Maroom

اصرفنا على المدرسة ويطالبون بشي ماخذنه

دانة الشريف

تربوي
عضو ملتقى المعلمين
بسم الله الرحمن الرحيم
نحن معلمات منقولات نقل داخلي
الله يسر لنا المباشرة السبت في مدارسنا الجديدة واخذنا اخلا الطرف من مدارسنا القديمة
لكن اشراف اضم لم يسهل الامر لنا حيث المشرفة الاستاذة موضي المالكي
تطلب مننا تسليم العهدة وكل ما اخذنه من المدرسة
حابة اقول للاستاذة موضي
المدرسة الي كنت اعمل فيها بدائية جدا لايوجد فيها ابسط الخدمات لا مكتبة ولامصلى
وتعالي نحسبها ونشوف من له حق عند الثاني
انا وازميلاتي كل وحدة ضربة بوية من كيسها
زين فصولنا على حسابنا
كل وحدة مننا اخذت لاب توب وبرجكتر وطابعة وحبر واوراق على حسابها الشخصي
هدايا الطالبات وواراق التقويم والدرجات السي دي ات الي فيها المنهج وطباعة التحضير
والوسائل بكافة انواعها حتى اقلام السبورة على حسابنا يعني احنا الي اصرفنا على المدرسة مو هي الي اصرفت علينا
وانا اتكلم عن نفسي الفصل الاول من العام الماضي درست بدون اي كتاب لان جينا على شهر 11 والطيور طارت بارزاقها وطالبت الوكيلة قالت شوفي زميلاتك وزميلاتي كل وحدة طلع الف عذر لانها ماتبي تفرط بكتابها
وطبعت لنفسي من النت
وش نرجع للمدرسة ماخذت منها غير مصحف تبونه برجعه
اترك لك ياستاذة موضي ولجميع من يقرا موضوعي الحكم فيمن له حق
 

القادم من الشرق

تربوي
عضو ملتقى المعلمين
انا ماادري وش حاااااااااااااااااااد بعض المعلمين والمعلمات يصرفووووووووووووون من جيبهم على المدارس

الدولة دفعت مليارااااااااااااااااات

ينبغي على المعلمين والمعلمات ان لا يدفع ريال واحد من جيبه

يرفع خطاب للمدير المدرسة وهو يتصرف والا بحريقة تحرق المدرسة
 

ورد ..

تربوي
عضو ملتقى المعلمين
هههههههههههههه

وربي مو ناقصين هم ونكد وعرقلة مواضيع يا مسؤلات


يكفي التعهد اللي أجبرتونا نوقّع عليه وحرمتونا من النقل بسببه جايين تقولون هاتوا عهدة ، عهدة إيش ومدارسكم مباني مستأجرة متهالكة تفتقد لأبسط المقوّمات .

يوم تعيّنت قبل سنتين انصدددددددمت من الوضع حتى طاولة وكرسي لي كمعلمة ما فيه ما عاد ابي مكتب ابي مثل حق الطالبات طاولة وكرسي اهم شيء اقدر اسوّي شغلي فاضطريت اشتري على حسابي

تدرون معلماتهم وش يقعدون عليه وكيف ينجزون أشغالهم ( على جلسة عادية مثل صالات الحريم القديمة ) حتى أول يوم باااشرت من الصدمة حسبتني دااااخلة عزيمة ..
 

5ــحـ5ـد

تربوي
عضو ملتقى المعلمين
وربي اليوم الصباح اخوي صدمني بخبر .. الحمدلله ما تجننت ^_^

هو متعيين في مدرسة نائية برا الديرة وباشر يوم السبت ولظروف شخصية طلب اذن من المدير هذا الاسبوع ويرجع السبوع الجاي ..

المهم روح الديرة واليوم في الصباح وانا طالع لمدرستي قابلته سولفت معه شوي عن مدرسته

والله ماصدقت اللي قاله لي !!

اول شي سألته كم لكم بدل نائي قال 5% قلت له حلو هذا يدل على ان المدرسة راقية ومو نائية


رد علي والله انها تستحق 50% على موقعها بس وعلى حالة المدرسة تستحق نسبة اخرى ..

قلت له سلامات كيف هي المدرسة تخيلوا وش قال ؟!

قال مافيها كهرب ..!!

لاحول ولا قوة الا بالله اتقى الله يارجال ؟

قال اي والله هذه الحقيقة الفصول بدون كهررب فقط غرفة المدير فيها كهرب على ماطور وزملاه اللي من العام في المدرسة يقولوا له والله اذا ما لصق الثوب على جسمك بعد كل حصة كانك خارج من مسبح فشنبي هذا مو على رجال ههههههههههه

الله يخرب بيت كل فاسد مختلس .. اكبر ميزانية تروح للتعليم وين هي ؟!




اسف على الاطالة ..

الحين يطالبونك بإخلاء طرف وانتي اللي صرفتي على المدرسة !!

ماقول الا " اذا اكرمت الكريم ملكته واذا اكرمت اللئيم تمردا"

الله يكون في عونك
 

أمة البارىء

مبدعة الاستراحة
عضو مميز
ورد
الله يسعدددددك ضحكتيني
والله نفس وضعي (؛

بخصوص العهد هاذي من قبل الاختبارات مو الحين
 
أعلى