Maroom

Maroom

تثبيت البديلات المكاني هل هو السبب ؟؟!!!

وريف الصبا

تربوي جديد
عضو ملتقى المعلمين
السلام عليكم ..


كان عندي تخوف من حركة النقل السنه هذي ..

والسبب البديلات .. سمعت كثير انهم راح يثبتون مكاني ومعلوم ان اعداد هائله منهم بالمدن وقليل جدا بمناطق نائيه

هالشيء كارثه علينا اللي ننتظر النقل .. لان المدن راح تكتفي واللي حواليها ايضا راح يكتفي والسبب تكديس البديلات بهالاماكن !

انا ما اعارض تثبيتهم لكن من الظلم تثبيتهم بنفس مدارسهم او قطاعاتهم التعليميه واحنا اللي حذفونا بالجنوب والمناطق النائيه تتأخر ارقامنا بالنقل او تتجمد ونحلم انا نقرب من اهالينا


انا متعينه بقطاع الداير منطقه جبليه سيئه جدا جدا ساعتين الطريق الجبلي المخيف والمرعب والخطر وكل يوم اطلع واقول اني ما راح ارجع ولا راح اشوف عيالي


كنت مأمله ع النقل والان تحطمت بسبب الارقام الفلكيه وتحطمت اكثر لان الكل ارقامهم جالسه تزيد ما تنقص معناته السالفه حظ وتوفيق او واسطه :icon28:

اتمنى انقل لاي رغبه لو الرغبه العاشره المهم اطلع من الجنوب :( لولا الحاجه لهالوظيفه كان تركتها وارتحت من الهم النفسي والجسدي اللي جالسه اعيشه


عايشه بقهر وحرقه من يوم طلع النقل .. صح ما كنت متوقعه النقل لكن ما توقعت انه حتى القرى الارقام عليها ضخمه ! شيء مو منطقي اببد المفروض فيه بنود ومميزات لنا تسرع من نقلنا وتعينا على تحمل الغربه

الراتب ما استفيد منه .. 5000 الاجار لا وليته مكان امن :( داهموا مروجين مخدرات بنفس الشقق اللي اسكنها انا وزميلااتي ولكم تخيل الرعب اللي مرينا فيه زود انه مكان سيء ومقرف مو نظيف .. واضطريت اسكن لحالي عشان اطفالي

السواق مايقارب 2000 ريال والتذاكر لي ولعيالي كل شهرين 2500 ريال معناته قولوا لي وش بقى من الراتب ؟ هم جسدي ونفسي وتعب ولا استمتعت بهالراتب ولا تهنيت

حاليا قررت اغير رغباتي دامي توي ماسكه السرا لعل وعسى يحالفني الحظ السنه القادمه افضل من اني اجلس اندب حظي على رغباتي اللي يبدو لي انها جامده السنه هذي

دعواتكم لي ودعواتي لكم بالنقل الظروف كل مالها تتعقد اطفالي راح يدرسون السنه هذي وعندي طفل رضيع ومالي الا اقدم اجازه وانسى اني معلمه لين يجيب الله الفرج

وما اقول بالاخير .. الا حسبي الله ونعم الوكيل عليهم من وزاره .. ما راعوا ظروفنا كنساء مشتتات ما نقدر نسكن لحالنا ولا نقدر على صعوبة الحياة بهالاماكن وليتها امنه خطره جدا جدا لا يأمنون سكن ولا نقل ولا مدارس مثل الناس وبالنهايه ما ينقلونا ومثلنا مثل المعلم المستقر اللي مدرسته جنب بيته
ولو يصرف لنا مميزات وبدلات عن الخطر واغيره كان تلقون الوزاره اول من ينقلنا عشان تفتك من مصاريفنا
 

ابي اتثبت

تربوي جديد
عضو ملتقى المعلمين
يابنت الحلال لاثبتو البديلات مكاني ولاهم يحزنون وبعدين ع فكره ترا البديلات لو يبون مناطق بعيده ويتعينون كان قدمو بجداره بس احنا عرفنا انا مانا قد الغربه والممرطه ولاتقولين انك محتاجه الوظيفه لان كلنا نبي الوظيفه بس اخترنا نصبر حتى لو نتنازل عن الوظيفه التعليميه وناخذ اداري ونرتاح من هم النقل فلاتحطين السبب انك مانقلتي ع البديلات وعسى يااااااااااااااااااااااااارب يجينا تثبيت مكاني ياااااااااارب
 

الله يرحم الغالية

تربوي جديد
عضو ملتقى المعلمين
حرام عليكم اتركونا في حالنا فوالله كرهنا التثبيت من
المماطله ؟؟اختي نحن امر ملكي منذو زمن
ولنا 3 سنوات ونحن نترقب ؟؟؟؟
لا اريد ان اطيل الكلام فلقد سئمنا ؟؟؟
رزقكم ورزقنا عند الرازق ..
الله يوفقكم ويوفقنا ....لا نعلم مالسبب في عدم توسع حركة النقل لهذا العام .....
ربما هناك سبب اخر ؟؟؟؟؟الله اعلم
 
أعلى