الاجازات للمعلمات الحوامل في الاشهر الاخير وتعميم وزاري يمنع منحنا إجازة مرضية!!

السلام عليكم
انا معلمه متعينه في محافظه تبعد عن الرياض 300 كلم
وحامل في بداية الثامن رحت لدكتورتي هالاسبوع ابغى اجازه لان النقل تعبني مره وماارجع الا اربع العصر وخايفه من مخاطر الطريق والولاده المبكره فرفضت تعطيني تقول يمكن اعطيك في التاسع ويمكن لا
تقول جاينا تعميم من الوزاره ومشددين عليهم
وخلتني أقرأه
حسبي الله ونعم الوكيل يعني لهم لاهم موافقين على الاستثنائي ولا هم الي سامحييين بالمرضي ..وبرضو مو ناقلييينا لمناطقنا اجل وش السوات !!
يعني بداوم حتى وانا في التاسع من الرياض 300كلم رايحه و300 راجعه
شوروا علي يامعلمات
مع ان تأميني عى مستشفى خاص وهم الي رافضين
وماعندي ملف بالمستشفيات الحكوميه
ابغى احد يدلني ع حل تعبانه من المشوار

انا اقولك بالحل والله كنت حامل وما داومت من اول يوم بالثامن وراتبي ماشي
بس انا كانت المشيمة متقدمة عندي في حملي
كتت اراجع بالخاص والدكتوره ماتعطيني غير يومين ثلاثة علت قلبي
فتحت ملف في مستشفى الولادة في جدة عشان الاجازات والله اني بعدين استفدت من فتح الملف
التحاليل والاشعة الثلاثية سويتها في الولادة بلاش
والاجازة كشفت علي الدكتورة وقبل ماتكشف علي صارحتها
قلت لها انا تراني جايه عندك عشان اجازة والله انا اراجع عند دكتورة في الخاص وانا معلمة مغتربة ومنطقتي في منطقة وعرة وانا داخلة على الثامن
وكانت عندي بوادر اجهاض في الشهر الاول والثاني وعندي تقدم بالمشيمة
قالت مااعطيك لمن اكشف
قلت اكشفي
وكشفت ولقيت بالفعل كلامي صحيح
والله اعطتني ثلاثة اسابيع وقالت لو انتهت تعالي عندي عشان اجدد لك هي مره ثانية
وبالفعل خلصت الثلاثة اسابيع وجددتها بثلاثة ثانية
ولمن دخلت التاسع وخلصته وانا بالاجازات
والله احلى حمل
روحي الحكومي احسن لك والله ترتاحين حتى من مصاريف الخاص
ووقت الولادة روحي عند الدكتورة حقتك
معروفين الخاص خوااااااافين
يوم واحد تاخذيه منهم بطلعة الروح حسبي الله عليهم

وعلى فكرة تعاميم الوزارة كلها خراااااط
ناس تطبقها
وناس ترميها بالزبالة
لاتصدقين التعاميم
هي طلعته لك تبغى تخوفك

غيري المستشفي روحي مستشفي علي حسابك وخذي اجازه

وش اللي اداوم بالثامن والتاسع


بلاهم مايعرفو مدارسنا وين مرميه


حسبنا الله ونعم الوكيل

كان الله في عوونك

غيري المستشفى واخذي مرضي من المستشفى الثاانى

حروف مبعثره قال:

السلام عليكم
انا معلمه متعينه في محافظه تبعد عن الرياض 300 كلم
وحامل في بداية الثامن رحت لدكتورتي هالاسبوع ابغى اجازه لان النقل تعبني مره وماارجع الا اربع العصر وخايفه من مخاطر الطريق والولاده المبكره فرفضت تعطيني تقول يمكن اعطيك في التاسع ويمكن لا
تقول جاينا تعميم من الوزاره ومشددين عليهم
وخلتني أقرأه
حسبي الله ونعم الوكيل يعني لهم لاهم موافقين على الاستثنائي ولا هم الي سامحييين بالمرضي ..وبرضو مو ناقلييينا لمناطقنا اجل وش السوات !!
يعني بداوم حتى وانا في التاسع من الرياض 300كلم رايحه و300 راجعه
شوروا علي يامعلمات
مع ان تأميني عى مستشفى خاص وهم الي رافضين
وماعندي ملف بالمستشفيات الحكوميه
ابغى احد يدلني ع حل تعبانه من المشوار

أنقر للتوسيع...

الحل ياحبيتي اتركي المستشفى الخاص مانعينهم من الاجازات انا كنت في مستشفى خاص يوم واحد مايعطوني وتعبانه وحامل ومريضه وضغط ولا يعطوني قالت لي الدكتوره في المستشفى الخاص روحي الحكومه يعطونك احنا مانعينا ذهبت الى مركز الحي وعطتني تحويل مستشفى الولاده ريحوني كل اسبوع اذهب لهم يعطوني اسبوع وبدون واسطات لحد ماولدت والحمدلله

عقبالك ما تولدين بالسلامه عطوني شهرين والحمدلله ريحوني وعنايه كبيره منهم ااحسن من المستشفى الخاص

بسألكم معلمات عن اوراق تحويل المستشفيات ؟؟؟ كيف تاخذونها اذا كنتوا مغتربات!!

الموضوع قديم