Maroom Maroom

قصيدة للشاعر فيصل السواط ((( احد المعلمين والمشارك بشاعر المليون *

الحالم بالدرجة

تربوي
عضو ملتقى المعلمين
سيدي ياخادم البيتين ياعطر القلوب
يازعيم الرايه الخضرا ويامعشوقنا

انت ابونا كلبونا من شمال ومن جنوب
ساكنٍ باقصى ضمايرنا ووسط عروقنا

والوطن نفدي ترابه في سلام وفي حروب
كلمةٍ من صلب منطقنا قبل منطوقنا

كيف لا ؟ واحنا شعب ما مثلنا بين الشعوب
عايشين بظل ابو متعب وهو فاروقنا

المليك العادل الانسان حلاّل النشوب
الكريم اللي على المجد الرفيع يسوقنا

سيدي ضاقت على اهل العلم برحات الدروب
دنّ راعدنا ولاحت فالحياه بروقنا

معلّمين النا ثنعشر عام محذوفين طوب
وكل مازادت أمانينا تزيد فتوقنا

الضما جرّح حلوق الناس والناقه حلوب
وانت بعد الله ماغيرك يبل حلوقنا

قروض وفروض وديون تخلي التايب يتوب
جابت اللي تحتنا فالارض واللي فوقنا

ومكرمتك اللي أمرت ابها تلاقفها قروب
ضايعين وضيّعونا من جميع حقوقنا

زادوا الراتب ثمان ريال في كل الجيوب
واشتكى بالعكس سارقنا على مسروقنا

والفرح بالمكرمه ريشه وطيّرها الهبوب
حسبنا الله في رياجيلٍ تزيد حروقنا

غافله تستغفل ارباب الفكر في كل نوب
تتخذ ( ذر الرماد ) اسلوب لجل تبوقنا

سيدي والعلم والتعليم ميزان الشعوب
كيف نرقى والبضاعه فاسده في سوقنا

كيف نتأمل نجاح الجيل واحنا في رسوب
والقهر يكسي ملامحنا حزن ويعوقنا

سيدي ياخادم البيتين ياعطر القلوب
يازعيم الرايه الخضرا نريد حقوقنا

للشاعر : فيصل السواط
 

الصاعدي

تربوي
عضو ملتقى المعلمين
صح لسانه
بس هو مشارك في شاعر المليون ذحين


ترى أنا ماأتابع البرنامج....
 

الفاضل

<p><font color="#008080"><span lang="ar-sa">فارس ا
عضو مميز
بالنسبة للشاعر / فيصل السواط

كان مشارك في شاعر المليون في النسخة الأولى

وهو عزيز وصديق قريب جداً
 

ابولمار

تربوي
عضو ملتقى المعلمين
صح لسانه


اتمنا نشرها في كل الصحف

شـكــ وبارك الله فيك ـــرا لك ... لك مني أجمل تحية .
 

أبو سعود

عضو في لجنة المطالبة لحملة معلمي منطقة الرياض
عضو ملتقى المعلمين
ومكرمتك اللي أمرت ابها تلاقفها قروب
ضايعين وضيّعونا من جميع حقوقنا
زادوا الراتب ثمان ريال في كل الجيوب
واشتكى بالعكس سارقنا على مسروقنا


اشهد انه صادق
صح لسانه وبيض الله وجهك انت وياه ..
 

الحالم بالدرجة

تربوي
عضو ملتقى المعلمين
صح بدنكم والاخ فيصل السواط أخ وعزيز وشاعر وله قصائد جميلة ومن شهر قاصيدة شبر وشبرين للعسكرية رايعة جداً
 
أعلى