ضرور لجميع المشرفين ومن لديه علم (حسم الراتب بسبب الغياب )

السلام عليكم

ضرووووري تكون ابي مساعدتكم ....انا مديرة مدرسة مستجده ,,,,وكل راس شهر ارفع غياب المعلمات لمكتب الاشراف ,,,,وحسب تعميم ادارتي ,,,اني ارسل لهم اصول الاعذار واحتفظ بالصور في المدرسة ,,,,والمعلمة اللي تجيب عذر طبي كان بها لا يحسم منها شي واللي ما تجيب عذر يؤخذ من رصيدها في الاضطراري ,,,واذا انتهى الاضطراري يرفع لها بدون عذر ويحسم من راتبها ......

القصه :::
انه احيانا تكون للمعلمة اعذار غير مرضيه ,,,مثل تعطل السيارة ضروف الطريق من سيول وغيره ,,,هل تعتبر هذي اعذار مقبوله ولا تحسب من الاضطراري ؟؟

2- الاسبوع ما قبل اجازة الحج وما بعد اجازة الحج غابت احدى المعلمات ولكنها احضرت تقرير طبي ,,,,ورفعته لها بعذر ,,,لكن مشرفة الغياب رجعته لي وطلبت مني رفعه بدون عذر بحجة انه قبل اجازة وبعدها ,,,,ورفعته بدون عذر ,,,والان انحسم راتب المعلمة ,,,وناوية ترفع شكوى ,,,هل شكواها مقبوله ,,وهل علي ضرر منها ومن يتحمل المسئولية انا ام المشرفة ؟؟؟

3- هل بالفعل انه الاسبوع ما قبل الاجازة وما بعدها لا يقبل اي عذر مرضي او اضطراري الا في حالة وفاة من الدرجة الاولى او مرضي عملية جراحية ,,ياليت تحطون لي التعميم اللي يقول هالكلام

نسيت سؤال

هل فيه نموذج اسمه (قرار الغاء حسم سابق )) ياليت تنزلونه لي ضروري ....وهل اقدر ارفع لها المعلمة الغاء قرار الحسم الان بعد ما تمت عملية الحسم ,,واكتب نموذج من راسي اذا ما كان فيه نموذج خاص

ما شاء الله تبارك الله مجلس الوزارء يعترف بالإجازة المرضية في أي وقت ويسن لها قوانين منفردة ومفصلة وأختنا مشرفة الغياب تصرف تعليمات ونظام مزاجي من بيت أبوها ... شكوى المعلمة مقبولة نظاماً وسوف يعود المبلغ المحسوم لها نظاماً .

بالنسبة للاسبوع ماقبل الاجازة أو ما بعدها ليس له علاقة بالإجازات المرضية فهي مقبولة في أي وقت باعتبار أنها ظرف قاهر . واما موضوع وفاة من الدرجة الأولى وعملية جراحية وبقية الخرابيط الأخرى فهذه هرطقة مشرفة الغياب لديكم ولم يعمل بها حتى قراقوش ( بغض النظر عن دقة قصصه ) في زمان دكتاتورية الأغبياء !
أختي الفاضلة محاولة البحث عن أصحاب الخبرة الإدارية المشهود لهم في محيطك وتعدد الخبرات ومواصلة الاطلاع على نظام الخدمة المدنية بحيث يكون مرافق لك في غرفة الإدارة أو على محمل جهازك الجوال يجنبك الاستماع لتعليمات مثل هذه المشرفة الداجة هداها الله .
وبالنسبة لمسألة احتساب الغياب لعذر مقبول ومعرفة أن الموظفة لا تتعمد هذا الغياب ولم يكن هناك رصيد من الإجازة الاضطرارية يحمل عليه هذا الغياب فإن الحق والعدل أن يتم احتساب الغياب ( غياب بعذر ) مع حسم أجرة اليوم وفق قاعدة الأجر مقابل العمل .
والإدارة فن وفهم ومرونة وتيسير وحزم قدر المستطاع . وفقك الله .
أتمنى أن يفيد بقية الاخوة والاخوات الزميلة كل بما تيسر .

لو تم توجيه استفسار لك باسباب الحسم فقولي - حسب توجيه الاستاذة المشرفة فلانة .... في الاتصال الهاتفي في تاريخ كذا وكذا في حال لم يكن هناك مخاطبات ورقية - .
وبامكانك الآن رفع قرار الغاء الحسم للمعلمة حتى وان كان هناك أنموذج خاص ولا أظن أن في ذلك إشكال .

الله يعطيك الف عافيه ..اخوي عكس التيار ,,,والله العظيم ,,,اني توني متعينه جديد وعلى طول رشحوني مديرة مدرسة في قرية نائية ,,ولاني ما اعرف الانظمة صاروا يوجهوني على كيفهم وانا خايفة اظلم احد بدون قصد مني ,,,عشان كذا طرحت استفساري ,,,اخاف يورطني مكتب الاشراف هذا الله يهديهم ,,,خصوصا انه طلع نقلي وخلاص بروح ,,,واخاف من اي شكوى ضدي تاثر على نقلي ,,,,انا برفع قرار الغاء حسم الراتب والله يسهل امري وامركم ,,