Maroom

Maroom

ساااااعدوني في اختيار الرغبات للرياض وقراها

غلا الرياض

تربوي
عضو ملتقى المعلمين
السلام عليكم ورحمة الله

يا معلماااات أبيكم تساعدوني الله يجزاكم خير

( لا خاب من استخار ولا ندم من استشار )

هذي أول مرة أدخل رغبات النقل

أنا من دفعة 32 وساكنة غرب الرياض

قولوا لي ايش افضل الرغبات اللي تناسبني وتكون قريبة من الرياض

خصوصا اللي مدارسها حلوة وطالباتها قليل :icon30:

بشرط ما تبعد عني اكثر من 80 كم يعني ابعد شي حريملاء

وهل لو اخترت رغبات قليلة ممكن ما يحصل لي نقل

وإلا النقل بيشمل جميع معلمات التعهد ؟؟

واللي تعرف شي عن مدارس الحاير والمزاحمية وضرما تكفووون ما تبخل علي

من ناحية أعداد الطالبات وسلوكهم ومن ناحية مرونة الادارة مع المعلمات

أدري كثرت اسئلة عليكم بس سامحوني والله من الحيرة اللي فيني :dunno:

ودي اختار الرغبات وانا متطمنة وما أندم بعدين ... :tears:

انتظررر ردودكم على اسئلتي الله يسعدكم ويجزاكم خير

وفالكم النقل ع الرغبة الاولى في احسن المدارس بإذن الله :clap:

 

sara1429

تربوي
عضو ملتقى المعلمين
الرياض
الحاير
المزاحميه
ضرما
العيينة
حريملا
هذي اقرب شي اما رماح وثادق بعيييده
 

معلم يعشق الهلال

تربوي
عضو ملتقى المعلمين
الرياض
الحاير
المزاحميه
ضرما
العيينة
حريملا
هذي اقرب شي اما رماح وثادق بعيييده

غلا اتمنى لك النقل وسارا ما قصرت حطت لك كذا رغبه بس اشوف انو رماح اقرب من حريملاء ولو تعبي كل الرغبات احسن بس شوفي الاقرب بالاقرب وعلى حسب تخصصك يمقن يكون فيه احتياج ويمقن مافي



 

محرومه من النقل

تربوي
عضو ملتقى المعلمين
الرياض
الحاير
المزاحميه
ضرما
العيينة
حريملا
هذي اقرب شي اما رماح وثادق بعيييده

غلا اتمنى لك النقل وسارا ما قصرت حطت لك كذا رغبه بس اشوف انو رماح اقرب من حريملاء ولو تعبي كل الرغبات احسن بس شوفي الاقرب بالاقرب وعلى حسب تخصصك يمقن يكون فيه احتياج ويمقن مافي





حريملا 85ك
رماح 140




غلاء كذا موضوع الى انا حق رغبات وانتى رديتى عليه

معقوله حتى الان لم تختارى امرك غريب
 

غلا الرياض

تربوي
عضو ملتقى المعلمين
مشكوووووووووورين جميعا على الردود .. ربي يجزاكم الجنة

بس ما فهمتوا قصدي : (

أنا يهمني أكون مرتاحة في المدرسة من ناحية الادارة والطالبات أكثر من اهتمامي بقرب المدرسة من بيتي

ودي اكون في مدرسة في قرية قريبة من الرياض واكون فيها مرتاحة أحسن من اكون في مدرسة جنب بيتي بس مرهقة لي ...

اذا تعرفون قرى حلوة مدارسها من ناحية قلة الطالبات وتعاون الادارة تكفوووون ساعدوني

عشان لما يفتح النظام عندنا أكون جاهزة واسجل رغباتي على طول ...
 

سلمان الروقي

تربوي
عضو ملتقى المعلمين
فيه قرى تتبع لرماح تبعد عن الرياض 90 كلم مثل " هجرة سعد" بتسكين العين على طريق الشرقية

وشوفي اعتقد ان ملهم ممتازة مره تبعد عن الرياض 40كلم والظاهر انها تبع حريملاء
عموماً لا تفكري كثيرا في نوعية الطالبات وتعاملهم ولا الاشراف التابعة له المدرسة ولا حتى زميلاتك اهم شيء تكونين قريبة من اهلك وبامكانك التأقلم وأدي عملك بأمانة واخلاص

اتمنى لكي التوفيق
 

معلم يعشق الهلال

تربوي
عضو ملتقى المعلمين
والله ياغلا ماتجي ع الكيف خلاض بروح ادور مدرسه مافيها الا خمس طالبات ومديره فلاويه ودوم بس ساعتين والله حاله يا معشر المعلملت هع
 

غلا الرياض

تربوي
عضو ملتقى المعلمين
مشكووور يا أستاذ سلمان على النصيحة

أنا ناوية أختار حريملاء الرغبة الخامسة والاخيرة ,,,

أما من ناحية الطالبات فهم أكبر همي ... أنا كنت بديلة وجربت مدارس الرياض تجيب المرررض

تكدس طالبات اعدادهم في الاربعينات وضعف في مستواهم الدراسي وقلة أدب من البعض ووو

وأنا ما أتحمل تتعب نفسيتي منهم .. أنا بأحضر واشرح واجتهد بس أبي ناس جاية تتعلم مو تلعب ,,,

معلم هلالي ...

أنا قاعدة اخذ الاسباب واحاول ألقى مدرسة مريحة وربي كريم ...
 

معلم يعشق الهلال

تربوي
عضو ملتقى المعلمين
معلم هلالي ...

أنا قاعدة اخذ الاسباب واحاول ألقى مدرسة مريحة وربي كريم ...



الاستاذه غلا الرياض
والله الكل يبي مثل ما انتي تبين بس اشوفها صعبه في الرياض وانتي بنيتي على خبرتك السابقه ....... والرياض مو مثل المحافظات والقرى لان الاعداد بتكون قليله واخلاق الطالبات بتكون غير وافضل
اتمنى لك التوفيق والنقل لمحافظه جميله
على فكره شنو تخصصك <<< ملقوف
 

غلا الرياض

تربوي
عضو ملتقى المعلمين
عشان كذا ما ودي اختار الرياض من ضمن رغباتي

بس خايفة اطيح في قرية وتكون ما تفرق كثير عن الرياض << بسم الله علي الله لا يقوله

وتصير مشكلتي مشكلتين : بُعد وكرررف

انا انجلش ...
 

ليالي111

تربوي
عضو ملتقى المعلمين
غلا انا مثلك انجلش ومابغى المدن والزحمة

طيب عندي سؤال انا ادرس ابتدائي هل ممكن انهم يحطوني ثانوي او متوسط وانا ماني طالبة مرحلة اعلى ؟
 

غلا الرياض

تربوي
عضو ملتقى المعلمين
هلا بزميلة المهنة اختي ليالي ...

يعني انتي الحين في ابتدائي ؟؟ كم نصابك ؟؟ ومن وين متخرجة ؟؟

انا لما سويت المقابلة كتبت لي على الورقة توجه للمرحلتين المتوسطة والثانوية

وفعلا لما طلع تعييني صرت في ثانوية ...

اللي أعرفه ان كل خريجات الانجلش المعينات شهادتهم بكالوريوس (ما فيه دبلوم ولا من كلية اعداد معلمات الابتدائي ) فمعناها ممكن تدرس جميع المراحل حسب الشواغر ...

الله يكتب لنا اللي فيه الخير ...

 
T

ta3hood@

زائر
هلا بزميلة المهنة اختي ليالي ...

يعني انتي الحين في ابتدائي ؟؟ كم نصابك ؟؟ ومن وين متخرجة ؟؟

انا لما سويت المقابلة كتبت لي على الورقة توجه للمرحلتين المتوسطة والثانوية

وفعلا لما طلع تعييني صرت في ثانوية ...

اللي أعرفه ان كل خريجات الانجلش المعينات شهادتهم بكالوريوس (ما فيه دبلوم ولا من كلية اعداد معلمات الابتدائي ) فمعناها ممكن تدرس جميع المراحل حسب الشواغر ...

الله يكتب لنا اللي فيه الخير ...
بنات خالتى متخرجين كلية تربية انجليزي ..
تعيينهم جا متوسط ولما نقلووو وحدة متوسط والثانيه ابتدائي ...
 

ليالي111

تربوي
عضو ملتقى المعلمين
غلا. انا تعييني جاء في ابتدائي وقد جاني ندب ترم للثانوي شفت الويل

مابغى انقل لمرحلة اعلى ابغى ابتدائى مايقارن بالمراحل الاعلى .. نصابي 19 شايله اجتماعيات وبعض المواد

انا اخاف احط الرياض وينقلوني لثانوي والا متوسط .. عندي اجلس بقريتي مع انها بعيدة ساعتين ونص ولا ادرس ثانوي ولا بعد بالرياااض

ابغى ابتدائي بس مابغى مرحلة اعلى
 

معلم يعشق الهلال

تربوي
عضو ملتقى المعلمين
عشان كذا ما ودي اختار الرياض من ضمن رغباتي

بس خايفة اطيح في قرية وتكون ما تفرق كثير عن الرياض << بسم الله علي الله لا يقوله

وتصير مشكلتي مشكلتين : بُعد وكرررف

انا انجلش ...

هههههههه اي والله بسم الله عليك اذا كذا اشوف المحافظات احسن لك من المدن
/(%>>> محتاج يترجم مصطلحات في علم الاجتماع بالانجليزي
 

غلا الرياض

تربوي
عضو ملتقى المعلمين
ta3hood@ :

متى نقلوا ؟؟ اول ما دخل الانجلش لسادس ؟؟ يعني من خمس سنوات تقريبا ؟؟ ووين نقلوا ؟؟ للرياض ؟؟

ليالي ...

الله يعينك ... بجد انتي في وضع ما تحسدين عليه .. استخييييري قبل ما تقررين ... باقي لك فرصة 10 ايام تفكرييين وبعدها ينتهي التقديم للنقل الخارجي ...

معلم هلالي ...

O_O بديناااا ندور المصالح خخخخخخخ

اجل اختار قرى قريبة افضل ...
 
أعلى