مساعدة تم الخصم من راتبي ولا علي لاغياب ولاتاخير ولا قروض في البنك ادارة الرياض

turky690

تربوي جديد
عضو ملتقى المعلمين
السلام عليكم ورحمة الله وبركاته
اتمنى من اللي عنده علم او يقدر يساعدني بموضوعي يتفضل
تم الخصم من راتبي شهر 10 بإدارة الرياض وهو اخر راتب استلمه من تعليم الرياض لاني ناقل من الرياض وبالرجوع للبنك وطلب كشف الحساب والاستفسار عن سبب الخصم تبين ان البنك لم يخصم شيء من الراتب وان الخصم جاء من ادارة تعليم الرياض وادارة تعليم الرياض اتصل عليهم من يوم الاربعاء الماضي الى اليوم ولا احد يجيب على الهاتف
احد حصله نفس ماحصلي ومن وين طلعت المشكلة من البنك ولا الادارة
اللي يعرف تليفون مباشر للرواتب والنفقات او اي احد موظف بالادارة في الرواتب والنفقات يزودني برقم الهاتف
وجزاكم الله خير
 

أم فيصل

مراقبة عامة
مراقبة عامة
ضريبة نقل عقاب ليش تنقل وتتركهم !!

دُعابة
راجع قسم الرواتب وإن شاء الله خير ..


مدير عام الشؤون الإدارية والمالية ( 014033802 )

مدير عام شؤون الموظفين ( 012765844 )
 

turky690

تربوي جديد
عضو ملتقى المعلمين
ضريبة نقل عقاب ليش تنقل وتتركهم !!

دُعابة
راجع قسم الرواتب وإن شاء الله خير ..


مدير عام الشؤون الإدارية والمالية ( 014033802 )

مدير عام شؤون الموظفين ( 012765844 )
جزاك الله خير المشكلة ماخليت ولا رقم ماتصلت عليه مافيه فايده محد يرد
ولو اني قريب من الادارة صبحتهم صباح اقشر :icon28:
الله اعطاهم الى بكره اذا ماردو الوعد السبت ياذابح يامذبوح:santa_1:
 

ابوطلال الزمزمي

تربوي
عضو ملتقى المعلمين
انا ناقل من الشرقة لجدة
ناقص من راتبي هذا الشهر 600 وفي الصيفية ناقص 500 غيابي يوم واحد فقط ادق على ادارة الشرقية محد يرد الفلوس ما ابغاها خلاص بس ودي اروح الشرقية اتقاشع معهم ليش يخصمون بدون سبب
 

رذاااذ المطر

عضوية تميّز
عضو مميز

(ردي هذا توقع فقط ما ادري عن اليتهم وطريقتهم)

متى تم اخلاء طرفك ومتى كانت مباشرتك بالادارة الجديدة؟
اتوقع يمكن هم حسبوا لك الى تاريخ اخلاء الطرف والادارة الجديدة تبدا تحسب لك من بداية المباشرة

مثلا اخلاء الطرف 20 من الشهر (هالعشرين يوم من ادارة الرياض) والعشرة الايام تصرف لك من ادارتك الجديدة ..

مدري نظاما فيه كذا او لا مجرد توقع !!
 

turky690

تربوي جديد
عضو ملتقى المعلمين

(ردي هذا توقع فقط ما ادري عن اليتهم وطريقتهم)

متى تم اخلاء طرفك ومتى كانت مباشرتك بالادارة الجديدة؟
اتوقع يمكن هم حسبوا لك الى تاريخ اخلاء الطرف والادارة الجديدة تبدا تحسب لك من بداية المباشرة

مثلا اخلاء الطرف 20 من الشهر (هالعشرين يوم من ادارة الرياض) والعشرة الايام تصرف لك من ادارتك الجديدة ..

مدري نظاما فيه كذا او لا مجرد توقع !!
نظامهم ياطويل العمر رواتب المنقولين تصرف لهم من إداراتهم السابقة الى شهر 10 وبعدها ترفع مباشراتهم من مدراسهم الجديدة الى ادارتهم الجديد ويتم صرف راتب شهر 11من الادارة الجديدة هذا تعميم الوزارة لما يخص للمنقولين

اكثر شيء يرفع ضغطي يرزون لك رقم الادارة وحاطين تحويلات وسنترال ومن برا الله الله ومن جو يعلم الله ولا يردون عليها ليه الهياط هذا لا واذا رد عليك احد بعد من راس خشمه انا ودي اعرف متى يحس الموظف ان الناس اللي يراجعونه في عمله هم سبب لوظيفته ولقمة عيشه وانه ماهو متوظف في بيت ابوه يعني الحين واحد مثل حالتي بروح اضرب مشوار يوم الجمعة للرياض علشان السبت اراجع ادارة تعليم الرياض والسبب خطأ منهم وانا اللي اتحمل نتائج هالخطأ الله يعين
 

اابوريان

تربوي
عضو ملتقى المعلمين
إخي الفاضل عليك بأسرع وقت مراجعة الإدارة المالية في إدارة تعليمك لتقصي السبب وراء ذلك
 

مع1ــلم

تربوي
عضو ملتقى المعلمين
تم الخصم علي في العطلـــــــــــة الصيفية ولما كلمتهم وش قالو .... يالحبيب حسم التأخر ـ رافع لك المدير


رووووح _ لا روح ما قالوها


تأكد من التأخر وراك وراك
 
أعلى