Maroom Maroom

أبقدم نقل خارجي للقصيم ومحتاج خبرتكم ونصائحكم

درجة اولى

<font color="#008080">عضوية تسويق </font>
عضو مميز
السلام عليكم

أخوكم درجة اولى خريج جامعي عام 1425

والآن لي خمس سنين بالرياض

ونويت أقدم هالسنة للقصيم وتحديداً لمحافظة البدائع أو المحافظات القريبة منها

الأقرب فالأقرب

ومحتاج نصائحكم وتوجيهاتكم وتحفيزكم لي لأني مغترب ووالدَي بالقصيم

لذلك أسئلتي لكم كالتالي :

س/ هل يتم نقلي اذا كان أدائي أقل من 100 ؟

س/ هل يتم نقلي اذا كان عندي غياب يومين بدون عذر ؟

س / ماهي آخر دفعة دخلت كل من :
البدائع :
وعنيزة :
ورياض الخبراء :
والنبهانية :
وبريدة :
ونفي :
والبكيرية :
والجمش :

س/ ماهي المحافظة التي لو اخترتها لتحققت لي ؟

يعني بالعربي اختاروا لي 10 رغبات حتى أقدم عليها

لأني الوالدين الله يحفظهم بحاجة لي

ياالله يالحلوين لاتخيبون ظني فيكم

وأي شئ كنت غافل عنه ياليت تببهوني عليه

وأكون لكم من الشاكرين
 

راجع

تربوي
عضو ملتقى المعلمين
س/ هل يتم نقلي اذا كان أدائي أقل من 100 ؟

نعم أهم شئ لا يوصل ل70....

س/ هل يتم نقلي اذا كان عندي غياب يومين بدون عذر ؟

نعم أهم شئ لا يوصل 10 أيام بدون عذر

وعنيزة ممتازة مرة ودرست فيها لا من الادارة ولا من المدارس,,,

تمنياتي لك بالتوفيق,,,

ومادام نيتك تبر بوالدينك صدقني ربي بيسهل نقلك,,,,,,,
 

القرشي1400

تربوي جديد
عضو ملتقى المعلمين
السلام عليكم اخي العزيز
انا مدرس بالقصيم بالقواره عن بريده 120 كيلو نرجع للمهم فيه معاي معلم خريج 1423 وهو للحين مانقل بريده وهو العام درجته 100 بس عنده غياب بعذر
ماودي احبطك لكن لا تحرص واللي من الله حياه الله ونتمنى لك التوفيق
[align=center][/align]
 

الخط السريع8

تربوي
عضو ملتقى المعلمين
يادرجة اولى ويش تخصصك ، اذا كنت من المواد العلمية ان شاء الله تنقل لان في ناس من زملائي تعينوا في القصيم انصحك ببريدة افضل من عنيزة وخاصة مدارس شمال بريدة .
انا لي 5 سنوات في بريدة ممتازة للي يبغى نقل خارجي طبعا الاربعاء للدرس الثاني لاننا نتردد اسبوعيا للمدينة
 

مربي الأجيال

تربوي
عضو ملتقى المعلمين
[align=center]
والله وأنا أخوك

إذا أنت تخصصك دين او لغة عربية أو تاريخ

القصيم ما تشوفها ولا بدربيل


من البعد


أما إذا تخصصك علمي رياضيات علوم انجليزي حاسب أو تربية فنية


تدخل أي محافظة بالقصيم وأنت مرتاح


ما ودي أحبط فيك


أنا مثلك متعين 1423 وتخصصي دين وأنا الوحيد عند الأهل

ومع ذلك حتى حائل وعقلة الصقور ما حصلت لي العام الماضي
[/align]
 

14220608

تربوي
عضو ملتقى المعلمين
ياعزيزي تخصصك لغة عربية ؟
بالنسبة لبريدة دفعة 1422 لم تدخل حتى السنة الماضية
وإنما إلى عنيزة
بالنسبة الى باقي المحافظات بالنسبة لدفعتك أتوقع السنة القادمة
عقلة الصقور >> لا أنصحك لبعدها ولأنك مثل الرياض ستتردد
الرس >> ولا أنصحك لن لها قرى بعيدة جدا
فحاول بالغاط والنبهانية والأسياح والمذنب وهو الأرجى بالنسبة لدفعتك ولو أن له قرى بعيدة شوي

بالنهاية نصيحة : لا تنقل لمنطقة ستتردد منها الى ديرتك أكثر من 50 كيلو لأنك ستمل مللاً

والنصيحة الثانية : استفد من وجودك بالرياض لأنها فرصة : إما كمل ماجستير ،أو أدرس انجليزي
أو ابحث عن فرصة تجارية

وفقك الله وأقر عيون والديك بك وعينيك بهما ورزقك برهما ورزقهما برك

والسلام عليكم ورحمة الله وبركاته
 

درجة اولى

<font color="#008080">عضوية تسويق </font>
عضو مميز
شكرا لجميع من رد وأبدى رأيه
وماهي أبعد قرية تابعة لبريدة وهل تنصحون بشئ معين من القرى؟

وماقلتوا لي ماهي الدفعة التي تدرس في كل من:
قرى بريدة :
الغاط:
الاسياح:
قرى البكيرية:
نفي :
النبهانية :
قرى عنيزة :
عيون الجواء :
الذيبية :
الدليمية :
البتراء :

ولو ترشحون لي مكان أنقل له بشرط انه

مايتعدى 120 كيلو من البدائع الى 150

أكون شاكر وقدر لكم
 

جابر

تربوي
عضو ملتقى المعلمين
بالنسبة لتعليم القصيم هذه السنة فقد حدث غربلة شاملة في المحافظات فبعض القطاعات انضمت للبعض مثل البدائع والرس تتبع قطاع بريدة ... هذا مجرد كلام من بعض المشرفين في الإدرات التعليمية.... وحتى الان لم يصدر شيء رسمي ..... فانتظر أخي حتى تكون على بينة .... ولن يستطيع أحد أعطاءك الكلام الأكيد مالم تصدر بشكل رسمي

وتقيل تحياتي
جابر
 

فرحان الحربي

تربوي
عضو ملتقى المعلمين
عام 1422 دخلت البدائع
وانت عام 1425 يمكن تدخل النهانية او الظاهرية او نفي او المذن اما غيرها فمستحيل
 

درجة اولى

<font color="#008080">عضوية تسويق </font>
عضو مميز
شكرا لك يافرحان الحربي

والشكر موصول للجميع

ولكن برأيكم ماذا أختار من الرغبات التي لو اخترتها لتحققت لي ؟؟
 

فرحان الحربي

تربوي
عضو ملتقى المعلمين
الدوادمي (السر ) لأنه قريب من البدايع وشبه مضمون يحصل للجامعي ولكن لاأعلم كم ابعد قرية من البدايع
النبهانية 100% لاتحصل وهي عن البدائع 100كيلو لأن دفعة 1424 الان لم النبهانية بالضبط
ولكن1الظاهرية يمكن تحصل ولكن بعيد شوي تقريبا200كيلو من البدايع
وعيون الجواء جامعي دفعة 1423 الان فيها لغة عربية

أما قرى بريدة :
الاسياح:
قرى البكيرية:
قرى عنيزة
جميع ماسبق لاأدري عنها
أما الدليمية والذيبية فهي تابعة لرياض الخبراء ولعلي اسال عنها لك لاحقا وكذلك البتراء
أما عقلة الصقور فتقريبا مضمون ولكن بعيدة جدااافوق 180ولها قرى نائية تصل حدود المدينة
 

فهمان

تربوي
عضو ملتقى المعلمين
هج عن عنيزة يرزقك الله ادارة التعليم تراها وزارة لحلها لا وانت من بريده ياويلك يدورلك اشين مدرسه
غير المعامله القبيحه
 

ابوراكان

تربوي
عضو ملتقى المعلمين
وش تخصصك وانا اؤكد كلام اخوي الخط السريع اذا كان تخصصك علمي او فنية اورياضية من اول سنة اما لغة عربية واسلامية يبغالك على الاقل 10 سنوات (ما ابغى احطمك لكن هذي الحقيقة وانصحك ببريدة وانتبه من عنيزة ترا نظامهم زفت ونعرف شباب كثير فيها وانا ليا في بريدة 5سنوات وتخصصي علمي من اول سنة ادارتهم ممتازة جدا وماعندهم تعقيد الله يوفقك وتجي عند اهلك وانا اروح لاهلي بالمدينة المنورة بعد 12 سنة ان شاء الله دعواتك
 

درجة اولى

<font color="#008080">عضوية تسويق </font>
عضو مميز
شكرا للجميع

وقد قررت اختيار النبهانية

وياليت تختارون لي قرى قريبة من البدائع بحدود 100 كيلو
 
أعلى