Maroom

Maroom

يااخوان الفزعة ابي مشورتكم في التحول من مستوى الى مرتبة

ا

ابواسيل

تربوي
عضو ملتقى المعلمين
بسم الله الرحمن الرحيم

ياخوان انا معلم على المستوى الثاني الدرجة التاسعة يعني الراتب 8 الاف بعد التحوير اصبح 9الاف وحاصل على الماجستير عرضت علي وظيفة بالمرتبة العاشرة مدير ادارة براتب 8800 ريال وطبعا عند اهلي للمعلومية انا متغرب عن اهلي 6سنوات ولازال امامي كثير
وابي راي الجميع
 
مازن17الفهيد

مازن17الفهيد

تربوي
عضو ملتقى المعلمين
بما انك اخذت الماجستير وانا اخوك فمن الظلم والاهانة انك تبقا تدرس لك بزارين ويشيب شعر راسك وانت من رابع الى خامس ومن اشراف الى انتظار .....شوف نصيبك وانا اخوك حتى لو نزل راتبك بشرط ان تكون الوظيفة الي انت مقدم عليها حكومية وتابعة لجهة رسمية ومستقبلها طيب وقريبة من اهلك........................
 
ولد النباهين

ولد النباهين

عضوية تميّز
عضو مميز
[align=center]
قدم أوراقك وشهاداتك على المستوى السادس
بعدها قدم على أحد الجامعات القريبة من أهلك محاضر أو رئيس قسم
أتمنى لك التوفيق
[/align]
 
ا

الاميرال

تربوي
عضو ملتقى المعلمين
يا أخي أبوأسيل انا اقول استخير والله يكتب مافيه خير لك

مع اني افضل التدريس لكـ < المستوى السادس >

مع تمنياتي لك بالتوفيق ياأخ بدر
 
ا

ابو يارا

تربوي
عضو ملتقى المعلمين
اولا الله يوفقنا وياك لما يحبه ويرضاه

ثانيا انت بيدك الحل والربط وانت افهم مننا بوضعك الحالي

ثالثا مالدي هو رأي شخصي يحتمل الصح والخطأ

اعتقد في اي مكان ( غير التعليم ) لما تكون حاصل على شهادة عليا يبرز دورك وتزداد خبرتك ومن الممكن جدا تطوير نفسك الى مراحل اعلى بينما العكس في التعليم اقصى ماستصل له مشرف او مدير مركز اشراف ولن تستطيع مواصلة تعليمك لو اردت

هذي وجهة نظر طبقها كيفما تريد
 
مندليف77

مندليف77

تربوي
عضو ملتقى المعلمين
الجامعات يدورون محاضرين جرب حظك
اشوف التدريس مع المستوى السادس ممتاز

الغربه اضنها بتخليك تقبل الوظيفه دعواتي للجميع بالتوفيق
 
ي

يارب عفوك

تربوي
عضو ملتقى المعلمين
والله المستوى السادس مو شينة يعني فرق في الراتب . وغير الآجازات وغير الطلعة بدري . اما الوظيفة العادية والله فيها مميزات لكن زي ماقلت التدريس على المستوى السادس مو شينة زي ماقال احد الاخوان السادس وحول على الجامعة . احسن لك .
 
ش

شبة ناااار

تربوي
عضو ملتقى المعلمين
انت واضح انك طموح ماشاء الله عليك

وفي التعليم لامكان للطموحين..

معلم حتى التقاعد,وان صار تطور مشرف وش الفرق يعني

فعلا ملل ورتابة .

اقول توكل على الله واترك التعليم
 
دكتــ عتيبه ـوور

دكتــ عتيبه ـوور

تربوي
عضو ملتقى المعلمين
استخر الله سبحانه ... ودام معك ماجستير وعند اهلك .. والراتب مافيه ذاك الفرق اللي يسوى .. ومدير ادارة .. مانت بتربي وراعين .. انصحك تروح عند اهلك اسلم لك
 
ق

قم للمعلم وفه التبجيلا

تربوي
عضو ملتقى المعلمين
اخوي التعليم اشرف مهنه وتربية البزارين مثل ما قالو الأخوان والله اكبر شرف لاكن هذا ما يمنع انك تغير والتغيير مطلوب وخاصة التدريس مهنة قاتلة اجتماعيا لاكن الموضوع مو بذيك السهولة انا اعرف واحد صار امير مركز يعني مرتبة بوزارة الداخلية انجن لين عطوه الوزاره اخلاء طرف لاكن اذا امورك طيبه ومدبر امورك لا والله رح وربي يوفقك
 
H

high achiever

تربوي جديد
عضو ملتقى المعلمين
بسم الله الرحمن الرحيم
توكل على الله وانا اخوك واقبل بالوظيفة الاخرى عند اهلك لاسباب :
1- ليس هناك فرق كثير بالراتب
2- عند اهلك وناسك
3- صدقني العمل مع الرجال افضل بكثير بالعمل مع كاهو دون ذلك
لي صديق كان يعمل معي معلما ونفس التخصص ونفس الراتب ولنا بالتدريس 10 سنوات الان فماكان منه الا ان ترك التدريس والتحق بوظيفة اخرى على مرتبة في وزارة الاعلام صحيح انهم قلصوا راتبه الى الحوالي 1500 ريال ولكنه ويعلم ربي على ذلك انه مرتاح نفسيا ومبسوط
 
ا

الخط السريع8

تربوي
عضو ملتقى المعلمين
انصحك بالهرووووووووووووووووب الكبير

يقولون مستريح البال الى من الهم خالي اذا زي ماتقول عند اهلك و مدير ادارة بشرط انها تكون حكومية الفرق في الراتب تراه ماهو شي ( قيمه الرحلات الى اهلك و السكن و خطر الخطوط و ...............

استخير وتوكل على الله ........
 
ا

ابواسيل

تربوي
عضو ملتقى المعلمين
اشكر الجميع على مرورهم
اما بالنسبة للجامعاتنا لما تجيهم يقولون ماحنا محتاجين والمشكلة اعضاء هيئة التدريس اجانب
ولما تسألهم ليش ماادرس بدل الاجنبي يقولون مافيه شواغر صراحه شي غريب اللي يحصل بالبلد
وانا بيني وبينكم افضل العمل الاداري
 
يجب تسجيل الدخول أو التسجيل كي تتمكن من الرد هنا.
أعلى