استفسار مهم تكفون :(

السلام عليكم
بغيت استفسر بخصوص موضوع اجازتي الي محتاره وش وضعها

انا معلمه كانت ولادتي اخر يوم بالدوام 1-12
ولدت بداية الشهر الثامن لكن المولود متوفي
سؤالي
اجازتي الحين تكون اجازة وضع شهرين والا لأنه متوفي مايحسب لي كإجازه واداوم مع الخلق،،
كفايه التعب والنفسيه الي انا فيها الحمدلله على كل حال
بس بغيت اعرف لاهنتو وش نظام اجازتي
وسلامتكم

الحمد لله على السلامه .. واسئل الله العلي العظيم ان يجعله شفيع لك ويعوضك خير منه والحمد لله #

بالنسبة لاجازتك والله ماعندى خلفيه عن مثل هذه الحاله ولاكن اجازتك هي ولاده مثل اي اجازة وليست رعايه مولود اتوقع انها 45 يوم فقط واستفسري من المديره ..

والمنتدى صارو يتابعون بصمت وخوف حتى من الردود .. ؟وش سالفتهم تغيرو وبداءو ينقرضون هع .ويهجرون المنتدى #

تحسب لك اجازة وضع عزيزتي ارفعي طلبها مع تبليغ الولاده من بكرة وربي يوفقك

"ناسيه اسمها" قال:

السلام عليكم
بغيت استفسر بخصوص موضوع اجازتي الي محتاره وش وضعها

انا معلمه كانت ولادتي اخر يوم بالدوام 1-12
ولدت بداية الشهر الثامن لكن المولود متوفي
سؤالي
اجازتي الحين تكون اجازة وضع شهرين والا لأنه متوفي مايحسب لي كإجازه واداوم مع الخلق،،
كفايه التعب والنفسيه الي انا فيها الحمدلله على كل حال
بس بغيت اعرف لاهنتو وش نظام اجازتي
وسلامتكم

أنقر للتوسيع...

وعليكم السلام ورحمة الله وبركاته...

الحمد لله على سلامتك ونسأل الله أن يعوضكم عن ما فقدتم خيرا...


في بعض الحالات ( عند وفاة الجنين ) لا تمنح اجازة الوضع لشهرين...

خاصة اذا نص تقرير المستشفى على انه اجهاض بسبب موت الجنين في بطن أمه... فهنا اجازتها مرضية ...

أما اذا تقرير المستشفى وضح انها ولادة لكن توفي الجنين اثناء الولادة فتمنح اجازة وضع شهرين...

فتأكدي من تقرير المستشفى ( احتياطيا ) حتى لا تصطدمي بفهم وتفكير بعض المسئولين بادارات التعليم....

جود السنين قال:

والمنتدى صارو يتابعون بصمت وخوف حتى من الردود .. ؟وش سالفتهم تغيرو وبداءو ينقرضون هع .ويهجرون المنتدى #

أنقر للتوسيع...

حياك الله اختي جود السنين..

ان شاء الله ما ينقرضون اهل المنتدى ولا يهجرونه... لكن الاجازة واجواء الامطار والخير والحمد لله والحج ايضا.. كلها كانت سبب في قلة تواجد الاعضاء في الفترة الماضية... خاصة ان ادارات التعليم والوزارة ايضا معطلين..

وان شاء الله الايام الجاية الجميع يرجع ويرجع الملتقى شعلة نشاط وحيوية....


الا الانقراض. ههههههه لا ما نريد الانقراض.....

جزاكم الله كل خير ماقصرتوا جميع

❤