حالتي الصحيه صعبه .. والمديره استقعدت لي :( هل تقدر تضرني ؟

السلام عليكم ..

باختصار . انا متعينه بالجنوب بمنطقة جبليه ووعره جدا جدا والطريق حوالي 120 كيلو نصفها تقريبا طريق جبلي وعر وعقبات :tears:

داومت الين انهيت المناهج وسلمت الاسئله .. واخذت اجازه مرضيه وناويه امددها اذا رب العالمين سهلها لي ..

حالتي ( حامل ) وعندي مشكله بالظهر والحمل واجهاضات سابقه ..

سؤالي الان : المديره تهاوشت معاي وجالسه تضغط علي عشان اداوم ومدري ايش .. وانا بصراحه نفسيتي زي الزفت ومع اسلوبها اللي انقلب فجأه زادت الطين بله

المشكله المنطقه خطره جدا واقررب مستشفى لي يبعد ساعتين مع السرعه

وراح احاول ادبر اجازات مرضيه لين اولد على خير ..


سؤالي للناس الخبره : هل هالموضوع يأثر علي ؟ هل ممكن تضرني المديره بأي شيء ؟ علما ان اجازاتي كلها معتمده ومن مستشفيات معروفه وبتوقيع اكثر من استشاري

انا متعينه السنه هذي .. يعني اعتبر جديده واحسها تستغلني وتضغط علي لأني جديده مع العلم ما في معلمه تمسك تخصصي لازم ندب


ياليت تنصحوني وش اسوي عشان ما اخسر وظيفتي ولا اعرض نفسي وجنيني للخطر

واللي يعرف دكتور او دكتوره بأ] مستشفى تعطي اجازات طويله اكثر من اسبوعين ياليت يفيدني

اعتقد تقدرين تاخذين اجازة استثنائية
وبعدها رعاية مولود

الله يوفقك

الإجازة المرضية المعتمدة بختم من مستشفى تابع لوزارة الصحة..

لا أحد يستطيع أن يرفضه.. لا مديره ولا مديرة مكتب ولا مدير تعليم ...

يعني اي تقرير يكون معك منه صورة ...

وفي حال قدمت لك مساءلة غياب ..

الشرح يكون : لظروف صحية، مرفق بطيها تقرير طبي ...

فقط والعمل الذي تقوم به فقط " التأكد من "نظامية التقرير" يعني ترسل للمشفى أو المركز الصحي خطاب

عن مراجعتك لهم ...

وأي شي مخالف لذلك سيكون على المديرة وليس لها ...

حسبي الله ونعم الوكيل في كل مديرة ماتخاف الله ولاترحم ولا عندها ذرة احساس
المرأة عدو المرأة .. انا اشهد ان الرجال حكمة وعقل وقرارت حكيمة اما ادارة المرأة تعسف وتسلط وتصيد اخطاء واستبداد وديكتاتورية إلا من رحم ربي الله يرحمنا جميعإ برحمته وينهينا من هالوظيفة على خير ..

محسوبتك لها جولات وصولات مع المديرات وتعسفهن وتسلطهن بس نفسي ماقدرت تجاريها قعدت تتصيد لي وقعدت اتصيد عليها حتى قدمت اثباتات عليها وشكيتها ونزلوها من مديرة لمساعدة ونقل تأديبي الله المستعان ماكان ودي كذا بس هي جابته لنفسها .. ماكني شطحت برا الموضوع سوري عزيزتي ..
فيه محاولة جميلة حاولي تكلمين المشرفة الإدارية للمدرسة وتشرحي ظروفك ترا لها صلاحيات فوق المديرة لو تضطرين تروحين لها مكتب الاشراف واطلبيها جربي غاليتي منتي خسرانة شي اهم شي صحتك دامك انهيتي منهحك سلامات وش تبي منك ..

وتمنياتي لك بحملسليم وبيبي زي القمر وتقومي بالسلامة يارب ..*

أخوي علي .. للأسف موقعين تعهد بعدم أخذ اجازه خلال السنه الأولى وعموما حاولت ورفعت ورفضت المديره والاشراف ما رضى الا بعد موافقتها لحاجتها لي :/

اخوي سعيد .. جزاك الله كل خير ريحتني والله اني كنت شايله هم

روح الياسمين .. للأسف ناس تحسب الصحه والراحه دايمه لها .. المشكله انها لو تتعرض لمشكله مثلي ما داومت لو المدرسه جنب البيت لكن ربك كريم سبحانه

حبيبتي غيمه .. اخ بس صدقتي تسلط و عنجهيه وبدون سبب مقنع هذا وانا مخلصه المنهج يعني لو من بداية الترم ما جيت وش راح تسوي ؟ مع ان ظروفي الصحيه كانت سيئه وكنت مهدده بالاجهاض ومع ذلك داومت عشان مصلحة البنات واحتسابا للأجر .. لكن ما عاد قدرت وصلت حدي من التعب وصارت لي مضاعفات بالحمل اللي يعديها على خير


مشكورين جميعا والله طمنتوني .. كان ببالي إنها ممكن تستقعد لي وتضرني الله يسهل لي باقي الإجازات لين أولد بالسلامه كرهت أصلا أقابلها ولا أشوفها عقب اللي سوته فيني ...
الله ينقلني عاجلا يارب العالمين وكل من يتمنى ويريحنا من هالخطوط والبهذله

وريف الصبا قال:

السلام عليكم ..

باختصار . انا متعينه بالجنوب بمنطقة جبليه ووعره جدا جدا والطريق حوالي 120 كيلو نصفها تقريبا طريق جبلي وعر وعقبات :tears:

داومت الين انهيت المناهج وسلمت الاسئله .. واخذت اجازه مرضيه وناويه امددها اذا رب العالمين سهلها لي ..

حالتي ( حامل ) وعندي مشكله بالظهر والحمل واجهاضات سابقه ..

سؤالي الان : المديره تهاوشت معاي وجالسه تضغط علي عشان اداوم ومدري ايش .. وانا بصراحه نفسيتي زي الزفت ومع اسلوبها اللي انقلب فجأه زادت الطين بله

المشكله المنطقه خطره جدا واقررب مستشفى لي يبعد ساعتين مع السرعه

وراح احاول ادبر اجازات مرضيه لين اولد على خير ..


سؤالي للناس الخبره : هل هالموضوع يأثر علي ؟ هل ممكن تضرني المديره بأي شيء ؟ علما ان اجازاتي كلها معتمده ومن مستشفيات معروفه وبتوقيع اكثر من استشاري

انا متعينه السنه هذي .. يعني اعتبر جديده واحسها تستغلني وتضغط علي لأني جديده مع العلم ما في معلمه تمسك تخصصي لازم ندب


ياليت تنصحوني وش اسوي عشان ما اخسر وظيفتي ولا اعرض نفسي وجنيني للخطر

أنقر للتوسيع...

وعليكم السلام ورحمة الله وبركاته
شفاك الله وأجزل لك المثوبة والأجر فيما انت فيه هذا أولاً وثانيا ً لو عندك اجازة مرضية والحالة تستدعي تمديدها فوالله اطلق واحد في الوزارة ما يقدر يقول تداومين وإلا تداومين .
المهم : جهزي أوراقكي وارسليها للمدرسة أو عند عودتك من الاجازة المرضية سلميها لسعادة المديرة وصلى الله وسلم على خير البشرية

نفس اللي سويته لزوجتي اجازات مرضية متواصله كل اسبوع بأسبوعه حتى ولدت ,,,

وكانت المديره تلمح وتصرح وتهدد وكنا واثقين من اجازاتنا انها نظاميه ولا حصل اي شي وماقدرت تسوي المديرة اي شي ,,,

اجازاتك حسب لائحة الاجازات المعتمده من وزارة الخمة المدنية وكذلك صادرة من مستشفيات معتمده من وزارة الصحة والاهم سلمي لها اجازة كل اسبوع بأسبوعه وخلي صور منها معاك للضرورة ,,,
وعوافي عيك خذي اجازتك وتقومين بالسلامه ,,,

الله يجزاكم خير ريحتوني .. الحمدلله
اخوي شرحبيل : امييين يارب الله يجزاك خير على دعوتك الطيبه ولك بمثلها ان شاء الله
اخوي مسموح .. الله يجزاك خير لو كنت من الرياض هل ممكن تعطيني اسم المستشفى اللي مدد لها واكون شاكره جدا لان الخاص اكلوني اجازاتي من الحبيب وكل اسبوعين تمددها لي بس بكشف وتحااليل وغيره وانا مجبوره ادفع :؛ :tears:

السلام عليكم

أنا مدير مدرسة و أقولها بالحرف الواحد الإجازة المرضية المعتمدة من المستشفيات الحكومية غصب عنها تقبلها ولا

يحق لها الرفع بالغياب الا بعد مساءلة للمعلمة تثبت لها فيها العذر خلال اسبوع من المساءلة .

ما تستطيع فعله المديرة هو التحكم في الأداء الوظيفي تخصم عن كل عشرة أيام نصف درجة تقريباً

أعانكم الله

والأداء الوظيفي لاأهمية له إلا لوعندك رغبة بالنقل أوترشيح وكيلة او مشرفة
ماعندك هالرغبات
خليها تلعب بالأداء على كيفها
ماله أهمية
كل 3سنوات يتجدد
عالم تتسلط عسى الله يسلط على كل ظالم<<<قلبت سلوى المطيري

الاجازه لو من مستشفى خاص ماتقدر تسوي لك شي

حتى الأداء الوظيفي ما تقدر تسوي لك فيه شي

لان الأداء الوظيفي فيه نقاط محدده هي اللي تحط عليها التقدير

منها اللبس واستخدام اللغة العربية ووجود دفتر متابعه ودفتر تحضير وووو

يا اختي ضرر مباشر ما في لكن تقدر تضرك بالاداء الوظيفي وكذلك تسجيل عدد ايام غيابك بنظام التكامل الالكتروني مما لة الأثر سلبا على مفاضلة النقل ولو كان غيابك بعذر وانصحك بمراجعة لائحة تنضيم الاجازاة لشاغلي الوظائف التعليمية خاصتا اذا كانت اجازتك من مستشفى خاص