Maroom

Maroom

معلمين ومعلمات النشاط .... ارجو افادتي .....

♥ حنان ♥

زائر
حابه استشيركم والمستشار مؤتمن ,,

انا معلمة ونصابي 14 حصة
والمديرة اليوم كلمتني بخصوص رغبتها اني امسك النشاط بحيث يكون نصابي 5 حصص اضافة الى النشاط ..

وانا عمري ما اخذت النشاط وماعندي فكره عنه وهي تبغى ارد عليها بأسرع وقت ..


::

ما رأيكم اخوتي واخواتي الذين سبق لهم ان مسكوا النشاط ....

كيف طبيعة العمل فيه ..

وهل اوافق اخذ النشاط ام ارفض واكون بحصصي ومناهجي فقط ...

ماخاب من استشار ...

ارجو التفضل بالردود والمشورة .. وجزاكم الله خيرآ

 

أم فيصل

مراقبة عامة
مراقبة عامة
وعليكم السلام ورحمة الله وبركاته

شوفي ياغالية
أول شي أنت الآن كم نصابك من الحصص ؟؟
طالما نصابك أقل من ال18 فخليك على حصصك أريح ..
لو أكثر امسكي النشاط بخمس حصص بشرط عدم قبول الزيادة مستقبلا !!

والنشاط حلو تمسكيه إذا كنت ممن لديهم موهبة في الانتاج وحب العمل ونشيطة

وأحلى لما تكون مديرتك حبيبة وماهي متطلبة كثير
شغلك يتعلق بيوم في الاسبوع وهو يوم النشاط تنفذي خطة النشاط و تتابعي المجالات وانتاجها وتجمعي هذا الانتاج وفي نهاية العام تسوي حفل ختامي للأنشطة

حلو حلو بخمس حصص
الله يوفقك ويكتب لك الخير والخيرة ..
 
التعديل الأخير:

turky111

تربوي
عضو ملتقى المعلمين
النشاط يكون على الفصلين يتضمنها اليوم المفتوح
ممكن تقسمين الى عده اقسام
النشاط العلمي وتكون مسؤلة عنه معلمة العلوم
النشاط الفني مسؤلة عنه معلمة الفنية وهكذا
 

مسك الشهري

تربوي
عضو ملتقى المعلمين
انا أقول اذا انتي فيك شده للمعلمات لأن إحتكاكك بيكون معهم خاصه في المجالات وأكيد فيهم المنتجه والحريصه وفيهم المهمله واللي ماهمها إلا حصصها

انا اشوف النشاط يبيله وحده شخصيتها قياديه وعادله حتى تقدر تنجز عملها وتوزع المجالات بشكل جيد

بغض النظر عن عدد الحصص اكيد 5 حصص ممتازه ... استخيري وانا اعطيتك وجهه نظري لأني بصراحه أكره النشاط اللامنهجي ......... موفقه عزيزتي
 

وكيلة 26

مراقبة إدارية
مراقبة عامة
هلا غيومة
بداية اهم شي تكوني انت حابة العمل المكلفة فيه وبالتالي تقدري تتغلبي عالصعوبات
اللي ممكن تواجهك وانت معلمة وعارفة هالشي ومدى المعاناة اللي تواجه رائدة النشاط
في متابعة المعلمات وتنفيذهم لخطط النشاط وكرههم للنشاط وحصصه
يعني يبغالك صبر شوية وخاااصة لما يكون النشاط موحد لجميع الفصول وفي وقت واحد
كأن يكون مثلا الثلاثاء من كل اسبوع هنا بيكون شوية متعب في حالة غياب البعض وتذمر
البعض الاخر

لكن فيه مناطق مطبقين طريقة جدا رائعة واشوفها لو تتعمم راح تنتهي معاناة المدارس مع النشاط
وهي انه يخصص غرفة للنشاط ثابتة وتتواجد رائدة النشاط باستمرار فيها كغرفة التربية الفنية والتفصيل وغيره
وينزل النشاط كحصص مستقلة على مدار الاسبوع لكل فصل على حدة مع معلمتهم ويتم تنفيذ البرامج والاعمال

انا اشوف نشاط مع ( 5 ) حصص حلو وخااصة مع التعميم الاخير بتفريغ رائدة النشاط رسميا فيما بعد لو حبيت
تتفرغي

والله يوفقك ويعينك
 

Arisa

عضوية تميّز
عضو مميز
يسعد أوقاتك غيومتي
شوفي هو تراه وجع راس خاصة للي تحب الشغل يكون تمام التمام مشكلته احتكاكك بالمعلمات وانتي وطبيعتهن اذا النصاب خمسه مع نشاط احسها كويسه بس أنا شخصيا لو بيخيروني بين نصاب 14 وبين نشاط اخترت الاولى لأني بطبعي ابي كل شي يكون مضبوط ومش على كل حال راح يجون المعلمات على ما اتمنى بالتالي راح اغطي النقص وهذا فيه جهد
أتمني أني افدتك واهم شي استخيري فما خاب من استخار
موفقه ياقلبي*
 

( أبوخالد2009 )

عرّاب النقل الخارجي
عضو مميز

مرحبا بمشرفتنا الفاضلة ونتمنى تكوني مرتاحة في مدرستك الجديدة..

ريادة النشاط بالمدرسة ( وخاصة الثانوية ) تحتاج عمل وجهد كبير..

راح أختصر بداية النصيحة بسطر.. ثم اعطيك تفاصيلها..

( اذا انتي شخصية تحبين العمل والبذل والجهد.. فتناسبك ريادة النشاط،، أما اذا تحبين التركيز بمنهجك.. وتريدين راحة البال.. فخليك على حصصك الـ 14 ولا تستلمي ريادة النشاط )


انتي كرائدة نشاط دورك يهتم بتحديد البرامج و الخطط اللي راح تنفذ خلال الفصلين الدراسيين.ز
بحيث يكون كل فصل دراسي له برامجه وخططه..

وعليك ايضا توزيع المهام على باقي المعلمات حسب المجالات المختلفة..

بالاخير،، النشاط يجب أن تقوم به الطالبة.. وليس المعلمة..

أنتي عليك اعداد البرامج والخطط والدعم وتوزيع الأعمال والمساندة.

المعلمات هم اللي راح يتعاملون بشكل أكبر مع الطالبات..

والطالبات هي ( الهدف ) وهم اللي ينفذون.. ويستفيدون من النشاط..

ريادة النشاط تحتاج شخصية تحب العمل..

واذا أحبيتي العمل فبالتأكيد ستبدعين فيه...



معرفتك بمديرتك وشخصيتها يساعدك باتخاذ القرار..

إذا كانت مديرة تريد فعلا مصلحة الطالبات وتهتم بما ينفع الطالبات فهنا أمورك راح تصير تمام التمام.. وراح تساعدك خاصة بالتكليفات و تحفيز المعلمات للتفاعل معك والقيام بدورهم في هذا المجال..

لكن إذا مديرتك من النوعيات اللي تحب ( الظهور ) و ( تلميع الصورة ) و ( الترزز ) امام المشرفات وأمام الاخرين..
فأنصحك تركزي على دروسك مهما كان عدد الحصص..
لأنها راح تتعبك بكثرة الطلبات والمسؤوليات مع قلة الدعم والمساندة منها...


المستوى ( الثقافي ) و ( الانضباطي ) للطالبات أيضا له دور في اتخاذ قرارك..

اذا طالباتك يغلب عليهن الثقافة والفهم والاستعداد للعمل الجماعي المنظم..
فهنا راح تكون ريادتك للنشاط عمل مريح وممتع..

أما اذا كان المستوى متدني والوضع فيه انفلات وعدم انضباط وعدم الرغبة في التعاون..
فنصيحتي لك انك تريحين مخك من اول الموضوع...


سبق أن عملت رائد نشاط،، مع انني كنت في مدرسة ابتدائية..
لكنني تعبت من هذا العمل,, والسبب عدم تفاعل المعلمين واتكاليتهم واستغلالهم ايام النشاط والمناسبات للخروج وعدم المساعدة والمساندة..


أمنياتي لك بالتوفيق في حياتك العملية وفي كل أمورك أختي الكريمة...

.
 
أعلى