اقسم بالله اني تعبت من24حصة من 7 سنوات متواصلة وتفريغي كرياضيات ممنوع نهائيا!!!

للاسف وللاسف ان تخصصي كمعلم رياضيات وياليتني فنية او بدنية او اي تخصص اخر

انا لي سبع سنوات ونصابي 24 حصة

اولا:-------------------------------------------معي معلمين لهم سنوات كالرياضة 6حصص والفنية 12 واللغة العربية 18 والاسلامية 24 اذا مدرسين واحيانا 3مدرسين 16 والجغرافيا 24 واحيانا 12 اذا جانا مدرس اخر والانجليزي مريحينه المطبقين الترم الاول 12 والترم الثاني 8 حصص والعلوم هو اللي مثل حالي لو انه يملك مختبر قد يكون يتميز علي بذلك
وانا اقول الله يوفقهم ولا احسدهم لكن اطلب ان اكون مثلهم او ان يميزوني بشي عنهم مثلا انا وكل المعلمين السابقين عندنا اشراف فسحة واشراف صلاة بدون تمييز ليش مايجي تعميم من الوزارة يريح المعلمين المضغوطين بالنصاب من الاشراف في الفسحة او الصلاة ياخوان ماتبون يرتاح المعلم بالنصاب اقل شي ميزوه ... تعالوا للاختبارات التهائية واللجان معقولة معلم 24 حصة ومعلم 6 حصص تكون ملاحظتهم للجان بالتساوي ليش مايكون كل 4 لجان لمعلم 6حصص يقابلها لجنة لمعلم24 حتى لجان الاختبارات يا وزارتنا الموقرة ماتبون تريحوننا عن طريقها هذا والله يدل على ان ليس هناك مسؤول يهتم بالمعلمين ويطبقون المثل ((خل الدرعا ترعا))
ثانيا؛-----------------------------------------يوجد معلمين بمدارس اخرى نفس تخصصي سواء اقدم خدمة مني او اكثر (( وزارتنا الحبيبة لاتهتم للخدمة)) نصابهم 12 من سنوات واخرون سنة16 وسنة20وسنة12 وهكذاواخرون16من سنوات واخرون20 من سنوات وانا على وضعي24حصة من 7سنوات ليش مايصير هناك عدل ويجيبون احد المعلمين اللي نصابه كم سنة بين16وبين20يكمل 4 حصص بس عندنا ابذوق طعم 20حصة فقط مرة وحدة من 7سنوات لاحظ اطلب 20 ولا اطمع الى 16او 12 او6 لكن لاحياة لمن تنادي
ثالثا؛---------------------------------------ادارة التعليم المحترمة لما شافت الوزارة الموقرة معطيتنا ظهرها والله العظيم انهم حارميني من التفريغ
للوكالة ليش يقولون ممنوع انت تخصص نادر
ومن الادارة ليش يقولون انت تخصص نادر
ومن التفريغ لمصادر التعلم ليش انت تخصص نادر
ومن الارشاد ليش انت تخصص نادر
ومن الاشراف ليش انت تخصص نادر
ومن اي شي فيه تفريغ ممنوع منعا باتا ليش انت تخصص نادر
والله المفروض يصرف بدل لنا اسمه بدل تخصص نادر والله احترقت بعز شبابي والله مستعد ابصم باصابعي العشرة اني لين اتقاعد وانا ما انزل عن 20 حصة تكفون ابي 20 حصة ما ابي 18 ولا 16 ولا12 ولا6 ياوزارة ارحمينا والله كل مسؤول سوف يحاسب يوم القيامة
رابعا؛-------------------------------------والله الطامة الكبرى تكمن فيما يلي
ارسلت للوزير رسالة اشرح فيها ماسبق بالنسبة للرياضيات وهذا موضوع عام للرياضيات يعني مسؤولية الوزارة ولما جائني الرد برقم المعاملة واتصلت على الوزارة قالوا تم تحويل معاملتك الى ادارة التعليم في ........... يا اخوان ايش دخل ادارة التعليم بمشكلة عامة في تخصص معين مطلوب من الوزارة ان تحل هالمشكلة او تبدي دراستها او اي شي اخر يوحي بالاهتمام بالموضوع ولكن ان ترسل لمن ليس له علاقة هذا صعب جدا مايريدون من الادارة ان تعمل هل ان تصدر قرار على مستوى المملكة من صالح معلمي الرياضيات

بالعربي الطاسة ضايعة ولا احد يهتم بك يالمعلم انت وحظك نصيحة من القلب من اراد االوظيفة ان يبتعد عن التعليم وان جابه الحظ للتعليم فالنصيحة الكبرى ان يبتعد عن تخصص الدمار الرياضيات


والله اكتب الموضوع وانا احترق من الداخل ياناس سنوات من عمري تضيع وكاني مكينة ولست انسان وغيري بنفس المدرسة كانه باستراحة حصة واحدة او اثنتين باليوم والباقي رجل على رجل وانا اكرف ولافرق بيننا

الله لايحلهم​

 

بارك الله فيك لكن يا اخي صدقني ان هالموضوع اثر في صحتي ونفسيتي لدرجة كيرة لما فيه من الظلم الكبير

 

اخي العزيز بدر البلوي بارك الله فيك ووالله العظيم اني لم اجد الطريقة التي يصل بها صوتنا للمسؤول سواء وزير او اقل منه حيث اني ارسلت للوزير رسالة بالموضوع وهو عام وليس خاص وتم تحويلها الى ادارة التعليم وليس لي بعد الله الا هذا المنتدى لكي افرغ ما في قلبي من وهموم ومن تجاهل من مسؤولينا
اخي بدر اتمنى تثبيت الموضوع لعل وعسى ان يكون سببا في النظر لمعاناتنا ولو بعد خمس سنوات وليس سنة

 

لابد من الوقوف يدا واحدة هذا حق لنا والساكت عن الحق شيطان اخرس

 

بارك الله ورزقك من حيث لاتحتسب وجعلها في موازين حسناتك اخي بدر

 

نصيحة اعتز بها لانها تتكلم عن الواقع لكن اقف للتفكير فيها وبارك الله فيك

 

بارك الله فيك اختي ومدير المدرسة سبب لبقائي فيها لتعامله الحسن مع الجميع

 

والله الموضوع ظلم من ناحية واهمال من ناحية اخرى

 

هلا اخي ابو رغد كلامك عين العقل لكن لم نتعود من المسؤولين النزول الى الميدان ومحاكاة المعلمين عن المشاكل والاقتراحات مادام الطاولة والكرسي الدوار موجود كل شيء تمام عندهم

 

ليش 24 شغلنا ولانشوفه بالتخصصات الاخرى

مساواة بكل شي من راتب ومن عمل وعدم مساواة في النصاب والتفريغ