ارجو المساعده

ارجو المساعده باجازة رعاية مولود

السلام عليكم ورحمة الله وبركاته
انا والده لي شهر قدمت اجازه رعاية مولود شهرين لنهاية الترم والمديره رفعت بالموافقه بشرط بديله والاشراف رفضها ولما راح زوجي لقسم الرجال قالو له خل زوجتك ترفع مره ثانيه مع معروض المهم المديره رفضة ترفع لي مره ثانيه لانها خايفه من المسائله
سؤالي هل يحق لهم رفض اني ارفع مره ثانيه
ويعلم الله اني محتاجه لهالاجازه ماعندي شغاله وعيالي صغار عندي المولودواخته اكبر منه عمرها سنتين والي خلاني اقدم شهرين مو سنه لان عندي قرض وديون والله يسر لي ويفرج علي

مالها حق أبداً وبالإمكان معاودة الرفع مرة أخرى والمديرة لن يتم مسائلتها باعتبارك متضررة من البقاء على رأس العمل . وليس هناك نظام يمنع إعادة الرفع في حالة اقتناع الرئيس المباشر وقدرته على تسديد العجز .
مشكلة حين ينظر صاحب الصلاحية نظرة قاصرة لتعلميات النظام على أنها مقدسة تبطل في حال اختلاف النية وجامدة لا تقبل المرونة .
والله لو يجيبون مكائن بيبسي بدل بعض المديرين والمديرات تدخل ريالك وتطلب طلبك كان أبرك . !
الله يسهل أمرك ويسخر لك مديرتك ويقضي دينك ويرزقك من واسع فضله .

الله يجزاكم خير المشكله المديره تبي بديله ماراح تسد العجز