Maroom

Maroom

اعطوني ثالث ثانوي لان المعلمات المخضرامات رفضن يمسكن ثالث ...!?

البرنسيسة

تربوي
عضو ملتقى المعلمين
السلام عليكم ورحمة الله وبركاته

اخواني انا ابي نصائحكم الله يوفقكم انا منقوله وعند مباشرتي في مدرستي اعطوني ثالث ثانوي لان المعلمات المخضرامات رفضن يمسكن ثالث المشكلة انا دفعة العام وكنت ماسكة اول ثانوي وبصراحة انا كنت على البند 6 سنوات ادارية وناسية كل شي يتعلق بالعربي خصوصا النحو وبصراحه قلبي يؤنبني على البنات شلون بعطيهم نحو وانا ضعيفة فيه والمساكين تخرج وش اسوي بتقولون كلمي المديرة المديرة ماقدرت على المعلمات مع انهم ماشاء لله شاربات المنهج كلهم او اغلبهم قديمات ولاني عارفة ليش كارهين ثالث يعني المناهج صعبه عليهم اجل انا وش اقول ؟؟؟؟؟

تكفون وش اسوي :36_11_9[1]:
 

مازن17الفهيد

تربوي
عضو ملتقى المعلمين
ليس الامر مسالة صعوبة مناهج فقط ولكن القضية هي طريقة وضع اسئلة ثالث ثانوي متعبة جدا وبناء على نموذج خاص من الوزارة ولكي الحق في الرفض مثلهن او توزيع الجدول بالتساوي بين المعلمات من كل مرحلة مادة ولاتسكتين ابد والنظام معكي .....اذا لم تكن ذئبا على الارض اطلسا /كثير الاذى بالت عليك الثعالب.....
 

مسموح

تربوي
عضو ملتقى المعلمين
اطلبي من المديره توزيع جدول العربي مثلا بين معلمات العربي واذا كان ولابد ان يكون جدول العربي كله معك فعلى الاقل تكتفين به ولاتاخذين ا حصة اخرى لاي مرحلة اخرى.
وفي النهاية يمكن تكرهين الشي هذا وفي النهاية يكون في صالحك وترتاحين فليس معنى هروبهم من جدول ثالث ثنوي انه صعب او متعب فلكل وجهة نظر .
لو تبغين رايي وافقي واقبلي فيه وروحي للمديره وقوليلها انا بمسكهم عشانك وتقديرا لك وظبطي امورك معها وشوفي بعدها المديره كيف تعاملك.
 

رتانيا

مشرفة سابقة
عضو ملتقى المعلمين

غاليتي البرنسيسه,,

معاك حق ان وضعك صعب شوي,, ومن حقك تصرين على الرفض,,,

لكن انتي ان شاء الله قدها وقدود ,,, وحتى لو ناسيه المنهج ترى مو صعب عليك

وانتي خريجة بكالوريوس,,,

غير كذا ثالث ثانوي انا اعتبرهم أفضل بنات في الثانويه لأنهم خلاص وصلوا لدرجة من النضج

والتعامل معهم رائع وراح تحسين انك مرتاحه ,,,

من ناحية ثانيه حلو انك تستفيدين وتجربين شي جديد,, وهذا من صالحك,,

انا لو مكانك اوافق بس بشرط تخفيض نصاب الحصص مثلاً او ماتمسكين ريادة فصل

بس نصيحتي صلي ركعتين استخاره واللي تحسين انك مرتاحتله سويه,,

بس لا تقولين ان فيه شي صعب توكلي على الله ولو احتجتي اي شي كلنا بنخدمك,,,


 

مسموح

تربوي
عضو ملتقى المعلمين
بعدين انتي كاتبة الموضوع اليوم الساعه 6 و44 دقيقه يعني اكيد ماداومتي ولارحتي للمدرسه !!!!!
 

الفقعلى

تربوي
عضو ملتقى المعلمين
عندي مثل اختي الفاضلة ( إذا لم تكن ذئبا اكلتك الذئاب) حاولي فيهم مثلا اذقالوك عمين قولي شمال واذا قالوك فوق قولي تحت يعني ( خالفي جميع الاوامر ولا ترضخي للاوامر ) واذا اعطوك ثالث قولي ماااااااااااااااااااااااااعرف شي بختصار 1+1=3
 

المهاجري

تربوي جديد
عضو ملتقى المعلمين
انا من رأيي التحدي مهم وهو بالتالي فائدة لك لمراجعة المعلومات وانا مررت بنفس التجربه
ولم اجد صعوبة تذكر
على قدر اهل العزم تأتي العزائم
 

شبة ناااار

تربوي
عضو ملتقى المعلمين
بالعكس ثالث ثانوي من افضل المراحل

لكن الهروب بسبب ان الأسئلة من المعلم والمعلمة

ووضع نماذج كثيرة ,اكثر من النماذج التي تضعها الوزارة سابقا
 

البرنسيسة

تربوي
عضو ملتقى المعلمين
ليس الامر مسالة صعوبة مناهج فقط ولكن القضية هي طريقة وضع اسئلة ثالث ثانوي متعبة جدا وبناء على نموذج خاص من الوزارة ولكي الحق في الرفض مثلهن او توزيع الجدول بالتساوي بين المعلمات من كل مرحلة مادة ولاتسكتين ابد والنظام معكي .....اذا لم تكن ذئبا على الارض اطلسا /كثير الاذى بالت عليك الثعالب.....


مشكور يا خوي على اهتمامك ونصيحتك لك كل الشكر والتقدير ولكن المشكلة فيني استحي ولا اعرف اتكلم نهائي شخصيتي للاسف ضعيفة والسبب امي وتربايتها كل شي عيب عيب تردين وعيب تطالعين خلها على الله
 

البرنسيسة

تربوي
عضو ملتقى المعلمين
ليس الامر مسالة صعوبة مناهج فقط ولكن القضية هي طريقة وضع اسئلة ثالث ثانوي متعبة جدا وبناء على نموذج خاص من الوزارة ولكي الحق في الرفض مثلهن او توزيع الجدول بالتساوي بين المعلمات من كل مرحلة مادة ولاتسكتين ابد والنظام معكي .....اذا لم تكن ذئبا على الارض اطلسا /كثير الاذى بالت عليك الثعالب.....

اطلبي من المديره توزيع جدول العربي مثلا بين معلمات العربي واذا كان ولابد ان يكون جدول العربي كله معك فعلى الاقل تكتفين به ولاتاخذين ا حصة اخرى لاي مرحلة اخرى.
وفي النهاية يمكن تكرهين الشي هذا وفي النهاية يكون في صالحك وترتاحين فليس معنى هروبهم من جدول ثالث ثنوي انه صعب او متعب فلكل وجهة نظر .
لو تبغين رايي وافقي واقبلي فيه وروحي للمديره وقوليلها انا بمسكهم عشانك وتقديرا لك وظبطي امورك معها وشوفي بعدها المديره كيف تعاملك.


الف شكر وتقدير لمرورك الذي اسعدني ونصيحتك قيمة جدا جزاك الله كل خير

وما شاء الله عليك شلون عرفت اني غايبة :36_11_9[1]: فعلا من اول يوم داومت ومسكوني المنهج خصوصا اني شفت المعلمات يصفقون ويرقصون علشان وافقت وانا ارتفعت حرارتي ونفسيتي زفت والمشكلة اني مادري وش السالفة شفت المنهج مو صعب حيل بس مادري وش فيهم ؟؟؟؟؟ تروعت وارتفعت حرارتي وصارت حمى واعطاني الدكتور اجازة والله يستر
 

البرنسيسة

تربوي
عضو ملتقى المعلمين

غاليتي البرنسيسه,,

معاك حق ان وضعك صعب شوي,, ومن حقك تصرين على الرفض,,,

لكن انتي ان شاء الله قدها وقدود ,,, وحتى لو ناسيه المنهج ترى مو صعب عليك

وانتي خريجة بكالوريوس,,,

غير كذا ثالث ثانوي انا اعتبرهم أفضل بنات في الثانويه لأنهم خلاص وصلوا لدرجة من النضج

والتعامل معهم رائع وراح تحسين انك مرتاحه ,,,

من ناحية ثانيه حلو انك تستفيدين وتجربين شي جديد,, وهذا من صالحك,,

انا لو مكانك اوافق بس بشرط تخفيض نصاب الحصص مثلاً او ماتمسكين ريادة فصل

بس نصيحتي صلي ركعتين استخاره واللي تحسين انك مرتاحتله سويه,,

بس لا تقولين ان فيه شي صعب توكلي على الله ولو احتجتي اي شي كلنا بنخدمك,,,




تقريبا نفس تفكيري فعلا البنات كبار وماراح اعاني منهم الف شكر على مرورك اللي اسعدني
 

البرنسيسة

تربوي
عضو ملتقى المعلمين
عندي مثل اختي الفاضلة ( إذا لم تكن ذئبا اكلتك الذئاب) حاولي فيهم مثلا اذقالوك عمين قولي شمال واذا قالوك فوق قولي تحت يعني ( خالفي جميع الاوامر ولا ترضخي للاوامر ) واذا اعطوك ثالث قولي ماااااااااااااااااااااااااعرف شي بختصار 1+1=3
المشكله يا خوي كلهم حريم كبار وبعضهم كانوا مدرساتي وما اقدر احط عيني بعيونهم

قدر الله وما شاء فعل الف شكر على مرورك واهتمامك ولك كل التقدير
 

البرنسيسة

تربوي
عضو ملتقى المعلمين
انا من رأيي التحدي مهم وهو بالتالي فائدة لك لمراجعة المعلومات وانا مررت بنفس التجربه
ولم اجد صعوبة تذكر
على قدر اهل العزم تأتي العزائم

فعلا كلامك صحيح 100% مشكور يالطيب على كلامك الطيب وتدري احسن مافيها اني بثبت نفسي على المنهج ولا احد بينازعني عليه كل شي بأوله صعب
 

البرنسيسة

تربوي
عضو ملتقى المعلمين
بالعكس ثالث ثانوي من افضل المراحل

لكن الهروب بسبب ان الأسئلة من المعلم والمعلمة

ووضع نماذج كثيرة ,اكثر من النماذج التي تضعها الوزارة سابقا


يعني كل المشكلة بكثرة النماذج طيب العام حطينا 27 نموذج اول ثانوي يعني اكثر بعد الله يعين
 

مازن17الفهيد

تربوي
عضو ملتقى المعلمين
اختي البرنسيسة الي يستحي مايشتري خبز ومن لايستحي منك لاتستحين منه الحق حق طقي الحديد وهو حامي وصدقيني لو لاحظت منك المديرة ضعف وسكوت وحيا ابشري بحصص الانتظار والاشراف الزايد وبعض الاعمال الادارية واذا معزمة الى الان على الحيا عطيني وكالة شرعية وابشري بعزك والله لاحوس مريرهن حوس ذولاي ماعندهم لاحيا ولاشهامة ....الكرامة الكرامة والموت ولا الرخامة..
 

البرنسيسة

تربوي
عضو ملتقى المعلمين
اختي البرنسيسة الي يستحي مايشتري خبز ومن لايستحي منك لاتستحين منه الحق حق طقي الحديد وهو حامي وصدقيني لو لاحظت منك المديرة ضعف وسكوت وحيا ابشري بحصص الانتظار والاشراف الزايد وبعض الاعمال الادارية واذا معزمة الى الان على الحيا عطيني وكالة شرعية وابشري بعزك والله لاحوس مريرهن حوس ذولاي ماعندهم لاحيا ولاشهامة ....الكرامة الكرامة والموت ولا الرخامة..


اخوي مازن الله يسعدك ويوفقك بحاول استقوي وبعطيك وكالة على طول خخخخخخخخخخخ

والف شكر ياخوي على شهامتك اللي ماهي غريبه عليك وتفاعلك معي وتدري بمشي بنصيحتك وسوي نفسي قويه
 

علي الثبيتي

تربوي جديد
عضو ملتقى المعلمين
انتي معك حق ترفضين

ولكن إذا تبين النصيحة خذي ثالث ثانوي وإنتي الكسبانه لأنها أفضل المراحل لأسباب عديدة منها
نضوج الطالبات وسهولة التعامل معهن وفيها أيضا تحقيق لذاتك ومن ناحية أخرى تكسبين بها جميلة على المديرة

وفقك الله
 

المتمكن

عضوية تميّز
عضو مميز
اسمعي يا اختي أنا مدرس والمشرفين أصحابي كل يوم في وجههم
كل شي بيدك اذا ما تبين التوجيهي روحي لقسم الإشراف وبالتخصيص لموجهة المادة واشرحي الوضع تماما .... والله لتقلبي المدرسة فوق تحت وراح تاخذي فصول أولى لأنك الجديدة

وإذا تبين التوجيهي فهم سهلين لأن الدرجات تحكمهم
 
أعلى