن لاتحسبين الحوطه مستقله اكثر التعييين فيها يرموونهم في البرااان
     
  7. منال المرشد

    منال المرشد تربوي جديد عضو ملتقى المعلمين

    510
    0
    0
    ‏2011-10-06
    معلمة
    شكلنا كلنا بنعدل الرغبات يا منصورين ,,,,,عندي لك اقتراح ,,,اذا تعينتي في احد هالمدن مالك الا تسكنين فيها وخميس وجمعة ترجعين الرياض ,,,اريح لك من المشاوير ,,,,,انا عن نفسي ما احب السيارات ولا ركوبها ,,,,,,,,,,,,,,,,,الله يوفقك ويسخر لك الوظيفه اللي تسرك
     
  8. أم يعرب

    أم يعرب تربوي جديد عضو ملتقى المعلمين

    395
    0
    0
    ‏2011-10-13
    الله يرزقنا
    بالعكس طريق الخرج حلوو ماأحس إنه يخوف أنا أروح زيارة وليس دوام؛100 كيلو أو أقل شوي؛ساعة بالضبط ؛أما عن كلامك على طريقها مدري يمكن غير الطريق اللي أروح منه:dunno:

    والقويعية برضو أعرف طريقها أروح كزيارة أيضا مدة الطريق ساعة ونصف بالضبط 150 كيلو وطريقها أيضا حليو بس اللي يخوف فيه النزلة والطلعة اللي عند المزاحمية تخوف؛بس المشكلة ياقلبي ياليتهم يعينون بنفس المدينة اللي ذكرتيها؛المشكلة إنهم يعينون بالقرى المجاورة لها يعني ماراح يحطونك بنفس القويعية احتمال حلبان وحصاة قحطان..الخ هذي طريقتهم؛ومشكلة هالقرى هي اللي فعلا طريقها يخوف من جد.:crazy:

    الله يكتب لك اللي فيه خير.
     
  9. سينبون

    سينبون تربوي جديد عضو ملتقى المعلمين

    245
    0
    0
    ‏2011-06-24
    معلمة
    اختي ...كل منطقة بتقدمين فيها استخيري...الخرج بالعكس حلوة وطريقها حلو..ز

    وحتى قراها وهجرها حلوة...واستخيري في امرها...القويعية هجرها وقراياها كثيرة وبعيدة استخيري فيها...الدوادمي بعيدة تبعد عن الرياض ثلاث ساعات هذي لازم تسكنين فيها ونفس الشي استخيري عليها...الحوطة نفس الشي لها هجر وابعد هجرة اسمها الحيانية اعتقد تبعد ساعة عن الحوطة والحوطة لحالها تبعد عن الرياض ساعة ونص...وإدارة تعليم الحوطة تتبع لها محافظة الحريق يعني انتي تقدمين في الحوطة يمكن يحطونك في الحريق والحريق لها هجر اللي هي الربوة وابو رمل والمليحات والحريق تبعد عن الرياض ساعتين فما بالك بهجرها...ماانصحك فيها واستخيري في امرها... وإن شاءالله تكون معلوماتي صحيحة ...انا كتبتلك اللي اعرف من خلال زميلاتي اللي درسو فيها


    المجمعة وشقراء ماادري عنها....



    ليش ماتكتبين رماح والمزاحمية وضرماء والدرعية والعمارية والعيينة وحريملاء ....


    الله يوفقك يارب ويعطيك خيرها ويبعد عنك شرها....
     
  10. سينبون

    سينبون تربوي جديد عضو ملتقى المعلمين

    245
    0
    0
    ‏2011-06-24
    معلمة



    انتي تقصدين حوطة سدير.....بس حوطة بني تميم تبعد عن الرياض تقريبا 150 كيلو...او شي تمرين الخرج بعدها الدلم بعدها حوطة بني تميم بعدها الحريق...وهذي جنوب الرياض

    وحوطة سدير شمال الرياض جنب سدير والمجمعة
     
  11. ام اسيل11

    ام اسيل11 تربوي جديد عضو ملتقى المعلمين

    180
    0
    0
    ‏2011-05-15
    لايوجد
    حبيبتي بالنسبه للقويعيه لازم تسكنين فيها قراها جدا بعيده بعض القرى تبعد عن القويعيه نفسها 150 كيلو بعضها تبعد 100 يعني ماينفع تداومين من الرياض ابدا
    استخيري والله يكتب لك الخير
     
  12. الامل بالله*

    الامل بالله* تربوي جديد عضو ملتقى المعلمين

    697
    0
    0
    ‏2011-05-15
    معلمة تنتظر
    انا سجلت شقراء والمجمعة والخرج والرياض طبعاً ....لكن شكلي بشيل المجمعة يقولون يتبع لها قرى الارطاوية بعيده واخاف يجيني فيها تعيين ....والقويعية بعيده ما قدمت عليها ....ومااقدر انا اسكن في القريه لازم اروح وارجع من الرياض ....
    انا متعودة على الطريق والسيارات لآني انا بديلة اصلاً في مندوبيات الرياض وليس في الرياض نفسها وتحملت لانه عقد وينتهي لكن تعيين مطولة في المكان ...الله يرزقنا بالتثبيت يارب ...
     
  13. منصورين

    منصورين تربوي جديد عضو ملتقى المعلمين

    532
    0
    0
    ‏2011-05-15
    بديلة سابقة
    آمييين يارب .. الله يسعدك ع هالدعوات الحلوة ...

    اللي أشاروا علي بشقراء و المجمعة قالوا : أحسن شي تسكنين بحريملاء عشان تصيرين بين الرياض و بينها ..
    بس بعد كلامك .. شكلي أبشيلهااا خخخ :no:

    الله يسعدك و يعطيك حتى يرضيك و بخلي لك ولدك و تفرحين فيه ..

    التعديل بآخر الأيام ..أتوقع 2-3 أخر يوم للتقديم ..
    تخصصي ... E :dunno:
    الله يوفقنا و يكتب لنا مافيه الخير ..

    يااااااااااربيييييه :no: .. و الله صار توهيقه مب تعيين :dunno:

    الله يجزاك الجنة يا لسناوية و يعطيك حتى يرضيك ,,

    ما ينفع يا قللبي أنقل .. إلا بحالة وحده : إذا نقل أبو العيال معي ..... صععععبة العيال يكبرون بعيد عن أبوهم و حتى أبوهم يصير يشيل يده منهم و من تربيتهم و أصير أنا أب و أم لهم ..
    و أهلي ماااااا يؤيدوووووون الفكرة هذي أبداً .. ما يؤيدون إني أصير أنا و عيالي بمككان و أبوهم بمكان
    * أأزعجتك بـ عيالي و عيالي و أنا أصلاً ما عندي إلا ولد واحد هههههه
    الله يسعدك و يكتب لك ما فيه الخير ..


    أنا أجي للخرج من شرق الرياض .. و انا ساكنة بالتحديد عند استاد الملك فهد ( اذا صار فيه مباراة .. دايما اطلع و ابسط بسطتي و أبيع أعلام النوادي ع الرايح و الجاي خخخخخ < -- تمزح ترى :crazy: ) ...... و بصراحة ذاك اليوم تعبت تعب من مشوار احتجت اروح له عن طريق الخرج ..
    و بالنسبة للقويعية ....... ماخوفني إلا إنهم بيحطوووووووني بأحد القرى البعيدة ..
    الله يجزاك الجنة و والديك ...

    هلا و غلا ..
    ما فيه الاختيارات الأخيرة اللي قلتيها ببرنامج جدارة ... لأنها تتبع منطقة الرياض .. وماهي منفصلة عنها .. أنا قدمت ع الرياض و أتمنى و الله يجيني تعيين بأحد اللي قلتي ..

    بالنسبة للحوطة .. مشكورة يا قلبي و الله كنت محتاجة هالمعلومات .. ني ما كنت اعرف شي عنها إلا من ردك و رد الغالية لسناوية ..
    الله يجزاك الجنة و والديك و يعطيك حتى يرضيك ..

    فكرت أنقل بمكان قريب من القويعية .. بس ما أطلع من نطاق الرياض .. عشان تطيح عني نصف المسافة تقريباً
    بس الخوف و كل الخوف من القررررى :tears: ..
    الله يسعدك يا أم أسيل و يعطيك حتى يرضيك......
     
  14. منصورين

    منصورين تربوي جديد عضو ملتقى المعلمين

    532
    0
    0
    ‏2011-05-15
    بديلة سابقة
    ههههههههه اجل انتي مثلي .. تشيلين و تحطين :dunno:

    راسي مصدددع من التفكير ..

    حسبي الله على اللي حطنا في هالمووقف .. و عسر أمرنا من البداية :no: ...

    الله يرزقنا اجمعييييييييييييين و نفرررح قريب ...و الله يعطيك حتى يرضيك يا قلبي ...​
     
  15. منصورين

    منصورين تربوي جديد عضو ملتقى المعلمين

    532
    0
    0
    ‏2011-05-15
    بديلة سابقة
    يا بنات اعترف لكم
    تراكم قفلتوهااا بوجهي من جميع الجهات الاربع للرياض هههههههههههه داير ما دار :tears:

    يبدو لي اني ابحط الرياض بس ............ وان جاء التعيين يا هلا به ... و ان جاء التثبيت يا هلا به اكثر

    و ان ما جا لا ذا و لا ذا ....... الله يخلي لي حافز :no: ههههههه​
     
  16. ياليل مطولك

    ياليل مطولك تربوي جديد عضو ملتقى المعلمين

    5,247
    0
    0
    ‏2011-03-14
    انتظر الثبيت
    الله يفرج همك يا غاليه انصحك وكل البنات بصلآة الاستخآره..

     
  17. حروف مبعثره

    حروف مبعثره تربوي جديد عضو ملتقى المعلمين

    604
    0
    0
    ‏2011-12-15
    معلمه
    حبيبتي اصلا حتى لو حصل لنا تثبيت فتوقع في قرى الرياض
    يعني مدينة الرياص مب حاصله لنا لانهم قالو للي ع راس العمل تثبيتهم بره الرياض
    علشان كذا بغير وبحط رغبات اكثر لاني ماعاد اثق في توضيفهم في مدارسنا القديمه
    وانتي استخيري
     
  18. الشادي

    الشادي تربوي جديد عضو ملتقى المعلمين

    421
    0
    0
    ‏2008-05-03
    بديله لسيت على راس العمل
    حتى انا راسي مصدع طلبت مع اني بس طلبت الخرج والرياض ومتردده اخلي الخرج والا اشيلها الله يكتب لنا اللي فيه الخير
     
  19. ادارية بديلة

    ادارية بديلة تربوي جديد عضو ملتقى المعلمين

    997
    0
    0
    ‏2012-01-09
    8 سنوات من البحث عن وووظيفة
    يارب ارزقني وووظيفة رسمية
     
  20. jsa

    jsa تربوي جديد عضو ملتقى المعلمين

    106
    0
    0
    ‏2011-10-01
    لاتوجد
    يابنااااات

    سمعوا نصيحتي وتوكلوووا على الله
    لاتشيلون ولا تحطووووون خلاص
    وما يحتاج يصدع راسك وتفكرين كثير

    وماراح يصير الا اللي كاتبه رب العالمين وما علينا الا بذل الاسباب

    خايفين من الحوادث والموووت كل نفس ذائقة الموت وهذا امر لامفر منه

    انا أقول صلي صلاة الاستخاارة -شاوري الاهل- توكلي سجلي -انتهى الموضوع