Maroom

عاجل وللأهميه ارجو الرد حالا؟؟؟؟؟؟؟؟؟؟؟؟؟

alinasier

تربوي
عضو ملتقى المعلمين
السلام عليكم ورحمة الله وبركاته وبعد يا اخوان انا تأخرت عن الدوام بسبب ظرف طارىء وجيت الساعه 10 الا والمدرسه مقفله .وش الحل خصوصا وما عندي رصيد اجازه اضطراريه . معقوله مدرسه تقفل الساعه 10 وهل الدوام ينتهي الساعه 10 هذا كان جواب المدير اليوم الثاني من هذا الأسبوع.....
 

(( المرزوقي ))

عضوية تميّز
عضو مميز
الدوام لين الواحدة ظهرا يا اخي

اليوم الثاني سجل اسمك ووقع وما راح يقول لك شيء واذا سجلك غياب اكتب في دفتر الدوام اسمك ووقتك وسبب التاخير وما راح يقدر يسوي اي شيء
 

alinasier

تربوي
عضو ملتقى المعلمين
الدوام لين الواحدة ظهرا يا اخي

اليوم الثاني سجل اسمك ووقع وما راح يقول لك شيء واذا سجلك غياب اكتب في دفتر الدوام اسمك ووقتك وسبب التاخير وما راح يقدر يسوي اي شيء
المشكله ان الدوام في ورق والورقه ما عاد تحصلها الا بعد فتره وهو سجلني غياب وما ادري اسجل اسمي مع المتأخرين وهو سبق وسجلني مع الغياب اسمي يصير مكتوب مرتين عادي يعتي. شكرا لك اخي والله يحفظك
 

محمدالزهراني

تربوي
عضو ملتقى المعلمين
كان من المفترض تتصل علية وانت عند باب المدرسة ,, واذا لم يرد كلم الوكيل او حتى حارس المدرسة بأنك موجود عند المدرسة لكي تثبت حضورك بعدها مايقدر يقول شي,,
 

alinasier

تربوي
عضو ملتقى المعلمين
كان من المفترض تتصل علية وانت عند باب المدرسة ,, واذا لم يرد كلم الوكيل او حتى حارس المدرسة بأنك موجود عند المدرسة لكي تثبت حضورك بعدها مايقدر يقول شي,,
طيب له حق يقفل المدرسه في ذاك الوقت وبس
 

هويصين

تربوي
عضو ملتقى المعلمين
والله نحن المعلمين حالتنا يرثى لها

24 حصة وانتضار و و و و و

والمدير والوكيل في راحة عن كل ذلك

ويطالبون بالانظباط في الدوام

وفي الاخر ينصرف المدير الفاضل الساعة 10

ويغيب المتاخرين

الاحد الماضي مديرنا سجلني غياب واليوم سجلت اسمي مع المتاخرين مع ان اسمي مغيب


تبى العلم

اشتك وخل معك شهود

التعليم ما يستاهل
 

واضح!

تربوي
عضو ملتقى المعلمين
السلام عليكم ورحمة الله وبركاته وبعد يا اخوان انا تأخرت عن الدوام بسبب ظرف طارىء وجيت الساعه 10 الا والمدرسه مقفله .وش الحل خصوصا وما عندي رصيد اجازه اضطراريه . معقوله مدرسه تقفل الساعه 10 وهل الدوام ينتهي الساعه 10 هذا كان جواب المدير اليوم الثاني من هذا الأسبوع.....
خلكم عادلين في قراراتكم ولا تتصيدون في الماء العكر يعني ودكم المدير يرصكم لين الساعة 12

علشان ترضون والي يقول لك اشتك وجب شهود هذي اسميها نذالة ما دام المدير مشى الساعة 10

أكيد انه مريحكم ولا يدقق على الدوام عليكم والدليل أنك جاي للدوام الساعة عشر

كلم المدير وعلمه بينك وبينه وأخزي الشيطان
 

هويصين

تربوي
عضو ملتقى المعلمين
خلكم عادلين في قراراتكم ولا تتصيدون في الماء العكر يعني ودكم المدير يرصكم لين الساعة 12

علشان ترضون والي يقول لك اشتك وجب شهود هذي اسميها نذالة ما دام المدير مشى الساعة 10

أكيد انه مريحكم ولا يدقق على الدوام عليكم والدليل أنك جاي للدوام الساعة عشر

كلم المدير وعلمه بينك وبينه وأخزي الشيطان
النذالة هي تسجيل المعلم غايب والدوام ما انتهى

وبعدين اقرا الموضوع زين المعلم كلم المدير ورفض

يعني اللي يطالب بحقة تسميها نذالة
 
التعديل الأخير بواسطة المشرف:

hmh023

تربوي
عضو ملتقى المعلمين
نفس موضوع والله صار معاي قبل سنه
جيت المدرسه في مثل هالايام الي مافيها دوام الساعه 11 الظهر ولقيت المدرسه مغلقه ولقيت ولي امر مع ولده واقفين عند الباب يبغى مشهد تخفيض للخطوط السعوديه
اتصلت على المدير مايرد اتصلت على الوكيل مايرد والحارس يقول مافي مفتاح الاداره ودفتر الحضور فيها
المهم قلت لولي الامر خذ رقم المدير واتصل عليه وقله ابي تخفيض ولا اروح اطلبه من ادارة التعليم لاني مستعجل بسافر اليوم
والله جا المدير وفتح المدرسه وانا بسياره اطالع فيه واقول الله لايحيك
 

أبوريانk28

تربوي فعال
عضو ملتقى المعلمين
اتجه إلى :36_5_11[1]:ادارة التربية والتعليم وخبرهم بالحادثة ...:36_1_16[1]:
واكتب محضر شكوى على المدير عند الادارة وخذ رقم للشكوى ..:gbo2:


ثم ارفع خطاب مرة اخرى:36_5_11[1]: لدى وزارة التربية والتعليم وخذ رقم بالمعاملة ..:gbo2:


ثم ارفع خطاب فيه :36_5_11[1]:رقم المعاملة المسجل في وزارة التربية والتعليم إلى وزارة الخدمة المدنية قسم الشؤون الإدارية والحسميات واعترض على اجراء المدير واشرح الحادثة ..

ثم خطاب آخرى إلى :36_5_11[1]:هيئة الرقابة الإدارية فيه تفاصيل الحادثة ورقم المعاملة في الوزارة وخروج المدير من الدوام قبل انتهى الوقت ,,,:gbo2:


أنا أدري أنك:36_1_8[1]:بتتعب شوي:36_1_12[1]: لكن بعد ماتشتعل النار بعد كم يوم ,,


ارفع :36_5_11[1]:تظلم في ديوان المظالم ضد المدير موضحًا فيه احسم غياب يوم من غير وجه حق ... :gbo2:واشرح فيه القضية كاملة موضحًا فيه دور الوزارة وادارة التربية والتعليم من القضية ..


وأهم شيء يكون معك مستندات رسمية عليه:gbo2:... ولاتنس تفتح الملفات السوداء في تاريخ مديرك الموقر :36_1_16[1]:...


وبتروح العطلة عليك وانت تجرجره :36_5_11[1]:كل يوم في زاوية من زوايا الوزارات الثلاث:36_1_25[1]::36_1_5[1]: ...
بس أهم شيء فيك شده :36_5_11[1]:وصبر للوصل للهدف ...
هههههههههههههه:36_1_1[1]:ههههههههههههههه

فلخير راح يحسب لك المدير ألف :36_3_12[1]:حساب وبينقلونه تأديبي أو يصلحون بينكما :36_17_1[1]:هذا إذا مارجعوه معلم ...
 

معلمه*

تربوي
عضو ملتقى المعلمين
سالفه الانصراف من صلاحيات مديرالمدرسه لان هذه الايام تسمى بالايام الميته فالانصراف مبكرا لاخلاف فيه
وبمسالة تاخيرك اشرح وضعك للمدير وان من البيان لسحرا صدقني راح يتفهم الوضع ويااخي الفاضل الخطا يقع عليك من المفترض ان ترسل رساله بالتاخير للمدير او الوكيل وسيعطيك بالفعل اذن
 

واضح!

تربوي
عضو ملتقى المعلمين
النذالة هي تسجيل المعلم غايب والدوام ما انتهى

وبعدين اقرا الموضوع زين المعلم كلم المدير ورفض

يعني اللي يطالب بحقة تسميها نذالة
المعلم المفروض كلم المدير في وقتها مهب يقعد لين الليل

مشكلة والله المدير المتساعد ومريح المعلمين يخليهم يمشون بدري تبونه يقعد لين اخر الدوام
 
التعديل الأخير بواسطة المشرف:

صباالاقحوان

تربوي
عضو ملتقى المعلمين
انا من راي الاخ واضح ليش يشتكي؟
هالحين المدير مريحكم ويطلعكم بدري وانت حضرة جنابك
اكيد تدري بحضور وانصراف ربعك مهما كان ظرفك مادمت حي وتتنفس
ارسل رساله للمديروقله انا راح اتاخر للظرف الفلاني لاتقفلون ليما اجي بالتاكيد المدير
راح يقدر ظرفك ويصبر ليما تجي واذا هو المدير مصر يطلع قبل ماتجي اذا من بكره يخليك توقع
دوام امس وهذا بصالحك وصالح زملائك
ومهما كا ظرفك مالك عذر ماتراسل مديرك او تكلمه ابد
الا اذا كان عذررك نوووووووووووم فتستاهل اللي جاك انت المهمل
وسامحني على الاسلوب لان الواضح انك انت المهمل وليس المدير
واما انه ليس من حقه يغلق الدوام بدري ويمنع ذوي الظروف الخاصه اللي يتاخرون
عن الحضور حتى لو قبل الانصراف بدقيقه فهذا من حقهم
والله يالمعلمين والمعلمات مالكم حل ان طلعناكم بدري وهقتونا
وان اخرناكم الى نهاية الوقت قلتوا مدير متشدد وقعدتوا تدعون عليه
والله مايملا فم ابن ادم الا التراب وانه مالكم حل وانكم تبون دوام على بساط الراحه
وفي الاخير ارضاء الناس غايه لاتدرك
لكن نصيحه للمديرين والمديرات اي حركه بعد التساهل مع الجميع
رصوا اللي مايفقهون لحد نهاية الدوام عشان يعرفون ان الله حق
لا كذا عاجب ولا كذا عاجب
وانت يالشاكي الخص اذا انت اللي غلطان بحق مديرك لاتطور الموضوع
للشكوى و وجع الراس وانت تعرف وش عاقبة الظلم واذا عندك ظرف وما سفهت المدير او نمت
قدم شكوى عليه ولكن هـــــــــــا حكم ضميرك واتقي الله وماعليك من اللي يقوا اشتكي ومااشتكي ولاتخسر مديرك
واللي قال يحقق فيه وينزل معلم شكلك في وادي والتعليم وانظمته في وادي اخر
هذا اذا جاء فيه تحقيق حده تنبيه شفوي ومراقبه مده معينه وخلاص مايجيه شي بس استهدوا بالله
 

hmh023

تربوي
عضو ملتقى المعلمين
سالفه الانصراف من صلاحيات مديرالمدرسه لان هذه الايام تسمى بالايام الميته فالانصراف مبكرا لاخلاف فيه
وبمسالة تاخيرك اشرح وضعك للمدير وان من البيان لسحرا صدقني راح يتفهم الوضع ويااخي الفاضل الخطا يقع عليك من المفترض ان ترسل رساله بالتاخير للمدير او الوكيل وسيعطيك بالفعل اذن
من قالك الكلام ذا ياشيخه انها من صلاحياته وفي النظام مافي ايام ميته وحيه

ينصرف المدير نقول نعم والله يستر عليه ورحه بلا رده
بس مايقفل المدرسه قبل الساعه 12.30 ظهراً لانها جهه حكوميه مو سوبرماركت
وبأغلاقها تتعطل مصالح كثير من الطلاب واولياء الامور المتمثله في طلبهم لخطابات التعريف ومشاهد التخفيض او سحب ملف او التسجيل الجديد

وايش المشكله لو تناوبو الاداريين من وكيل ومرشد ومدير كل واحد اسبوع

بالعربي كلم مديرك بالحسنى اذا رفض الا يحسبها عليك غياب قدم شكوى على مكتب الاشراف ووالله ان يتحاسب على هالتصرف
 

واضح!

تربوي
عضو ملتقى المعلمين
انا من راي الاخ واضح ليش يشتكي؟
هالحين المدير مريحكم ويطلعكم بدري وانت حضرة جنابك
اكيد تدري بحضور وانصراف ربعك مهما كان ظرفك مادمت حي وتتنفس
ارسل رساله للمديروقله انا راح اتاخر للظرف الفلاني لاتقفلون ليما اجي بالتاكيد المدير
راح يقدر ظرفك ويصبر ليما تجي واذا هو المدير مصر يطلع قبل ماتجي اذا من بكره يخليك توقع
دوام امس وهذا بصالحك وصالح زملائك
ومهما كا ظرفك مالك عذر ماتراسل مديرك او تكلمه ابد
الا اذا كان عذررك نوووووووووووم فتستاهل اللي جاك انت المهمل
وسامحني على الاسلوب لان الواضح انك انت المهمل وليس المدير
واما انه ليس من حقه يغلق الدوام بدري ويمنع ذوي الظروف الخاصه اللي يتاخرون
عن الحضور حتى لو قبل الانصراف بدقيقه فهذا من حقهم
والله يالمعلمين والمعلمات مالكم حل ان طلعناكم بدري وهقتونا
وان اخرناكم الى نهاية الوقت قلتوا مدير متشدد وقعدتوا تدعون عليه
والله مايملا فم ابن ادم الا التراب وانه مالكم حل وانكم تبون دوام على بساط الراحه
وفي الاخير ارضاء الناس غايه لاتدرك
لكن نصيحه للمديرين والمديرات اي حركه بعد التساهل مع الجميع
رصوا اللي مايفقهون لحد نهاية الدوام عشان يعرفون ان الله حق
لا كذا عاجب ولا كذا عاجب
وانت يالشاكي الخص اذا انت اللي غلطان بحق مديرك لاتطور الموضوع
للشكوى و وجع الراس وانت تعرف وش عاقبة الظلم واذا عندك ظرف وما سفهت المدير او نمت
قدم شكوى عليه ولكن هـــــــــــا حكم ضميرك واتقي الله وماعليك من اللي يقوا اشتكي ومااشتكي ولاتخسر مديرك
واللي قال يحقق فيه وينزل معلم شكلك في وادي والتعليم وانظمته في وادي اخر
هذا اذا جاء فيه تحقيق حده تنبيه شفوي ومراقبه مده معينه وخلاص مايجيه شي بس استهدوا بالله
:36_1_11[1]:

بارك الله فيك والله كلمتك عن الف رجال

أتجمل معك وفي الاخير تدور علي الزلة يا أخي والله عيييييييييييب
 

هويصين

تربوي
عضو ملتقى المعلمين
المعلم المفروض كلم المدير في وقتها مهب يقعد لين الليل

مشكلة والله المدير المتساعد ومريح المعلمين يخليهم يمشون بدري تبونه يقعد لين اخر الدوام

وسالفة أني من ربع الطياش وضحها أكثر وأنا اسمي حركة المعلم الي يبي يشتكي نذالة نذالة وحط

المعلمين حكم بيننا وتشوف
المفروض ان المدير يكتب الغياب في بداية اليوم الثاني اذا لم يجد اسم المعلم وتوقيعة في اليوم السابق
بهذه الطريقة يستطيع المدير الانصراف مبكرا من المدرسة ولا يظلم احد

اما ان المدير يكتبني غياب وانا متاخر !!!!!! هذه النذالة بعينها وكانه يفرح بتغيبي

واذا لم ينصفني المدير وسجلني غايب!!! هل ترى اني اسكت وارضى بالظلم ولا اشتكي!!!؟؟؟

وبالنسبة لاسم (الطياش)

اقصد به المتحدث الرسمي لوزارة التربية والتعليم
 

واضح!

تربوي
عضو ملتقى المعلمين
المفروض ان المدير يكتب الغياب في بداية اليوم الثاني اذا لم يجد اسم المعلم وتوقيعة في السابق
بهذه الطريقة يستطيع المدير الانصراف مبكرا من المدرسة ولا يظلم احد

اما ان المدير يكتبني غياب وانا متاخر !!!!!! هذه النذالة بعينها وكانه يفرح بتغيبي

واذا لم ينصفني المدير وسجلني غايب!!! هل ترى اني اسكت وارضى بالظلم ولا اشتكي!!!؟؟؟

وبالنسبة لاسم (الطياش)

اقصد به المتحدث الرسمي لوزارة التربية والتعليم
يعني أنت صرت طياش علي ناصر :)

أنا حكمت على وجهة النظر وأستنتجت الباقي فصعب حكم من طرف واحد أكيد المدير متفق

مع المدرسين على هذا النظام والأخ زعلان فلا تبني حكما قاطعا من وجهة نظرواحدة
 

alinasier

تربوي
عضو ملتقى المعلمين
يعني أنت صرت طياش علي ناصر :)

أنا حكمت على وجهة النظر وأستنتجت الباقي فصعب حكم من طرف واحد أكيد المدير متفق

مع المدرسين على هذا النظام والأخ زعلان فلا تبني حكما قاطعا من وجهة نظرواحدة
حتى لوكان متفق مع المدرسين ليش ما يقدر الظروف . وانه ممكن ولي امر او طالب يجي يبغى تخفيض او مشهد او يسجل ابنه.
 

alinasier

تربوي
عضو ملتقى المعلمين
السلام عليكم جميعا سوف اشرح لكم الموضوع بالتفصيل انا في هذي الأيام بدون سياره (عطلانه) وتأخرت بسبب ظرف طارىء وخاص جدا والمدير عارف اني بدون سياره وجيت الساعه عشره وعشر دقائق والمدرسه مقفله . ثاني يوم كلمته وشرحت له الموضوع وبعد ما خلصت كلامي قام شال الورقه وسجلني في خانة الغياب امام عيني مدري قصده يستفزني والا ايش . وأنكر اني جيت مدري على اي اساس قال الكلام هذا . ويقول ليش ما اتصلت عليه. اتصل عليه عشان يجي يفتح المدرسه حقه مدري السوبرماركت حقه؟ هل انا مجبور اني اتصل عليه نظاما. قلت له انت الحين مكذبني طيب على ايش بنيت كلامك هل كنت موجود والا عندك كاميرات مراقبه والا مراقبين من بعيد.قلت اللي يثبت اني جيت انه المدرسه كانت مقفله صح والا لا قال صح قلت له طيب وش الحل قال غياب . اما اللي يقول ليش تتأخر وتبغى المدير يستناك الين الظهر وليش ما علمته انك بتتأخر طيب انا ماعندي حصص بتأخر عنها عشان اعلمه اوشغل ماكملته كل اشغالي منهيه من اسبوع ويبرر للمدير وانه هو كمان يبغى يطلع وعنده اشغال ومو معقوله ينتظر الين الظهر طيب هو مدام انه عنده اشغال او ظروف المفروض يخلي واحد من الاداريين متواجد . واذا كان مو قد الاداره ومتاعبها ليش يصير مدير . وليش ما يحسن التصرف . ويمشي الأمور بالحسنى الا يقفل المدرسه ويتنفخ كمان. الآن النظام يقول ايش في هذي الحاله مع العلم انه اجازتي الأظطراريه منتهيه وكلمته على النقطه هذي وهو عارف كمان . يعني والله غبن ينحسم عليك يوم زي هذا . انا قلته شوف اللي يرضيك اعمله. واذا جاني محضر استجواب يصير خير . وش الاجراء الرسمي في هذه الحاله مع العلم اني متعاون معه لأبعد الحدود وفي الأخير يسوي كذا والله مشكله . اتمنى انه الجميع يكون فهم الموضوع وانتظر ارآئكم بواقعيه وبدون تحيز لا لي ولا له كل واحد يحط نفسه في الموقف هذا والحكم بين وبينه النظام وبس. وشكرا لكم.
 

صباالاقحوان

تربوي
عضو ملتقى المعلمين
حتى لوكان متفق مع المدرسين ليش ما يقدر الظروف . وانه ممكن ولي امر او طالب يجي يبغى تخفيض او مشهد او يسجل ابنه.
الغريب هو انت اخوي السائل هالحين انت مالك شغل بالمديريعني تبي تفهمنا انك حريص
على الطلاب وتعريفهم وطلباتهم انت لو مازعلت عليه ماتكلمت هالكلام
انت ارسلت له والا لا هذا السؤال؟
اذا ماكلمته ومطنشه لا ارسلت ولا كلمت وانت تعرف من اكثر من اسبوع نظام دوامكم
ترى الخطأ راكبك 100%
لا تتحجج بالحرص على مصالح الطلبه وغيره
والله هالنماذج هي اللي تنشب بالحلق على حسب هواها تسير الامور
ان رضى عنك فله الرضى وان مارضى دور الحجج
دنيا غريبه
بس جاوبني انت راحت عليك نومه والا عندك ظرف حقيقي وماقدرت تطلع الجوال من
جيبك من شدة هذا الموقف ؟
وانت تعرف دوامكم ونظامه والا لا ؟
بناءا على هالتساؤلات واجوبتها تتضح حقيقتك وحقيقة مديرك
 
أعلى