أفيدوني حفظكم الله في هذا المدير المتغطرس

سبحان الله

ما لقي له رادع يردعه

فيه مدير سلوكه نفس سلوك مديركم فدبروا له المعلمين خطة وهي

تبرع اثنين من المعلمين بإيقافه عند حده وهذه المرة بالقوة
حيث ترصدوا له في ليلة من الليالي حتى صادوه لوحده وبعيد عن عيون الناس ومسكوه وكتفوه وضربوه ضرب ما يبي إلا هو ولكن الضرب بدون علامات يعني ما يوضح أنه أنضرب
وقالوا له تبي تشتكي بكيفك ما راح أحد يشهد معك كلهم بيشهدون ضدك
ومعك واحدة من حلين
أما تعتدل وإلا تدور لك غير هذه المدرسة
وبالفعل من يومها صار معهم زي الألف وطلباتهم أوامر

طبعا الفكرة جنونية وغير تربوية لكن هالنوعيات ما ينفع معهم إلا كذا لأن الطيب ما راح ينفع معهم
والإدارة ما راح تنصفهم

لا أحد بكرة يتهمني بالتحريض تراني بريء ومجرد حكيت لكم قصة صارت :36_7_6[1]:​

 

انتم السبب مع احترامي لكم جميعا

في التعليم المعلم الخواف هو من تجي على راسه المصائب

كونوا يد واحده الفصل الثاني وجننوه ، امسكوا عليه كل صغيرة وكبيرة وضعوه امام الامر الواقع

 

انقل داخلي وريح راسك صراحة الله يعينكم معقوله متحملين ها التصرفات مالكم الا تورونه العين الحمراااء بصير بعدها اوكي والأنام احترمها تحترمك الأنام ...وأن حقرت الاوادم ما احترامك أدمي

 

تبغى تأدبه واعطيك دوره في مجال ترويض المدراء الي من هالنوعية:
1- طنشه ولاحتى تسلم عليه وتجاهله تماما ولا يشوف بياض اسنانك
2- تعال متأخر ولاتغيب كثير
3- اخرج من الدوام وقفل جوالك
4- احضر الحصه متأخر ولاتعطي درس واوقف على الباب
5-اعمل حزب ولمه وفطور وشاي
6-اي شي يقولك قله خير ان شاء الله ولا تسويه
7- جمد قلبك وخلك مشكلجي بالعربي الين مايصير هوه يتقي شرك
8- تاخر في تسليم الكشوفات وقلة بكره وبكره قلة بكرة الين مايقول تكفى
9- اذا جاء المشرف المنسق البس ثوب المظلوم و احرج المدير وقول انه سبب في توتر الجو بالمدرسه واستدل ببعض الوقائع وترى المشرف لايحل ولايربط بالنسبه لك وله
ولاتستحي ابدا خل وجهك مغسوووووووووووووول
10- لاتهزك المسائلات تراها والله حبر وورق وعندي واحد خلص الحبر من كثر مايكتب اخر شي قلت له تعبت الفراش جمعها وجيبها مره وحده كل اربعاء
والله لاهوه ولا غيره يقدر يعملو شي اكثر من الخصم فقط لاغير
والدرجه ماتهم نقل مانبي نقل

والللللله اسبوعين وهو يجيك يطلب رضاك وتشعر بالتغير

اكيد البعض بيقول لا مايصير كذا انا اقول الا والله يصير ومن خلال تجارب اصبحت هذه نظرية لدي وليست فرضية

 

عليك بالدعاء له مفعول عجيب

 

أعوذ بالله ! وش هالتحريض ؟؟؟
إذا مو عاجبكم قدموا شكوا جماعية و شكوى ورى شكوى مو لازم ضرب و بهذله لا يموت بين أياديكم و تروح روسكم فيها !!
الله لا يبلانا ....

 

الحل بيدكم أنتم
قم بعملك على أكمل وجه ولتكن مخافتك من الله وحده وتؤدي رسالتك إرضاء لله ثم لضميرك
قدم أنت ومجموعة من المعلمين شكوى ضد المدير وإذا لم تنصفكم إدارة التعليم قدم شكوى للوزارة ولديوان المظالم
يجب أن يكون الكادر على قلب رجل واحد وعدم الخوف

 

يعتبر مديرك من نوع الداينصورات العنيدة والمهددة بالإنقراض حسبي الله عليه ، ولقد تعاملت مع نوع مثله ما يخاف الله

هل صورة مديرك موجودة هنا؟

[img3]http://img157.imageshack.us/img157/8038/brachiosaurus2jl0.jpg[/img3]

 

اضربوه جلاااااا .. ولاتشوفوووووونه شي ....

وصدقني يومين وراح يتعدل ......

أنا اشره على المعلم اللي يجسر المدير ويرضخ لغطرسته ....

 

عليكم بالحيله والتكاتف ولا مانع من قلة الادب معه والله لن يستطيع فعل اي شيء مهما حاول ما هيه خربانه خربانه جننه لين هو يستميت عشان تنقل

 

حاول تتفل في وجه مديرك كلما صار لوحده علشان ما يمسك عليك شهود

بشرط تكون مليانة سعابيل علشان تبرد قلبك

 

صدقني لو تكلم الجميع امام مدير التعليم او مدير مكتب التربية والتعليم

راح يكون شي ثاني حتى ولو كان مايقوم به نظاميا 100%

لان اي ادارة لاتريد المشاكل حتى ولو كانت نظاميه

 

يا عمي سهلة

اولا لا تقوم بعمل في المجرسة الا بورقة تكليف رسمية منه مختومة

بعدين

خلوه مصخرة يعني اذا غبت وتأكد تكون مرضي رسمية اذا جيت راح يسألك على طول اخرش جواب (غنمنا أمس جاها بلا ورحت اجيب لها سوداني يعالج) طبعا الرد يخليه يفرفر ولا تنسى تقول تكفى ابغاها اضطراري

بعد ما يسويها ويقول كل اللي عنده وطبعا تميلح وقله تكفى

واذا جات المسائلة اكتب فيها عذرك وارفق الاجازة راح ينطنط

عاد اذا سألك استهبل قله عساك طيب متى قلتلك وش غنم وسوداني عز الله انك مريض

وكل ما تشوفونه لازم انت وشلتك تعطونها ضحكة يسمعها المركز وكل يروح في سبيلة واذا سألكم اخرشوله اي اجابة استفزازية وخلوه مصخرة

والله يتعدل ولازم من شغل الحلنقية في الدخول عليه في الغرفة وبدل التسمية تعوذ

صدقني انت تنبسط عليه وتصير تحب المدرسة

الله عليك يا زمن

كان عندنا ورع متسلط كنت اخش عليه لحاله واعطيه الفاظ ما يقبلها الحر ولما ينادي ويجمعون المدرسين انقلب غير واسمي عليه وارده بزر قدام العالم وان معاه نفسية لدرجة سويت ازرارين لجرس المدرسة كل ما ضغط الزر علقت اللي عندي وهاتك يا فرجه عليه واوقات اطلع احل القرص حق الجرس واخلي الابرة تضرب بالهواء

يا زين ايام الجنان

 

عااااااااااااادي أخونا هووووووووووااي أختصرها
طبقها <<<<<<<<< جداً فعَالة
الله يعينكم ولا يهبلنا عباه,,,,, ههههههههههه