Maroom

Maroom

شؤون المعلمات بحفرالباطن لازم الوزارة تشوف لهم حل عاجلا

Ѕ

ѕнαмѕ

تربوي جديد
عضو ملتقى المعلمين
السلام عليكم

ابث شكواي لله اولا
ثم لمن فتح النقل الخارجي ولم يتابع ادارات وشؤون المعلمين للتطبيق

أنا بإجازة وضع وبمدينة غير حفر الباطن
اتصل على مديرتي عشان اقدم نقل خارجي
تقول لي مايحق لك وانتي ناقلة بالالحاقية؟!!!
وساعة ونص افهمها التعميم واقراه لها
واخرتها تقول شؤون المعلمات من يفهمهن؟!!

شؤون المعلمات يجيبن التعاميم على كيفهن؟!!


انا وش ذنبي بهالتهاون هذا؟!
الوقت يمشي وهم احر ماعند خلق الله ابرد ماعندهم

اذا احد فيكم يعرف رقم الفهيد او النصيان
او اي احد له علاقة بتنفيذ التعاميم يرسلي اياه فضلا لا امرا
 
غ

غربة !!

تربوي
عضو ملتقى المعلمين
شؤون المعلمات هذولي محتاجين شطف بكلوركس و يشيلو هالعجايز و يعينوو مكانهم جدد ناس تقرا و تفهم موب ناس همهما القهوة و بس
و لا اقصد شؤون المعلمات بالحفر فقط بل باغلب الادارات ناس تبط الكبد كاننا نشحذ منهم حقوقنا بس ما اقول الا حسبي الله و نعم الوكيل
 
ح

حلمي أستقر

تربوي
عضو ملتقى المعلمين
انا باحدى مدارس حفر الباطن
ومر الاسبوع الثاني على بداية النقل والمديره لممممم تحرك ساكنا

 
رذاااذ المطر

رذاااذ المطر

عضوية تميّز
عضو مميز
الحمد لله على سلامتك والف مبروك المولود​

بالبداية انتي نقلتي على الرغبة الاولى ؟؟
اذا ايه مابينوا بالتعميم تدخلون او لا , اما اذا نقلتي على احد الرغبات
يحق لك الدخول بالحركة ..

ليه تعاتبين شؤون المعلمات والغلط اساسه المديرة؟؟؟؟؟
مع الاسف بعض المديرات مدري كيف صارت مديرة ؟
حسد وغيرة ومافيه المام بالتعاميم وتسلط

وتتبلى على شؤون المعلمات وتقول من يفهمهم !!
قولي هم فاهمين بس من يفهمك انتي
نصيحة لك وصي زميلتك المقربة تروح لشؤون المعلمات وتبلغهم تصرف مديرتك لا تنتظرين احد ..

تراهم فاهمين الشغل زين خاصة الاستاذة عيدة الحارثي ..

بالتوفيق
​
 
Ѕ

ѕнαмѕ

تربوي جديد
عضو ملتقى المعلمين
المتفائلة بالخير
جزاك الله خير ربي يسعدك



غربة

هذي حالتنا معهم جهاد * جهاد
يالله يتحركون



مها الهاجري

بقوة واثقة ولاتبي احد يناقشها




حلمي أستقر

اكيد انتي شاهدة على حوسة تصرفاتهم وتخبط المديرات والشؤون
انتي ناقلة بالالحاقية؟






رذاذ المطر

يبارك بعمرك ربي ويسعدك
ناقلة على غير الرغبة الاولى
عيدة الحارثي بأي قسم؟ وش مركزها؟

المديرة واصلها التعميم يوم الاربعاء الماضي 11/3
وماقرأته الى يوم الاثنين 11/8
انا اللي قريته عليها وناقشتها فيه ومن بعدها ادق عليها
ماترد لا جوال ولاثابت ولا رسايل




ربي يسعدكم جميع على ردودكم
 
رذاااذ المطر

رذاااذ المطر

عضوية تميّز
عضو مميز

هلا وغلا يسلمك ربي
الاستاذة عيدة بشؤون المعلمات وهي مسؤولة عن النقل وبوابة التكامل
وموقع شؤون المعلمات بحي العزيزية مقابل مركز صحي العزيزية ب

لا تنتظرين مديرتك مصلحتك اهم ودامك ناقلة على غير الرغبة الاولى
يحق لك تدخلين وغريبة مديرتك ماتعرف هالشيء ؟؟

الله يوفقك وطمنيني اذا تسهلت امورك..
​
 
Ѕ

ѕнαмѕ

تربوي جديد
عضو ملتقى المعلمين
الحمدلله كما ينبغي لجلال وجهه وعظيم سلطانه

أبشركن تم رفع أوراقي بإذن الله اليوم
 
Ѕ

ѕнαмѕ

تربوي جديد
عضو ملتقى المعلمين
عن نفسي واشوف الاغلبية المدرسة هي اللي ترسل الاوراق
او معلمة تاخذ جميع طلبات النقل وتوديهم باسم مدرستها
 
ا

المبدع1

تربوي
عضو ملتقى المعلمين
ѕнαмѕ قال:
الحمدلله كما ينبغي لجلال وجهه وعظيم سلطانه

أبشركن تم رفع أوراقي بإذن الله اليوم
أنقر للتوسيع...
تستاهلين كل خير وكذلك جميع معلمات التعهد
سبحان الله ناس تم وضعهم في مناصب مثل مديره مدرسه او مديرة اشراف او مديرة شوؤن المعلمات او غيرها سواء رجال او نساء ولايفهمون مضمون التعاميم احد امرين
ياحسد وبغض
يا مايعرفون اصلآ ووضعوا في اماكن ليست لهم
لكن هم مسئولين عن ذلك
واي معلمه لم ترفع النقل سوف يحاسبون على ذلك اولآ من الله وثانيآ من الوزاره

ابو محمد
 
يجب تسجيل الدخول أو التسجيل كي تتمكن من الرد هنا.
أعلى