السلام عليكم ورحمة الله وبركاته أريد المشورة والرأي يا أهل الحكمة ... مديرتي طلبت من كل رائدة فصل بالمدرسة أن تغير ملفات طالباتها تجيب ملفات جديدة أو تجلد الملفات القديمة على حسابها الخاص وكمان تزين فصلها من حسابها الخاص وتحسبه لها من درجة النشاط بالأداء الوظيفي ؟؟ مع العلم أن الفصل الدراسي الماضي طلبت من كل معلمات المدرسة دفع مبلغ وقدره 100 ريال عشان نجيب بروجكتر للمدرسة وفعلا تم ذلك ..لأن الإدارة تماطل في توفير بروجكتر كما أننا نشتري أوراق الامتحانات الشهرية ونصور خارج المدرسة وكمان أوراق الاختبارات النهائية من حسابنا هذا غير الأقلام اللي نشتريها كل أسبوعين على الأقل ... فما هو الحل برأيكم؟؟؟؟؟ مع أنها تعلم عن التعميم المانع لأخذ مبالغ من المعلمات والطالبات .. أرجوا النصح والتوجيه لما فيه المصلحة .. وجزاكم الله كل خير
لاتوافقون فيه تعميم ينص على ذلك حطوه بعينها مديرات مستهترات مايطبقون من التعاميم الا مايتماشى مع اهوائهن ورغباتهن مقولتي منذ زمن ان المرأة ماينفع تمسك منصب ابدا
الله يعطيك العافية أختي المشكلة لو أشتكيناها بتنشب بنحورنا يعني يمكن ما بتأخذين أبسط حقوقك مثل الإضطراري ...... ( حريم الله المستعان )
اطلبي منها تكتب كل مطالبها في تعميم داخلي وإذا كتبته وفيه طلباتها ..طبعا أغلبها مخالفة للتعاميم قدموا عليها شكوى مرفقه بتعميمها صدقيني رايح تخلي من العشرة ثمانية مثل هذه تطبق ما تريد فقط
مشكور والله يعطيك العافيه فكره حلوه مع أني أتوقع أنها مستحيل توافق طالما فيها دفع على حساب الآداء الوظيفي ..
أنا لي سنتين ما أدفع كل ماجات المعلمة المكلفة بجمع المبالغ أقول لها ما أقدر أدفع ظروفي ماتسمح ولا أطول لساني ولا شي وهي ترى ماهي إجباري والمديرة ماعمرها سألت ليش ؟؟؟؟؟؟؟؟؟ مو من حقها تجبر أي معلمة والأقلام الطالبات يجيبونها لي ياكثرها عندي ... الحمد لله ومااااااااااني حاطة في المدرسة ولا ريااااااااااال كفاية الاختبار انا أصوره ... كثر الله خيري
مشكور أخوي والله يعطيك العافيه وإن شاء الله راح أجرب أطلب منها تعميم وأشوف ردة فعلها والله يكفينا شرها,,
وميزانيه وزارة التربيه 200 مليار ريال لعنبو ابليسكم مابقى الا تجيب كل معلمه شغالتها من شان تنظف فصلها كلها اختلاسات وفساد مالي واداري كبير
