اعلان 1 اعلان 1 اعلان 1 اعلان 1 اعلان 1 اعلان 1


فكره طرت ببالي واليوم سويتها (لقيت 1000 دعوه حلوه من امي الحلوه) تفضلوووا

الموضوع في 'ملتقى المعلمات البديلات المثبتات ومحو الأمية' بواسطة لوووووودي, بتاريخ ‏2012-02-07.


  1. لوووووودي

    لوووووودي تربوي جديد عضو ملتقى المعلمين

    171
    0
    0
    ‏2012-01-16
    مدرسه اهلية
    :clap:[​IMG][​IMG][​IMG][​IMG][​IMG]


    بسم الله الرحمن الرحيم
    السلام عليكم ورحمة اللهـ وبركاته ..
    احنا دائما نسمع نصايح دلعي زوجك او دلعي بنتك او دلعي اختك بس محد قد قالك دلعي امكـ ..انا من كم يوم كنت ناويه اسوي هالفكره اني اسوي يوم كله يوم دلع لامي اسوي لها حركات دلع كانت ببالي افكار كثير مثلا اني انقع رجلينها بماي دافي واهمسهم واحط ملح وبعدين انشفهم وارطبهم وادهنهم وكمان قلت بسوي لها حناء بشعرها وبيدينها ورجلينها لان امي تحب الحناء وكمان قلت باسوي لها كذا وجبه حلللوه وما تشارك هي فيها بشي الا تاكل وبس وهي مرتاحه
    وكمان كان ببالي انظف غرفتها وابخرها واعطرها وارتب دولابها وكذا المهم كل شوي تطلع براسي فكره حللوه
    واليوم كانت امي صايمه تصوم الايام البيض الله يتقبل منها يارب
    وكان عندها موعد الظهر بالمستشفى فقمت وسويت الغداء لابوي ولاختي الي بتجي من المدرسه وامي طبعا كان موعدها بعد الظهر وبعد العصر عندي حلقه بالتحفيظ يعني الوقت اللي عندي ثلاث ساعات ونص تقريبا
    قمت خلصت اواني الغداء وعجنت عجينة فطائر وسويت كشنه حقت بيتزاء وجهزت اغراض الفطاير الين تتخمر العجينه
    في هذا الوقت سويت شوربه شوربه عاديه لان امي تحب العاديه
    وقمت رتبت البيت وكنسته كللله وخصوصا غرفتها
    ورحت المطبخ وسويت نوعين فطاير (بيتزاء وفطائر جبن عاديه) وخلصت الشوربه الحمدلله
    رحت وبخرت البيت ببخور يجنن امي تحبه معروف الي اسمه مبسوس بانافع
    وبعدين جت امي ونامت على اذان العصر وانا رحت التحفيظ طبعا لانه ما امداني اسوي حلا اخذت من التحفيظ شوكولاتات واخذت عصير سنتوب لان امي تحبه
    ورجعت الساعه 5 تقريبا وسويت قهوه وخبز وقبل الاذان حطيت السفره اول ماحطيتها اسمع امي تقول الله يوفقك ورحت المطبخ وجبت القهوه وحطيتها وامي تقول الله يوفقك
    ورحت المطبخ اجيب الفطاير وحطيتها وامي تقول الله يوفقك ويسترك
    ورحت اجيب اللبن والعصير وقالت الله يرزقك بلي تتمنين انبسسسطت وتشققت من الفرحه
    ورحت اجيب التمر والشوربه وهي تقول الله يسعدك ويوفقك ويعطيك الي تتمنينه
    ورحت اجيب المويه وهي تقول الله يكتب اجرك ويوفقك
    ورحت اجيب الخبز وحطيته وامي تقول الله يوفقك ويرزقك
    وتدددعي لي دعوات تهببببل يابنات وهي صايمه يعني الحمدلله ربي ماراح يردها خايبه
    وطبعا العشاء من باقي الفطور بيكفي عشاء وناويه الليله احنيها واضبطها واكيد بتدددعي لي اكثررررر واكثرررررر
    انا انبسطت من الدعوات اللي لقيتها وقلت اقولكم على هذي الفكره اللي تحس انها قاسيه مع امها شوي تسوي لها بالاسبوع يوم دلع واحد الين تتعودين شوي شوي واصلا راح تتشجعين لانك تلقين دعوات تفتح النفس
    واضيفي الافكار اللي تبين والي تناسب امك وراح تنبسطين من النتايج ترى هالامهات الحلوات لامنهم رضوا علينا ودعوو لنا من قلب راح نتوفق بكل شي ممكن تدهنينها بزيت او كريم
    اول يومني كنت غافله كانت امي تصوم وترجع من التحفيظ تسوي لها اي شي تاكله مسكينه وانا قد انتفخت وعفنت في سريري من النوم والكسل يالله كم كنت اكره نفسي وقتها
    الفكره رووووووووووووووووووووووووووووو ووووعه ونتايجها خياااااااااااااااااااااااااااا ااال اسالكم بالله ان تطبقونها وان تدعون لي ربي يرزقني الهداايه وبر والديني الين اموت
    واتمنى لكم التوفيق واتمنى نشجع بعض نصحى من غفلتنا ونبر بامهاتنا عشان ربي يرضى علينا ويحقق كللل امنياتنا
    نكون عون لبعض ونعطي بعض افكار حللوه تساعدنا نننهض بانفسنا من نومتنا الي طالت سنين طووويله كل من تحس بفتور العلاقه بينها وبين امها تعرف ان الخلل فيك انتي مووووو فيها والله الامهات مايبون مننا الا نقوووم بشغل البيت اولا ثانيا يسمعون مننا كلمه طيبه ثالثا ننظم اوقاتنا وندلعهم ونحسسهم انهم تعبوا معانا كثيررر وجاء الوقت الي تردين فيه الدين اللي عليك
    كمان اكثر شي يزعل الاهل مننا اننا نروح نجلس بالغرف على النت او على الجوالات او التلفزيون او نكلم صديقاتنا وتاركينهم بلحالهم مايبغونك تحطين القهوه او الشاي وتروحين والله انهم يتاثرون صح احيانا يمكن انك تطفشين بس عندي فكره شيلي لاب توبك وقشك وروحي اجلسي معاهم وسولفي وبكذا بينبسطوون او خوذي مجله او جريده واجلسي معاهم سولفي شوي واتصفحي شوي والنتايج خيااااااال وترضيك وترضيهم


    ×××تقبلوا تحياااااااااااااتي حبيباتي ولاتنسوني من دعواتكم الحلوه ×××
    [​IMG][​IMG][​IMG][​IMG][​IMG]


    مــــــــــــــــــــــــــــــــنقول
     
  2. يومي بسنه

    يومي بسنه تربوي جديد عضو ملتقى المعلمين

    696
    0
    0
    ‏2011-12-24
    1
    جزاك الله كل خير
     
  3. الامل بالله*

    الامل بالله* تربوي جديد عضو ملتقى المعلمين

    697
    0
    0
    ‏2011-05-15
    معلمة تنتظر
    نقل رائع ...
    الله يوفقنا لبر والدينا ....
     
  4. سنتوريا

    سنتوريا عضوية تميّز عضو مميز

    1,804
    0
    0
    ‏2011-05-15
    معلمه
    الله يجعلنا من البارات بوالديهم
    ومافيه شك الوالدين من ابواب الجنه ..
    رب اغفر لوالدي وارحمهما كما ربياني صغيرا

    امي تدعي لنا قايمه قاعده ...وهالفتره ماتفارق السرير الا لدورة المياه الله يكرمكم وطول ماهي صاحيه تدعي لنا
    قلب الام مرهف ...
    الله يقدرنا على برهم ولا يحرمنا من دعاويهم وحسهم بهالدنيا
     
  5. بدور النهار

    بدور النهار تربوي جديد عضو ملتقى المعلمين

    789
    0
    0
    ‏2011-05-22
    بديلة سابقا
    ياليت نكون بارات بامهاتنا

    والله اني حسيت فيهم اكثر بعد العيا ل اللي مطلعييييين عيني الله يحفظهم لي

    ويحفظ والدينا من كل مكروه ويغفرلهم
     
  6. بديلة الجبيل

    بديلة الجبيل تربوي جديد عضو ملتقى المعلمين

    1,506
    0
    0
    ‏2012-01-21
    بديلة وجالسة بالبيت
    مشاء الله عليها افكارها حلوة الله يبارك فيها
    جزاك الله خير على النقل الراااائع جعله في موازين حسناتك
     
  7. محبه كتاب الله

    محبه كتاب الله تربوي جديد عضو ملتقى المعلمين

    112
    0
    0
    ‏2011-12-05
    ربة منزل
    ماشاء الله الله يرزقنا بر والدينا وابناؤنا
     
  8. **أم سعد**

    **أم سعد** تربوي جديد عضو ملتقى المعلمين

    1,147
    0
    0
    ‏2011-05-31
    بديلة ليست على راس العمل
    الله يحفظها ويخليها لك
     
  9. الريتاج 2004

    الريتاج 2004 تربوي جديد عضو ملتقى المعلمين

    275
    0
    0
    ‏2011-06-02
    عاطل
    جزاك الله خير على هذا الموضوع

    اللهم ارزقنا بر الوالدين على ما تحبه وترضاه

    اللهم ارحم ضعفهم وجازهم با الحسنات احسانا وبا السيئات عفوا وغفرانا واحسن خاتمتهم يارب العالمين
     
  10. جنتي سعادتي

    جنتي سعادتي تربوي مميز عضو مميز

    1,880
    0
    0
    ‏2011-05-15
    بديله ليست على راس العمل
    أحبهم أحبهم أحبهم


    كل الأمهات يجيني إحساس من جهتهم لااعلم ماهو احب اساعدهم ويحز في قلبي إذاشفت ام وحيده او بنتها تتكلم عليها

    الله سبحانه وتعالى يمهل ولايهمل سوف تجدها في بناتها وابنائها


    وخاصة الكبار في السن اموت على جلستهم >>>>>>>>> ياحبني لهم


    الله يحفظ لنا امهاتنا اللهم آآآآآآآآآآآآآآآآمين ​
     
  11. راسيل وبس

    راسيل وبس تربوي جديد عضو ملتقى المعلمين

    398
    0
    0
    ‏2011-06-04
    معلمة
    اهلين لودي الله يعطيك العافيه
    مابعد كلامك كلام انتي كتبتي درر يارب كلنا نجتهد لطاعة وبر الوالدين
    الله يجزاك خير
     
  12. عزوف الرياض

    عزوف الرياض تربوي جديد عضو ملتقى المعلمين

    13
    0
    0
    ‏2008-07-29
    وربي روووعه

    وربي ندمانه تزوجت بدري ولا برئت بأمي وخدمتها

    تزوجنا وبلشنا بالزوج والعيال

    الا ليت الزمان يعووود يوما واعوضها وأرفض الزواج لحد ماوفيها حقها


    اللي عند امها وابوها تفدئهم بعيونها والله مافي شئ يسواهم بالكووون

    :no::tears::tears: