Maroom

Maroom

م 72 حي بدر-الشفا ارغب بالمبادله لاي حي بالرياض/حاسب

النادر1

تربوي
عضو ملتقى المعلمين
السلام عليكم ورحمة الله وبركاته
بنننااات من تعرف عن متوسطة 72 بحي بدر ,,
واساسا حي بدر ويييينه فيه :tears:
ارغب بالمبادله لاي حي بالرياض ويفضل شرق وسط شمال ,,
واللي معي من البنات بحي بدر ,, تعرفون مواصلات من الشرق والا نتفق مع بعض ,,
حياااكم يـ آل بدر :tears:
 

المدرس بتاع مصطفى

تربوي
عضو ملتقى المعلمين
حي هادئ وسكانه أكثرهم من جنوب الرياض (الحوطة - الخرج - الحريق - الافلاج)
وهو يقع في جنوب الرياض
مدرستك قريبة من شارع الستين خلف كنتاكي
 

النادر1

تربوي
عضو ملتقى المعلمين
وين شارع الستين الله يعافيك ,,
انا اعرف الدايري الجنوبي والشرقي شوارع ما عرف ,,
فتحت الخريطه وشفت حي بدر ما وراه الا ارض فضا ,, يعني اخر الرياض ,,
تعرف عن المدرسه اي معلومه الله يعافيك ,,
 

النادر1

تربوي
عضو ملتقى المعلمين
دلع الله يوفقك يارب
,, كنت احسبك بالثانوي السابعه كان بادلتك ,,
لكن الثانوي انا وياهم ما نتفق :
 

المدرس بتاع مصطفى

تربوي
عضو ملتقى المعلمين
وين شارع الستين الله يعافيك ,,
انا اعرف الدايري الجنوبي والشرقي شوارع ما عرف ,,
فتحت الخريطه وشفت حي بدر ما وراه الا ارض فضا ,, يعني اخر الرياض ,,
تعرف عن المدرسه اي معلومه الله يعافيك ,,
طريق ديراب وانتوا جايين من طريق الملك فهد - النفق الثاني ادخلوا معه - بعدين يسار من فوق النفق الثاني - يجيكم طريق مسار واحد (دخول) عباره عن مدخل للحي - ثالث اشارة لفوا معها يمين - هذا هو طريق الستين وهو طريق شهير جداً في الشفا - بعد ما تلفون مع الاشارة يمين يجيكم كنتاكي على امتداد هذا الشارع - خلف كنتاكي (مب خلفه مباشرة لكن قريب مرة منه) في المربع السكني خلف هالمطعم يجيكم مجمع مدارس من ضمنها متوسطة 72

اتمنى شرحي واضح (خلي رجال يقرا الوصف وهو بيعرف ان شاء الله)

بالنسبة للمدرسة اللي اعرفه ان طالباتها من كل الاعراق وليست محصورة بفئة معينه

بصفة عامة مدرسة جيدة جداً :icon30:
 

النادر1

تربوي
عضو ملتقى المعلمين
المدرس ,,اللف شكر لك الله يريح بالك و يجزاك الجنه على حسن تجاوبك ,,, الوصف واضح لغيري ان شاء الله ,, بالنسبه لي طلاسم ,,
,,
شاهي ,, انتي معي بحي بدر ,,؟؟!!!
اذا فيه امكانيه نتفق مع بعض بالمواصلات << كان بها ,,
 

المدرس بتاع مصطفى

تربوي
عضو ملتقى المعلمين
تعديل على الوصف

طريق ديراب وانتوا جايين من طريق الملك فهد - النفق الثاني ادخلوا معه - بعدين يسار من فوق النفق الثاني - يجيكم طريق مسار واحد (دخول) عباره عن مدخل للحي - رابع اشارة لفوا معها يمين - هذا هو طريق الستين وهو طريق شهير جداً في الشفا - بعد ما تلفون مع الاشارة يمين يجيكم كنتاكي على امتداد هذا الشارع - خلف كنتاكي (مب خلفه مباشرة لكن قريب مرة منه) في المربع السكني خلف هالمطعم يجيكم مجمع مدارس من ضمنها متوسطة 72

بالنسبة للمدرسة سألت عن مديرة المدرسة وقالوا انها متشددة في ناحية الحضور والانصراف (الانصراف خصوصاً) واتوقع هذا طبع غالبية مديرات المدارس ما ادري ليه الخوف متلبسهم :crazy:

(طبعاً الكلام هذا إلى قبل سنتين) وكانت المديرة كبيرة في السن ما ادري اذا تقاعدت او نقلوها الله أعلم :no:
 

النادر1

تربوي
عضو ملتقى المعلمين
لاحول ولا قوة الا بالله ,,, اهم شي الانصراف ,,

طيب اخوي مو افضل نروح مع طريق الميه لاني بالشرق وهي بالجنوب وطريق الميه سريع وقريب من عندنا
طريق الملك فهد زحمة وكانه بعيد
هل يؤدي الى نفس الطريق والا لا ؟!
 

المدرس بتاع مصطفى

تربوي
عضو ملتقى المعلمين
ايه يودي لنفس الطريق
طريق ديراب يتفرع على الدايري الجنوبي والغربي والملك فهد
يعني لو جيتو على جهة الجنوب من اي طريق طبيعي ينتهي بكم الطريق على ديراب
 

عبوووره

تربوي جديد
عضو ملتقى المعلمين
ياجماعه احد يعرف موقع المتوسطه 208 بحي الاسكان تهت انا وابوي ندور عليها مالقيناها وصفوها انها مخرج 18 رحت له لقيته ديره وينهاابي المساعده
 

النادر1

تربوي
عضو ملتقى المعلمين
اسكان طريق الخرج هذا هو المقصود بها
وهي من الدايري الشرقي وكانك رايحة للخرج لكن لها مخرج في بداية طريق الخرج-الرياض
المشكله اني ماعرف بالشوارع زين
وابارك لك لانها منطقه تعتبر قريبه والشي الثاني ماااافيها زححمه ابدا
في سنه من السنوات كنت امرها يومييييا وكانت قريبه للشرق
موفقه ان شاالله
 

عبوووره

تربوي جديد
عضو ملتقى المعلمين
الله يريح قلبك لكن المشكه بمكان المدرسه ماعرفته والله يعينا ويسخر لنا ☺
 

سعيد آل شاكر

عضو مجلس إدارة الموقع
عضو مجلس الإدارة
متابع الموضوع ...

واعجبني وصف " المدرس بتاع مصطفى "

بصراحة دليله الله يوفقك ..

ويجزاك خير عن ما قدمت للأخوات ..

بصراحة أنا عرفت أماكن المدارس وانا لي عن الرياض تقريباً 7 سنوات ...


كل الشكر لك أخوي على جهدك

والله يحفظك و يرعااك ...
 

المدرس بتاع مصطفى

تربوي
عضو ملتقى المعلمين
نصار18
ما سوينا الا الواجب
نعين ونعاون
تسلم وياك يالغالي
---------------------

بالنسبة للأخت اللي مدرستها في الاسكان
أنا أقول لو تسألون في الحي عن المدرسة يمكن يقدرون يفيدونكم
 
أعلى