Maroom

انا تعينت بالمنطقة الشرقية وتوهقت

كِنـــدا

تربوي
عضو ملتقى المعلمين
حيهم

أسعد الله أوقاتكم بكل خير :clap:

أنا ترشحت السنة للمنطقة الشرقية وانا من الرياض

وانصدمت في وقت المقابلة بأن التعيين ماراح يكون لا بالدمام ولا بالخبر

محتمل يكون في أحد المناطق الـ 16 الي عبيناها

المهم اني بوقت المقابلة مدري وش الطبخة عبيت المناطق ورتبتها حسب النية

الآن بكره انا بروح اسلم لإدارة التربية والتعليم بالشرقية نتيجة كشفي الصحي
وبصراحة طبعت من تكامل ورقة المناطق ومفكرة اعبيها واطلب منهم يستبدلون الي عبيتها قبل بهذي


بس لازلت أجهل بعد هالقرى عن الدمام

ودي تساعدوني بجلب المسافات وبشكل دقيق والي مو متأكد ودي مايجازف معي

لأني بجد في ورطه

المناطق ( الدمام - الخبر - الظهران - الجبيل -راس تنوره- بقيق- قرية العليا -عين دار - الرفيعة -الصرار -القطيف-سيهات والنابية -صفوى - الخفجي -النعيرية - صفوى )

تكفون رتبوها لي الأقرب للدمام او الخبر او الجبيل او الظهران

لأني بإذن الله راح اسكن أحد هالمدن الأربعة لذلك أبي الأقرب منها



في ناس قالوا لي أن فيه مدن من هاللي فوق قريبه للرياض أكثر من قربها للدمام

اذا صحيح هالمعلومة نوروني الله ينور عليكم:dunno:



 

الإنصاف

تربوي جديد
عضو ملتقى المعلمين
( الدمام - الخبر - الظهران - الجبيل -راس تنوره- بقيق- قرية العليا -عين دار - الرفيعة -الصرار -القطيف-سيهات والنابية -صفوى - الخفجي -النعيرية - صفوى )
الترتيب بالنسبة للأقرب إلى الدمام :
الخبر - الظهران - سيهات والنابية - القطيف - صفوى - راس تنورة
الترتيب بالنسبة للأقرب إلى الجبيل :
راس تنورة
بالنسبة للمدن الآتية فهي بعيدة عن المناطق الأربع ( الدمام - الخبر - الجبيل - الظهران )
بقيق - تقريباً 145 كيلو متر
قرية العليا ... قريبة للرياض .
عين دار ... تقريباً 170 كيلو متر
الرفيعة والصرار ... في النعيرية 200 كيلو متر
الخفجي 300 متر

تمنياتنا لكم بالتوفيق
 

الساحر الأبيض

تربوي جديد
عضو ملتقى المعلمين
هلا اختي ترا مدارس الشرقية كثيرة

المهم أنا بعطيك فكرة عن اللي اعرفها

الدمام - الخبر - الظهران - الجبيل -راس تنوره - القطيف-سيهات والنابية -صفوى <== المناطق هذه قريبة من

بعض يمكن الدوام لها من الدمام أبعد منطقة اللي هي الجبيل 60 كم تقريبا عن الدمام

بقيق 80 كم عن الدمام على طريق الرياض على ما أظن


فيه مناطق بعيدة مثل الخفجي تقريبا 280 كم عن الدمام على حدود الكويت الله لا يجيبك فيها

كمان النعيرية 200 كم

الصرار كذاك قريبة من النعيرية

الرفيعة 400كم عن الدمام لكنها تبعد عن الرياض 280 كم

قرية العليا 310كم عن الدمام

عين دار أول مرة اسمع فيها

على العموم الله يعينك المجموعة الأولى أفضل

بالتوفيق
 

كِنـــدا

تربوي
عضو ملتقى المعلمين
انا طبعت ردودكم بمخمخ عليها

بس لو كنتوا مكاني بتعتمدون اي ترتيب

ابي خلاص اسجله بالورقه الرسمية الآن

لأني بجد أنقلب راسي
 

الساحر الأبيض

تربوي جديد
عضو ملتقى المعلمين
الدمام - الخبر - الظهران -سيهات والنابية -القطيف - صفوى -راس تنوره - الجبيل ( بقيق ماني عارف طبيعة مدارسها من ناحية القرب والبعد )

إذا ما جيتي في المناطق هذه الله يعينك

نجي للتعب

عين دار 60 ـ 70 كم <== تم التعديل

النعيرية 205 كم السكن يكون فيها

الصرار قريبة من النعيرية حول 70 كم إذا ماخانتني الذاكرة

الخفجي 280 كم السكن يكون فيها طبعا تتبعها مدارس بعيدة شوي مثل ابرق الكبريت

قرية العليا 310 كم

الرفيعة 400 كم

طبعا المناطق الأخيرة تتبعها مدارس تبعد 30 كم وأكثر لأنها كلها قرى

طبعا أنا رتبتها على حسب القرب من الإدارة


وأنتي أبصر
 

سيوفي

تربوي
عضو ملتقى المعلمين
الرفيعه أقرب للرياض من الدمام
انا موجوده في هجره إسمها أم عقلاء تبعد عن الرياض 250 كيلو
ومعانا بنات من الدمام تبعد عنها 500 كيلو
بس تراها قرية صغيره منسية شوي بس من ناحية التدريس مريحه ولافيه ضغط
ولنا ولله الحمد أكثر من شهر معطلين
 

كِنـــدا

تربوي
عضو ملتقى المعلمين
تم حفظ ردودكم

تخصصي لغة عربية وعلوم اجتماعية

طيب تصدقون اني سمعت ان أماكن تعيينا محدده من اول وخالصه وان الي نسويه من خيارات يعتبر شكليات

والدليل انهم اجبرونا نسجل ال 16 منطقة كلها غصب

معناتها ان الدعوه مجرد رمس في ملفاتنا في سلال وكل سله تروح لمنطقة

استحالة يفتحون كل ملف ويراجعونه وووووووو مدري ماخشت

طيب في نظركم الرفيعة كم تبعد عن الرياض بالضبط

عشان احطها اول خيار

تخصصي لغة عربية وعلوم اجتماعيه

ابي راي سديد لاهنتم


سيوفي كم كنت تداوم من الرياض للرفيعة​
 

السهم الأخير

مشرفة مميزة وقديرة
عضو مميز
ممكن العام وما قبل كانوا يحطون أسماء البنات في المناطق من بدري (طبعا حسب النقاط)وبعدها يصدر قرارهم ,,,,,ولكن هذه السنة فيها حركتين نقل خارجي للمعلمات وليس حركة واحدة...

يعني راح ينتظرون نتائج حركة النقل ثم بعدها يوجهونكم على الشواغر المتبقية....وليس بالضرورة الجديدة تتعينين بقرية ممكن وبفضل الله تتعين داخل المدينة ...

أنا قبل أن يتم توجيهي كنت خايفة من سالفة القرية وحبيت أسأل مثلك عن كيفية التوجية وهل فيه أمكانية بالتعيين داخل المدن فسألت موجهة: قالت لي مستحيل تتعينين داخل المدينة ولا أطرافها لازم تروحين قرى أقل شيئ سنة وأنت وحظك إذا قدرتي تدخلين داخال المدن .......أما يوجهونك داخل المدن إغسلي إيدك مره

وفعلا غسلت يدي وتوضأت ودعوت الله الخيرة والمكان القريب الميسر.....ولكي أن تتخيلي مدى فرحتي عندم أستلمت خطاب توجيهي لمدرسة داخل المدينة وتعتبر قريبة من نسبيا من مكان سكني ولله الفضل والمنه ...

أنتي إسألي الله الخيرة من أمرك وحتى لوقرية أدعي إن الله ييسر أمرك ويفرج همك ويكتب لك الخيرة من أمرك والله ما يخيب طلابه
 

كِنـــدا

تربوي
عضو ملتقى المعلمين
يعطيك العافيه حبيبتي على الكلام المحفز والجميل الي يثلج الصدر يالغالية

طيب ممكن اعرف انتي تعينتي وين وانتي اساسا وين سكنك بأي مدينة

وهل نقلتي والا للآن

احكي لي عنك أكثر

احتاج حل لتحفيز معنوي
 

السهم الأخير

مشرفة مميزة وقديرة
عضو مميز
يا حياتي تسلمين الله يسعدك ......شوفي أسفه إذا ما قلت لك بالضبط من وين أخاف تكونين جارتي وأنا مادري .......أمزح طبعا ..... أنا مراح أفيدك بشيئ الكل مر بنفس وضعك والكل كان عنده ألف سؤال وسؤال ,,,,وبالنهاية ما كانت معرفتنا ما بتزيد أو تنقص شيئ ....ولكن المعلومة الواحدة تسلينا وتوضح لنا الصورة شوي شوي ......

إذا الوالدة موجودة روحي لها وأطلبيها تدعي لك بالخيرة وعليك بالدعاء لنفسك بكل وقت خصوصا أوقات الإستجابة والله كريم ولطيف
 

كِنـــدا

تربوي
عضو ملتقى المعلمين
انا يتيمة الأبوين :(

واسفه اذا في اسألتي احراج لك

بس الحيرة لعبت بأعصابي

والعالم تخوف فيني من كل جهه وتتهول من مكان تعييني
 

السهم الأخير

مشرفة مميزة وقديرة
عضو مميز
انا يتيمة الأبوين :(

واسفه اذا في اسألتي احراج لك

بس الحيرة لعبت بأعصابي

والعالم تخوف فيني من كل جهه وتتهول من مكان تعييني


والله أنا الي آسفه مره بس متأكدة إنك إنسانة قوية مايهمك كلام الناس وأصلا أنتي تدرين مابيدهم شي بالعكس المنطقة الشرقية أفضل كثير من غيرها مناطقها متقاربة ولو إضطريتي تسكنين فيها الحمد لله الخدمات كلها موجودة أنا طالبة نقل لها وأي مكان فيها يعتبر معقول جدا للسكن والإستقرار العيب فيها الغلاء المعيشي وما تفرق كثير عن باقي المناطق

أكرر أسفي لك والله يوفقك و يرزقك المنطقة الميسرة ويعطيك خيرالوظيفة ويكفيك شرها,,,,,
 

كِنـــدا

تربوي
عضو ملتقى المعلمين

والله أنا الي آسفه مره بس متأكدة إنك إنسانة قوية مايهمك كلام الناس وأصلا أنتي تدرين مابيدهم شي بالعكس المنطقة الشرقية أفضل كثير من غيرها مناطقها متقاربة ولو إضطريتي تسكنين فيها الحمد لله الخدمات كلها موجودة أنا طالبة نقل لها وأي مكان فيها يعتبر معقول جدا للسكن والإستقرار العيب فيها الغلاء المعيشي وما تفرق كثير عن باقي المناطق

أكرر أسفي لك والله يوفقك و يرزقك المنطقة الميسرة ويعطيك خيرالوظيفة ويكفيك شرها,,,,,
حبيبتي مافي داعي الأسف


بس مثلك شايفة الوضع جديد وتأقلم العيال مشكلة عندي اكبر من تفكيري انا

ومتخوفة من ترتيب رغباتي حوووسة افكار وبس
 

سيوفي

تربوي
عضو ملتقى المعلمين
بالنسبة لي كنت أداوم اول سنه من الرياض للقرية
وبعدين سكنت فيها لي
لي فيها ثلاث سنوات والحمدلله على كل حاااال
وانا الحين طالبه نقل للرياض ربي ييسره لي ولكل من يريد النقل
 

Fnoongmilah

تربوي جديد
عضو ملتقى المعلمين
السلام عليكم ورحمة الله وبركاته.شوفوا يا بنات القرى الصغيرة بيبقى فيها سكن ومن ناحية عدد البنات بيبقى زي المدارس الخاص .انا موجودة بالصرار اللي دايما اابنات يخافوا انها بعيدة فيها سكن مناسب العائلات وللبنات وحضانة.وفيها ناس طيبة ..اللي محتاجة سؤال تكلمني على.0536197075.
 
أعلى