Maroom

استفسار-بس لاتنقلون الموضوع

صعب الكلام

تربوي
عضو ملتقى المعلمين
رجاااااء لا تنقلونه لقسم رياض الاطفال لاني طرررحته وماحووولي احدددددد-بس يطالعون ويطلعوون كني اتكلم هننددددي$$$$$$$$$$

---------------------------------------------------------

بسم الله الرحمن الرحيم

هذا استفسار بكتبه لكم وارجو الاجابه عليه-ولكم التقديرر

س1-ايهم افضل تعليم ابتدائي 24 حصه ام الروضه
بنسبه لمعلمه رياض الاطفال؟؟؟

س2-هل في كل روضه مساعده للمعلمه ام بعض الروضت فقط

س3--ماهي محاسن الروضه وماهي مساوءها للمعلمه؟؟

س4--هل الفصول مكدسه بلاعداد مثل الابتدائي-وكم يصل نصاب كل معلمه

س4--تنصحوني احول من ابتداائي لروضه-ام لا-والسبب؟؟؟مع العلم اني تعبانه ومقدر على الجدوول 24 حصه ابدااااااااااااا


اي شي تكفون تعرفونه اكتبوه ولكم الاجر-
 

نسمة هواء

تربوي
عضو ملتقى المعلمين
مرحبا اختي
بالنسبة لرياض الاطفال تدريسه ممتع إذا كنت تحبين وتتحملين الاطفال
ونعم لابد من وجود معلمتين بالفصل عالاقل
نصاب المعلمة من عشر إلى 12 طفل يعني يكون بالفصل من 20 الى 24 طفل
محاسن الروضة كثير يكفي انك تتعاملين مع ناس ابرياء وإذا حبيتي المرحلة بتحبين تتعاملين معهم
يكفي ماعندك مناهج ولا حصص فقط نشاط حلقه وملعب ووجبه واركان ولقاء اخير وفيه مرونه ولا تقييم وتصحيح ولا فيه احد اتقن اواجتاز او لا كلها مهارات بسيطه وتوجيه سلوك اكثثر منها تعليميه يعني ترويض للاطفال

من مساوئ الروضة انك تكوني مع الاطفال طول الوقت قد يكون لك بريك نصف ساعه في اليوم فقط
بعض المديرات يخربوا على الروضة بطلب الانشطه الاضافية اللي مو موجودة في المنهح بس مو كلهم

وحدة من زميلاتي راحت تكليف للابتدائي وانبسطت تقول مالي علاقة بالطالبات إلا بالحضة اعطي درسي وروح غرفة المعلمات

وانا اقول هو راجع لنفس شخصية المعلمة
واتمنى اكون افدتك
هذا اللي عندي
اختك نسمة هواء معلمة الروضة
 

صعب الكلام

تربوي
عضو ملتقى المعلمين
مرحبا اختي
بالنسبة لرياض الاطفال تدريسه ممتع إذا كنت تحبين وتتحملين الاطفال
ونعم لابد من وجود معلمتين بالفصل عالاقل
نصاب المعلمة من عشر إلى 12 طفل يعني يكون بالفصل من 20 الى 24 طفل
محاسن الروضة كثير يكفي انك تتعاملين مع ناس ابرياء وإذا حبيتي المرحلة بتحبين تتعاملين معهم
يكفي ماعندك مناهج ولا حصص فقط نشاط حلقه وملعب ووجبه واركان ولقاء اخير وفيه مرونه ولا تقييم وتصحيح ولا فيه احد اتقن اواجتاز او لا كلها مهارات بسيطه وتوجيه سلوك اكثثر منها تعليميه يعني ترويض للاطفال

من مساوئ الروضة انك تكوني مع الاطفال طول الوقت قد يكون لك بريك نصف ساعه في اليوم فقط
بعض المديرات يخربوا على الروضة بطلب الانشطه الاضافية اللي مو موجودة في المنهح بس مو كلهم

وحدة من زميلاتي راحت تكليف للابتدائي وانبسطت تقول مالي علاقة بالطالبات إلا بالحضة اعطي درسي وروح غرفة المعلمات

وانا اقول هو راجع لنفس شخصية المعلمة
واتمنى اكون افدتك
هذا اللي عندي
اختك نسمة هواء معلمة الروضهquot

---------------------------------------------------------------------------------------
الله يسعدك يانسمه هواء-علاقل حد عبرنيييييي

طيب الوسائل كيف اوفرها-هل موجوده بلمكتبات؟؟؟

وكم تكفيني؟؟؟؟وكم الوقت الي اقظيه معهم طول اليووم؟؟؟

الابتدائي مخخخربه 24 حصه-وتقويم ولازم لازم يحفظون ويففهموون-يعني مطالبه اقابلهم كل الوووقت وافهمهم واحفظهم-وهذي مشكله كبيره
وهل في حد جاكم الروضه من ابتدائي ونددددددم

ودعواتي لك بكل خير وتوفيق
 

دايمة السيف

تربوي
عضو ملتقى المعلمين
الابتدائي صفوف عليا حلو ..
حتى لو 24 حصة .

لكن صفوف اوليه لااااااااااااااااااااااااااااااااااااااا

اما الروضه ماعندي علم فيها ..


موفقه حبيبتي .
 

صعب الكلام

تربوي
عضو ملتقى المعلمين
شكرا دايمه السيف

نبي نصاب اخف-هيك مانقدر-

ليييه ماينقلون الي بلقرى -ويخفففون انصبه الجداااااول
 

نسمة هواء

تربوي
عضو ملتقى المعلمين
هلا اختي بالنسبه للوسائل حسب امكانية الروضة إذا فيها وسائل والروضه قديمة ماتكلفك شي

اما إذا مافيها وسائل وروضه جديدة بتتعبين شوي السنه الاولى بعدين ترتاحين

فيه معلمات عندنا كانو يدرسون ابتدائي وناقلين للروضة والله مريحين عالاخر حتى تخصصهم مو رياض اطفال

والمديره لها دور كبير في ارهاق المعلمة بعضهم طلباتهم زايد وبعضهم اللي موجود بالمنهج
خصوصا بعد ما صار التعليم مجاني في الروضات الحكومية

نصيحة اطلبي تكليف ترم واحد وجربي وضعك اذا ناسبك اوارجعي مدرستك
كل انسان وله طبيعة الاطفال يبغالهم بال طويل شوي

دوامنا مع الاطفال من ثمانية الا ربع حتى 11ونصف باقي الوقت يكونون الاطفال مع المناوبه

استخيري اختي والله يكتب لك اللي فيه الخير
 

صعب الكلام

تربوي
عضو ملتقى المعلمين
يعني تبدون سبع الا ربع زي الابتدائي صح كذا

طيب كيف اطلب تكليف ترم يصلح؟؟؟ من وين اقدمه؟؟واذ
يبي واسطه ماعنددي من الحين

والله يوفقك يانسمه بيوم هلجمعه المبارك ويسعدك
 

أم فيصل

مراقبة عامة
مراقبة عامة
عندنا بتبوك كلها

نظام عجيب
ممنوع تطلبي نقل للروضات مالم تكوني معلمة رياض أطفال
والمصيبة البلد من سنين مافيها تخصص رياض أطفال
والعام أصدروا تعميم لمعلمات المعهد والدبلوم من ترغب منهن النقل لتدريس رياض الأطفال تسجل سنة دراسية في الجامعة ويتم نقلها بعدها للروضة
من جد نكتة عام المعلم
معلمة خدمتها 29 سنة ترغب بالنقل للروضة يقولوا لها ادرسي سنة في الجامعة وننقلك !!!

وبالنهاية
فتحوا هذا العام روضتين جديدتين
ماذا فعلوا بها؟؟ كيف زودوها بالمعلمات؟؟

المشرفات التربويات اللاتي تم إعادتهن للتعليم من مكاتب الإشراف ممن يحملن شهادة دبلوم الكلية المتوسطة تم توجيههن للروضة مابين معلمة ومديرة وبدون دراسة سنة في الجامعة

التعاميم تخص فئة وتتخطى فئة

عجائب في التعليم
رأس الهرم غايب فيحق لمن تحته اللعب بمزاجهم ..

حسبنا الله ونعم الوكيل ..
 

صعب الكلام

تربوي
عضو ملتقى المعلمين
رذاذ الله يوفقك ويسعدك ياااااااااااااااااااارب

رذاذا شرايك طيب تنصحيني اروح لهم ؟؟؟؟اذا تعرفين حد رووضه ومرتاااح افيديني-ومن اقدم تكليف ترم واحد؟؟؟

الله يوفق كل من رد علي ويسعده وينماكااااااان يااااااااارب
 

نسمة هواء

تربوي
عضو ملتقى المعلمين
صح كلام اختي رذاذ ندخل الفصول ثمانيه الا ربع
لكن الخط الاحمر سبع ونصف
تبدا الحلقة الساعه الثامنة هي بمثابة الحصة الاولى
ينتهي دوام الاطفال الساعة 11 ونصف
وهي الفتره اللي نجلس فيها مع الاطفال
وخروجنا بعد الاطفال بساعه يعني تقريبا الساعه 12 ونصف

وبالنسبة للتكليف من عندشؤون المعلمات وان شاء الله تلاقي لان فيه عجز بالروضات كثير

انت استخيري والله يكتب لك اللي فيه الخير يارب
 

صعب الكلام

تربوي
عضو ملتقى المعلمين
الله يجزيكم خير كل الي ردوووووووو

ليتني سالت قبل النقل-الله يكتب الي فيه خيررررر

نسمه مقدر ارسل خاص-الروضات الي تعرفين انها كويسه
ارسلي لي خاص بارقامها-الله يوفقك يااارب
 

رذاااذ المطر

عضوية تميّز
عضو مميز
رذاذ الله يوفقك ويسعدك ياااااااااااااااااااارب

رذاذا شرايك طيب تنصحيني اروح لهم ؟؟؟؟اذا تعرفين حد رووضه ومرتاااح افيديني-ومن اقدم تكليف ترم واحد؟؟؟

الله يوفق كل من رد علي ويسعده وينماكااااااان يااااااااارب
وشلون تروحين لهم ؟
اذا ادارتكم او مكتب التربية والتعليم عندكم طالبين معلمات لرياض اطفال
اطلبي من المديرة ترشحك او روحي لشؤون المعلمات واستفسري وقولي اذا فيه امكانية
تندبوني لروضة ..

لكن اذا تبين رايي
اذا تخصصك غير رياض الاطفال لا تطلبين ندب لروضة بيكون صعب عليك
لان لهم برنامج معين واكيد بدون ممارسة او خلفية سابقة بيكون صعب عليك ..

الابتدائي بالنسبة لي مريح جدا
اعطي حصتي بكل راحة لان فيها نظام وهدوء اقدر اسيطر على الطالبات حتى لو النصاب عالي
افضل من اطفال ومافيه نظام كلن يدلوا بدلوه خاصة بالحلقة الصباحية ولازم تراعين مشاعرهم
بزيادة ..

نصيحتي لك ارضي بواقعك حاليا واذا ماارتحتي هالسنة قدمي نقل داخلي لمدرسة عدد طالباتها او فصولها أقل فالخيرة في ما اختاره الله ..

وقبل كل شي وضحي لمديرتك او وكيلتك تخفف عنك بعض الحصص واشرحي ظرفك
لعل وعسى ان تكون ممن يقدر الظروف ..

الله يفرج همك ويكون بعونك ..​
 

صعب الكلام

تربوي
عضو ملتقى المعلمين
الله يوفقكم جميعا ويسعدكم عتجاوبكم معي
انا ودي بندددب عشان لو ماعجبني الوضع ارجع ابتدائي
مديررتي ان شا الله انها طيبه-بس في نقص بلمعلمااااات
كود يطلع حركه الحاقيه والا شي جديد-لعل وعس

انا يانسمه بلقاهره----قصدي الرياض:tears:
 
أعلى