فهموني ليه شهادةالخبره بالمدارس الاهليه محسوبه درجه وخدمة و الحكوميه لسنين متتاليه مرفوضه

آحسآس آنثى ـآ

تربوي
عضو ملتقى المعلمين
السلام عليكم ورحمة الله وبركاته ../

ودي افهم على اي اساس يعمل بشهادة الخبره في المدارس الاهليه ؟؟

وتحسب في الراتب والخدمه دون تردد .. والحكوميه لاآ ؟

انا عندي شهاده خبره 3 سنوات متتاليه ولاينظرون فيها ابد ..!!

سنين من عمري خدمه وراحت بالهواء !!

على اي اساس تفضل خبرة المدرسه الاهليه على الحكوميه

وهي بالحكوميه تعامل معلمه رسميه واشراف وتوجيه وكرف والاهليه مو كلها نظام والالتزام

الا من رحم ربي .. لان اغلب ملاك الدارس يضغطون على طاقم التدريس لتنازل والتهاون مع الطالبات لهدف استقطاب مادي

الله يرزقهم يارب بس المفروض نكون اسوه بهم :tears:
 

آحسآس آنثى ـآ

تربوي
عضو ملتقى المعلمين
حيآك جود ..

شي يقهر الصراحه .. خرابيط بخرابيط

انا نفسي اشوف اللي مسوي هالمعيار وانظر بعقليته هو كيف يفكر بالضبط !!

ليه يبنون على آليات عشوائيه متخبطه وبعدين يتذمرون من تصحيح الوضع

من البدايه يحقون الحق ويسلم الجميع ..
 

جود السنين

مشرفة سابقة مميزة
عضو مميز
حيآك جود ..

شي يقهر الصراحه .. خرابيط بخرابيط

انا نفسي اشوف اللي مسوي هالمعيار وانظر بعقليته هو كيف يفكر بالضبط !!

ليه يبنون على آليات عشوائيه متخبطه وبعدين يتذمرون من تصحيح الوضع

من البدايه يحقون الحق ويسلم الجميع ..


هذي قرارات عشوائية وتخبطات الوزارة المعهوده

واكيد من احد تخبطات الجده نورة الفايز الله يقاعدها وترتاح في مطبخها
 

آحسآس آنثى ـآ

تربوي
عضو ملتقى المعلمين
الله يعين بس ياجود .. بس حقنا مو ساكتين عنه ابد

أمه الباري .. يالله يحييك يالغلا آ

معاملة المعلمه الرسميه اكون شنو حق اللي اخذته

تسكيته الراتب !! وبالمقابل الخبره الاهليه ترقى درجات وتمشي عليه باقي سنينها وتحسب في حياتها خدمه

لا لا الكلام مو منطقي ابد .. ومالهم ابد وجه يقولونه !!
 

أمة البارىء

مبدعة الاستراحة
عضو مميز
هلا بك ياقلبي
ترا انا خبرة 10 سنوات خاااااااااااااااااااااااص واخذو لي منها 2 بسسسسسسسسس
افوض امري الى الله :z1:
 

آحسآس آنثى ـآ

تربوي
عضو ملتقى المعلمين
والله مدري على اي اساس ونهجهم في التفكير

عمر هذا وخدمه بالمجال !!

الحكوميه مرفوضه والاهليه من تاريخ معين

10 سنوات ياأمه وربي عمر :tears:

ودي من ينفض اوراقهم ويسنعها لهم من جديد :no:
 

ام محمد 123

تربوي
عضو ملتقى المعلمين
اختي انا عندي ثلاث سنوات خبرة اهلية ترانا كنا تحت اشراف الوزارة الموجهات يجونا يطالبونا بنفس الي بالحكومي بالرغم من قلة الرواتب غير الضغط النفسي والبدني الرهيب
الحمدلله رب العالمين
 

ميرال11

تربوي
عضو ملتقى المعلمين
عدم المؤاخذة يالغلا

اعتقد ان الاجدر عدم احتسابها من الاساس،لا أهلية ولا حكومية، وهذا اللي تنبهوا له واصبحوا لا يعتدون بها
 

أمة البارىء

مبدعة الاستراحة
عضو مميز
الله يصلحك ليش لاتحتسب عمر يضيه يروح بلوش
المفروض تحتسب في الخدمة والخبرة منتي شايفخ امم الخريجات يهني انا لو متعينة اول متخرجت. امديني في الدرجة 13 واتقاعد بعد12سنة واخلي لغيري فرصه يشتغلون :)
لكن الحين ضاعت مني 10 سنين وكرفناها كرف بالخاص احتسبو منها 2 بس
وباقي لي عن التقاعد 22سنة مو حراااااام
22 دفعه تتخرج وماتلاقي لها مكان شاغر

اقول ليتني اصير وزيرة
15 سنة تعليم وبعدها تقاعد براتب كامل للنسا ينتبهن لعيالهن ولانفسهن :) *
 

اكتساب

تربوي جديد
عضو ملتقى المعلمين
مرحبا .. حتى خبرة المدارس الأهلية تحسب حتى عام 1427 ليش والله قهر ما حسبوا لي 5 سنوات راحت ويقول الحميدي في المقابلة في التلفزيون أسوة بالرجال
الحمد لله ع كل حال والله قرارات ما أدري وش هذا الظلم اللي فيها أتمنى أحد يقنعني .
 

غلا الرياض

تربوي
عضو ملتقى المعلمين
قمة الظلم حسبنا الله عليهم بس خلونا نخلص من الموضوع الأهم وهو النقل على الرغبة الاولى

وبعدها نرجع لهم نطالب باحتساب خبراتنا ونرفع تظلمات وشكاوي

وربي كريم
 

ميرال11

تربوي
عضو ملتقى المعلمين
الله يصلحك ليش لاتحتسب عمر يضيه يروح بلوش
المفروض تحتسب في الخدمة والخبرة منتي شايفخ امم الخريجات يهني انا لو متعينة اول متخرجت. امديني في الدرجة 13 واتقاعد بعد12سنة واخلي لغيري فرصه يشتغلون :)
لكن الحين ضاعت مني 10 سنين وكرفناها كرف بالخاص احتسبو منها 2 بس
وباقي لي عن التقاعد 22سنة مو حراااااام
22 دفعه تتخرج وماتلاقي لها مكان شاغر

اقول ليتني اصير وزيرة
15 سنة تعليم وبعدها تقاعد براتب كامل للنسا ينتبهن لعيالهن ولانفسهن :) *
جزاك الله خير على الدعوة الطيبة بالصلاح

وانتي قلتي ليش لا تحتسب؟

أقول فيه بنات خدموا في حكومي بنظام التعاقد وما احتسبت خبرة، والآن الاهلية ما عاد تحتسب خبرة، وفي المقابل بنات لا يقلون كفاءة، إن لم يكن أفضل لم يتعين لا هنا ولا هناك طيلة سنوات، وعندما جاء التعيين لم ينظر لسنة تخرجهن ولا تعويضهن عن السنوات الماضية... ومن تعينت في الحكومي أو الاهلي على الاقل اكتسبت خبرة ميدانية إضافة الى الراتب ، والخبرة اليوم تشترى بالمال ... فرأيي مبني على هذا الاساس.

وبما انك مثلتي بحالك سأوضح لك حالي ... تخرجت عام 1419 بتقدير امتياز ونسبة 92%، وحاولت التعاقد على مدار سنوات ولم أجد سوى ابواب مغلقة ، ولا أعلم طريق الابواب السرية... والمدارس الاهلية رواتب 1200 لا أقبلها لأنها ما تجي في المشوار فما بالك بلوازم أخرى، والمدارس اللي تدفع أكثر برضه واسطة، وسنة بعد سنة لحد عام 1431 جاء التعيين.... أمداني على الدرجة 14 ههههه.

مين يعوضني عن سنوات العطالة ... لا راتب ولا خبرة ولا خدمة ...

أخيراً ما ودي أحد يتحسس من كلامي ، هذا مجرد رأي ... ولو الوزارة أرادت احتساب خدمة الحكومي والاهلي ما راح تنتظر مني الاوامر.. والله يرزق الجميع من خيري الدنيا والآخرة

دمتي بخير
 

آحسآس آنثى ـآ

تربوي
عضو ملتقى المعلمين
اختي انا عندي ثلاث سنوات خبرة اهلية ترانا كنا تحت اشراف الوزارة الموجهات يجونا يطالبونا بنفس الي بالحكومي بالرغم من قلة الرواتب غير الضغط النفسي والبدني الرهيب
الحمدلله رب العالمين
ياقلبي ماقلت شي الله يرزقكم بس من باب العداله تحسب لنا خدمه ودرجات

وفيه اهليات اعرفها تسيييب وبعضهم لانظاميه حيل .. كل شي وارد يالغلا

بس الاهم تحتسب كلهم مو من جهه تؤخذ وجهه لا

جيآك ياقلبي ..
 

أمة البارىء

مبدعة الاستراحة
عضو مميز
ميرال حبيبتي
وقت ماقالو هاتو اوراقكم نحتسب خبرتكم
طبعا لازم تسع اشهر بتواريخ محدده
كان فيه سنتين عندي ممكن تحتسب لو زادوها صفرا
يعني التاريخ بدل ماهو 2
يصير 20
وجالس الرجال يحاول في ابوي
انه يوافق
وابوي رفض تماما
وقاله دق عليها امكن هي توافق
دق علي وانا رفضت
السببب
ياتاخذون خبراتي زي ماهي واللي يمشي ع غيري يمشي علي
ياتفكوني شركم
انا وحدة وراي طريق واخاف الله
الفجيعه لما رحت المدرسه
الكل حسبوها لهم
بقدرة قادر
طبعا مع الاضافات
اصفار وهلم جره
الشاهد
حبيبتي تاكدي ان هذا الرزق مقسوم لك من الله
لاتناحلين عليه والله بيحطلك فيه البركة
وافوض امري الى الله
 
أعلى