ألف مبرووووك للمنقولات لمنطقة الرياض... ارحبن هنا *_*

ورد ..

تربوي
عضو ملتقى المعلمين
أنا بعد نقلت للرياض ....


ياااارب لك الحمد ..


وأخيراً برجع الرياض بعد غربة ثلاث سنوات ..

فديتك يالرياض ..

أنا تخصصي عربي ’’
 

دايم الطيب

تربوي
عضو ملتقى المعلمين
ماشاء الله فالينها اجل
انا داومت وحاسه ان نشاطي تجدد
الكل يبارك ويهني
وزميلاتي يقولون وجهك اليوم غير
مبين عليك انك ارتحتي
وهم صادقين حتى النوم ماصرت انام زي خلق الله
بس خلاص الحمد لله
اخيرا بنرجع لبيوتنا واهلنا وجيرانا وحبايبنا

 

صبرني يارب

تربوي
عضو ملتقى المعلمين
يالله حيهن :clap:

:clap:افرحي يالرياض ..واستبشري ..بناتك المتغربات ارجعن لك:clap:

والله ان كل يوم افتح تكامل واشوف مبروووك تم نقلك واستااانس كأني اول مرة اشوفها

مو مصدقه ..
وطبعا اليوم غياب وبكرة غياب :bigsmile: مافيني اسافر عن الرياض
بس بسافر بكرة عاد مسختها ..وراي مناهج لازم تخلص عشان اقش عفشي واحط رجلي وانحاش النحشه الاخيرررررررررة ..:cool:
 

طهر القلوب

تربوي
عضو ملتقى المعلمين
السلام عليكم

وصبحكم الله بالخير

وألف ألف الف الف مبروووووووك النقل

والله يتمم نقلنا على خير ونرجع لأهلنا ولرياضنا

اااااااه مارق الرياض
 

مغتربه في بلادي

تربوي
عضو ملتقى المعلمين
الف مبرررروك للجميع النقل الله يعطينا خيره ويصرف عنا شره
يالبيه يالرياض ...... اخيراا تحقق الحلم
نبغى نتعرف على بعض عشان يمكن تصدف ونجي في نفس المدارس
مغتربه في بلادي .... ام دانه
 

البرنسيسة 31

تربوي
عضو ملتقى المعلمين
وين البرنسيسة 31، لا يكون بعد التعديل حق حركة النقل ما نقلت وجاها انهيار عصبي هههههههه.


ايييييـش





بسم الله علي

ركزيييييي الموضوع هذا مكتوب يوم السبت بعد تعديل نتايج النقل



لا تعدينها



وحياك الله معنا ..انتي منقولة للرياض <<<اسمك جديد ع الساحة

واسمك فزاع وإلا فزاعه <<<امززززززح
 

فرح وحلا

تربوي
عضو ملتقى المعلمين
وش رايكن كل وحده تقول وش تخصصه وش طالبه اي جهه من الرياض
انا عربي وبطلب شرق الرياض ان شا الله
مع ان الشرق مكتظ بالطالبات بس الله يعين
كل شي يهون اذا قربنا اهلنا*
 

فزّاع الغامدي

تربوي
عضو ملتقى المعلمين
ايييييـش





بسم الله علي

ركزيييييي الموضوع هذا مكتوب يوم السبت بعد تعديل نتايج النقل



لا تعدينها



وحياك الله معنا ..انتي منقولة للرياض <<<اسمك جديد ع الساحة

واسمك فزاع وإلا فزاعه <<<امززززززح
هههه لا عينا خير، وش جاب فزّاع لفزّاعة هههههههه، راحوا فيها عيالنا، الجيل القادم راح فيها هههههه.
لا والله جديد لي كم من يوم، طازة، من برا لجوه ههههه.
 

جود السنين

مشرفة سابقة مميزة
عضو مميز
جينا للمهم الحين

بخصوص نقلي للرياض ، أخاف يوجهونني للدرعية او المزاحمية او الحاير او العيينة تعرفون كلها بعيده عن الرياض ولا تخفاكم الزحمات والغثاء

او بس راح يكون التوجية داخل احياء الرياض فقط

عسى الله يسهل لي جنوب الرياض عند بيتي
 

بعيده الديار

تربوي
عضو ملتقى المعلمين
جينا للمهم الحين

بخصوص نقلي للرياض ، أخاف يوجهونني للدرعية او المزاحمية او الحاير او العيينة تعرفون كلها بعيده عن الرياض ولا تخفاكم الزحمات والغثاء

او بس راح يكون التوجية داخل احياء الرياض فقط

عسى الله يسهل لي جنوب الرياض عند بيتي


التوجيه بيكون داخل احياء الرياض
باذن الله يكون توجيهك للعزيزية
 

ريم المها

تربوي
عضو ملتقى المعلمين
ايوه التوجيه داخل احياء الرياض نفسها للي نقلها الرياض - الرياض


الدرعية ، المزاحمية ، ضرما ، العيينة كلها خارجي


ان شاء الله يحطونك قريب بيتك وفي نفس الحي
 
أعلى