اعلان 1 اعلان 1 اعلان 1 اعلان 1 اعلان 1 اعلان 1


مديحه جابت فحل ..!

الموضوع في 'ملتقى إستراحة الأعضاء' بواسطة مـنـاحـي, بتاريخ ‏2012-01-26.


  1. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    مسائكم دفا .. للبردانين ..!


    ومسائكم فرحه وشوية طفش للمداومين يوم السبت ..! :tongue:

    ( 1 )

    ،

    شريط النفسيات ( قناة بداية ) ..!
    .
    .

    بنات آخر رسالة بيخلص رصيدي , تكفون أبي طريقة تقطيع الطماطم .. كنترول كرّر جعلك الماحي إذا ما كررت .. أختكم : دلوعة زوجها ..!

    ( هذي ودك تقطع شوشتها .. أجل طريقة تقطيع الطماطم ) ..! :tongue:

    ...........

    - سويت لزوجي فطور .. وقال لي تسلم يدك وهو دايماً يقول تسلم الأيادي تتوقعونه زعلان من يدي الثانيه .. مع العلم إنها ماسوت له شي ..!


    ( ايه زعلان من يديك الثانيه قصيها خلاص ما عاد منها فايده :crazy: ) ..!

    ...........

    - بنات تكفووون الحقو علي .. زوجي طلع من البيت وماقالي مع السلامة .. وش رأيكم أطلب الطلاق ؟ كونترول كرر ..!

    ( أوووما ماقالك مع السلامه .. وجالسه للحين عنده .. أخذي قشك وعلى بيتك اهلك هذه مايقدر الحياة الزوجيه ) ..!:tongue:

    ............

    - زوجي يحبني ويموت فيني .. وأنا أحبه بس ما أموت فيه .. تكفون عندكم خلطة تموتنا الاثنين في بعض .. والله لأدعي بصلاة الليل للي بيرد ..!

    ( هذي حالتها ماله دواء .. لا خلطه تنفع ولا الطب كله حتى ) ..!

    ............

    بنات فيني شهقة .. تهقون عين ؟ كرر ياكنترول ..!

    ( أكيد عين .. والظاهر كل شهقه بعين بعد .. أمرخي عيونك بزيت خروع ولا قدامك الا العافيه ) ..! :tongue:

    ..............

    - ادعو لي تكفون .. بكرة بروح السوق ..!

    ( دربك خضر ) ..!

    ............

    - بنات تكفون الحين بركب السيارة .. أركب من أي باب تكفون ..!

    ( أطمري بالحوض .. ولا تدرين تعلقي بالصدام أبرك ) ..!

    ،
    ،

    ( 2 )

    ،

    حلم الفيل ( الي عنده خلفيه بتفسير الأحلام يفسر حلمي هذا ) ..!

    .
    .

    قبل فتره .. شفت بالحلم فيل أفريقي أبو أنياب كبيره وهالفيل معروف أنه أقوى أنواع الفيله ..!

    الموهيم لكم الحلم .. مدري الفلم ..!

    رأيت فيما يرى كل غارق بالنوم فيل ضخم يطردني ويحاول يمسكني بخرطومه وكذا مره يبي يتوطاني :tears: .. واذا قرب مني تزيد سرعتي بشكل عجيب :dunno:

    والغريب انه هالفيل لونه مو زي لون هالفيله العاديه .. لونه يقارب للبني ..!

    الوكاد أني قمت من النوم وأنا مرتاع وخايف .. الله يكفيني شر ذا الحلم ..!

    ( الي يعرف يفسره ياليت يفسره لي ) ..!

    .
    .

    ( 3 )

    ،

    مديحه جابت فحل .. ( عنز ولد جارنا صالح ) ..!

    .
    .

    [​IMG]


    قبل أمس شفت ولد جارنا صالح فرحان ويرقص بالشارع .. ناديته وسالته وش فيك تناقز وترقص ..!

    قالي ابشرك مديحه جابت فحل ..!

    صراحة أنا تنحت شوي:eek: .. وقلت له ماشاء الله مبروك بس مين هي مديحه هذي ..!

    قام طلع جواله ووراني هالصوره الي تشوفنها .. قال هذي هي مديحه مع ولدها ..! :crazy:

    قلت له هذي مديحه الي فرحان عشانها .. تدري يا ابو مديحه .. بلغ مديحه سلامي

    وقلها جارنا يسلم عليك ويقولك اللهم بارك لها وعساه يتربى بعزها وجعله الله من الفحول الطيبه ..! :tongue:

    ،
    ،


    خارج النص :

    واحد يشتغل مندوب مبيعات مكانس كهربائية
    طق على بيت شايب وفتح له الباب وراح للمجلس
    وكب كيس مليان تبن على الفرشة وقال شوف
    ياباشا المكنسة دي مش صنع يابان ولا امريكان
    دي مكنسة عجيبة حتنظف التبن ده وشرط ياباشا
    لو منظفتش حاكل التبن ده كلو
    قال الشايب تبي معه عصير ولا ديو
    قال المندوب ليه !!!
    قال الشايب لان الكهرباء مقطوعه :biggrin:

    .
    .




    خويكم

    موصاحي

     
  2. سعدsad

    سعدsad عضو سابق في مجلس إدارة الموقع عضو مميز

    3,941
    0
    0
    ‏2009-01-28
    معلم

    دام ان الفييل يطرد وراك [​IMG]

    وانت خايف ومرتاع [​IMG]

    اكيد السالفة فيها زواج [​IMG]

    الا الا اكيد بتتزوج الثانية
    الف مبرووك مقدماً

    [​IMG]
     
  3. Ĝђẩ₫ắ

    Ĝђẩ₫ắ عضوية تميّز عضو مميز

    5,689
    3
    0
    ‏2011-03-02
    عاطله
    شريط قنآة بدآآآيه خخخخخخخخ والله حآآله من جد

    [​IMG]
    هذي شكلهآ تبي حآآفز وسآآمعه آنه مآيجي آلآ بآلقوه وبعد طلعت آلروووح رآآحت تدوور في نفسهآ يمكن تلآقي شي مآ يقبلهآ في حآفز خخخخخخ

    بنآت زوجي جآي من آلسفر آشلون آستقبله آركض وآلآ آمشي :no:

    لآ وآلله آزحفي آحسن نعنبو دآآرك هذآ سؤآآل :icon28:
    وآآلله من حظ شركآت آلآتصآل آللي تمكسبت من ورآآكم يآفآغرآآت

    آقرئ مديحه آلسلآم وقولهآ يتربي في عزك مولدك آلجديد :icon30:
    وآذآ آحتآرت في آسمه تبلغنآ نسوي حمله تصووويت لاسم ولد مديحه :bleh:


    كنت هنآ [​IMG]
     
  4. لست كما يقولون

    لست كما يقولون مميزة الملتقى عضو مميز

    1,578
    1
    38
    ‏2011-09-09
    معيدة
    يعطيك العافية بجد تعليقات روعة ,, وماألومك بصرااحة شات بداية فعلا ناس تستهبل ..

    واحد مرة كاتب أنا توني وديت أمي لمأوى العجزة بعد ماطردتها من البيت وش رايكم بتصرفي ؟؟ يعني وش تبي نقول : كثر الله من أمثالك مثلا ...

    ووحدة كاتبة : ولدي هالحين طاح عليه التلفزيون ويطلع منه دم كثير من راسه وش السوااة ؟؟

    ياربي والله انقهرت قوه كنت بأرد عليها وأقول وديه للمستشفى واتركي الشات يامتخلفة .. بس تراجعت و قلبت القناة وريحت راسي ...


    ....................

    سلمت ...
     
  5. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~
    نبي دفآ بس طفش وربي مو نآقصين.. :no:
    :

    شريط بدآية ..
    سآلفة بلحآله وحده من زميلآتي تقول امهآ حطت شريط لآصق ع الشآشة.. [​IMG]
    علشآن اخوآنهآ مآ يشوفونه ههههه.. :tongue:
    بس تبون الصرآحة اتوقع انهم شبآب يستهبلوون ..:bleh:
    ولآ مسجآت يكتبهآ الكونترول يبي القنآة تتكسب من ورآهآ..:bigsmile:
    ادري بتقولون فيه كثير نسوآن مفهيآت بس مو لهالدرجة.. :tongue:
    :

    الف مبرووكـ ل مديحة يتربى ب عزهآ.. :bigsmile:
    :

    خآرج النص..
    كفوو والله
    لو منه بخليه يآكل التبن بدون عصير.. [​IMG]
    :

    شكراً صآحي
    على رسم الآبتسآمة ~

     
  6. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    هلا هلا وغلا

    بالصاحي
    وربي انك فله


    انت وبدايه

    وتيس مديحه هههههههههههههه

    لاحرمنا جديدك ياالصاحي
    دمت بخير ودام تواجدك
     
  7. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم

    توووورط وأكلهااا هوا

    تسلم يدك ابو صاحي
     
  8. اشرف شيخ

    اشرف شيخ عضو سابق في مجلس إدارة الموقع عضو مميز

    12,100
    0
    0
    ‏2009-01-14
    معلم
    اولا : اهلا بعودتكم الميمونة
    ثانيا: عز الله قناة بداية هذي انشهرت على حساب كنترولها
    ثالثاً: انت تستهين بفرحته بمديحة وفحلها ياخوك الان كلها سنة ويطق فيه 800 << راتب شغالة
    رابعاً: لا عاد تغيب ..... كرر ياكنترول

    مخرج : يقولون العملة الخليجية بيسمونها (خليجي) تخيل تروح سوق الغنم عند بنقالي وتقوله كم يسوى التيس يقولك التيس يسوى (800 خليجي) هههههههههه لزوم نعلم الشيخ بالسالفة
     
  9. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    هلا بالصاحي أبوقلب صاحي

    الله حيّه ... من طوّل الغيبات جاب الغنايم ...

    ...

    بالنسبة لبداية ... جاني رسالة ع الواتز أب ...عبارة عن رابط صورة للقناة فيها رسالة ... أخجل وأستحي أقولها
    والله لو إنها صحيح وصدق ... إن بعض اللي يرسل مافي وجهه حيا ...

    ...

    وبالنسبة لمديحة وجفرها ... الله العالم إن رثمته رثمة فحل من الفحول اللي يحرجون عليها في ديراب

    يعني يمقن يجيب له 80 ألف ريال

    لذلك سلمني على راعي مديحة ... وقلّه الفحل له زبون ...
     
  10. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم

    خخخخخخخخخخخخخخخ ،، اجل عسا نشتري التيس بربع خليجي بعد كذا هههههههههههه ،، يعني ترخص الاصعار،، قصدي الاسعاااااار


    اشرف اسعدك الرحمن وين ما تروح ، انت وابو صاحي وكل اللي يردووون هووون ....
     
  11. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    هقوتك تسذا يا سعد ..!

    أجل جعله كل ليله يجي بالحلم لين يتوطاني قصدي لين اتزوج :biggrin:

    تشكرات سعد ..!
     
  12. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!



    لو أنا منك يا غاده كان رديت عليها وقلتي حافز ما يقبلون الا الي مالها شعر صلعا :biggrin:

    ولا الثانيه الي تبي تستقبل زوجها اجل اركض ولا امشي .. لا تمردغي بالحوش لين يجي .. ياربي لك الحمد والشكر بس ..!

    بعض النسوان مدري هي مفهيه ولا زود تنسيم براسها ..!

    ولد مديحه .. الظاهر بيدفنونه في برميل المندي قبل لا يسموونه :biggrin:

    تشكرات غاده ..!
     
  13. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    الي كاتب انه حط امه بدار العجزه حتى لو كان يمزح أو حتى أمه متوفيه ويستهبل بالشات هذا إنسان تافه وإن شاء الله ربي يرزقه بعيال يطردونه بالشارع ..!

    والمهبوله الي ولدها غرقان بدمه وترسل بالشات .. هذي ودك تحطين التلفزيون فوق راسه هي والله ..:tongue:

    تشكرات لست كما يقولون ..!
     
  14. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!


    أبشري بالدفا والدوام والطفش كلها جت بوقت واحد :tongue:

    والله ما ظنتي يانغم انهم شباب .. ترا فيه بنات منسمات ومفهيات برضو توقعي منهم أي شئ ..!

    وأم زميلتك وش تغطي وش تخلي .. على قولتهم الشق أكبر من الرقعه :biggrin:

    ومديحه ماهيب فاضيه للتهاني والتريكات .. ولدها طلع موذي وهي وراه من شبك لشبك ازعج جيرانه من الغنم :biggrin:

    وراعي المكنسه والله ان يحرم يروح لأحد بعد ذا الشايب :tongue:

    تشكرات نغم ..!
     
  15. شامخه رغم الانكسار

    شامخه رغم الانكسار عضوية تميّز عضو مميز

    1,227
    0
    0
    ‏2010-09-23
    على باب الله
    الله لايلومك. في. بداية من. جد. مسخره مالها. اي هدف
    يعطيك. العافيه. مو. صاحي
     
  16. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    هلابك يا ابو لمى

    وانت فله بملحق :biggrin::tongue: << مزحه طال عمرك :redface:

    تشكرات أبو لمى ..!
     
  17. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ليته أكلها هوا .. إلا أكلها تبن مع حمضيات :biggrin:

    خله يستاهل ليش ما سأل عن الكهرب أول شئ :tongue:

    تشكرات نصار ..!
     
  18. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ج أولاً : تسلم يا الغالي ..!

    ج ثانياً : بداية كانت بدايتها ممتازه .. لكن الحين صارت تجاريه أكثر منها دعويه ..!

    ج ثالثاً : صدق الحين ولد مديحه أغلى من مديحها زاتها ..!

    ج رابعاً : ما اغيب انا .. أختفي بس :tongue:

    صراحة لو حطوا هالعمله صدق .. بيصير وضعنا منتكس ..:crazy:

    تشكرات أشرف باشا ..!
     
  19. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!


    الله يبقييك ويسلمك يا أبو داليا ..!

    صدقت والله فيه رسايل كثيره شفتها بالشات حق بداية .. مدري كيف الكنترول يسمح فيها ..!

    وتبي الصدق عاد الي ما في وجهه حيا هو الي بالكنترول وينزل مثل هالرسايل ..!

    أنت تقوله صادق .. اجل اشتريه من جارنا .. بعطيه ألف ريال .. مير اخاف أشتريه ثم اتورط به ولا يجيب راس المال :tongue:

    راعي مديحه يحب الفلوس عز الله .. لو تبي مديحه براسها بيبيعا مير سكينه حاده الأجودي :biggrin:

    تشكرات صوت الشعر ..!
     
  20. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ايه هين ترخص الاسعار .. الحين الريال شايفن نفسه علينا وهو لحاله كيف عاد لا أجتمع مع حبايبه العملات الخليجيه الباقيه ..!

    تشكرات نصار ..!