Maroom

Maroom

عااجل( تم الغاء حركة النقل الالحاقية ) الجمعة 12/10/1433هـ

sandeg

تربوي جديد
عضو ملتقى المعلمين
قامت ادارة التربية والتعليم بمنطقة الرياض بحذف اسماء المعلمات المنقولات بالحركة الالحاقيه للنقل الداخلي التي تم اعلانها فجر السبت الماضي واشتملت على المعلمات الرسميات والمشمولات بالتثبيت وكذلك المعينات عن طريق جدارة.
وكانت ادارة التعليم قد نشرت سابقا اسماء المعلمات واسماء مدارسهن الموجهات اليها على موقع الادارة تحت بوابة ( شؤون الموظفين ) ، الا انه الادارة واجهت اعتراضات كبيرة من المعلمات يصفن ماحصل بالعشوائية والغير مقبول في العملية التربوية ، نظرا للتوزيع العشوائي والتأخير في اعلان النتائج مما ادى الى قيام المشمولات بالثبيت بالتجمع يوم امس الاربعاء امام مبنى ادارة التعليم برفقة محامي المثبتات الاستاذ علي القرشي ، حيث قام مدير شؤون المعلمين الاستاذ خالد القحطاني باستقبال المعلمات والمحامي واستمعن الى ملاحظاتهن ووعد بعرض تلك الملاحظات على مدير التعليم الدكتور ابراهيم المسند خلال الاسبوع القادم .


المصدر:
http://www.news.net.sa/news.php?action=show&id=1457






اين المسئولين؟ من يفيدنا عن صحة الخبر؟؟

وهل نداوم ونباشر أو نرفض؟؟

مالحل ؟ اين نذهب يوم السبت؟​
 

وحشة سنين

تربوي
عضو ملتقى المعلمين
حسبي اللــــــــــــــــــــــــــــــــــــــــــــــه ونعم الوكــــــــــــــــــــــــــــــــــــــــــيل
 

sandeg

تربوي جديد
عضو ملتقى المعلمين
وحشة سنين
ورد

اهلا بكم حبيباتي

عام المعلم ياورد:clap:
دا انتي بتحلمي كتيييير

ماعلينا

مين اللي يعطينا الخبر الصحيح !!
انا ماباشرت عندهم ورحت سويت اعتراض يوم السبت ويوم الاثنين
اجتمع فينا المسند مدير التعليم والقحطاني مدير شئون المعلمات
وقال بتجيكم رسائل لاشفنا رسائل ولا اتصالات
ايش الحل؟ اباشر بنفس المدرسة والا ايش؟!!
 

sandeg

تربوي جديد
عضو ملتقى المعلمين
جودو 22

وهي كانت مفتحه عشان يعموها

ماهي كانت بعماء :)
 

( أبوخالد2009 )

عرّاب النقل الخارجي
عضو مميز
الخبر الصحيح سيكون مصدره الاعلان الرسمي من ادارة التعليم..

اما اذا لم يصدر تعميم رسمي فكل معلمة تباشر في مدرستها التي تم توجيهها إليها رسميا في حركة النقل المعلنة..

أقول ذلك في حالة لم يصدر أي خبر رسمي أو تعميم رسمي من ادارة التعليم بذلك...
 

ياصابرين

تربوي
عضو ملتقى المعلمين
سبحان الله اي موضوع يعترضن عليه البديلات ع طول ينفذ وش هالنفوذ اللي عندهن فعلا الواسطه تعمل عمايل

بالبلد تكفون يالبديلات اعترضن ع وزير الصحة كودهم يغيرونه حسبي الله فساااد وحنا مانقلنا ولنا كم نعترض

وكل ماقللنا مسئول قال ندري انكم ع حق ولكن وش نسوي الله حسيب الظلمة يارب عليك بالوزارة واعوانهم من الفسقه
 

صعب الكلام

تربوي
عضو ملتقى المعلمين
وشو سبته؟؟؟؟؟

العالم داومو السبت الي راح خلااااص

كل وحده داااومت بمدرسهاووزعو الجداول -قيم اوفر
 

أم فيصل

مراقبة عامة
مراقبة عامة
ههههههههه ياحبي لك ياورد خلاص خلص عام المعلم :no:
حنا الحين سنة جديدة والله اعلم وش اسم هالعام :r3:​
قلبو رذاذ لك وحشة يالغلا



عام المعلم يقول الوزير مستمر كل عام سيتم الاحتفال بذكراه


ذكرى النكبة وراكم وراكم كل عام بيقلبوا المواجع عليكم
 

رذاااذ المطر

عضوية تميّز
عضو مميز
قلبو رذاذ لك وحشة يالغلا



عام المعلم يقول الوزير مستمر كل عام سيتم الاحتفال بذكراه


ذكرى النكبة وراكم وراكم كل عام بيقلبوا المواجع عليكم

هلا وغلا وانتي اكثر يابعدهم ..

عام النكبة فعلا , مانبي له احتفالات
نبيه يخاف الله فينا فقط ما طلبنا كثير ..
 

صعب الكلام

تربوي
عضو ملتقى المعلمين
طيب والي قدم علحركه الاساسيه بعدين نقلوه-بعدين غير بلالحاقيه-وقعد ينتظر زي الاهبل-وجاه خبر يداوم على نفس المدرسه الي بلاساسيه-يعني كنه مادخل الحاقيه-وووداوم بلي نقل لها-ووووووويش وضعووووووووووه؟؟؟؟؟؟؟؟؟؟؟؟؟؟
 

toto معلمة تعهد

تربوي
عضو ملتقى المعلمين
سبحان الله اي موضوع يعترضن عليه البديلات ع طول ينفذ وش هالنفوذ اللي عندهن فعلا الواسطه تعمل عمايل

بالبلد تكفون يالبديلات اعترضن ع وزير الصحة كودهم يغيرونه حسبي الله فساااد وحنا مانقلنا ولنا كم نعترض

وكل ماقللنا مسئول قال ندري انكم ع حق ولكن وش نسوي الله حسيب الظلمة يارب عليك بالوزارة واعوانهم من الفسقه
ههههههههههه نفس تفكيري أقول ااي شيىيعترضون عليه البديلات على طول يتغير

مانقول الا لنا اللههههه
 

اميره الوررد

تربوي
عضو ملتقى المعلمين
هي جت على هذي التخبيص والتخبط وصل الذروه

كان مشيتوها وسترتوا حالكم زي باقي الادارات

لنا الله
 

عالية المدينه

تربوي جديد
عضو ملتقى المعلمين
ياشماتة ابلا زازا

ودي ادري لو دول العالم يدرون بهالفضايح وش يقولوون وش يكتبوون عنا

قدرنا .. حسبي الله على من :icon28: وزر الوزارات ونظم انظمتها

ماهي صعبه .. ومستحيله .. نفس نظام اتعس دوله عربيه اعرفوه وقلدوه (طبقوه )

واحنا بخير .. فكونا منكم بس .. لغز محير مانعرف حتى المسئول الحقيقي عن التخبطات
 

سلسبيل11

تربوي
عضو ملتقى المعلمين
ما أظن الخبر صحيح

ولو صحيح كارثة

كيف يتصحح الخطأ بخطأ أكبر ,, أنتِ صاحية ياوزارتنا !!​
 
أعلى