تكفون يا اهل الرياض

السلام عليكم ورحمة الله وبركاته

اخواني الاعزاء

اخوكم معلم في شمال المملكة وجيت الرياض وعندي معاملة ابي اقدمها على الديوان الملكي

تكفون اللي يعرف وين مكانه يقولي لاني ما اعرف وين يكون تكفون اللي يعرف لا يبخل على باي معلومه لاني ابي اخص شغلي وارجع لان اجازتي قصيره جدا

الظاهر انه في المعذر حول مستشفى العيون . بس ماني متأكد بس رح لحي المعذر امسك طريق خريص متجه غرب كنك رايح لمكة تلقاه على يمينك اسأل هناك . اتمنى اللي عنده وصف دقيق يساعد اخونا . اللي يسأل مايتوه

خلف قصر المؤتمرات
ع الدائري الغربي

هلا بذعار ... منور الريااااض يالغالي

اذا ماني غلطان انه انت الشاعر ذعار.... ع العموم حياك الله يالغالي

الغالي وصف الديوان الملكي هو:

تمسك طريق خريص لين يطلع بك على طريق مكه اذا طلعت على طريق مكه يجيك على يدك اليسار قصر الملك عبدالعزيز للمؤتمرات اذا جاك قصر الملك عبدالعزيز للمؤتمرات على يدك اليسار انت اطلع مع المخرج اللي يجيك على طول واذا طلعت مع المخرج ووقفت عند الاشاره خذ معها يسار لين يجيك الديوان الملكي مبنى كبير له قبه خضراء كبيره .

وشكرآ لي وعفوآ لك

حااااضرين لاهل الشمال (عرعر)