تخصصك اقتصاد منزلي .. اتفضلي .. يدي بيدك نحرك الساكن .. نداااء للوزير

اختي الحبيبه .. تخرجتي من الاقتصاد المنزلي والتربيه الفنيه وطموحك عبا الكون وبالنهايه انصدمنا

بالواقع المؤلم .. سنين درسناها وحبينا قسمنا .. رسم نحت تغذيه تفصيل ... سهرنا ليالي واخرتها ..!!!!


انتو مثلي .. لما اكون بجمعه بسيطه اسأل البنات الصغيرات عندكم مدرسة فنيه ؟ يكون الجواب غالباً لا ..

ينتهي الترم وتدخل ربة الفصل وتقول ارسموا رسمه اقيمكم عليها عشان احط لكم 50 وتنجحون !!!!!!!


اسأل المدرسات اللي اعرفهم يقولون مدرستنا من سنوات وهي ما فيها مدرسة اقتصاد وفنيه !!!! ليييييه

المديره تطلب من ربة الفصل انها تغطي هالماده !!! ما ادري هو استحقار للماده والا وش السالفه ؟!!

طيب تطلب بديله لا .. عشان تثبت انها مديره ناجحه وتغطي العجز ع حساب مين ؟؟؟ ع حسابنا

ننتظر سنين وبنين وبالنهايه ولاشي .......!!!


الى متى بنسكت ؟؟؟ متى يوصل صوتنا ...


بناتنا محتاجين هالماده لتفريغ القدرات والمواهب والابداع .. وينظرون حصة الفنيه ونهايتها كراسة والوان ويقيمونم بس !!!!!!!!




بنات محتاجين بعضنا .. يدي بيدك .. اكتبو وارسلو للصحف .. سبق ،، عاجل .. جرايد .. منتديات ..

واحتسبي الاجر اذا ما توظفتي انتي تكونين سبب لتوظف غيرك الكثير من البنات المحتاجات ...



وظايفنا موجوده وكراسينا شاغره .. لكن !!!!


عزيزتي المديره من المسؤول ..!!!

اطلبي احتياج بيضرك مثلاً ؟؟؟؟؟



خريجة اقتصاد منزلي وتربيه فنيه من كلية التربيه لاعداد المعلمات ...8 سنوات من الانتظار الممل

اللهم اااامين

جزاك الله خير

كان الله بعونكم الله ينصركم على من ظلمكم
ودمت بحفظ الله.

المادة مهمشة منذ الأزل,,,ولكن الساكت على الحق شيطان,,والمفروض يتحدون جميع معلمات الاقتصاد المنزلي ويوصلون صوتهم للوزارة,,,وصوتكم يامعلمات.

اختي الغالية معك حق في ذلك ولكن إلى متى هذه النظرة الاستحقارية لمادة الفنية وايضا التربية الاسرية حيث لا تهتم بها الادارة ولا المعلمات الاخريات بينام يحتاج تدريسها لإبداع من متخصص بها
المشكلة قائمة في كل المدارس تقريبا الا ما ندر
الله يكون بالعون وبدل ما يجلسون اصحاب التخصص بالبيت يوظفونهم ويقللون نصاب (المكروفين) بسبب مواد مالها أهمية في نظرهم

أنا إقتصاد منزلي وتربية فنية كلية إعداد أو بالأصح إعدام معلمات متخرجة 1421هـ
عشر سنوات ونحن نائمون وإلى متى يجب أن نلاحظ أن كل من جد وجد لاحظوا ال معلمات المتعاققدات ماذا فعلوا وأين وصلوا و0000 و0000 إلخ نحن مشكلتنا أن التخصص مهمش رقم أنة مهم جدا سواء في مجال التغذية أو الفنية أو التفصيل أو الخياطة لاحظوا إنتشار سواء التغذية رغم النعمة المتوفرة في بلادنا ولكن لاتوجد ثقافة 000000 لاحظوا بناتنا لو أرادوا تغليف هدية يذهبوا إلى محل يعملوا فية بنقالية لكي يغلفوا لهم هدية
أين نحن معلمات الأقتصاد لايسمحوا لنا أن ندرس تخصصنا لنعلم بنات بلدنا لما نأخذ الشهادة ثم ننتظر الوظيفة وتمر السنة بل السنين ونحن ننتظر و تخصصنا تدرسة أي مدرسة في المدرسة أليس هذا ظلم لنا وظلم لطالباتنا 00000 حسبي الله ونعم الوكيل

الله يكون في العون .............................................الله اكبر

الله يكتب لنا اللي فيه الخير يارب
اقتصادية وفنية متفائلة هذي السنة
يعطيك العافية اختي

انتظااااااار قال:

الله يكتب لنا اللي فيه الخير يارب
اقتصادية وفنية متفائلة هذي السنة
يعطيك العافية اختي

أنقر للتوسيع...

قال متفائلة عشر سنين وحنا متفائلين حتى بداء التفائل يأخذ منحنى أخر
يعني لازم نرمي نفسنا في مدن أخرى حتى نتعين والله حرااااااااااااااااااام المفروض الي فوق عشر سنوات يتعينوا في نفس المدينة لانهم أخذوا كفايتهم من البهذلة والي متخرجة جديدة تختار مابين البطالة كذا سنة أو القرية 00000000 ما أقول إلا 0لاحول ولاقوة إلابالله0

واقع مر للاسف