لمن سبق له التقديم ع لجنة الظروف الخاصة

السلام عليكم
أنا معلمة قدمت ع الظروف الخاصة وهو مرض ابني وتم رفع أوراقي للوزارة
وبعد شهر ونص رجعت المعاملة مكتوب فيها لا بوجد بيانات للمعلمة في بوابة تكامل
كملت اداراتي المطلوب وأدخلت البيانات وأرسلت المعاملة مرة أخرى للوزارة

وتابعت المعاملة عن طريق رابط استعلام المعاملات والى الآن وهي في لجنة الظروف الخاصة


كيف اعرف هل تم نقلي أو لا

لأني والله في هم وضيق شديد من كثرة الانتظار ومن هم استئجار بيت للمنطقة المنقول لها ومن شحن العفش القديم ومن هم البحث عن مدارس لابنائي

:tears:

اختي الله يكتبلك الخير وتنقلين جنب بيتك

اللجنه يحتاج لها وقت الله يصبرك


اذا تقدري تنزلي الرياض لهم يكن افضل

الله ييسرلك وييسر لاختي تنقل جنب بيتهم يارب


مكان المبنى للجنة الظروف الخاصه

تمشين مع طريق الملك فهد متجهه جنوب

لين يجي مخرج الوشم تطلعين معاه لين تجيكي اشارة الوشم (اللي يمينها مبنى التلفزيون ع ما اعتقد )
طولي بعد الاشاره لا تلفين وامشي ممكن 20 متر راح تشوفين مبنى للكمبيوتر الصالح ع اليمين واعملي يو ترين يعني ارجعي ع نفس طريق الملك فهد
راح تشوفين مبنى على اليمين بني او طوبي ع خربزي فيه زجاج لفي من عنده اذا دخلتي هناك خلاص وصلتي لمبنى الشؤون المدرسيه اللي اعتقد فيه الدكتور ال فهيد وفيه اللجنه


رئيس اللجنه احمد الخياري
الامين وليد الفهد
مساعدة رئيس اللجنه هيا السمهري

والله ياحبيبتي انا عندي جوال امين اللجنة الوليد بن فهد
اعطيك الرقم على الخاص وهو يقول لك وش صار على معاملتك
بس اصبري علي يوم
لاني عند اهلي والجوال في بيتي اول مااوصل ارسله لك
وماابغى منك غير تدعيلي ربي بحفظ عيالي
ولا تخافين مادام الاوراق رفعت من الادارة
تجيك الموافقه على طول بالنقل ويحطونك جنب بيتك

المتفائلة تسلمين يالغالية بس صعبة علي اسافر للرياض

اختي عجزت ياليت ترسلي لي الرقم بتقرجين عني هم كبيرر

بدل خطابنا وخطابكم وصادر ووارد وتعطيلك فترة ليست قصيره فيه اختراع اسمه اتصالهم بادارتك واذا يحتجون بالرسميه كان بالايميل الرسمي او الفاكس ... لكن هو تضييع الوقت وحرمانك من النقل على الاقل بهالسنه بحجة الإجازة وقدمي من جديد .
انتي متفائله كثير من هاللجنة والله ان يجيك نقل نظامي بالحركة السنوية وماجاك شي من لجنتهم ،، ماقول الا لاتفرطي بتفاؤلك.

الله ييسر لك أمرك
ومن ناحية تسجيل عيالك..شوفي احنا نقلنا من زمان وماسجلت عيالي والسبب ان المدرسة ماطلعوها الا متأخر والمدارس قفلت
يعني لاتقلقي وان شاء الله يكون في وقت وأهم شي تنقلي والباقي بتتيسر باذن الله

يالله يعني موضوع النقل لضروف خاصه يطول الله يعين بس
تنصحوني اقدم او اختصر العنا وبس
مع العلم انه ينطبق علي شرط من الضروف الخاصه
بس قد قريت رد وحده من المعلمات تقول استغرقت شهرين بس في تجميع الاوراق المطلوبه اجل كيف تاخير اللجنه
قمة التحطيم

والله انا عند ابويا اليوم المساء اروح بيتي ووارسله لك على طول

احسبي امعاملتك شهر اضافي من تحديث بياناتك

الموضوع يطول بعض الشيء والتعامل مع اللجنة يحتاج الى صبر وتجميد اعصاب

ودي اعرف هل فيه قبول للظرف أو لا

لان صاحب البيت في المنطقة اللي أنا فيها يبغى أجار سته شهور المقدم بحسب العقد
أو أخلي بيته

وأنا مغتربة في هالمنطقة وطلبته مهله لين يجئ الرد بس للأسف لا وزارة ولا إدارة تقدر ظرفي ويعطوني رد

مو معقولة معاملة نقل ظروف خاصة من شهر 3 للحين يماطلون فيها

ياليت احد يخدمني ويعطيني رقم احد بالوزارة يشوف ردهم عشان افتك من حنه صاحب البيت واعرف مصيري

ارسلت لك رقم امين اللجنه ع الخاص وان شاء الله يتعاون معك ويفيدك

هلا أخت حروف مبعثرة الخاص ما اقدر ارسل لان مشاركاتي ما تجاوزت 200 مشاركة

بالنسبة للجوال اللي ارسلتيه دقيت عليه مسبقا ورفض يتجاوب معاي شايف نفسه
أما بالنسبة للأوراق المطلوبة للتقديم :
تقرير طبي حديث عن حالة بنتك من جهة حكومية واللي سمعته انه لو مستشفى أهلي لازم يتم تصديقه من الهيئة الطبية
شهادة ميلاد بنتك او كرت العائلة اذا كانت مضافة
تعريف من عمل زوجك وتعريف لك من عملك
فقط هذا المطلوب واعطيها مديرتك وهي تعطيك نموذج تعبيه وترفقينها مع بعض وترسلها لإدارتك لجنة الظروف الخاصة وحبذا زوجك يوديها عشان يأخذ رقم المعاملة والله ييسر لك النقل يارب ويشفي بنتك

إذا صدرت و معها صور ف مبروك لك النقل

حسب ما قاله لي امين اللجنة بالإدارة


الله يسهل امرك

يعني مايطلبون من المستشفى الي في منطقة عملي ورقة عدم توفر العلاج عندهم
وايش فايدة ورقة تعريف جهة عمل الزوج ايش يستفيدو منها مثلا

عقال فوشي معليش كثره الاسئله تحمليني
ورقه تعريف لجهة عملي من وين اجيبها من المدرسه او من ادارتي قسم رجال اونساء
والله يسرع في نقلك يارب

طلبوا ورقة تعريف عمل زوجي وما اعرف وش الهدف بس أتوقع والله اعلم يبغوا يتأكدوا هو مرتبط بعمل أو متفرغ لمراجعة ابنتك
ورقة تعريف عملك تطلبي مديرة المدرسة تطبعها لك من نظام نور
أما بالنسبة لتعذر علاج ابنتك فهم يرسلوا لجهة التقرير الطبي المرفق عشان يتأكدوا من صحة التقرير ويبينوا لهم هل في علاج في المنطقة اللي انتي فيها أو لا وأتوقع يراسلوا الشؤون الصحية اللي بمقر عملك لان موضوع الشؤون الصحية وصحة التقرير أخذت المعاملة عندهم شهر ونص

ومعليش سامحيني ع التأخير واللي ييسر لك نقلك يارب ويشفي بنتك


أخ المايسترو5555 لم يصدر النقل إلى الآن

لكن هل تتوقع يرفضوا النقل علما بان الإدارة وافقت ع رفع أوراقي للوزارة بعد التأكد من استحقاقي للنقل

رفععععععععععععععععع

مشكوره ياعقال فوشي وربي اني ادعيلك سهلتي علي الله يسهل عليك

عقال فوشي قال:

طلبوا ورقة تعريف عمل زوجي وما اعرف وش الهدف بس أتوقع والله اعلم يبغوا يتأكدوا هو مرتبط بعمل أو متفرغ لمراجعة ابنتك
ورقة تعريف عملك تطلبي مديرة المدرسة تطبعها لك من نظام نور
أما بالنسبة لتعذر علاج ابنتك فهم يرسلوا لجهة التقرير الطبي المرفق عشان يتأكدوا من صحة التقرير ويبينوا لهم هل في علاج في المنطقة اللي انتي فيها أو لا وأتوقع يراسلوا الشؤون الصحية اللي بمقر عملك لان موضوع الشؤون الصحية وصحة التقرير أخذت المعاملة عندهم شهر ونص

ومعليش سامحيني ع التأخير واللي ييسر لك نقلك يارب ويشفي بنتك


أخ المايسترو5555 لم يصدر النقل إلى الآن

لكن هل تتوقع يرفضوا النقل علما بان الإدارة وافقت ع رفع أوراقي للوزارة بعد التأكد من استحقاقي للنقل

أنقر للتوسيع...

إن شاء الله هم بعد يوافقون عليها


الله يسهل امرك

أنا حاليا مقدمه على ظروف خاصه بسبب مرض أنا شخصيا أعاني منه..
ورفعت شكاوي من الرياض الى القصيم..لاانها مقر عملي وتعالي شوفي المرمطه والبهذله خاصة المراجعات كان زوجي لما رفعها من الرياض تكون هنا لكي يتمكن من مراجعتها وقربها منها لكنهم أتعبونا وأرسلونا الى مستشفى الملك فهد بورقه والمستشفى رفضوا لان مالي ملف عنده ولازم تحويل من المركز الصحي كيف أجيب تحويل من المركز وأنا ماأراجع عندهم المهم بالملعنه وهواش تقبلوا وهاتلك يامواعيد بعد ماأقروا حاجتي للعلاج بالرياض وثبوت ماأعاني منه.. فكرت أني خلصت لا هيهات يجي منهم شي بالساهل أرسلونا الى الهيئه الطبيه والهيئه قالوا لابد تجيبون أن لك مواعيد بالرياض وتحتاجين القرب من المستشفى اذا أثبتي ذلك ممكن نوافق وأنا للأسف كنت أعالج على حسابي الخاص وهم بطبيعة الحال لايتقبلون التقارير الا من مستشفيات حكوميه..
وأنتهت الدوامات في الادارات وانا لازلت أتجرع العذاب لكي أستخرج تقرير وكان أملي أن أتمكن من أخذه قبل بداية العام الدراسي لانه في شهر شوال لابد أن أدفع مقدم الشقه ..
حسبنا الله ونعم الوكيل..
والله أن لجنة الظروف الخاصه قسم النساء قالتها حنان الرشودي بالفم المليان ماننقل ألا اللي فيها مرض سرطان خبيث الله يبعدنا واياكم عنه...
قلت يعني تخلون يعيش ماتبقى من عمره جنب أهله بصراحه ماقصرتوا ورأيتكم بيضاء..
حسبنا الله ونعم الوكيل أنا معاملتي من شهر5 وقت أعلان نتيجة النقل الخارجي..