Maroom

Maroom

ضروري وعاجل ارجوا افادتي في هذا التلاعب اللي حصل معي في النقل

المدرس بتاع مصطفى

تربوي
عضو ملتقى المعلمين
السلام عليكم
والله اليوم اكتشفت شي يغبن يخص نقلي
تصدقون معي واحد من الزملاء انا وهو طالبين نقل خارجي لمنطقة وحدة
تفاجأت اليوم لما تصفحت اسماء المنقولين انه منقول للمنطقة هذي مع اني رقمي متقدم عليه في المنطقة هذي بفارق لا يقل عن 10 رغبات ,, ابي اعرف وشلوووووووووووون نقل وانا جلست رغم الفارق الكبير اللي بيني وبينه !!!!!!!!!؟؟؟؟؟؟؟؟؟؟؟
الرجال ما قال لي انه نقل لها ,, ذكر لي انه نقل لمنطقة تبعد عنها 200 كيلو يعني اكييييد الدعوى فيها واسطة !!!
ابي تفيدوني بطريقة رفع التظلم والله ما اسكت عن حقي وشغل الواسطات اطلعه من خشومهم انا
ابي اعرف لوين اتجه ؟؟
هل لادارة التعليم اللي انا اتبعها والا وين
الله يرضى عليكم ابي تفيدوني بأسرع وقت أنا ناوي اخربها
 

ابوهذال

تربوي
عضو ملتقى المعلمين
الله العظيم ان الحركة هذي فيها تلاعب واحد من زملائي دين خدمته 14 سنه رقمه على المدينة العام 500 والسنه هذي نقل على المدينة سنة التقديم عنده 32 واضح التلاعب
حتى صورة المجهر والمعلمين الثنين الي كانت في الصفحة الرئيسية للنقل مختفية معناتها النقل على مزاجهم ماهو مفاضلة
 

مشــــــــاعر

تربوي
عضو ملتقى المعلمين
أنا أأيدك الله ينصرك بمسعاك..
سلامات ينقلون ناس على حساب ظلم آخرين..
الدنيا فوضى..
طلع حقك من عيونهم..
خاصة أن عندك أسم محدد وتقدر تحجهم..
الله يوفقك
 

المدرس بتاع مصطفى

تربوي
عضو ملتقى المعلمين
بكرة الصبح بروح لادارة التعليم
وبرفع خطاب تظلم للوزارة تتم صياغته في هذه اللحظات
وبخلي الرجاجيل تتابع الموضوع من الرياض
والله ما يروح حقي هدر يالنصيان يبو واسطات انت ومعك باقي العصابة اللي في الوزارة
 

برق1

تربوي
عضو ملتقى المعلمين
اول شي أنا أخوك تأكد من أحقية نقلك على زميلك هذا بالتأكد من خلال سجله المدني اذا قدرت باي طريقه كانت واذا تثبت من احقيتك تتجه لشؤون المعلمين بادارتك التعليمية وتدون شكواك لديهم بحسب النموذج المعتمد لديهم ، لكن قبل ان تقدم على اي خطوة تأكد واحتفظ بنسخة اي مستند يؤيد شكواك ولا تنسى ان مدة الاعتراض هي فقط خمسة عشر يوما من اعلان الحركة ، الشي اللي قهرني مراوغة زميلك لين فضحه الله ، عموما تثبت وتوكل على الله وتذكر ان عدل ساعة خير من عبادة سنين وخير ان تمطر السماء .
 

المدرس بتاع مصطفى

تربوي
عضو ملتقى المعلمين
اول شي أنا أخوك تأكد من أحقية نقلك على زميلك هذا بالتأكد من خلال سجله المدني اذا قدرت باي طريقه كانت واذا تثبت من احقيتك تتجه لشؤون المعلمين بادارتك التعليمية وتدون شكواك لديهم بحسب النموذج المعتمد لديهم ، لكن قبل ان تقدم على اي خطوة تأكد واحتفظ بنسخة اي مستند يؤيد شكواك ولا تنسى ان مدة الاعتراض هي فقط خمسة عشر يوما من اعلان الحركة ، الشي اللي قهرني مراوغة زميلك لين فضحه الله ، عموما تثبت وتوكل على الله وتذكر ان عدل ساعة خير من عبادة سنين وخير ان تمطر السماء .
يا عزيزي هذا الشي اللي غبني اكثر
انه ما ذكر لي انهم نقلوه للمنطقة اللي انا متقدم عليه فيها
لو كان الأمر ماشي طبيعي ليه يخفي انهم نقلوه لها
انا متأكد مليون في المية ان رقمي على المنطقة يتقدم عليه بفارق لا يقل عن 10 رغبات
فما يود سبب لكل هاللعبة الا انه مضبط له واسطة وماحب يقول لي لأني متقدم عليه والأحق بالنقل منه فخاف اني اعترض لكن ربي فضحه
 

المعنى

تربوي
عضو ملتقى المعلمين
للعمل يا اخوان تخصصه نفس تخصصي وانا افضل منه في المافضله من جميع النواحي لا تقييم ولا غيره


طبعا انت بنيت أفضليتك عليه في المفاضلة بناءً على مفاضلة العام الماضي .

فهل تغيرت درجة الأداء الوظيفي لك أو له وأيضا الغياب بنوعية بعذر وبدون عذر هذا العام ؟

أذا لم تتغير وكنت أفضل منه العام الماضي فالمفروض تستمر الأفضلية ، تأكد من ذلك ثم إتخذ إجراءاتك .
 

تعب الغربة

تربوي
عضو ملتقى المعلمين
تبي تتأكد وين حطوه ادخل على موقع الوزاره وفيه ملف فيه قائمة اسماء المنقولين والمدينه اللي نقلو لها

والله ينصرك
 

المدرس بتاع مصطفى

تربوي
عضو ملتقى المعلمين
طبعا انت بنيت أفضليتك عليه في المفاضلة بناءً على مفاضلة العام الماضي .

فهل تغيرت درجة الأداء الوظيفي لك أو له وأيضا الغياب بنوعية بعذر وبدون عذر هذا العام ؟

أذا لم تتغير وكنت أفضل منه العام الماضي فالمفروض تستمر الأفضلية ، تأكد من ذلك ثم إتخذ إجراءاتك .
يا عزيزي هو مسجل عليه غياب بعذر وانا لا يوجد لدي غياب لا بعذر ولا بغير عذر
ودرجة الأداء الوظيفي أنا افضل منه
الأكييييييد ان هناك واسطة تلاعبت في الترتيب
 

المدرس بتاع مصطفى

تربوي
عضو ملتقى المعلمين
تبي تتأكد وين حطوه ادخل على موقع الوزاره وفيه ملف فيه قائمة اسماء المنقولين والمدينه اللي نقلو لها

والله ينصرك
تأكدت من الملف المذكور وطلع منقول لنفس المنطقة اللي متقدم عليه فيها
الملف موجود في موضوع هنا
 

( أبوخالد2009 )

عرّاب النقل الخارجي
عضو مميز
تأكدت من الملف المذكور وطلع منقول لنفس المنطقة اللي متقدم عليه فيها
الملف موجود في موضوع هنا

اذا رغبت أساعدك بمعرفة من الاولى بالنقل وهل يوجد تلاعب..

ارسل لي اسمك رباعي وتخصصك والمرحلة و كذلك اسم صاحبك برسالة خاصة وانا اقارن بينكم وأعطيك العلم باذن الله...​
 

المدرس بتاع مصطفى

تربوي
عضو ملتقى المعلمين
اذا رغبت أساعدك بمعرفة من الاولى بالنقل وهل يوجد تلاعب..​


ارسل لي اسمك رباعي وتخصصك والمرحلة و كذلك اسم صاحبك برسالة خاصة وانا اقارن بينكم وأعطيك العلم باذن الله...​
للأسف ما اقدر ارسل رسالة ع الخاص لان مشاركاتي ما تعدت 200
يبو خالد يطول لي في عمرك واضحة وضوح الشمس ما يبيلها نشدة شيخ
فرق 10 رغبات يا عالم مب رغبة والا رغبتين
وانا افضل منه في عدم الغياب وفي الأداء الوظيفي
 

البدر..

تربوي جديد
عضو ملتقى المعلمين
شي لايطاق مايحصل نفاق في نفاق بالنقل

ممكن خطاب تظلم ابي احد يصيغه
 
أعلى