Maroom

زواجي بعد 10 أيــــــــــــــام ومديري رافض اعطائي اجازة او حتى غيابي فما الحل

القلب الحزين

عضوية تميّز
عضو مميز
السلام عليكم ورحمة الله وبركاته ............... وبعد

انا بيني وبين مديري (( بالرياض )) سوء فهم من اول السنة الدراسية :36_1_31[1]: والان خلصنا كل شي بحكم اني مدرس رياضة وماعندي لاتصحيح ولا شي
و زواجي ان شاءالله بعد
أيـــــــ10ـــــــام (( يعني بعد الاختبارات 22/7/1431هـ )) وطلبت منه اجازة رفض وقال ان الاضطراري حقتك اخذتهن وما فيه رصيد وقال اذا غبت ابرفع غياب دون عذر وانت وراحتك النظام نظام :confused:

والان انا متورط اخاف اروح للديره 250 كم عن الرياض يلعب بأموري ويحوس اموري
والزواج ما أقدر ااجله لو ايش ما كان ولو عزمته مهب جاي لانه يوم احد بوسط الاسبوع فما الحل

وهل اذا غبت وانا لم اطلب نقل نهائيا يرفع الغياب للسنة القادمه
وهل لو خليته وغبت حتى الاجازة (( يعني ما اداوم الا بعد العيد مع المعلمين )) انفصل عن الوظيفه لانه دوام مشبوك باجازة
او اغيب واجي بــ 9/8/1431هـ واوقع عشان افصل بين الغياب والاجازة

والله محتار عطون رايكم

حفظكم الله
ورعــــاكــــم
.
.
.
.
:36_1_32v[1]:​
 

بدر البلوي

إدارة المنتدى
إدارة الموقع
من ناحية النظام معه حق 100%
بس صدقني اصعب مدير في هالمواقف ما يقصر !!
وضعك مع مديرك رسمي جداً
حاول تقعنه بإسلوب سهل ..
وعلى فكرة ترى بيد مدير شؤون المعلمين حل خفي :36_7_7[1]:
روح اشرح له ..

بالتوفيق والف مبروك مقدماً
 

kkaa123

عضوية تميّز
عضو مميز
تبي الصدق أنت المخطئ الذي عرضت نفسك لذلك الموقف
لن أجعل اي شخص يتمنن علي ومن جعل النظام همه الأول سأشبعه للنخاع
وسيرى يوما أن النظام بلا روابط إنسانية حتما نتيجته الفشل في العلاقات الإنسانية حتى لو نجح الشخص في مجال عمله لذلك وبما أن الأمر حصل والكروت وزعت فقارن بين أهون الضررين بعيدا عن ذلك المدير وحساباته ...

وأسأل الله أن ييسر لك أمرك ويوفقك في حياتك الزوجية
 
التعديل الأخير:

عبدالله الصاهود

مراقب عام
مراقب عام
اخي الكريم :

أولاً مبروك ونا أخوك .
ثانياً حبذا أن تقوم ببعض الأمور منها مايلي :

1- تشوف لك مجموعة من المدرسين الي تحس إن لهم قدر عند المدير وتكلمهم يفزعون لك .

2- عليك برسالة من القلب للقلب تكون تميل إلى التعاطف والتكاتف وتذكر فيها محاسن المدير وتذكره بالإخوة وفضل عمل الخير وتفريج الكرب عن المسلمين .

وإن شاء الله خير .

ولا ترى النظام ونا أخوك مع المدير بس الواحد يحاول والله يوفقه .

وعليك بضبط النفس في مثل هذا الوقت لأن بعض المدراء حاط في باله إنه راح يعطيك إجازة بس ماوده يصرح الحين خشية أن يفتح على نفسه بباب في المطالبة من قبل باقي الزملاء الي بعيد والي عنده ظروف .
وبناءً عليه قلت عليك بضبط النفس معه أخي الكريم .


ومبروك مرة ثانية ومنك المال ومنها العيال .

أخوك .
 

المدمــــــر

تربوي
عضو ملتقى المعلمين
القلب الحزين

اولا الف مبروك مقدما

ثانيا ادارة التعليم تمنح اسبوعا اجازة

لمن اراد الزواج راجع شؤون المعلمين بمنطقتك

وخذ منهم العلم

ومديرك خله على جنب ترى ماعنده سالفة
 

ونيس

تربوي
عضو ملتقى المعلمين
ان شاء الله تصير القلب المبتسم

ترى من صلاحيات مدير التعليم اعطائك اسبوعين اجازة

وان سائت اجل العرس اسبوعين تسلم وماتحتاج ترجى احد
 
س

سـالمين

زائر
صارت معاي نفس موقفك

بما اني معلم صف ثالث

كان علي اراقب اسبوعين في ثانوية

بعد ما سلمت النتائج وانهيت اخر اعمالي في مدرستي

وفي يوم الاربعاء

جاني مديري واعطاني خطاب تكليف المراقبة في الثانوي

ووقعت عليه بالعلم

وبما ان تخصص المدير بكالوريوس دواجن فهو ليس له علاقة بالتعامل الانساني

ويبقى على زواجي 17 يوم

لم اثث الشقة وتقريبا باقي كل شئ

المهم رحت لمركز الاشراف اشرح ظروفي

قالوا لي العلم عند المدرسة اللي تراقب فيها

رحت للمدرسة اعتقد قابلت الوكيل لقيته ما هو بعيد عن راعي الدواجن

رحت ادور احد يساعدني في ادارة التعليم

وعودوني يشوفون الامر مع مركز الاشراف...!!!

تفاءلت...

المهم ويتصل الرجال اللي كلمته على الجوال ويقولي

معليش كلمهم وما في فائدة

تدري

ماخلصت المكالمة الاو انا مستلم الخط عفشي جاهز في السيارة

وانا اقولهم ابقى قابلوني اراقب لكم

كيف واحد شهادته دواجن وانتاج حيواني يصير مدير مدرسة ؟ يقولوا كيف بعدين اراقب لهم



قسم بالله يا شكله تقول .............
>
>
>
>
>
>
>
والحمدلله مرت و ما صار اي شئ
 
التعديل الأخير بواسطة المشرف:

القناص الجديد

تربوي جديد
عضو ملتقى المعلمين
مع احترام الشديد اننا نغلب جوانب العلاقات الانسانية في اخذنا مصالحنا لكن في جوانب العمل لا
ايضا المدير لما طالبك بالنظام زعلت يجب على الانسان ان يكنون منصفا مع نفسة والاخري
الله يوفقك ,,,,,,,,,,,,,
 

الخثيمي

تربوي
عضو ملتقى المعلمين
هذا المدير وأشكاله الي خربوا التعليم وسببوا المشاكل

وش فيها لو أعطاه إجازة ودعا له بالتوفيق في زواجه

ولكن مثل ما قالوا الزملاء شؤون المعلمين ولن يقصروا 00000000 فيه ناس فيهم خير

مبروك العرس مقدما
 

فيصل الجهني

المشرف العام
عضو ملتقى المعلمين
القلب الحزين


اولا الف مبروك مقدما

ثانيا ادارة التعليم تمنح اسبوعا اجازة

لمن اراد الزواج راجع شؤون المعلمين بمنطقتك

وخذ منهم العلم


ومديرك خله على جنب ترى ماعنده سالفة
هذا الكلام السليم حسب علمي

وان لاقدر الله تعقدت الأمور ابحث عن مشرف المدرسة المنسق ترى يقدر يفيدك
 

حسن الأسمري

تربوي
عضو ملتقى المعلمين
شوف دز للرجال رساله بعد صلاة المغرب , يكون وقتها رايق ومتربع مع أم العيال عالقهوه , وخلله ( يخقق) من مديحك له , وأنت لو تقدر ترسل دموعك أرسلها مع المسج , بس إذا مامشى الحال , أنصحك في مكتب الإشراف التابع لك وماراح يردونك
 

قم للمعلم وفه التبجيلا

تربوي
عضو ملتقى المعلمين
اولا مبروووك الزواج وثانيا اول شي رح للمدير وكلمه مره ثانيه ما رضى خذ بطاقة دعوه ورح لمركز الاشراف وعطهم البطاقه طبعا عشان يشوفون موعد الزواج لانهم للاسف ما يثقون وراح يعطونك اجازه اسبوع ما نفع معاهم اسحب عليهم وعلى المدير وتعال قبل الاجازة ووقع هذا افضل حل لك
 
التعديل الأخير:

saad201

تربوي
عضو ملتقى المعلمين
وهل اذا غبت وانا لم اطلب نقل نهائيا يرفع الغياب للسنة القادمه
وهل لو خليته وغبت حتى الاجازة (( يعني ما اداوم الا بعد العيد مع المعلمين )) انفصل عن الوظيفه لانه دوام مشبوك باجازة
او اغيب واجي بــ 9/8/1431هـ واوقع عشان افصل بين الغياب والاجازة

اولا: تخصصك رياضة النقل صعب
ثانيا: انت مرة وحدة بتزوج مو كل سنة انا اقلك غيب اسبوع وانزل الرياض تمشى انت وزوجتك وكمل الاسبوع الاخير في الرياض وكبر راسك ولاتفكر

 

ربيع

تربوي جديد
عضو ملتقى المعلمين
اخوي اتوقع من كلامك في البداية ان خلافك مع المدير كان بسبب الغياب والتأخر الصباحي حيث انك معلم تربية بدنية فيلزم حضورك قبل الطابور

وكنت تتأخر على الدوام أو تغيب بدون أن تبلغ المدير وتقول خله يبلط البحر وش بيسوي وأخيرا لم تكن تؤدي حصصك كما هو مكتوب في الخطة ( إذا قمت بإعدادها )

ثم في الأخير وضعت موعد زواجك بعد الإختبارات مباشرة وفي منتصف الاسبوع حتى تضمن أنه يعطيك بعد انتهاء الاختبارات مباشرة لانك حسب قولك لم تجهز الشقة حتى الآن - بالرغم من أنني عندما تزوجت أثثت الشقة قبل الزواج بثلاث أشهر تقريباَ - الآن أترك الأخوة الأعضاء يبدون رأيهم في إعطائك الاجازة من عدمها
 

moh.em

تربوي جديد
عضو ملتقى المعلمين
الولآ: مبروك الزواج
ثانيآ:المفروض انك تعمل حساب للاشكال الواطيه قبل ما تحدد زواجك
مثلي انا عندي زواج وحطيته 13/8 لان عندي اشكال اوطا من الي عندك بالمدرسه وقلت وشوله اتطلب واحد مايسوى
ثالثآ:اذا تعقدت الامور اسحب عليه ذا الاسبوع واعلى ما في خيره يركبه بس لازم تداوم قبل 9/8
 

رهين الوزارتين

تربوي
عضو ملتقى المعلمين
شف


سو الخطوات التالية

1- رسالة هادئة ودوده للمدير تطلب منه الاجازة

إذا ما تجاوب

2- تكلم المشرف حقك


3-
إذا ما تجاوب

تروح مركز الاشراف وتطلب منهم

4-
إذا ما تجاوب

تروح ادارة التعليم وتطلب منهم وتشرح لهم



5-إذا ما تجاوبوا جب لك اجازة مرضيه لأنك ستمرض من سوء تعاملهم معك

6- وأخيرا شغل سيارتك وطنش وعش اللحظة ترى
ماجابوا خبرك
 

HIS

تربوي جديد
عضو ملتقى المعلمين
اولا: تخصصك رياضة النقل صعب
ثانيا: انت مرة وحدة بتزوج مو كل سنة انا اقلك غيب اسبوع وانزل الرياض تمشى انت وزوجتك وكمل الاسبوع الاخير في الرياض وكبر راسك ولاتفكر



هذا افضل رد قراته ...حبيبى لا يضحكون عليك والله لاينفعك مدير تعليم ولا مدير شؤون معلمين

لكن الكلام اللى فى الاعلى هو الكلام اللى يجمد على الشارب :36_7_7[1]:
 
أعلى