Maroom

Maroom

قبلوني وظيفة تعليميه .. وبعثه .... رايكم يهمني ....

م

معلم صعوبات ابي بعثه

تربوي جديد
عضو ملتقى المعلمين
السلام عليكم


حبيت استفيد من خبراتكم لانني معلم جديد لي بالضبط اربع شهور ....... والحمد لله

حبيت اوضح قبل اقولكم وش ابي بالضبط ..............


بالصيف اللي راح تم قبولي في برنامج خادم الحرمين الشريفين لاكمال الماجستير والحمد لله

وتم قبولي ايضا في الوظائف التعليميه وكنت محتار جدا ... البعثه او الوظيفه


وقد وضح لي احد الاقارب ان معلي ( 4.65 ) من ( 5 ) يؤهلني اني اتوظف ومن ثم اطلب تفريغ من الوزارة للدراسة بالخارج ..........


ودي اسئل هل في امكانيه لاكمال الماستر في الخارج ...... لان هذي امنيتي وخاصة ان الحاصلين على الماستر في تخصصي قليل مقارنه بباقي التخصصات ؟


وماهي الطريقة وهل هناك جهة معنيه في هذا الموضوع .............



ابي احد يدلني وماهي الطريقة



وجزاكم الله خيرااا​
 
م

معلم بن مربي

تربوي جديد
عضو ملتقى المعلمين
أولا : عليك بصلاة الاستخارة

ثانيا : في مثل هذه الأمور فاذهب لمن تراه يملك الخبرة والمعرفة وخذ من رأسه واترك عنك المنتديات ومعرفاتها الوهمية ، فهل تريدها أن تحدد مستقبلك ومصير حياتك .
 
G

ghreep aldar

تربوي جديد
عضو ملتقى المعلمين
بامكانك ذلك وهو الافضل

اهم شيء الوظيفة وتقدر عن طريق الوزارة تبتعث وتكمل الماستر والدكتوراه وتستلم نصف راتب الوظيفة وراتب البعثة

بس كل اللي عليك قراءة تعميم الايفاد والابتعاث واعتقد انه موجود في موضوع مثبت في هذا القسم ومن اليوم تجتهد وتحقق النقاط على ما تكمل سنتين خدمة في الدولة
 
م

معلم صعوبات ابي بعثه

تربوي جديد
عضو ملتقى المعلمين
جزاكم الله خير ع ردودكم




ومثل ما قلت اخوي شلون اوصل للمسؤول عشان اشرح له وما اخذ كلام المنتديات ...


المشكل الكل مو عارف ............




وحبيت اسئل هل البعثات في وزارة التربية والتعليم ... تعتمد ع المعدل السابق لشهادتك الجامعيه .......

او على تقييم المدير لك ... لان بيني وبين المدير مشكلة وقد تؤثر على تقيمي ..


وهل التقديم من ادراة التعليم ...... او الوزارة .......... ولازم موافقة مين بالضبط قبل البعثه ...؟​
 
ش

شقاوي نجد

تربوي جديد
عضو ملتقى المعلمين
الله يوفقك تبي نصيحتي خلك في وظيفة التعليم واطلب اجازه بدون راتب دراسيه ان امكن او استثنائية
وبعدها قدم علي ابتعاث الوزاره ان قبلوك ممتاز جدا وان ماقبلوك خيره لك وكمل الماستر وقدم علي الجامعات
بحكم ان ماشاء الله معدلك حلو وتخصصك ايضا ممتاز وكل الجامعات تخصصك مطلوب بها فالافضل تضمن وظيفتك
وتكمل دراستك وتوك العمر قدامك لا تضيع عمرك في التعليم .
 
أبو هـمـس

أبو هـمـس

تربوي
عضو ملتقى المعلمين
أهلين يالغالي
ماشاء الله معدلك ممتاز
ولكن النظام لا يسمح لك بالابتعاث
الا بعد خدمة سنتين
واذا بغيت الاستزادة من الشروط
راجع وزارة التربية والتعليم قسم التدريب والابتعاث

الله يوفقك لما فيه خير
 
ا

الـــــــــورد

مراقب عام
مراقب عام
ما شاء الله عليك ..

اامسك الوظيفة أولاً ..

وبعد سنتين قدم على الابتعاث ..

وأبشرك مقاعد الماجستير في الابتعاث أكثر من الإيفاد ..

يعني راح تحقق هدفك بمشيئة الله دامك مصر عليه وتسعى له ..
 
م

ملاك وطني

<font color="#008080">عضوية تسويق </font>
عضو ملتقى المعلمين
الله يوفقك

امسك في الوظيفة وبعدين اكمل مشوار حلمك
 
ف

فطوم عبدالله

تربوي
عضو ملتقى المعلمين
انصحك نصيحه لوجه الله لاتفرط في البعثه ابدا لانك راح تحفر في الصحر حتى توافق الوزاره على ابتعاثك لكن رأيي لك هو انك تاخذ اجازه بدون راتب (استثنائي) من العمل وتروح لبعثتك وتخلص دراستك ويكون معك مستند نظامي حتى تجي تعدل مستواك في العمل وبكذا تكون ضربت عصفورين بحجر واحد
والله لايضرك ماشاء الله معدلك يبيض الوجه مو مثل معدلي :(
 
أ

أبوعبدالرحمن1

تربوي
عضو ملتقى المعلمين
وظيفتك أهم.. ولكن لا تفوت فرصة الابتعاث.

ويمكنك ذلك عبر الإجازة الاستثانية.

أما من ناحية بعثات وزارة التربية.. فيبدو أن الموضوع يحتاج وقت كبير جدا وشروط كثيرة.
 
يجب تسجيل الدخول أو التسجيل كي تتمكن من الرد هنا.
أعلى