Maroom

Maroom

الى كل من لديه الخبرة والمعرفة جاوبوني جزاكم الله خير

البندري الذيابي

تربوي
عضو ملتقى المعلمين
السلام عليكم ورحمة الله وبركاته.
اخواني اخواتي اللي يقدر يفيدني في موضوعي لايبخل علي ضروري ماعندي وقت لازم اقرر.
الاسبوع القادم وبالتحديد يوم الاثنين الموافق 5 /1 قالت لي المديرة عندكم دورة بالرياض وانا ما ودي احضر عندي عندي شغل ووسائل واوراق عمل ....الخ.. وغير كذا مشـــــــــــــوار سفر طويل مابستفيد شي من الدورة بسبب التعب اللي بيصير في الطريق.
المهم اللي بغيت اعرفه :
1 - هل حضور الدورات هذه الزامي ام اختياري؟واذا رفضت حضور الدورة وش بيصير يعني عادي ؟
2- انا معلمة جديدة وابغا اعرف ايش فايدة هذه الدورات للمعلمة,؟
3- هل تفيدني الدورة في النقل؟
 

naef05

تربوي
عضو ملتقى المعلمين
اللي أعرف عن الدورات اللي تسجل في ادارة التدريب التربوي في الرياض تكون اختياري لكن إذا ما حضرت تحرم من التسجيل في الدورات لمدة ستة أشهر
أما الدورات اللي من المكاتب اللي تجي في التعاميم والله ما أدري بس ما راح ينخصم من الراتب إذا ما حضرتي للدورة وداومتي في المدرسة
أقصاها تجيكي مساءلة عن سبب عدم المجيء للدورة
وتقدرين تقدمين اعتذار رسمي يوم السبت من المديرة وتعفين نفسك من المساءلة




أما بالنسبة للسؤال الثاني ماهي فائدة الدورات ؟

والله مالها أي فائدة بس ضياع وقت
بس الخوف إنهم يطبقون نظام الرتب ثم يلزمون المدرسين بالدورات للترقية من رتبة إلى أخرى


وأيضا لا فائدة منها في النقل


فائدتها الوحيدة إذا جيتي تقدمين وكيلة أو مديرة أو مشرفة تساعدكي كثرة الدورات في المفاضلة
أنا أجمع ساعات علشان تساعدني في المفاضلة
 
ن

نايل

زائر
انا الخبره بذاتها وراح اعطيك حلين
الاول تنطنشين وتحضرين بمدرستك ولا كأن بوه شي
الثاني تغيبين وتقدمين اجازه مرضيه
لكن فيه دورات الزاميه لتخصص الرياضيات هذي ماينفع معها الا الحل الثاني فقط
لكن كم مدة الدوره ؟ هذا سؤال مهم
 

رذاااذ المطر

عضوية تميّز
عضو مميز
اذا تقدرين وفيه احد عادي يوديك للرياض لحضور الدورة
انصحك احضري ، خاصة أذا كانت 3 ايام او اكثر

وبعدين ترى الدورات خارج مدينتك تعتبر انتداب لا تنسين
تطالبين بالبدل ..
 

البندري الذيابي

تربوي
عضو ملتقى المعلمين
اللي أعرف عن الدورات اللي تسجل في ادارة التدريب التربوي في الرياض تكون اختياري لكن إذا ما حضرت تحرم من التسجيل في الدورات لمدة ستة أشهر
أما الدورات اللي من المكاتب اللي تجي في التعاميم والله ما أدري بس ما راح ينخصم من الراتب إذا ما حضرتي للدورة وداومتي في المدرسة
أقصاها تجيكي مساءلة عن سبب عدم المجيء للدورة
وتقدرين تقدمين اعتذار رسمي يوم السبت من المديرة وتعفين نفسك من المساءلة




أما بالنسبة للسؤال الثاني ماهي فائدة الدورات ؟

والله مالها أي فائدة بس ضياع وقت
بس الخوف إنهم يطبقون نظام الرتب ثم يلزمون المدرسين بالدورات للترقية من رتبة إلى أخرى


وأيضا لا فائدة منها في النقل


فائدتها الوحيدة إذا جيتي تقدمين وكيلة أو مديرة أو مشرفة تساعدكي كثرة الدورات في المفاضلة
أنا أجمع ساعات علشان تساعدني في المفاضلة

مشكور اخوي جزاك الله خير ..من يوم السبت ان شاء الله بقدم عتذار عن حضور الدورة خاصة انهم ماقالو لنا عنها الامتاخر .... حتى ماجاني الخبر الا بعد ماطلعت من الدوام يوم الاربعاء. اهم شيء ماتاثر على النقل والباقي يهون ان شاء الله.
 

البندري الذيابي

تربوي
عضو ملتقى المعلمين
انا الخبره بذاتها وراح اعطيك حلين
الاول تنطنشين وتحضرين بمدرستك ولا كأن بوه شي
الثاني تغيبين وتقدمين اجازه مرضيه
لكن فيه دورات الزاميه لتخصص الرياضيات هذي ماينفع معها الا الحل الثاني فقط
لكن كم مدة الدوره ؟ هذا سؤال مهم

اخوي نايل الدورة 3 أيام بس ..
وانا تخصصي توحد واضطرابات سلوكية.وراح تكون بمركز التوحد بالرياض. لو كانت بجدة ماعندي مشكله انا مشكلتي بالرياض!!!!!
 

البندري الذيابي

تربوي
عضو ملتقى المعلمين
اذا تقدرين وفيه احد عادي يوديك للرياض لحضور الدورة
انصحك احضري ، خاصة أذا كانت 3 ايام او اكثر

وبعدين ترى الدورات خارج مدينتك تعتبر انتداب لا تنسين
تطالبين بالبدل ..
جزاك الله خير
انا اكثر شيء معترضة عليه ان الدورة بالرياض ..ليه ماتكون الدورات اللي نحضرها في نفس المدينة اللي انا اشتغل فيها..من غير انا متغربة عن اهلي ولا بيزيدوني غربة ويودوني الرياض.
الله يعين يارب انقل لمدنتي.
 
ن

نايل

زائر
لا لا لا بكذا انا اسحب ردي كله
تخصصك ماعرفه وكلام الاخون كله يتعلق بالتخصصات المتعارف عليها
والله يوفقلك اختي



اخوي نايل الدورة 3 أيام بس ..
وانا تخصصي توحد واضطرابات سلوكية.وراح تكون بمركز التوحد بالرياض. لو كانت بجدة ماعندي مشكله انا مشكلتي بالرياض!!!!!
 

البندري الذيابي

تربوي
عضو ملتقى المعلمين
لا لا لا بكذا انا اسحب ردي كله
تخصصك ماعرفه وكلام الاخون كله يتعلق بالتخصصات المتعارف عليها
والله يوفقلك اختي

ماقصرت اخوي نايل لخبطت عقلي مرة ثانية... بس تدري بتوكل على الله واسحب عليهم واللي يصير يصير..واصلا ايش بيصير مثلا. توني قيل اسبوعين اخذه دورة كلـــــــها اعادة للي درسته مافي شيء جديد اللهم بس شوية توضيحات للمعلمات الجدد..
شاكرة ومقدرة لك ردك وتجاوبك .
 

صدى الاطلال

تربوي
عضو ملتقى المعلمين
الاخت الكريمة
اذا الوزارة متكفلة برحلتك واقامتك هناك وبدل انتداب فوالله اشير عليك بالذهاب
اما بالنسبة للفائدة فهي راجعة الى نيتك ومدى رغبتك في الحضور وعلى ضوئها ستقررين
ثم هل الدورة الزامية ام انك قمت بطلبها والتسجيل فيها؟؟
ختاماً اذا اردت الانسحاب قدمي اعتذار رسمي لادارتك لتقوم ادارتك برفعه بالفاكس للادارة التابعة لها وهم يرفعوا للوزارة قسم التدريب
موفقه
 

أم عمر1

تربوي
عضو ملتقى المعلمين
أنا أشوف أن الدورات مفيدة في معلوماتها خصوصاً الي تكون خارج منطقتك يكفي التعارف وأخذ الخبرة من الحاضرات وبالتوفيق
أنا سبق أن حضرت دورات خارج منطقتي في الرياض والطائف وكلها رائعة ومفيدة
 

البندري الذيابي

تربوي
عضو ملتقى المعلمين
الاخت الكريمة
اذا الوزارة متكفلة برحلتك واقامتك هناك وبدل انتداب فوالله اشير عليك بالذهاب
اما بالنسبة للفائدة فهي راجعة الى نيتك ومدى رغبتك في الحضور وعلى ضوئها ستقررين
ثم هل الدورة الزامية ام انك قمت بطلبها والتسجيل فيها؟؟
ختاماً اذا اردت الانسحاب قدمي اعتذار رسمي لادارتك لتقوم ادارتك برفعه بالفاكس للادارة التابعة لها وهم يرفعوا للوزارة قسم التدريب
موفقه
بالنسبة للنقطة الاولى التكاليف ماعندي خبر لان خبر الدورة وصلني بعد ماطلعت من الدوام وللحين ماحصلت رد من المديرة على اساس بتعطيني خبر مفصل عن الدورة وهل هي الزامية او اختياري..بس ماردت علي ..واكيد يوم السبت ان شاء اخذ الخبر الاكيد.
بالنسبة للنقطة الثانية لا ماطلبت الدورة..ولا ادري الزامي ام..لا.
 

لاتتعب

تربوي
عضو ملتقى المعلمين
ارتاحي ولا تحضرين ماجايك شي
الشغلة ضايعة من اكبر موظف في الوزارة الى اصغر موظف في المدرسة
 

البندري الذيابي

تربوي
عضو ملتقى المعلمين
واخيرا انحلت المشكلة ,,اليوم وقعت على علم بموضوع الدورة والحمدلله الحضور اختياري...وقالت لي المديرة مايحتاج لااعتذار ولا شيء دام الموضوع اختياري براحتك انت . والحمدلله تيسرت. ان شاء الله ماتكرر هالحركات اللي مالها داعي مايوصل الخبر الا قبل الدورة بكم يوم ..حتى نفسيا مايمدي نستعد...
 
ن

نايل

زائر
مشكله هالمستجدين خفيفين
و يتعقدون نفسيين من أتفهه الأمور
و يخافون من المدير شثير شثير
ومن شان شذا دائماً هم عرضه للأبتزاز والأستغلال
أيييييه يكسرون الخاطر شثير شثير

واخيرا انحلت المشكلة ,,اليوم وقعت على علم بموضوع الدورة والحمدلله الحضور اختياري...وقالت لي المديرة مايحتاج لااعتذار ولا شيء دام الموضوع اختياري براحتك انت . والحمدلله تيسرت. ان شاء الله ماتكرر هالحركات اللي مالها داعي مايوصل الخبر الا قبل الدورة بكم يوم ..حتى نفسيا مايمدي نستعد...
 

البندري الذيابي

تربوي
عضو ملتقى المعلمين
تدري ليه : عشان مستجدين ومو فاهمين التعاميم وهالكلام الفاضي ومافي خبرة ...مو زي اللي لهم سنوات يشتغلون عارفين اللي لهم واللي عليهم....
 
ن

نايل

زائر
حتى انتي زعلتي ويلي
العالم كلها شابه ضوء . . . يمكن من شان الشتاء


تدري ليه : عشان مستجدين ومو فاهمين التعاميم وهالكلام الفاضي ومافي خبرة ...مو زي اللي لهم سنوات يشتغلون عارفين اللي لهم واللي عليهم....

 
أعلى