قوووووووول الصدق كم باقي في رصيدك؟

السلام عليكم ورحمة اله وبركاته
هذا الموضوع منقووول
أعجبني فنقلته لكم لما فيه من إيضاح للواقع (( المرير )) الذي يعيشه المعلمون والمعلمات
خلافاً لما تتناقلة شرائح المجتمع الأخرى بأننا (( مترسون .. يعني بالدراهم )) ولسنا مدرسون
ولربما يشاهد هذا الواقع من يحسدنا على حقوقنا التي لم نرها ومن يقول أن رواتبنا بها هدر مالي
وليعلم الجميع
أننا لا نشتكي الا الى الله عز وجل ان يعجل بفرجنا
لعل من ظلمنا يرى ويعرف حالنا ويستعجل في رد حقوقنا
(أقول حقوقنا ولم نطلب منة من أحد فنحن نطلب حقوقنا الي كفلها لنا الشرع وأنظمة الدولة)
........................
كاتب الموضوع هو : عبدالله وافيه
كما أسمى نفسه
تاريخ ووقت كتابة الموضوع : 29-10-2007, 02:14 pm
(( منقووول بالنص )
لحفظ حقوقه الأدبية والفكرية
ولصراحته ووضوحه
................................
من هنا بدأ كاتب هذا الموضوع

تحياتي إخواني الكرام (( المزنوقين ))

الشاعر يقول وهو شاعر كبير طبعا ً مش أنا

آآآآآآآآآآآآآآآآآآآآآآآ ه يالقهر .....

لا جا نص الشهــــــــــــــــــــــــــــــــــــــر

وإحنا في نص الشهر يعني كيف الحال ؟؟ أتحدى مافيه معلم مو مقطوع جواله؟؟ أتحدى مافيه معلم قاعد يفكر من مين يتسلف ؟؟
وفيه بعد معلم سيارته بالورشه من إسبوع مخلصه بس ماعنده لازم يصبر لين يجي الراتب[ من رمضان ترى وحنا مزنوقين ؟؟
طيب مانبغى تحسين مستوى بس راتب دبل في رمضان ؟؟

طيب تخيل الحين تم تحسين مستواك ؟؟ وجتك الفروقات ,,و ويتحول رصيدك ؟؟ من 70 ريال لايمكن سحبها إلى 100000 ريال معليش على المستشفيات أن تأخذ إستعدادها لأنه فيه ناس راح ترووووووووح فيها
تخيل 100 الف ريال ,,
تشتري جوال جديد وتسدد وتصير تسلف بعد ان كنت تتسلف ..,,

طيب بعد هذه المقدمه أحوكم طفران ومزنوق أبي الفزعة ممكن أحد
يسدد جوالي
وآخر اجار البيت
والثاني يسدد أبي سيارتي الفخمه كورولا 90 تطلع من الورشه ترى كل يوم يدق علي يقول ياخوي تعال خذ سيارتك وإلا ترى بنكلم البلديه يسحبونها
وآخر يسدد المغسله .. والبقاله
طيب قسط السياره ماقصر البنك سحبها من اول يوم يوطوط الراتب فيه ..,, نفسي يوم أشوف راتبي كامل,,
لكن الشكوى لله
وتحياتي للجميع ويمدحون فطاير لوزين ,, على فكره لقيت خمسه ريال كنت داسها تحت الفرشه لليوم الأسود بروح أشتري فيها شابورة السعوديه بس إن شاء الله إن سعرها مازاد وأتوهق
....................
شكرأ له صراحته
وسأبدأ بنفسي وكما تعلمون إختلاف الزمان والمكان بين قصة أخينا وواقعنا ولكن القاسم المشترك بيينا هو المهنة
واقعنا هو أننا على أبواب الإجازة ( طبعاً الإجازة الصيفية تبدأ من بكرة عشان الطلاب مو عشاني وعشانك الأهم الطلاب وإلا أنتم موظفييييين حكومييين يعني وش فرقكم عن غيركم لا أحد يزعل هذي سياسة وزارتنا )
لاتنسون التاريخ اليوم 7 / 7 / 1430هـ يعني باقي 18 يوم على الراتب
تعرفون الإجازة ومصاريفها : سفر - زواجات (عروس) - تسوق وما أدراك ما تسوق (فساتين ومشاغل يامعلمات) - رمضان عالأبواب .............. إلخ يعني كملوا الباقي ..........
أخوكم فخامة الزعيم الجنوبي يبدأ :
والله مافي حسابي ولا ريال يعني 00.00
وعندي بحساب البطاقة الإتمانية 700 ريال وعليها مدري كم ريال وهلله
ولو ما سحبتها الليلة راح يسحبوا منها قسطها وقسطها فوق الـ500
(ما عرفت لهالبطاقة حل لها ست سنوات ماخلصت ومستحيل تخلص يسحبوا القسط آخر الشهر وآخذه أول الشهر)
- السيارة بها أصوات غريبة وحتاجه صيانة ((مؤجل إلى ما لانهاية))
- زواجات الأقارب والأصدقاء (( تسوق وشرهات ))
طبعاً الأقساط ما تكلمت عنها :
1- قسط البنك 2076 ريال
2- شركة تويوتا 2450 ريال
3- تاجر مقسط من عنده سيارة 1000 ريال
4- تاجر آخر مقسط من عنده سيارة 1500 ريال
5- قسط البطاقة الإئتمانية من 400 إلى 500 ريال حسب مزاجهم
قسط بطاقة إئتمانية من بنك آخر 600 ريال
6- قسط البقالة (صارت قسط الله يعين) + محل الفواكة والخضروات (حسب الإمكانية)
(مايقصرون البنقالية والهنود يراعون الظروف)

لا أحد يقول مستحيييييييل (الوجه يشمي بين الرجال يعني سلف في سلف في سلف)
والله ثم والله ثم والله إني تكلمت عن واقعي بصدق وأشهد الله على ذلك
وليعلم الجميع
انا ما اشتكي الا الى الله عز وجل ان يعجل بفرجنا
ولم اعرض القائمة اعلاه حتى اشتكي لاحد ولكن لعل من ظلمنا يرى ويعرف حالنا ويستعجل في رد حقوقنا (أقول حقوقنا ولم أطلب منة من أحد فأنا أطلب حقوقي الي كفلها لي الشرع وأنظمة الدولة)
هذا... فخامة الزعيم الجنوبي ! ماذا عنكم؟


​

 

شكراً على الموافقة​