Maroom

تم توجيهي لاادارة تعليم الرس .!! .. من يعرف عنها يخبرنا .. الله يجزاه خير

متوازي الاضلاع

تربوي
عضو ملتقى المعلمين
السلام عليكم ورحمة الله

مساءكم خير .. وكل عام وانتم بالف خير : )

مع صباحيه العيد ،، عيدو علينا الوزاره وشفنا توجيهنا لمحافضه الرس

وعسى الله يكتب فيه الخيره .. و الحمد لله على كل حال

المهم و الاهم احبابي الكرام .. اللي يعرف عن الرس يا ليت يخبرنا
لاني بحياتي ما قد طبيتها .. ما اعرفها إلا من لوحاتها على طريق المدينه


وشاكر ومقدر لكم مقدما : )
 

ابو اياد

تربوي
عضو ملتقى المعلمين
هلا أخوي متوازي الأضلاع .. شكلك رياضيات ههههههه
أبحث عنها في منتديات الرس أعتقد أنهم يفيدونك أكثر ..
 

متوازي الاضلاع

تربوي
عضو ملتقى المعلمين
هلا بك هههههه
يس يس تخصصي رياضيات ^_^"
سيرت على منتديات الرس .. لكن ما يخالف اخذ معلومات من اخواني المطرسين ^^

 

صدى الأحلام

تربوي
عضو ملتقى المعلمين
انا كنت في قرى محافظة الرس

اللي اقدر اقوله لك راح تستانس هناك ..

مركز الظاهرية فلة ووناسة لكن السكن قليل وفقط للعزاب ..

اما مركز ضرية روووعة فيه كل الخدمات اللي تبيها من بنك ومستشفى وشقق مفروشة الخ ..
 

متوازي الاضلاع

تربوي
عضو ملتقى المعلمين
ماشاء الله .. انا جدا متفاءل اني راح استانس واني راح القى مناخ تعليمي جيد
مركز الظاهريه اسمع عنه كثير .. بس اهم شيئ السكن :/ .. تخبر متأهلين جدد ذذذذ
لازم نفلها شوي ..
ببحث عن مركز ضريه ويارب ييسري الشيئ الطيب ..
لكن مركز الرس ؟ ممتاز ولا قراها افضل منها ؟
وكم تبعد عن المركز ؟

مشكور اخوي ربي يحفظك
 

Ham00dy

تربوي
عضو ملتقى المعلمين
اخوي
دامك من الخرج فالافضل تبعد عن المناطق الي بعد الرس

وهي قرى حلوه لكن افضلك واقرب لك تسكن بالمناطق الي جهة الرياض

حاول تسكن بالرس ويكون توجيهك للرس نفسها .. بترتاح وان شاء الله بتتأقلم
انا 3 سنوات بالرس ساكن وما لقيت الا كل خير

طبعا الرس قطاعات
الظاهريه + ضريه

كلها بعيده من الرس
في منطقه اسمها دخنه طريق الدوادمي 45 كيلو من الرس
الطريق مزدوج ومدرستها بصراحه عسل
فيه مدرسه ثانيه زميلي نقل منها هالسنه وناسي اسمها بس والله حلوه

في مدارس ما انصحك فيها
لكن قليله

ان شاء الله بجيب لك صوره لجميع المدارس
بس انت تدرس متوسط واتوقع لك بتكون بالرس نفسها او بالخشيبي

الخشيبي مره حلوه وتسكن بالرس مو بعيده وفيها نقص مدرسين رياضيات متوسط

بالاخير .. لي زميل من الخرج سبق وان درس بالقصيم ومسار رياضيات
 

متوازي الاضلاع

تربوي
عضو ملتقى المعلمين
حموودي | الله يجزاك خير ويبارك بعمرك

المركز حلو .. لكن انا شايل هم لما يكونون الطلاب كثير .. اذكر اني بفترة التطبيق درست بمدرسه فصولها صغيره وعدد الطلاب في الفصل من 35 إلى 40 .. جدا معاناه ..
بانتظار الصوره : ) ...
ووش اسم زميلك !؟؟؟؟؟
 

Ham00dy

تربوي
عضو ملتقى المعلمين
اخوي تراك بالقصيم

واذا ما تعرف القصيم بالانظمه اسال

بالعربي اخذين حقهم ثالث مثلث ما شاء الله عليهم
وهالشئ معجبني

طبعا لا من انصبة معلمين ولا من فصول ولا من كثره مدارس

كل هالشئ من صالحك

الاعداد تكون كبيره بالثانويه فقط وما يتعدي 30 والمبنى حكومي
بالمتوسط لاكثر من مدرسه اعرفها ودرست فيها

الاعداد بين 15 الي 20 او 22


وزميلي محمد العنزي الله يوفقه
 

Tofa..A

تربوي
عضو ملتقى المعلمين
على فكرة ترى ضرية زي الدلــــم بس حط الدلم بعيدة عن كل شي ..

يعنى حتى اللبن مايجيهم الا كل يومين او 3 ايااام ..
بس تنبسط فيهااا لان فلوسك بتتوفر هناك مافي صرف ..
بس اعتقد تبعد عن الرياض 300 كيلو او اوكثر شوي لانى مااعرف بالضبط المسافة بينها وبين الرويضة ..!!

واجازاااتهم على الكيف ..
والله يوفقك ..
 
أعلى